Манай улс 1992 оноос эхэлж дөрвөн жил тутамд сонгууль явуулж байгаа. Төр засаг удирдаж байгаа хүмүүсийг сольж, хольж, шинэ шинэлэг толгойнуудыг саарал ордонд оруулж байхын тулд ийм хугацаа тогтоож өгсөн байлгүй дээ. Дээрээс нь дэлхийн улсуудын жишээ, загвар ч байсан байх. Түүнээс хойш бид зургаан ч сонгуулийн ард гараад байна. Мөн улстөрчид яаж ард түмэнд хайр зарлаж, усыг авч, галыг нь түлж өгөх шахаж гүйдгийг. Ард түмнээ бурхан адил шүтэж, мөргөнө гэж долигнодог онигоог овоо хэдэн жил харлаа.

Яах вэ дээ, сонгуулийн маргаашнаас л мартагддаг, амьдаралдаа түүртдэг ард түмэн дөрвөн жилийг арай гэж давсаныхаа дараа хэд хоногтоо л улстөрчдийн тавьсан хошин шогийг үзэж, үнэн сэтгэлээсээ инээж авдаг болохоор нэг талдаа хэрэгтэй зүйл. Гэхдээ сүүлийн хэдэн жил энэ улстөрчид ард түмний сонголтыг юу ч биш болгож байна. Сонгууль хийж байна гэж баахан мөнгө төгрөг үрнэ. Дундуур нь хэн нэгнийхээ саналыг луйвардана. УИХ-д гарахын тулд нэгийгээ шоронд хийнэ. Шүүх дээр гацаана. Арай гэрийнх нь хаалгыг гаднаас нь хадах нь холгүй байна даа. Тэгж тэгж нэг юм 76 гишүүн саарал ордонд орҗ, сандал суудалдаа тухалсны дараа гэнэтхэн хамтарсан Засгийн газар байгуулахгүй бол болохоо болилоо гэж давхилдана даа.

Хэзээ ч билээ дээ, тэгж давхилдаад, хөдөө гадаанаас хүн урьж, залж авчираад Ерөнхий сайд болгосон юмдаг. Дараа нь 2008 онд дахиад л хамтарсан Засгийн газар гэж байгуулсан. Ханилж яваад нөхрөө, унаж яваад морио гэдэг үгийг хэн нь умартсан юм бүү мэд, гэнэтхэн л ханилж суухаасаа залхаж, хаяад явсан даа. Хоёр том нам ч хэрэлдэж хэрэлдэж салчихаад, хэсэг хугацааны дараа тэврэлдэж, үнсэлцэж уулздаг ядаргаатай эхнэр, нөхөр хоёр шиг л байгаа юм. Энэ мэтээр салж, нийлж, нэгийгээ муулж, магтаж, бүр цусаа гартал зодолдож, тосоо гартал тэврэлдэж явсаар 2012 онтой золгов.

Хэсэг хугацаанд нэг нэгэндээ өгсөн хайраасаа уйдаж, ард түмнээ санасан гэдгээ хэлж, үнэн зүрхний нулимсаа унагасан байх, бараг. Ингээд сонгууль ч боллоо, баахан мөнгө төгрөг үрлээ. Ард түмэн эн тэнцүүхэн сонголт хийчих нь тэр. Гэтэл нэг нь өөр нэгэнд хайртай болоод, нэг гэрт орж, засгаа байгуулаад явчихгүй юу. Хайрын гурвалжин үүссэн гэсэн үг. Нөгөөх нь өмнө нь бие биедээ хэчнээн хайртай байлаа, түүнийгээ санасангүй, чиний төлөө би бүх сэтгэл зүрхээ зориулсан гэж ирээд баахан гомдоллов. Ингэж хэсэг явсаар, тэснэ тэснэ гэхэд яаж тэсэх вэ гэгчээр шинэ хамтрагчаа халчихаад эргэж ирэв ээ. Дахиад л хамтарсан Засгийн газар байгуулахаар болов. Гэхдээ энэ удаад нийлж болох бүхэнтэй нийлнэ гэнэ ээ, цаана чинь. Өнөө төрсөн биеэ төгрөг мөнгөөр арилждаг эмэгтэй шиг юм уу даа. Ард түмэн айл гэрийг нэг нь аваад яваа, нөгөөх нь сөрөг хүчний үүднээс түшиж тул гээд сонголтоо хийгээд байхад энэ хоёр нам юу юугүй л өвөр түрийдээ орчих юм. Ингэж сонгууль хийгээд хэрэг байна уу даа, үгуй юу.

Сонгууль хийж байна гэж улс орны мөнгийг хайр найргүй цацаж, ард түмэнд хайр зарлахын тулд тэгж их мөнгө үрж байхаар хоёр том нам нь 76 суудлаа тэнцүү хуваагаад авчих хэрэгтэй. За жижиг нам хэрэгтэй гэж үзвэл 1-2 суудал өгчихгүй юу. Тэгээд том намууд нь 30,30-аар хуваагаад авсан ч яах вэ дээ. Квот тогтооно гэсэн үг л дээ. Түүнийхээ дараа намууд дотроо хайраа зарлахгүй юу. Намын дарга, удирдлагууддаа хайр зарлана гэсэн үг. Ард түмэнд хайр зарлахаас арай амар шүү дээ. Ердөө л ганцхан хүнд олуулаа хайраа илчилнэ гэж байгаа. Хэн илүү хайр зарлаж чадсан нь гишүүнээр сонгогдоно биз. Дараа нь парламентад суудалтай бүх намууд нэг “хөнжил”-д ороод, улс орноо удирдаад явахгүй юу. Үнэхээр энэ хэдэн намууд хамтарч ажиллахгүй бол улс орон хөгжихгуй байгаа юм бол өөр арга алга. Сонгууль хийхээ ч болъё.

Монголын мэдээ
Н.Пунцагболд

Сонгууль хийхээ больё
Tweet
Bolod.mn

Сэтгэгдэл (2)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Жавхлангийн гар******** уусэл ямар ундэстэн хун болохыг сонгох ард тумэн сайн суд********. Энэ уймэрсэн терд ендер боловсролтой эрдэмтэн мэргэдээ сонгох хэрэгтэй. Толгой хоосон бол дэлхий доргитол хашгарч орилоод хэрэггуй. Нэр. цолтой бех Батэрдэнэ гуай УИХ- ын гишуун болоод улс оронд ямар гавьяа байгуулав, Бех Сумьяабазар бас ямар гавьяа байгуулав. Улсын циркээр ард тумэн цангаж байхад ах дуугээрээ нийлж циркийг ямар болгож байна. Сумьябазарын боловсрол хаанаа явна. Шудрага унэн ес чинь хаана байна. Бехчууд улс орныг удирдана гэж байхгуй. Ядаж эхлээд орос хэлээр ундсэн хуулийн 10 хуудсыг Монгол хэлнээс Оросхэл дээр бурэн орчуулж чаддаг болсоны дараа том ********бан ту********лд шуна. Олж авсан олны хундэтгэлийг бехчууд бугдээрээ УИХ- д орж санд******** сууд******** беглеед байв******** юу болох бэ?. Барилддаг бех бол бех, Дуулдаг хун бол дуучин. Иргэн бур юу сайн чаддаг туугээрээ л амьдрах естой. З********ь гаргаж терд шург******** ********рд********гуй. Улстерийн нам ч газар доогуур, шороон доороо дороо дарагд. Улстерийн бух нам эвслийг устгая гэж босох иргэн байна уу???, Жавхлан ч чадахуу???.

2015-04-07 | 07:51:00 | 122.201.24.97 |

Зочин
Емнех 2012 онд Дуучин Жавхлан УИХ- д орох гээд чадаагуй. Улстерд орох хун бу********ас онцгойлон цойлж олон хуний анхаарлыг татаж санасандаа хурэх гэж улайрдаг. Уунийг нь д********имдуулж Жавхлан чамайг би дэмжиж хамт явсан. Чи том ********бан ту********лд очдог бол биднийг еед нь татаж авна шуу гэсэн болзолтой хамтардаг. Болохгуй юмны телее Жавхлан тэмцэж байгаа нь зевхен иргэн хуний уургээ л биелуулж байна. Бусад ард тумний хеделгеен ингээд хамтарч босоод терийн гурван ендерлегийг унагаад егел дее. Харин Жавхланг терийн гурван ендерлегт гаргаж одон улсын доог болговоо. тер улсаа телеелж бвйгаа хун улс орноо гадаадын ямар нэг хэлээр бурэн тайлбарлаж улсын нуур таглахаас гадна, эдийн засаг банк санхуу хуулийн ендер боловсролтой байх естой. Ямарч хэл мэдэхгуй бас нэг хэлмэрч дагуулж орон тоо хэрэгтэй болно. Цээжны хийрхэлээр улс орон удирдаж болохгуй. Сухбаатар жанжины уе одоогийн уе 2 тэмээ ямаа шиг ялгаатай. Жавхланг еренийлегч болгож завсараас нь ашиг унагах гэсэн з********ьтай иргэд байв******** санаагаа хураагаарай. Эрдэмтэн мэргэдээ одоо болтол ********ь нэг хун Жавхланг еренхийлегч болгоно гэж ганц уг дугарахгцй, телевизороор ганц уг дуграхгуй байгаа чинь цаад утгыг нь мэдээд огт дуграхгуй байгаа юм шуудээ. Орчин уед ендер боловсролтой эрдэм мэдлэгтэй хун улс орныг удирдана. Еренхийдее манай олон иргэд зев иргэнээ сонгуульд оруулах т********аар оюуны белтгэл боловсрол ********тай байх юмаа. Хэн илуу хашгарч орилсоноор шилдэг сайн боловсролтой хун байхгуй шуудээ. Хуульч Нарангэрэл сайд асан Хурц, шиг иргэдийг УИХ- ын сонгоход ********дах юмгуй. Энэ улс намайг огт танихгуй гэхдээ УИХ- д 50-70 насны иргэдийг голдуу сонгох хэрэгтэй байнаа. Ард тумэн ном туух , ху уль их сайн ун********чээ. Хамгийн их орилсон шуумжилж хашгарсан нам байгуулсан иргэдийг тахин шутэж болохгуй. тер улс удирдах иргэдийг бусдын амаар биш иргэн хун бур сайн суд********. Жавхланг юм мэддэг боловсролтой юмны учрыг мэддэг иргэд яагаад ч тоож сонгохгуй. Жавхлан баруун аймгийн ямар угсаа гар********тай хун бэ?. Лав л Х********х хун менуу???. Мереерее дуугаа дуулаад чадахгуй бол терсен нутагтаа очиж нутгаа хегжуулэхэд гар бие оролцохгуй юу. Нийслэл хотоо хегжуулэхэд Жавхлан 3 ш мод тарьсан ю********?, Сэтгэлийн хеерлеер толгой хоосон ингэж ард тумнийг бужигнуулж болдоггуй юм шуу!!, Жавхлаан чамайг дэмжиж байгаа хамтрагч нар чинь яг чам шиг бодовсрол тааруу улсууд хамт хийрхэж байгаа. Ендер боловсролтой иргэд чамайг тоож улс орноо удирдуулахгуй.

2015-04-07 | 07:39:10 | 122.201.24.97 |

Мэдээ
Гадаад мэдээ
Видео