Японы мэргэжлийн сумо бөхийн их аварга Хакухо М.Даваажаргал нагоя башё дуусгаад өнгөрөгч даваа

гаригт бусад монгол сумочдын хамт эх орондоо нэг долоо хоногийн хугацаатай амрахаар иржээ. Монголын бейсболын холбооноос өчигдөр ёкозуна Хакуко М.Даваажаргалын нэрэмжит бейсболын тоглолт зохион байгуулсан бөгөөд эх орондоо амрахаар ирсэн их аварга М.Даваажаргал, Моконами Г.Базарсад нар уг тоглолтод оролцож, өсвөрийн бейсболын тамирчидтай гар нийлэн, бейсболын ногоон зүлгэн дээр нэг өдрийг өнгөрүүлсэн юм. Тэмцээний үеэр их аварга Хакухо М.Даваажаргал цагаан өнгийн “Хакухо 69” гэх өмсгөлөөр гангарсан бол Моконами Г.Базарсад улаан өнгийн “Хакухо 69” өмсгөлтэй тоглолтод оролцсон. Мэдээж өмсгөлийн дугаар нь Японы мэргэжлийн сумо бөхийн 69 дэх ёкозуна болсон их аварга Хакухогийн амжилтыг бэлгэдэж буй.
М.Анир
newsmn