Тэд монгол бүсгүйн амийг хөнөөхдөө эхлээд буудаж, дараа нь байлдааны зориулалттай, гурван давхар байшинг үнс болгох чадвартай тэсрэх бөмбөг биед нь уяж дэлбэлсэн гэдэг. Хэрэг болсон газраас Ш.Алтантуяагийн хурууны хэлтэрхий л олдсон юм билээ. Түүнийг хөнөөсөн тэсрэх бодис ганцхан Батлан хамгаалах яаманд нь байдаг, байлдааны зориулалттай тусгай эд аж. Тус тэсрэх бодисыг зөвхөн шадар сайдын нь зөвшөөрлөөр онцгой тохиолдолд олгодог гэж байгаа.

Эл хэрэгт олон хүний нэр холбогддог ч гол буруутан, аллагыг захиалагч нь Малайз улсын шадар сайд Разак Нажибийн улс төрийн зөвлөх Абдул Разак Багинда гэх этгээд юм. Гэвч хэргийн эзэн хэнгэргийн дохио болох тэрээр өнөөг хүртэл ямар нэгэн шийтгэл авалгүй, эрх чөлөөтэй амьдарч сууна. Багиндад холбогдох шүүх хурал тухайн үед болсон ч “Аллах тэнгэрээсээ арван минут асуулаа, Абдул Разак Багиндаг сулла гэнэ ээ” гэсэн хариуг Малайзын шүүгч хохирогч бүсгүйн аавд хэнэг ч хэлээд шүүхийн тогтоол уншсан байдаг. Куала Лампур хотноо таван жилийн өмнө болсон уг шүүх хурлаас аллагыг захиалагч Багинда мултарсан ч гардан гүйцэтгэсэн хоёр цагдаа тунаж үлдсэн байдаг. Малайзын Батлан хамгаалах яамны цагдаа Азилах Надри, Сирул Азхар Умар нарт анхан шатны шүүхээс дүүжлэх ял оноосон ч “Удирдлагынхаа өгсөн үүргийг биелүүлсэн” гэх үндэслэлээр давж заалдаж, ялаас бултах “дархлаа”-гаа аль хэдийнэ тэд тогтоосон байна.

Малайзын шүүх тэдэнд ял өгөх нь бүү хэл одоогийн Ерөнхийлөгч, тухайн үеийн шадар сайд байсан Разак Нажибийн ивээлд багтаж, нэг нь төрийн тусгай хамгаалалтын газар тушаал дэвшин ажиллаж байгаа бол нөгөө нь гадаад мэргэжил дээшлүүлэхээр сурч байгаа гэнэ.

Ингээд л эмгэнэлтэйгээр амиа алдсан Ш.Алтантуяа бүсгүйг хөнөөсөн хэрэгтнүүдээс өдгөө хэн нь ч хариуцлага хүлээгээгүй явна.

Монгол Улсын иргэний эрхийг хэн өмгөөлж байна вэ

Малайзад болсон анхан шатны шүүх хурал сүүлийн удаа завсарласны дараахан буюу 2008 онд Абдул Разак Багиндагийн хувийн хуульчаар ажиллаж байсан Баласубраманэйм хэвлэлийн хурал хийж, нэгэн ноцтой мэдэгдлийг цацаж байлаа. Абдул Разак Багиндатай ойр дотно ажиллаж, хамаг л нууц ажлуудыг нь хаацайлж аргалж байсан энэ хүн хэргийн гол гэрч яах аргагүй мөн. Баласубраманэйм мэдэгдэлдээ “Малайз улсын шадар сайд Разак Нажиб болон түүний эхнэр Росма энэ хэрэгт холбоотой. Тодруулбал, Ш.Алтантуяа Малайз улсын шадар сайд Разак Нажиб, Росма, Абдул Разак Багинда нарын үндэстэн дамнасан нууц наймаанд орчуулагчаар оролцоод амиа алдсан” гэсэн байдаг. Харамсалтай нь тэрбээр хэвлэлийн хурал хийснийхээ маргааш мэдүүлгээсээ буцаж, сураггүй болсон юм.

Харин уг мэдэгдлийн дараахан Ш.Алтантуяагийн өмгөөлөгч Карпал Сингх шүүхэд хандаж, шадар сайд Разак Нажиб болон оргон зайлсан Баласубраманэйм нараас албан ёсоор мэдүүлэг, тайлбар авна уу хэмээн өргөдөл гаргасныг шүүгчид хүлээж аваагүй байдаг. Ер нь Малайз улсын шүүх Разак Нажиб, түүний эхнэр Росма, улс төрийн зөвлөх Разак Багинда, Баласубраманэйм гээд төрийн алба хашдаг хэн нэгнээс ямар ч тайлбар мэдүүлэг авахгүй байсаар өдийг хүрсэн.

Түүнчлэн Ража Петра гэгч Баласубраманэймийн хэлсэнтэй адил мэдэгдлийг өөрийн вэб сайтдаа тавьжээ. Ража Петра нь Малайзын хааны удмын хүн бөгөөд түүний хувийн вэб сайтад өдөртөө найман сая хүн орж, мэдээллийг нь уншдаг юм байна. Энэ хүнийг дээрх мэдээллийнх нь төлөө баривчилж байсан удаатай. Гэвч Ража Петра “Мэдээллээ баттай эх сурвалжаас авсан тул хэлснээсээ буцахгүй” хэмээсээр багагүй хугацаанд хоригдсон гэдэг. Энэ шударга эрхэм урд талд нь талийгаач Ш.Алтантуяагийн зураг нэр, ард талд нь “Алуурчин гурвыг там руу илгээе” гэсэн үг бүхий футволка хэдэн мянган ширхгийг хийлгэж, иргэдэд тараажээ.

Мөн өөрөө монгол бүсгүйн зурагтай фудволкыг өмсөж Малайзын төр засгийн удирдлагуудын дургүйцлийг ихэд хүргэсэн байсан. Малайзад нөхцөл байдал энэ мэт ноцтойгоор өрнөж байхад Монгол Улсын Засгийн газар өөрсдөө хэрэг хийчихсэн мэт чимээ аниргүй байж, хааяа хааяахан дипломат үгтэй мэдэгдэл илгээж, ажиглагчийн байр сууринаас хандсаар байх.

Монгол хүнийг малаас дорд үзэж буй Малайз улс

Талийгаач Ш.Алтантуяагийн аав Д.Шаарийбуу өнгөрөгч дөрөвдүгээр сарын 30-ны өдөр Монгол Улсын Ерөнхийлөгч Ц.Элбэгдоржид хандаж, энэ хэргийг эцэслэн шийдэхэд анхаарал тавьж туслаач гэсэн утга бүхий захидал өгчээ. Арга ч үгүй биз, хэрэг явдал шийдэгдээгүйгээс талийгаач охиноо өнөөдрийг хүртэл оршуулаагүй юм хойно. Хэрэг явдал эцэслэн шийдэгдэж байж л хөөрхий аав Малайзын талаас охиныхоо хурууны хэлтэрхийг олж авах боломжтой болно. Тухайн үед Ерөнхийлөгчид хандан захидал өгсөн үйл явцыг бүхий л телевиз олон нийтэд дамжуулсан билээ. Гэвч хүний эрх, ардчилалыг амныхаа уншлага болгосон Ерөнхийлөгч захидлын хариуг өнөөдрийг хүртэл өгөөгүй байна. Өгөх нь бүү хэл, өөрт нь өгсөн өргөдлийг авсан эсэхээ ч мартсан бололтой. Д.Шаарийбуу энэ хэргийн учрыг олж өгөхийг төр засгаас таван жилийн турш гуйгаад тус эс олсон байна.

Тэрбээр аргаа барахдаа өнгөрөгч долдугаар сарын 20-ны өдөр “Ажлын төлөвлөгөө” хүртэл боловсруулаад холбогдох газруудад нь хүргүүлсэн байна. Гэвч түүний хүргүүлсэн өргөдөл, бичиг баримтыг хэн ч ажил хэрэг болгосонгүй. Иргэнийхээ төлөө ажиллах үүрэгтэй эрх баригчид нь ч юу ч хийгээгүй аж.

Энэ талаар хохирогч эмэгтэйн аав Д.Шаарийбуу “Монгол Улс Ерөнхийлөгчтэй юм уу, хэд хоноод эмнэлэгт хэвтэж, хэдэн хүний энгэрт тэмдэг зүүхээс өөр ажил тэр хүнд байгаа юм уу. Би Ерөнхийлөгчийн тамгын газар, Ерөнхий сайдын ажлын хэсэг, Гадаад хэргийн яам, Хүний эрхийн үндэсний комисс, ГХЯ-ны Тайланд дахь элчин сайдын яам, Хууль зүй дотоод хэргийн яам, Хүүхдийн үндэсний төв, хамба лам гээд хандаагүй газар гэж байхгүй. Гэвч өнөөдрийг болтол хэн ч надад хариу өгөөгүй. Юу ч хийгээгүй байна. юу ч хийдэггүй хүмүүс байна. Би аргаа бараад заримаас нь өгсөн өргөдөл, бичиг баримтаа нэхлээ. Тухайлбал, 9 сарын 13-ны өдөр Засгийн газрын ордон руу ороод Ерөнхийлөгчийн тамгын газраас асуусан чинь “Засгийн газрын хэрэг эрхлэх газар шилжүүлсэн” гэж байгаа юм. Энэ мэтээр л бие, бие нь рүүгээ шидэж байдаг юм билээ. Засгийн газрын хэрэг эрхлэх газар дээр нь очихоор нэг албан тушаалтан нь би өнөөдөр л энэ бичигтэй танилцаж байна гэх жишээтэй. Миний хувьд сүүлийн тав зургаан жил хүний эрхийн асуудлаар хөөцөлдлөө. Эцэст нь хүний эрхийн асуудал Монголд хамгийн бүдүүлэг байгааг л ойлгож байна. Гэхдээ эцэг хүний хувьд би охиныхоо төлөө эцсийг нь хүртэл явна. Ер нь энэ хэргийг шийдүүлье гэсэн сэтгэл, хүнлэг ёс суртахуун, иргэнийхээ эрхийн төлөө гэсэн сэтгэл дутаж байна даа манай төр засагт. Монгол хүнийг малаас дорд үзэж байгаатай бараг зүйрлэмээр үйл ажиллагаа явуулж ирсэн Малайз улсаас бүх харилцаагаа тасалбал яасан юм бэ. Бид тэдэнд өртэй юу. Бид тэднийг царайчилж байх хэрэг байна уу гэж төр засгаас асуумаар байна. Төр засгийн эрх мэдэлтэй хэн нэг нь тэр улсын эрх баригчтай ямар нэг тохироо хийгээгүй юм бол ингэж доромжлуулж суух хэрэг байна уу. Би төр засаг энэ асуудалд яаж хандахыг хүлээж л сууна. Гэхдээ шаардлагатай болбол хүний эрхийн талаар баримт дэлгэн, хүчтэй дуугарч болох юм шүү” гэв.

Уг нь Монгол Улсын Засгийн газар, Гадаад харилцааны яамнаас хэд хэдэн албан мэдэгдэл гаргаж, тэр болгонд консулын газрын дэд дарга Ариунболд болон бусад хүмүүс Малайз уруу биечлэн очиж байсан. Харамсалтай нь ямар утгатай бичгийг хэнд хүргүүлсэн нь тодорхойгүй байдаг. Малайзын тал ч ганц удааг эс тооцвол, ямар нэгэн албан бичиг авсан гэсэн хариуг Монголын талд ирүүлээгүй билээ. Ганц удаа Малайзаас ирсэн гэх бичгийн тухайд эл хэрэг гарах үед Монгол Улсын Ерөнхий сайдаар ажиллаж байсан С.Баяртай холбоотой мэдээлэл байдаг.

С.Баяр Абдул Разак Багиндаг танихгүй гэдэг ч...

Гэмт хэрэг, авлига газар авсан, эрх мэдэлтнүүд нь харийнхантай нийлж, хар тамхи, зэвсэг, хүний наймаа, зохион байгуулалттай аллага хийдэг улсын нэг бол Малайз гэдэг. Тиймдээ ч тус улсын шүүх байгууллага нь бараг тэр чигээрээ авлигад идэгдсэнээрээ алдартай. Малайзад монгол бүсгүй амиа алдсан тэр үед Ерөнхий сайдынх нь зөвлөхөөр ажиллаж байсан Багинда гэгч нөхөр Францчуудтай усан онгоцны хууль бус наймаа, бусад орнуудтай галт зэвсгийн арилжаа хийж байжээ. Оросуудаас зэвсэг аваад өөр улс руу дамлана. Европын орнуудаас ч зэвсэг зөөнө. Түүнд энэ бүхнээ амжуулахад дор хаяж таван улсын хэл мэддэг сайн орчуулагч хэрэгтэй байв.

Мэдээж мань хүн Орос юм уу, Франц, Хятадаас таван өөр хэлний орчуулагч авч мөнгөө дэмий үрэхийг хүсээгүй. Ингээд энд тэнд зар өгч явсаар Монголын иргэн Ш.Алтантуяатай уулзжээ. Тэр эмэгтэй англи, франц, хятад, орос зэрэг таван улсын хэл сайн эзэмшсэн орчуулагч байлаа. Багинда түүнийг дагуулан Францчуудтай усан онгоцныхоо хууль бус наймаа зэргийг хийжээ. Эцэст нь энэ бүх булхай нь илчлэгдэх дээрээ тулмагц гэрч буюу орчуулагчаа устгахаар шийдсэн аж. Ингээд тэрбээр аймшигт хэргээ үйлдсэн байна.

Ийм хэрэг хийсэн хүнийг өдгөө эрх чөлөөтэй амьдрахад нь “буян” үйлдэж, түүний үйлдсэн хэргийг нь үйлдээгүй болгож хаацайлсан төр засгийн албан тушаалтан Малайзад ч, Монголд ч байдаг гэх. Монголын талаас харийн харгис алуурчинг хамгаалсан гээд та бод л доо. Манайхны хэнийх нь ч санаанд буухгүй байх. Итгэхэд бэрх ч ийм зүйл болсон гэнэ. 2008 оны зургадугаар сарын 10-нд Монголоос алуурчин Багиндаг цагаатгахад нөлөөлсөн нэгэн бичиг Малайзад очжээ. Уг бичгийг Гадаад хэргийн яамнаас илгээсэн бололтой. Удалгүй Багиндаг цагаатгасан байна.

Малайз улсаас Монголд суугаа өргөмжит консул Датук Саид Абдул Алхабиш тухайн үед манайд бас нэгэн бичиг илгээжээ. Үүндээ “Би Монгол улсын ерөнхий сайд Санжийн Баярын тушаалаар ажилладаг хүн. Өгсөн үүргийг нь биелүүлсэн” гэсэн байв. Энэ талаар амиа алдсан бүсгүйн аав Д.Шаарийбуу “Багиндагийн шүүх хуралд С.Баярын илгээсэн бичиг их үүрэг гүйцэтгэсэн гэж ярьдаг. Тэр талаар тухайн үед Малайз, Австралийн сониноор хүртэл их гарч байсан. Энэ тухай манайд л хаалттай байдаг болохоос бус дэлхий даяар л ярьдаг шүү дээ. Би тэр үед С.Баяр гэдгээс нь асууж байсан. “Та ямар үүрэг даалгавар өгөөд Багиндаг суллуулах болсон юм бэ. Хэрэв ийм зүйл хийгээгүй юм бол нэрээ цэвэрлэж авдаггүй юм уу” гэж. Харин үүний хариуд тэрбээр “Би тэр хүмүүсийн хэнийг нь ч огт танихгүй” гэж хариулж байсан.

Харин түүний энэ тайлбарын дараахан ГХЯ-нд “Монгол Улсын Ерөнхий сайд С.Баярын өгсөн даалгавраар бид биелүүлсэн. Тийм болохоор бид Монголын төлөө л ажилласан гэсэн утгатай” албан бичиг Малайзаас ирсэн байдаг л даа. Ер нь энэ хэрэгт улс төрийн томчууд орсон юм билээ. Тэдний тохироо юу байсныг мэдэхгүй юм. Авлига гэдэг чинь авсан өгсөн нь харагддаггүй хамгийн явдалтай асуудал юм даа” гэж ярьсан юм.

Алуурчин Багинда бол Малайзын Ерөнхий сайд Нажибийн багын найз юм билээ. Өргөмжит консул асан Датук харин Нажибтай худ ургийн барилдлагатай. Тэд хүү, охин хоёроо хооронд нь гэрлүүлж том найр наадам хийсэн гэнэ. Гэмт хэрэгтэн Багинда Нажибтай ийм л гинжин хэлхээ холбоотой хүмүүс байжээ. Багиндагийн хэргийг худалдан авахад манай мөнгөөр бол 80 гаруй тэрбум төгрөг зарцуулсан гэсэн тооцоо гарч тухайн үедээ гадаадын хэвлэлүүдэд бичигдсэн байлаа. Тэгвэл С.Баяр тэдний захиасыг биелүүлсэн болж байна уу. Монголынхоо нэгэн бүсгүйн амийг хөнөөсөн харийн алуурчныг шоронд хатаахаас тэр айсан гэж үү. Итгэхэд бэрх юм. Ямартай ч ийм л үйл явдал болоод өнгөрчээ.

Үүгээр ч зогсохгүй С.Баяр 2008 онд Сингапурт эмчлүүлэхээр очиход Малайзын сонинууд шүүрэн авч түүний талаар мэдээлж байв. С.Баяр яах гэж энүүгээр яваад байгаа юм бол, аягүй бол манай дээдсүүдтэй ямар нэг уулзаа учраа байсан байх гэсэн асуудал тавьж бичиж байсныг энд хачир болгож өгүүлэх хэрэгтэй болов уу. Мөнгө цагаан, нүд улаан гэж ярьцгаадаг. С.Баярын нүд улайлаа улайлаа гэхэд монгол иргэнийхээ хувь заяагаар тоглосон гэж үү. Эдгээрээс хардаж төсөөлөхөд, аягүй бол мөнгөнд улайрсан “улаан нүдэн” С.Баяр чинь олон улсын гэмт хэрэгтний авлигыг алгаа тосон авсан байж магадгүй л юм байна даа. Хэрэг хуучирдаггүй гэдэг. Хэн нэгэн энэ хэргийг намжаахыг хүсч байгаа ч, хэргийн үнэн мөнийг олох гэж яваа нэгэн ч бас бий. Харийн алуурчны гарт өртөж, хоёр үрээ орхиод хорвоогоос одсон монгол бүсгүйн эмгэнэлт энэ хэргийг элэг нэгтнүүд бид мартах учиргүй.

Гэтэл Монгол Улсын төр таван жилийн турш чимээгүй суулаа. Цаашдаа суусаар л байх уу. 2008 онд байгуулагдсан хамтарсан Засгийн газар ирэх жил ард түмэнд тайлангаа тавина. Ерөнхийлөгчийн бүрэн эрхийн хугацаа ч жил гаруйн дараа дуусна. Ард түмэн иргэнээ хэрхэн хамгаалж, эрхийнх нь төлөө яаж тэмцсэн тайланг чинь сонсохоор хүлээж сууна.

С.ӨЛЗИЙБАЯР

Эх сурвалж: Үндэсний мэдээ сонин

Малайзын нөлөө бүхий алуурчинд С.Баяр зуучилсан уу
Tweet
Bolod.mn

Сэтгэгдэл (27)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Санжаагийн золбин Баярыг ДОХ-оор Оросын элчин байхдаа өвчилсөн гэдэг биз дээ. Эхнэр Хулан нь түүнийг мэдээд шууд хаясан байдаг биз дээ. Оросууд ч Баярын чихийг гарцгүй болтол нь атгасан байдаг юм билээ.

2012-03-28 | 09:50:12 | 202.131.225.226 |

Зочин
монгол хуний унлэмж иймэл байна охин урээ дурааран битгий яабуулаарай монголийн тур бол тоохгуй ээ эээдээ охин ураа хайрлаарай

2011-12-22 | 23:36:02 | 202.170.68.69 |

Зочин
одоо сонгуули болох гэж бгаа наадах чини худлаа шааж бгаан ЭНХБАЫРИЙН ЗАХИАЛГААР бичиж бна

2011-12-22 | 19:25:05 | 203.91.117.4 |

Зочин
ард тумнээ гэх сэтгэл энэ луйбарчдад эрөөсөө байхгуй энэ бурлээчийг огт тоогоогуй шуу дээ оорсдийнх ни толгойг цусдах Хурцийн толоо хамаг монгийг маани л өмгөөлөгчийн цалинд уабаа биздээ

2011-12-22 | 18:42:51 | 202.9.44.58 |

Зочин
сурхий хун болох гэж дэндүү тэнэг ым бичих гэж дээ. ухааны ийм хэмжүүртэй хун л сэтгүүлч, нийтлэлч гэхээр яна даа. бид их л удаж байж хунийг хумуужуулэх талд амжилт олх байхдаа.

2011-12-22 | 16:53:56 | 62.178.127.8 |

Зочин
тэр хүний үхэлд махн нам хамаагүй биз дэ .....дээр үэд болсон тэр хэлмэгдэл одоогийн энэ МАН намд хамаагви биз дэ .тэр 1 санал бичсэн хүн мангар гар уу .2012 онд МАН нам гархал болнооо .

2011-12-22 | 16:26:57 | 211.224.157.27 |

Зочин
МОНГОЛ д хамгин олон хүн алсан НАМ бол МАН шүү дээ 1937 оноос øнøøдøрийг хүртэл алсаар л байн яасан алж дусдагүй муухай НАМ бэ бас хамгин зайлтай НАМ энэ МАН-ыг одоо 2012 онд бид гаргаж болохгүй тэгүүл бид яалан бид хожин бид тайван байн бид хөгжин

2011-12-22 | 13:53:10 | 173.161.26.105 |

Зочин
баяр юу гэж уг хэлэх юм бэ манайхаас гомдолгуу ээ 2 орний найрамдалт харилтсааг бодоод гэж л бич ээ биз ыхсэнээ хийж малайз энэ тэр явдаг байнаа монголдоо монголчууд байх учиртай биз дэ англи гэрманаар дуурэн монгол хууxнууд xарийнахнтай яваад л тэгэж байгаад л алуулж байгаа байх харамсалтай зыилм болсон л до Баяр даргаа үгээ хэлээч Ингэж гүтгэж байгаа бол та олон улсын шүүхэд хандаач Хүнийг ингэж улаан цайм гүжирдээд байгаа бол эл сэтгүүлчийг хүртэл шийтгэх хэрэгтэй ГХЯ та нар юу хийдэг хүмүүс бэ

2011-12-22 | 13:51:58 | 116.228.15.224 |

Зочин
итгэхгүй байна дэндүү худлаа шаах гэж дээ

2011-12-22 | 13:44:37 | 180.149.93.12 |

Зочин
энэ хүн ямар хорчин гар вэ ? хаа сайгүй л хор найруулж явахын

2011-12-22 | 12:46:16 | 202.126.91.58 |

Зочин
Энэ худлаа болсоон сэтгүүлч яг зөв хэлжээ, Зоригийн хэрэгээ илэрүүлж чадахгүй байж

2011-12-22 | 12:33:13 | 180.149.74.161 |

Зочин
магадгүй ээ с-баяр чинь алуурчин юм чинь

2011-12-22 | 12:15:39 | 49.0.170.21 |

Зочин
магадгүй ээ с-баяр чинь алуурчин юм чинь

2011-12-22 | 12:15:17 | 49.0.170.21 |

Зочин
магадгүй ээ с-баяр чинь алуурчин юм чинь

2011-12-22 | 12:15:06 | 49.0.170.21 |

Зочин
арай ч дээ хунийг ингэж гутгэж бичиж байх ямар хэрэг байнаа энэ хун арай ийм муухай зуйл хийхгуй байхаа тийм сайхан аав ээжээс турсун монгол хун ийм муухай зуйл хийхгуй байх гэдэгт итгэж байна энэ хэн нэг хуний захиалгаар бичуулсэн гутгэлэг байхаа

2011-12-22 | 12:10:03 | 202.170.80.45 |

Зочин
Монголчууд энэ хэрэгт дэндүү хайхрамжгүй байгаа шүү Гэтэл Малайз Австрали Францын хэвлэлүүдэд хүний эрхийг хамгаалагчид Алтантуяагийн алуурчдыг шударгаар шүүхийг нэхэж шаардсаар байгаа

2011-12-22 | 12:04:21 | 182.160.33.179 |

Зочин
Хэдий харамсалтай ч баяр арай ч угуй биз дэ

2011-12-22 | 12:03:33 | 202.131.238.10 |

Зочин
Хэдий харамсалтай ч баяр арай ч угуй биз дэ

2011-12-22 | 12:03:24 | 202.131.238.10 |

Зочин
Баяр даргаа үгээ хэлээч Ингэж гүтгэж байгаа бол та олон улсын шүүхэд хандаач Хүнийг ингэж улаан цайм гүжирдээд байгаа бол эл сэтгүүлчийг хүртэл шийтгэх хэрэгтэй ГХЯ та нар юу хийдэг хүмүүс бэ

2011-12-22 | 11:53:44 | 202.126.91.144 |

Зочин
Пизта Баяр.

2011-12-22 | 11:49:35 | 202.21.105.245 |

Зочин
Сонгууль дөхөөд ирэхээр ч хүнийг янз бүрээр л гүжирдэх юм даа, тэр үед нь юу ч дугараагүй байж одоо юугаа донгосоцгооно вэ

2011-12-22 | 11:43:34 | 202.70.45.138 |

Зочин
баяр даргаа ю болоод б/а аа. арайчдээ

2011-12-22 | 11:34:51 | 202.55.186.20 |

Зочин
neg muu yanhan uchuuhen hend ch hereggui yum hereggui ajil heregt uuriiguu zoriulj yavj bj uhlee duudsan tenegiin heregt ene bas oroltsood amjaa yu

2011-12-22 | 11:33:52 | 120.142.113.21 |

Зочин
ene hund ih no bii dee. naanaa ih l mundag tsarai gargaj jujiglej sursan . tsaaguuraa dald yu gej ch yarij yamar ch yum hiij yavj chadah hamgiin bertegchin ni shde.

2011-12-22 | 11:30:03 | 120.142.113.21 |

Зочин
ÌÝÄÝÝÆ ÀËÓÓÐ×ÈÍ ÁÀßÐ

2011-12-22 | 11:15:45 | 124.158.76.2 |

Зочин
ÌÝÄÝÝÆ ÀËÓÓÐ×ÈÍ ÁÀßÐ

2011-12-22 | 11:15:41 | 124.158.76.2 |