Хонь

Эрч хүчтэй хонины ордынхон аз, амжилт дүүрэн байна. Хэрвээ хичээвэл шүү дээ. Аливааг сэтгэлийн хөөрлөөр бус, ул суурьтай бодож хийвээс үр дүнтэй байна. Бусдад туслах, буяны сайн үйл хийхээс хэзээ ч бүү татгалз. Хэн нэгэнтэй хэрүүл маргаан хийхээс зайлсхий. Энэ нь муу үр дагавартай байх болно. Хүлээцтэй зан, тэвчээр, ухаан танд юунаас ч илүү чухал. Өөрөөр хэлбэл хониных­ны тэвчээрийг шалгах сорилтууд бага зэрэг гарах болно. Тиймээс хүлээцтэй байж асуудлыг ухаалгаар шийдвэрлэвэл модон морь жилийг гарз багатай давах болно.

Эрүүл мэнд:

Хонины ордныхон 2014 онд өөрийгөө тун ч их хайрлах ёстой гэнэ. Агаар салхинд гарах, байгалийн сайхныг мэдрэх гэх зэргээр орчноо солин өөртөө цаг зав гаргавал хонинууд жилийн турш эрч хүчтэй сайхан харагдан, амжилт өөд тэмүүлэх болно. Аль юм болгон эрүүл мэндээ гаргуунд хаях вэ. Тиймээс эрүүл мэнддээ анхаарах шаардлагатай. Зөв хооллолт, спорт, хөдөл­гөөн­тэй байх хэрэгтэй.

Гэр бүл хайр сэтгэл:

Аливаа гэр бүлийн асуу­дал үл ойлгоцлоос шалт­гаалдаг. Тиймээс уурлаж бухимдан хувцсаа баглахаас өмнө уужуу тайван хандаж, зарим зүйлийг хараагүй, сонсоогүй мэт өнгөрөөсөн нь дээр. Хониныхон хайр сэт­гэлийн асуудалд хэт адгах хэрэггүй. Зөв сонголт хам­гаас чухал. Муу хүнтэй сууснаас ганцаараа байсан нь дээр шүү. Ирэх зун ихэнх хонинуудыг хайр дурлалын халуухан учралууд хүлээж байна. Гэвч төгсгөл нь тийм ч бүтэлтэй урт удаан харил­цаанд хүргэхгүй л болов уу.

Ажил байдал:

Ажил мэргэжлийн хувьд харьцангүй тайван байх хэдий ч бусдаас шалтгаалсан бага зэргийн хүндрэл тул­гарч магадгүй. Хүндрэлийг даван туу­лахын тулд хэн нэгнийг дууриах хэрэггүй. Харин бусдад итгэхдээ бол­гоомжтой хандах нь чухал юм. 2014 он улстөр, шинж­лэх ухаан болон соёл урлагийн салбарт ажилладаг хонинуудад их аз авчирна.

Мөнгө санхүү:

2014 онд хониныхны санхүү тун өөдрөг байх нь ээ. Та их ч ажиллаж, түүнийхээ хэрээр муугүй орлого ол­но. Шагнал урамшуулал хүртэж, сугалаанд аз таарч, гэнэтийн, их хэмжээний ашгаараа гэр бүлдээ нэмэр болно. Мэдээж үүнийг дагаад хониныхон багагүй зарлага гаргана. Гэхдээ та мөнгө үрж байхдаа ч сэтгэл хангалуун байна. Ойр дотныхондоо таа­ламжтай жижиг зүйлс худалдан авахаас эхлээд гэр бүлийнхээ дотоод заслыг өөрчлөх гээд зардал гаргах нь.

Ээлтэй чулуу:

Ээлтэй чулуу алмаз, бадмаараг. Эр зориг, тэсвэр хатуужил, цэвэр ариуныг билэгддэг. Хү­ний хараал, ховсдол, хэл амнаас эзнээ хамгаалдаг. Бадмаараг нь гал халуун хайр дурлалын билэгдэл болдог. Өгөөмөр сайхан сэт­гэлтэй хүнд алдар нэр, амжилт бүтээл авч ирдэг. Бадмаараг харлавал эзэнд нь аюул заналхийлж байна гэсэн үг.

Үхэр

Ирэх морин жилд та эрч хүч, баяр баясгалан дүүрэн байх нь ээ. Гол нь зөрүүд зангаа номхотгох хэрэгтэй. Бусдын үгийг тэвчээртэй сонсож сур. Ажил хөдөлмөр, амралтаа зөв зохицуулахгүй бол хэт ачааллын улмаас ядаргаанд орж мэднэ. Таныг морин жилд сайн, муу олон гэнэтийн учрал тосч байгаа гэдэгт итгэлтэй байгаарай.

Ажил дээр үүсэх дарамт шахалт, ачааллыг тэсвэрлэж чадвал та эцэст нь үр шимийг нь харамгүй хүртэх болно. Хамгийн гол нь та замын дундаас шантрах хэрэггүй.

Эрүүл мэнд:

2014 он үхрийн ордны­хонд их чухал жил ажээ. Мөн тэд сөрөг зуршлаа гээх хэрэгтэй гэсэн бодолд хүрнэ. Ялангуяа амттанд дуртай үхрийнхэнд илүүдэл жингээ хасах боломж ирнэ. Даралт ихсэхээс бол­гоомжил. Яаруу сандруу хоол­лодог зуршлаа орхи. Жимс ногоо түлхүү хэрэглэ.

Гэр бүл хайр сэтгэл:

Хайр сэтгэлдээ үнэнч байж зан чанар тань юу­наас ч эрхэм. Гэхдээ нөгөө хүнийхээ байр суурь, санаа бодлыг үл тоомсорлож болохгүй. Ойр тойрны хүмүүстэйгээ ч мөн хүндэтгэлтэй харь­цахаа мартуузай. Ганц бие үхрийнхэнд тааламжтай уулзалт, та­нилын хүрээгээ тэлэх бо­ломжууд гарч ирнэ. Гэр бүлд тань амар амгалан хэрэгтэй байгаа тул тэдэндээ өмнөхөөс илүү анхаарал хандуулаарай.

Ажил байдал:

Мэргэжлийн ур чадвар­тай үхрийн баримтлах гол уриа нь “Урагшаа алхах, өөрийн байр суурийг ямар ч тохиолдолд хадгалах, биелшгүй гэж бодсон зорил­годоо хүрэх” юм. Үх­рүүд зөвхөн өөрийн хүч чадал­даа итгэх юм бол амжилтад хүрэх бүх боломж гарт тань байна. Харин 2014 оны эхний саруудад та өөртөө итгэлгүй байвал хүндрэлтэй тулгарч болзошгүй. Тийм учраас өөртөө итгэлтэй, зоригтой байвал таныг үргэлж сайхан үйл явдал дагана.

Мөнгө санхүү:

Мөнгөө зөв зарцуулж чадвал санхүүгийн тал дээр айлтгүй. санхүүгийн хувьд таны хэтэвч зузаан хэвээр байна. Энэ онд үхрийнхэн олон төрлийн үйл ажиллагаанаас мөнгө олно. Ажлаасаа хан­­галттай ашиг хүртэж чадаагүй үхрийнхэн хувийн төсвөө орлогын нэмэлт эх үүсвэрээр баяжуулна. Ерөнхийдөө орлого, зар­лага тэнцэх жил гэж ойлгож болох нь ээ. Багшлах, гадаад хэл заах зэрэгтэй холбоотой бяцхан бизнес эхлүүлэхэд муугүй үе.

Ээлтэй чулуу:

Ээлтэй чулуу нь индра­нил, перидот, оюу нь хувиршгүй үнэнч сэтгэлийн билэгдэл болно. Хосуудад эв эе, аз жаргал авч ирнэ. Аливаа дай­сагнал, хэрүүл маргааныг намжаадаг. Мөн эд хөрөнгийг арив­жуулдаг.

Ихэр

Бага зэргийн бэрхшээл үүсч болзошгүй. Гэсэн ч та аливаа зүйлийг хэт эмзгээр хүлээн авах хэрэггүй. Орчин тойрондоо болж байгаа бүхэнд тайван хандахыг од эрхэс зөвлөж байна. Бусдыг уучилж сур. Тэгвэл танд ч амар байх болно. Гомдол, гутрангуй бай­дал, өөртөө үл итгэх нь сөрөг үр дагавартай тул анхаар. Энэ онд тушаал дэвших том боломж таныг хүлээж байна. Гэхдээ хэт найдан их зан гаргах хэрэггүй. Аливаа асуудал хичээл, зүтгэлийн үр дүнд бий болд­гийг сана. Намрын улиралд толгой өндийх завгүй, их ажилд дарагдах нь.

Эрүүл мэнд:

Ирж буй морь жил эрүүл мэнддээ анхаарал тавьж чадах ихрийнхнийг нуруун дээрээ суулган аливаа өвчин эмгэгийн хажуугаар давхиулан гаргах болно. Ходоодоо бага дээр нь эмчлүүл. Хоол хүнсэндээ анхаар. Том асуудал бүхэн жижгээс үүдэлтэйг санууш­тай. Өөх тос, хурц хоол ундааг хязгаарла.

Гэр бүл хайр сэтгэл:

Хайр сэтгэлд одтой байна. Та хоёрын харилцаа гүнзгийрч, гэрлэлт болон хувирахыг ч үгүйсгэхгүй. 2014 он хувийн амьд­ралд тань гэнэтийн сюрприз барьж болзошгүй. Гэвч та ийм алхамд бэлэн байна уу. Зөн совин, сэтгэл зүрхэндээ итгэ. Гэр бүл тань таны амарч, алжаал тайлах цорын ганц амар амгалан газар гэдгийг сана. Жилийн дунд үеэс гэр бүлийн жижиг маргаан гарч болох ч тийм сүртэй бухимдах зүйл биш. Ганц бие ихрүүд хувь заяаны эзэнтэйгээ учрах магадлалтай.

Ажил байдал:

Ажил мэргэжил, ур чадвар тань өсөн дэвжинэ. 2014 он түгшүүртэй ч юм шиг хүндрэлтэй эхлэх бо­ловч, яваандаа бүх асууд­лаа шийдэж чадна. Тав болон зургаа­дугаар сар болоход та өвөл, хаврын хүндрэлүүдийг мартаж, зун цагт өрнөх их ажлын хоо­ронд амарч амжих юм. Ирэх намар тушаал дэвших боломж ихрүүдийг хүлээж байх болно.

Мөнгө санхүү:

Од эрхсийн зурлагад бууснаар 2014 онд ихрийн­хэн мөнгө санхүүдээ нэлээд анхаарах шаардлагатай. Тэд хөрөнгө мөнгөө арви­жуулж чадах боловч гэнэтийн зүйлсээс л төсвөө бүрдүүлнэ. Ингэхдээ бүх зүйлийн гүнд нэвтэрч, сонирхож, худлаа мэт санагдсан са­налыг хүлээж авсан нөх­цөлд л мөнгө олно гэдэгт итгээрэй.

Ээлтэй чулуу:

Ээлтэй чулуу нь гартаам, биндэръяа. Гартаам нь уур хилэн, хов живнээс хол явах боломжийг бүрдүүлдэг. Биндэръяа нь эзэндээ амьдралын баяр баясгалан, аз хийморь авч ирдэг гэж үздэг. Залуу гэр бүлд бэлэг­лэхэд тохиромжтой.

Мэлхий

 

2014 он танд өөдрөг сэтгэл, инээмсэглэл бэлэглэх болно. Амьдралд өөр юу хэрэгтэй юм бэ. Санаа зоволт, сэтгэлийн шарх, хямрал одоогоор танд хэрэггүй ээ. Хүлээцтэй байх эсэхээс бүх зүйл тань хамаарна. Ялангуяа, энэ ордын бүсгүйчүүдэд илүү “хайр­тай” жил болох бололтой. Оны эхний хагаст та эцэж цуцатлаа ажиллана. Гэхдээ амжилт нь тун бага мэт санагдах авч тууштай байсны тань үр дүн оны сүүлийн хагаст мэдрэгдэнэ. Санхүүгийн хувьд энэ онд сандрах зүйлгүй.

Эрүүл мэнд:

Хараа муудаж болзошгүй тул А аминдэмээр баялаг хоол хүнс хэрэглээрэй. Мөн дархлаагаа сайж­руулахад анхаар. Тиймээс витаминлаг хоол хүнс хэрэглэж, цагтаа ун­тах, эрүүл агаарт гарахыг байнгын зуршил болгоорой.

Гэр бүл хайр сэтгэл:

Ганцаардал таны хань биш шүү. Танилуудын хүрээн дотор танд тохирох хүн ч таарч магадгүй. Ер нь хайр сэтгэлийг холоос хайгаад хэрэггүй. Заяаны хань зам дээр гэдэг шүү дээ. Модон морин жилд танай гэр бүлийн уур амьсгал зөвхөн танаас шалтгаална гэдгийг санаарай. Гэр бүл, ойр дотны­хон­тойгоо хүйтэн хөндий харилцаж, үл ойлголцол үүсч мэднэ. Энэ нь та ганцаараа үлдэхийн дохио. Тиймээс бодолтой алхам чухал гэдгийг анхаараарай.

Ажил байдал:

Морин жил нь мэлхий­нүүдийг сорил тур­шил­таар дүүрэн угтах болно. Янз бүрийн үйл явдал тохиолдоход зарим мэлхий­нүүд гайхах, зарим нь бүр уурлах тохиолдол гарч болзошгүй. Гэхдээ “Оролдлого бүр амжилтад хүргэнэ” гэдэг дүрмээр явбал туршилт бүрийн дараа таныг зөвхөн амжилтаас гадна урам­шуу­лал, шагнал, нөлөөтэй та­нил, албан тушаал ахих зэрэг шагнал хүлээж байна.

Мөнгө санхүү:

Жилийн эхний хагаст санхүүгийн байдал тайван, тогтвортой байна. Өрхийн төсвөө өөрийн орлогоор бүрдүүлж, зөв зүйлд зарцуулж чадна. Харин хоёр дахь хагаст тааж хэлэхийн аргагүй үйл явдал тохионо. Гэхдээ энэ үеэр шинэ төслийг шалгаж, амьдралаа өөрчлөхөд тохиромжтой. Мэдээж нэмэлт зардлууд гарах ч үүнийг та дорхноо зохицуулна гэдэгтээ ит­гээрэй.

Ээлтэй чулуу:

Ээлтэй чулуу нь саран чулуу, маргад, барын нүд. Аливаа саад бэрхшээлийг давахад туслана. Хүнд хэцүү үед ухаа­лаг шийдвэр гаргахад нөлөөлдөг. Маргад нь ирээдүйг зөгнөн харах боломж олгоно. Муу бүхнийг хөөн зайлуулдаг. Маргад зүүвэл бусдад хууртахгүй. Үнэнч сайн хань нөхөртэй болдог. Барын нүд нь эзэндээ зүрх зориг авч ирж, бусдын хар, цагаан хэл ам, гадны халдлагаас хамгаалдаг.

Арслан

2014 онд та аз, амжил­таар дүүрэн байх нь ээ. Хам­гийн гол нь дотоод амар амгалан байдлаас тань бүх зүйл хамаарна. Бага юманд ч сэтгэл хангалуун байж сур. Гялалзсан бүхэн алт биш гэдгийг сана. Бусадтай бүү зөрчилд. Тэдний санаа бодлыг хүндэтгэж сур. Үрэлгэн зан­гаасаа болж өрөнд орж болзошгүй. Оны эцэст та хүсэл мөрөөдөлдөө хүрснээр дахин шинэ оныг угтах болно.

Эрүүл мэнд:

Эмийн замбараагүй хэрэглээгээ хязгаарла. Нэг удаа сайн оношлуулчих. Мөн өөх тостой хоолоо багасга. Болгоомжтой байх хэрэгтэй үе бол эхний хагас жил. Гэхдээ тэд гутарсан хэцүү үедээ ч гэсэн өөрийгөө өөдрөг үзлээр цэнэглэх чадалтай байна.

Гэр бүл хайр сэтгэл:

Айсуй жилд арслангийн­ханы гэр бүл тийм ч таатай амар амгалан байж чадахгүй нь. Хайр дурлалд ч тийм одтой байхгүй, шинэ учрал, сэтгэл догдлуулсан болзоо, хууран мэхлэлт, салалт гээд толгой эргүүлсэн олон асуудал ар араасаа ундарч мэднэ. Намар болоход гэр бүлээ авч үлдэх үү, аль эсвэл гэдэг сонголт хийх хэцүүхэн асуулт таныг зовоож мэднэ. Харин ганц бие арслан­гууд хувь заяаны бэлгээ угтан авна. Хайр дурлалдаа чин үнэнч бай. Та хоёрын ха­рилцаа гүнзгийрч, гэрлэх бололтой.

Ажил байдал:

2014 он арслангуудад их тааламжтай болно. Эр­дэмтэн, албан хаагч болон урлагийн салбарт ажил­ладаг арслан 2014 онд азтай одныхоо ивээлийг ихээхэн хүртэнэ. Ер нь арслан болгон ажил мэргэжилдээ ямар нэгэн хэмжээгээр амжилт гаргаж, өөрөөрөө бахархах болно. Морин жилд амжилтад хүрэх ганц нөхцөл бол ажил­саг, шударга байхыг эрмэл­зэл юм. Учир нь ирэх оны эзэн морь нь хуурамч болон залийг тэвчдэггүй юм байна.

Мөнгө санхүү:

Арслангуудад санхүү­гийн хувьд амаргүй үед иржээ. Танд янз бүрийн үйл явдал тохионо. Гэхдээ арслангууд таа­гүй үетэй тулгарахдаа бус­дыг болон өөрийгөө бу­руутгалгүй, тайван байх хэрэгтэй. Яагаад гэвэл ямар ч асуудал аяндаа шийдэгдэх бөгөөд аль болох тэвчээртэй байхыг танаас шаардаж байна. Арслангуудын гол зо­рилт бол төлөвлөгөөтэй, бо­дол­той байх хэрэгтэй. Таваас зур­гаадугаар сард түншүүд, хамт олонтойгоо эвтэй бай.

Ээлтэй чулуу:

Ээлтэй чулуу нь молор, хув, мана. Жирэмсэн эмэг­тэй хув зүүлт зүүвэл амар­хан нярайлдаг бол хүүхдэд хув зүүлгэвэл эрүүл энх бойждог. Нойр хулжвал дэрэн доороо хув тавьдаг. Шар молорыг эрэгтэй хүн зүүвэл ариун дурлалыг, эмэгтэйд өгөөмөр сэтгэл гоо сайхныг авч ирдэг. Мана нь сэтгэл санааг ариусгаж гэнэтийн үхлээс сэргийлдэг.

Охин

2014 онд тохиолдож болох бэрхшээл, хүндрэлийг тэсвэр тэвчээр, итгэл үнэм­шилтэй байж давах хэрэгтэй. Бусдад хэт өндөр шаард­лага бүү тавь. Үүнийг тань эмзгээр хүлээн авах хүн ч бий гэдгийг сана. Тэв­чээртэй байвал таа­ламж­гүй зүйлс ч арилах болно. Бусдад туслах, өгөөмөр зан гаргахаас бүү хойш суу. Өсөн дэвших боломж нээлттэй байна. Гэсэн ч та хянуур болгоомжтой байхад илүүдэхгүй. Учир нь танд атаархсан хүмүүсийн хов жив бага боловч хор хүргэж мэдэх юм.

Эрүүл мэнд:

Судас тань бүдүүрч болзошгүй. Иймд хөлийн ачааллаа багасга. Дан суу­гаа, эсвэл зогсоо ажлаасаа тат­галз. Боломжгүй бол аль болох хөдөлгөөнтэй бай. Гэхдээ 2014 онд охины ордныхон эрүүл мэндэд нь ямар нэгэн зүйл тохиол­доход эерэгээр шийдэж чадна. Зөв хооллох, нойроо хан­г­алттай авах, хортой зуршлаасаа са­лах гэх зэрэг наадын захын арга хэмжээг аваарай.

Гэр бүл хайр сэтгэл:

Охины ордынхоны гэр бүл морь жилийн турш амар амгалангаар дүүрэн байх нь. Бүх зүйл төгс, баяр хөөр дүүрэн үйл явдлууд дундрахгүй. Хайр дурлалын хувьд ч гэгээн цагаахан зүйлсээр дүүрэн хамгийн сайхан харилцаа энэ онд тохионо. Та хайр сэтгэлээс юу хүсч буйгаа өөртөө тодор­хой болгоно. Жирийн үер­хэл, романтик харьцаа, гэр­лэлтийн алийг нь хүсч байна вэ. Хий дэмий горьд­лого бүү төрүүл.

Ажил байдал:

Охиныхонд амжилт бү­тээлээр дүүрэн жил болно. Ямар ч ажил эхэлсэн энэ ордынхон амжилтад хүрнэ. Түүгээр ч зогсохгүй мэр­гэжлээ солих шаард­ла­гатай бол зоригтой хан­даарай. Ямар ч асуудал хүндрэлгүй шийдэгдэх болно. Энэхүү өөрчлөлт нь 2014 оны сүүлийн хагас жил, тэр ч бүү хэл 2015 онд хүртэл таны карьерт сайнаар нө­лөөлөх болно.

Мөнгө санхүү:

Хөх морин жилд охиных­ныг цөөнгүй сюрприз хүлээж байна.Эхний сарууд тун эн­гийн байдлаар өнгөрнө. Харин хавар, заримд нь зун гэнэтийн мэдээ ирнэ. Энэ мэдээ нь санхүүгийн хувьд эргэлзэх юмгүй таныг баярлуулна.Та зуны турш сэтгэл өөдрөг байх нь. Яагаад гэвэл хөрөнгө мөнгөний асуудлаар амжилтад хүрнэ. Тэгвэл намраас бүх зүйл хуучин хэвэндээ орж, охиныхон ажлынхаа хэмнэлд шил­жинэ.

Ээлтэй чулуу:

Ээлтэй чулуу нь но­гоолин, замагт болор, чоно чулуу. Ногоолин нь амьд­ралын чулуу гэгддэг.Хүч тамир нэмж, өвчин зовлонгоос хамгаална. Хэл амнаас сэргийлж, аянга ца­­хил­гаанаас эзнээ зай­луулдаг. Замагт болор нь цэвэр ариун бүхний билэгдэл болдог.

Жинлүүр

Энэ ордынхны хувийн амьдрал болон эцэг, эхтэйгээ харилцах явдалд нэлээд чухал өөрчлөлт гарах төлөвтэй. Шинэ түншүүд, шинэ хүрээнийхэнтэйгээ нөхөрсөг холбоо тогтооход таны эцэг, эхээсээ уламжлан авсан ертөнцийг үзэх дэндүү хуучимсаг үзэл саад болох нь зөрчлийг улам хурцатгана.Иймд ямар ч хэрэгцээгүй хуучны ачаа тээшээ хаян шинэ зүйл рүү зориглон тэмүүлэхийг цаг хугацаа, нөхцөл байдал шаардана гэдгийг ухамсарлах хэрэгтэй. Үүнийг эртхэн ойлгон зөв шийдвэр гаргавал энэ жил тийм ч муу болохгүй нь тодорхой. Бодол санаагаа эмх цэгцтэй байлга.

Шинэ онд шинэ зорилго тавь. Зорилготой ажиллавал та хий хоосон зүйлд эрч хүчээ дэмий зарцуулахгүй. Мөн мөнгөнд үрэлгэн ханддагаа таслан зогсоох хэрэгтэй. Хэрэггүй худалдаа бүү хий. Оны эхний үед морь жил жинлүүрийг маш их идэвхтэй байхыг шаардана. Үе, үе байршлаа өөрчлөх, зуслан гарах, байгалиар аялах гэх мэт. Үүний ачаар ачааллыг даван туулж, сэтгэл санаа өөдрөг явах болно.

Эрүүл мэнд:

Усанд сайн орж бай. Устай хамт хамаг сөрөг зүйл гадагшилна. Бие сэтгэлийн хувьд ч тэр ариусна. Усны урсгал, усны чимээ сонсох нь эерэг нөлөөтэй.

Гэр бүл хайр сэтгэл:

Хайр сэтгэлд хууртагдав аа. Өөрийгөө төдийгүй ха­рилцан хэн нэгнийг хайрла. Бусдад хэт их итгэх хэрэггүй. Итгэ, гэхдээ шалга гэдэг шүү дээ. Үүнийг амьдралын зарчмаа болго. Таны гэр бүл энэ жил элдэв асуудалгүй, амар амгалан байх болно хэмээн орд эрхэсийн зурхайд буу­­жээ. Гэлээ гээд ойр тойрны­­хонтойгоо хөндий хүйтэн, үл хүндэтгэсэн бай­далт­айгаар харилцах хэрэггүй шүү. Харин шинэхэн хосууд илүү дотносохын тулд сэтгэл гаргах хэрэгтэй. Тэгэхгүй хөндийрч мэднэ.

Ажил байдал:

Жинлүүрийнхэн бүтэл­гүйтэл болон хүнд асууд­луудыг тойрон гарч гарна. Гэхдээ нэгдүгээр сард маш их хичээх, хоёрдугаар сард бүтээлч хандлагатай байх, гурав болон дөрөвдүгээр сард тэвчээртэй ажилсаг байх нь чухал. Тэгвэл 2014 он дуусах үед оны эхний хагас нь ирээдүйн карьераа өсгөх шат болсныг ойлгоно.

Мөнгө санхүү:

2014 онд жинлүүрийнх­ний мөнгө, санхүү тогт­вортой байна. Та өрхийн төсөвтөө нэмэлт мөнгө оруулж чадах бөгөөд цалин, хий­сэн ажлынхаа шагнал урам­шууллыг хүртэнэ. Энэ бүхэн яг цагаа олно гэдэгт ч итгэлтэй байж болно. Гэхдээ зарлага ч багагүй өсөх бөгөөд та үүнээс болж гэр бүлдээ материаллаг байдлыг хангах талаар багагүй үүрэг хүлээнэ.

Ээлтэй чулуу:

Ээлтэй чулуу нь гэрэлт чимэд, номин. Гэрэлт чимэд солонгын өнгөөр туяарсан үнэт чулуу юм. Итгэл найдвар, үнэн сэтгэлийн би­лэгдэл болдог. Мөн бусдад бэлэглэдэг­гүй чу­­луу юм. Учир нь атаа жө­төөг төрүүл­дэг. Номинг газар тэнгэрийнг эзэгнэгч чулуу гэдэг.

Хилэнц

Шинэ онд хилэнцийн­хэн өөрсдийгөө өөрчлөх шаард­лагатай. Амьдралд хөнгөн зүйл гэж байдаг­гүй. Тиймээс зүгээр сууж байгаад л саятан болох мөрөөдлөө орхи. Бүү зал­хуур. Уйгагүй хөдөлмөрлө. Тэгж байж та амжилтад хүрнэ шүү.

Ажлын талбар дээр ч гялалзсан амжилт хараг­дахгүй байна. Та морь жилийн туршид зууралдсан их ажил, данс тооцоо, дарамт шахалттай тулгарч мэднэ. Гэхдээ шантрах хэрэггүй. Ердөө л давах ёстой даваа гэж бод. Тиймээс ядаж зун хангалттай сайн амарч эрч хүчээ нөөж ав. Урьд өмнө гол зорилгоос тань холдуулдаг найз нөхөд байсан бол энэ жил хилэнцийнхэн өөрсдийн зиндаандаа таарсан хүрээ­лэлд дунд эргэлдэх нь. Энэ ордынхон тусдаа орон сууцтай болж, шинэ оргилд хүрэн олон нийтийн хувьд манлайлагчийн байр сууриа батжуулан хувийн бизнестэй болохыг ч үгүйс­гэх аргагүй.

Эрүүл мэнд:

2014 онд хилэнцүүд маш идэвхтэй хэлбэрийн амьдралтай байж, эрүүл мэнддээ анхаарал тавин эрүүл агаарт байнга гарах хэрэгтэй. Мөн фитнесс, бассейн эсвэл бялдаржуулах заалд очих зав гаргах хэрэгтэй. Хоол хүнсэндээ давс, даршилсан хүнс бага хэрэглэ. Даралт ихдэх магадлалтай. Мөн зүрх судасны асуудал үүсч болзошгүй тул зөв хооллолтыг эрхэмлэ.

Гэр бүл хайр сэтгэл:

Хилэнцийнхэн бүү яар. Халамжтай хань аяндаа олдоно. Ийм хань зүгээр л зам дээр хэвтэж бай­даггүй юм шүү. Тиймээс хүлээ, тэвч. Та энэ жил гэр бүлийн таагүй уур амьсгалаасаа бултах боломж олдохгүй л болов уу. Гэр бүлийн жижиг маргаан сунжирч магадгүй. Гэхдээ үүнийг ойшоохгүй орхиж болохгүй. Тэдэнтэй сайн ярилцаж, асуудлын голыг ол.

Ажил байдал:

2014 онд хилэнцийнхэн өөрийн чадлаас хэтэрсэн ачаа үүрэхээс залсхий. Өөрийнхөө дотоод мэдрэм­жид итгэх хэрэгтэй. Хэрэв танд эргэлзээтэй эсвэл хий­мээргүй ажил санал болговол шууд татгалзаарай. Зарим хилэнц өөрийн мэр­гэжил, ажлаа солихыг хүснэ. Хилэнц юу хүсч байгаагаа ямагт сайн мэддэг учраас ажлаа зоригтойгоор өөрчилж болно.

Мөнгө санхүү:

Оны эхний дөрвөн сард хилэнцүүдийг маш их хө­дөлмөрлөхийг шаардаж байна. Ажил дээрээ үе үе оройтож, зарим ажлаа гэ­рээрээ хийх болон ам­ралтын өдрүүдэд ажиллах хэрэг гарна. Гэвч ингэснийхээ тө­лөө хилэнцүүд сэтгэлээр унахгүй. Яагаад гэвэл тэд хийсэн хөдөлмөрийнхөө үр шимийг хүртэж, мөнгөө арвижуулж чадна. Гэвч үүнийг дагаад ойр дотныхондоо анхаарал та­виагүй хэрэгт орох вий.

Ээлтэй чулуу:

Ээлтэй чулуу нь барын нүд, шоргоолжин чулуу. Шоргоолжин чулуу нь хүмүүст найрсаг сэтгэл төрүүлж, үл ойлголцох байдлыг арилгадаг. Барын нүд нь эзнээ зүрх зоригтой байлгаж, дээрэм тонуул, хулгай, хар цагаан хэл амнаас эзнийгээ хамгаалдаг.

Нум

2014 онд та эрч хүчтэй байх болно. Гэхдээ хүч чадлаа гамнах хэрэгтэй. Өмнө тань таныг маш олон сонирхолтой үйл явд­лууд хүлээж байна. Албан тушаал дэвших, мэргэжилдээ ахиц гаргах магадлалтай. Хамгийн гол нь шантарч болохгүй. Энэ оны эхэнд та 24 цаг ажилласан ч эцэж цуцахгүй эрч хүч дүүрэн байхаа мэдрэх болно. Өөрөө ч гайхах вий. Шагналд урамшил ч хүртэх болно. Гэхдээ зун гэхэд эрч хүч сулрах ч таныг бүхэнд нь энэ он ивээлдээ авсан. Бизнес эрхлэгч нумынхан одтой, азтай байна.

Эрүүл мэнд:

Бөөрөндөө анхаар. Бөөрний чулуу үүсч болзошгүй тул тарвас сайн хэрэглэ. Тарвасыг хар талхтай долоо хоногийн турш хэрэглэвэл бөөрний жижиг чулуунууд гарна.

Гэр бүл хайр сэтгэл:

Нумынхан хайр дур­лалын одтой хүмүүс. Хам­гийн гол нь ханиа зөв сонгох нь чухал. Хөнгөмсөг, бодлогогүй алхам бүү хий­гээрэй. Аав, ээжийн зөв­лөсөн хүнийг сонгох нь танд өлзийтэй. Ганц бие нумынхан хавар үдэшлэг эсвэл зугаалгад явахдаа санаанд оромгүй байдлаар хувь заяаны хосоо олох бололтой. Хамгийн гол нь, зөв цагт, зөв үйлдлийг алдахгүй байх нь чухал.

Гэр бүлийн тогтсон хэв маягт чинь томоохон өөрчлөлт гарна. Өөрчлөлтөд дасахад амаргүй байх болов уу. Гэр бүлдээ анхаарал халамж тавихыг танаас шаардаж байна.

Ажил байдал:

2014 он нумынхны хувьд амжилтаар эхэлнэ. Энэ онд ажилд тань ямар нэгэн гэнэтийн сөрөг зүйл гарахгүй. Хэрэв тэд хамт ажилладаг хүмүүстээ хэт итгэж, нээлттэй харьцахгүй бол жижиг асуудалд ороо­цолдохгүй байж болно. Хавар нумынханд карьерээ өсгөх боломж гарна. Энэхүү боломжийг идэвх­гүй, даруу байдлаар биш санаачлагатай, хариуц­лагатай талаа удирдах албан тушаалтанд харуулж байж олж авна. Зун таны ажил тогтвор­той үргэлжилж, олсон амжилтаа бататгаж чадах намар арвин их ургац хурааж авна. Нумынхан намар цагт зөвхөн жимс, ногоо төдийгүй мөнгөний ургац хураана.

Мөнгө санхүү:

Хөх морин жилд ну­мынхан залхуурах шинжгүй байна. Тиймээс ч тэд ажил үүргээ сайн гүйцэтгэж, хийх ёстой бүхнээ амжуулс­ныхаа төлөө орлогоо нэмэг­дүүлж чадна. Тэр ч бүү хэл өрсөлдөгчид, хамт олны таагүй байдал ч нумынханд нөлөөлж ча­дахгүй. Үүнээс гадна та үе үе шагнал, нэмэлт цалин авч, төсөв санхүүгээ сайжруулах нь ээ.

Ээлтэй чулуу:

Ээлтэй чулуу нь ягаан болор, молор эрдэнэ. Ягаан болор нь эзэндээ аз хийморь, амжилт авч ирдэг. Хэрүүл маргааныг арилгадаг. Молор эрдэнэ нь дээдэст ивээгдэж, баяжихыг билэгддэг. Ажил албандаа зөв шийдвэр гаргахад сайнаар нөлөөлнө.

Матар

Шинэ онд матрынхан олз омог дүүрэн байх нь ээ. Бүх юманд хэт ноцтой хандах хэрэг­гүй. Илүү аз жаргалтай байхад бага зэрэг хэнэггүй зан ч тус болж мэднэ. Ажил төрлийн хувьд санаа зоволтгүй. Та оргилд байх болно. Харин хэт зөрүүд, хэт өөртөө итгэлтэй зан тэр бүр сайнаар нөлөөлдөггүйг санаарай. Сэтгэл хөдлөлдөө хэт авталгүй бодит байдлыг зөвөөр дүгнэ. Ажил дээрээ санаачлагыг гартаа авч зөв чиглэлээ алдахгүй явж чадвал амжилт хүлээж байна. Гэхдээ намар ажлын талбарт том өрсөлдөгч гарч ирэх нь. Энэ тулаанд бэлтгэлтэй бай.

Эрүүл мэнд:

Матрынхны эрүүл мэнд шавхагдашгүй сайн, бат бэх байх учир ямар ч ачааг өөртөө үүрэхэд бэлэн байгаарай. Матрынхан маш их ажилсаг учир хэчнээн эрүүл байсан ч амралтгүй ажилласнаас болж өвчин өөртөө цуглуулж мэдэх хүмүүс. Ийм учраас аль болох өөртөө цаг гаргаж унтах цагтаа унтаж, цэвэр агаарт их гарах хэрэгтэй. Санаа зовох зүйлгүй. Гэхдээ урьдчилан сэргийлнэ гэдэг чухал зүйлийг мар­туузай. Зөв хооллолт, идэвх­тэй амралт, спорт хөдөл­гөөн ажлын хэт ачааллаас таныг аврах болно.

Гэр бүл хайр сэтгэл:

Матрынхан хайр сэтгэлд буурьтай ханддаг. Гэхдээ үерхсэн хүнтэйгээ заавал ханилан суух албагүй. Нүдээ нээ. Эргэн тойронд ямар их сонголт байна вэ. Оны эхнээс л таныг гэр бүлийн асуудал ундарч эхэлнэ. Сэтгэлээр унасан үедээ тайван амсхийх газар гэр бүлийн орчин биш болж байгаа нь харамсалтай ч оны сүүлчээр бүх зүйл урьдын хэвэндээ орно. Хайр дурлалын хувьд тогтворгүй түр зуурын харилцаа давамгайлах нь. Гэхдээ намар болоход таны амьдралд гол байр эзлэх хүн гарч ирж болзошгүй. Тиймээс шинэ танилдаа анхааралтай хандаарай.

Ажил байдал:

Нийгмийн салбарт ажил эрхэлдэг матрууд энэ онд албан тушаал ахина. Гэхдээ 2014 оны эхний гурван сард ажилдаа болгоомжтой хандах хэрэгтэй. Түүнчлэн тайлан гаргах­даа өөртөө итгэлтэй, анхаа­ралтай байх хэрэгтэй. Үүнээс цааш матрынхан амарч, өөрийн хүслээрээ шаргуу явж болно. Мат­рынхан амжилтад маш хурдан, амархан хүрэх учир амжилт үргэлж таны талд байна.

Мөнгө санхүү:

2014 онд матрынхан санхүүгийн байдлаасаа болж сэтгэлээр унахгүй. Энэ онд та биелшгүй гэж бодож байсан төсөл төлөвлөгөөгөө хэрэгжүүлэх төлөвтэй. Ялангуяа хоёрдугаар сар болон зуны эхэн үе, намрын дунд үе тун таатай. Энэ үеэр та үндсэн орлогоосоо гадна нэмэлт орлого олох боломжтой болно.

Ээлтэй чулуу:

Ээлтэй чулуу нь бадмаа­раг, мана. Бадмаараг нь хайр дурлал, аз жаргалыг авч ирдэг. Эзэнд нь тохиолдох таагүй зүйлийг зайлуулж, хуурамч найз нөхөд, ха­раалаас хамгаална.

Хумх

2014 онд та зүрх сэтгэлээ сонсож сур. Бус­дын үгээр дандаа явах албагүй. Алдахаас бүү ай. Гол нь алдаан дээрээ дахин бүдрэхгүй байх нь л чухал. Бүх юманд тэнцвэр, төгс төгөлдрийг олох гэж өөрийгөө бүү зовоо. Дурсамж дүүрэн сонирхолтой 2014 онд тавтай морил, та. Ажлын амжилт тийм амар ирэхгүй тул хичээ. Ерөнхийдөө ажил алба тань энэ онд өнгөтэй, амжилттай байна.

Эрүүл мэнд:

Мэдээж өөртөө анхаарал тавьж, дотоод хүнтэйгээ харьцахгүй бол сайн үр дүнд хүрэхгүй. Тийм учраас хэчнээн их завгүй ажилтай байсан ч өөрийн биеэ энхрийлүүштэй. Тэгэхээр бүх бумбынханд зөвлөхөд сэтгэл санаагаа амар тайван байлгаж, аль болох удаан агаар салхинд гарах хэрэгтэй. Өдөрт 2-3 ширхэг алим идэж байгаарай. Энэ нь гэдэсний гүрвэлзэх хөдөл­гөөнийг сайжруулж, өтгөн хаталтаас сэргийлэхэд тустай. Эмнэлэгт дургүй хумхын­хан энгийн арга хэрэглэснээр эрүүл байж чадна.

Гэр бүл хайр сэтгэл:

Та хэзээ ч хүнд хайртай болж чадахгүй байх гэж эмээдэг. Энэ үл итгэсэн байдал танд саад болж бай­на. Та бусдын л адил хүн тул яагаад хайрлаж чадахгүй гэж. Эргэлзээ тээнэгэлзэл, үл итгэл, хайр сэтгэлд бэрхшээл учруулдаг тул энэ бүхнийг таягдан хая. Ганц бие хумхынханд олон учрал тохиох ч удаан хугацааны бат бөх харилцаа үүсэхгүй байх магадлал өндөр байна.

Хамгийн чухлаас чухал зүйл гэр бүл гэдгийг та энэ жил илүү мэдэрнэ. Энэ онд бүл нэмэхээр төлөвлөсөн бол хэрэгжүүл. Хэрвээ та гэрлэсэн нэгэн бол гэр бү­лийнхээ хүнд илүү их сэтгэл татагдаж, уур амьсгал эрс сайжирна. Аз жаргалтай хором мөч бүрээ үнэлж, хайрла. Хамтын аялал зугаалга чинь бал сар шиг романтик байх болов уу.

Ажил байдал:

Бумбынханд 2014 он ер нь тааламжтай өнгөрөх юм. Ялангуяа ажлын өндөр хариуцлагатай ажилладаг бумбынханд ажлын ахиц гарна. Харин ажил бол зүгээр л хийх ёстой зүйл гэж боддог хүмүүст морь албан тушаалд ахих юм уу буурахын аль ч тохиолдохгүй.

Мөнгө санхүү:

Хумхууд 2014 онд хийж буй ажлаа өөрчлөх талаар бодож эхэлнэ. Гэхдээ бүх хумхынхан бус, зөвхөн аж­лын байрнаа­саа залхсан бо­лон хүссэн орлогоо олж чадаагүй хүмүүс л энэ талаар бодож эхлэх болол­той. Ажил мэргэжлээ өөр­чилснөөр та орлогоо эрс нэмэгдүүлж, амьд­ралаа ч сайжруулж чадна.

Ээлтэй чулуу:

Ээлтэй чулуу нь анар, циркон. Циркон нь хайр дурлал, үерхэл нөхөрлөлийг билэгддэг. Цэнхэр өнгөтэй цир­конийг зүүвэл араатан амь­тан, хорт могойноос хам­гаална гэж үздэг. Мөн анар зүүсэн хүн үргэлж цовоо сэргэлэн, хөгжилтэй гэгээн бодол хүсэлтэй явдаг.

Загас

Загасныхан 2014 онд өөдрөг байх болно. Гэр бү­лийн хүрээндээ аз жаргал­тай байна. Хоосон мөрөөдөл, хэрэггүй амлалт, зорилгогүй амьдрал танд хямралаас өөр юу ч авчрахгүй. Бэрхшээлээс бүү ай. Хэн нэгэнд бүү найд. Урагш зоригтой тэмүүл.

Эрүүл мэнд:

Эрүүлийн мэндийн байдал ерөнхийдөө сайн байх боловч гэмтэл бэртэлд орохоос болгоомжил. Хальтиргаатай үед таяг тулахаас бүү ич. Энэ нь бэртлээс болж олон хоногт эмнэлэгт хэвтсэнээс дээр.

2014 онд загасууд хан­галт­тай их идэвх гаргах хэрэгтэй. Хэрвээ цаг өнгөрөх тусам таны залхуу хүрээд, ямар ч зорилгогүй буйдан дээр сууж телевиз үзээд “цаг алж” байвал та даруйхан энэ зуршлаа хаях хэрэгтэй. Тиймээс өөрийн бүх зүйлээ замбараатай болго.

Гэр бүл хайр сэтгэл:

Гэр бүлийн халуун дулаан уур амьсгал таныг хүрээлэх болно. Шинэ харилцаа үүсгэх хэрэггүй. Загасныхан сайн хүнтэй учирна. Гэр бүлийн хүрээнд жинхэнэ сенсаци үүсгэсэн гал дүрэлзэж магад. Энэ байдал даамжирч намар гэхэд асуудлыг шийдэхэд нэгэнт оройтсон байх вий. Морь жил загасны орд­ынхныг маш олон ро­мантик учралууд хүлээж байна. Өөрөөр хэлбэл, хайр дурлалын далай таныг угтаж байна гэсэн үг. Зохицуулахад төвөгтэй асуудлууд үүсч мэднэ гэдгийг анхаар. Хамгийн гол нь таны тууштай байдал асуудлыг шийдэхэд тусапна. Залуу хосууд гэр бүлийн шинэ гишүүнтэй болох талаар бодоход гэмгүй.

Ажил байдал:

2014 он эхэлмэгц загас­ныхан ажилдаа яарна. Тэд­ний хувьд бүх ажил нь маш чухал бөгөөд хур­дан гүйцэтгэх ёстой мэт санаг­дана. Зуны эхэн сард энэ урам зориг нь унтран огт өөр шинэ ажилд эрч хүчтэйгээр ханцуйгаа шамлана. Энэ ажлын үеэр загас­ных­ны хичээл зүтгэлийг үнэлж шагнал урамшуулал хүртээхдээ онцгой нэгэн шагнал өгнө.

Мөнгө санхүү:

Модон морин жилд загаснууд сая саяар нь олж чадахгүй. Гэхдээ тэд санхүүгийн хувьд тусалж дэмжих найз нөхөр, ивээн тэтгэгч, сайн санаатнуудтай холбогдож чадна. Зуун төгрөгтэй байс­наас зуун нөхөртэй байсан нь дээр гэдэг шүү дээ. Түүн шиг загаснууд хэнээс ч илүү хүмүүстэй холбоо тогтоож, тэднийг бү­рэн утгаар нь өөртөө ашиг­тайгаар эргүүлнэ гэдэгтээ итгээрэй.

Ээлтэй чулуу:

Ээлтэй чулуу нь сувд, ягаан болор. Сувд нь урт наслуулж, аз жаргалыг авч ирдэг. Сувд зүүсэн хүний нүд нь цоглог болж, ирээдүйгээ зөгнөн мэдрэх чадвартай болдог. Мөн хар цагаан хэл аман болон бүтэлгүй дурлалаас сэргийлдэг. Ягаан болор нь таныг амжилт, ялалт руу хөтөлнө.