болоогүй гэсэн таавар улс төр болоод олон нийтийн хүрээнд тарав. Фэйсбүүкээр хэсэгчдийн, жиргээчдийн өчигдрийн сэдэв төөрсөн Н.Алтанхуяг ба түүний нөхөд байв. Ерөнхий сайд Н.Алтанхуяг бямба гаригт Засгийн газрын хуралдаанаа удирдчихаад Бурхан Халдун ууланд гарахаар хэсэг нөхдийн хамт замд гарчээ. Хэсэг гэдэг нь 60 гаруй хүн. Ерөнхий сайдын харуул, хамгаалалт, жолооч, туслахууд, зөвлөхүүд, намын зарим гишүүн нийлсэн баг явжээ. Өнгөрсөн ням гаригт Ардчиллын баяр болсон. Иймд Ерөнхий сайд бямба гаригт ууланд гарчихаад оройдоо Улаанбаатарт буцаж ирээд намынхаа баярт оролцохоор төлөвлөсөн байжээ.

Гэтэл намынх нь нөхөд даргагүйгээр баяраа тэмдэглэсэн байна. Н.Алтанхуяг “Ардчилал, хүний эрх, эрх чөлөөний төлөө үзэл бодлоо уралдуулж, үгээ хурцалж, зорьсон үйлсийнхээ төлөө хоёргүй сэтгэлээр тууштай тэмцэж ирсэн үйлс нэгт нөхөд тэдний ард байгаа Монголын нийт ард түмэндээ Ардчиллын баярын өдрийн мэнд дэвшүүлье” гэж хэвлэлийн хуудсаар мэндчилсэн байв. Харин баярын өдөр мэндчилгээний эзэн яагаад ч юм ууланд төөрсөн байжээ.

ТӨРИЙН ТУСГАЙ АЛБАНЫХАН БУРУУТАЙ ЮУ?

Бурхан Халдунд өмнө нь төрийн өндөрлөгүүд олон удаа гарч хийморь лундаагаа сэргээдэг байв. Гэхдээ тэд төөрөөгүй ч чих, хацраа хөлдөөчихөөд уулнаас буусан удаа бий. Өдийд Бурхан Халдунд цас ханзраад шар усны үер болдог аюултай үе гэж нутгийн иргэд анддаггүй юм билээ. Харин Ерөнхий сайдын багийн энэ удаагийн аялал амжилтгүй болсонд олон шалтгаан тоочиж болох гэнэ. Тэднийг ууланд авирч байтал гэнэт цасан шуурга тавьж, аяллын багийнхан бүгд төөрч, хотоос холбоо тасарчээ. Сансарт нисээгүй л бол орчин үед хаана ч холбоо тасармааргүй юм. Ерөнхий сайдын бие хамгаалагчид, мөн Төрийн тусгайгийнхан хамт явсан байж таарна. Хамгаалагчид тус бүртээ станцтай явдаг. Хаана ч явсан холбоо үл тасалддаг станц шүү дээ. Тэгэхээр Төрийн тусгайгийнхан ажилдаа алдаа гаргасан байх. Уг нь Төрийн онцгой объект хамгаалж яваагаа тэд сайн мэдэх учиртай. Эсвэл цаана нь нэг нууц байв уу гэсэн асуулт үлдлээ.

Тэгээд Ерөнхий сайдыг алга болсон тухай мэдээ авсан Шадар сайд Д.Тэрбишдагва шөнөдөө түргэн авч эрлийн багаа удирдан араас нь явсан юм байх. Гэхдээ эрлийг Ерөнхийлөгч Ц.Элбэгдорж бүхэлд нь удирдаж, Шадар сайд гардан гүйцэтгэсэн гэнэ.

Хэдэн жилийн өмнө Л.Гүндалай гишүүн Хөвсгөл далайд завьтай төөрч, тухайн үеийн Онцгой байдлын асуудал эрхэлсэн сайд У.Хүрэлсүх эрлийн багтай очиж байв. Эрхэм гишүүнийг эсэн мэнд Хөвсгөл далайн нэгэн арлаас олсон. Яг тийм юм өчигдөр болжээ. Л.Гүндалай тойргийнхоо сонгогчидтой уулзахаар нэг сумаас нөгөө рүү далайгаар явсан бол Ерөнхий сайд Бурхан Халдунд гарч хийморио сэргээж, алжаалаа тайлахаар автомашинаар аялсан байв. Гэхдээ ууланд явган авирсан байж таарна.

Харамсалтай нь Ерөнхий сайд гэмтэл авчээ. Түүнийг нисдэг тэргээр хотод авчирч Улсын хоёрдугаар төв эмнэлэгт хэвтүүлэн эмчилж эхэлсэн байна. Тэрээр ямар гэмтэл авсан нь одоогоор тодорхойгүй байгаа бөгөөд хамт явсан зарим хүний хацар, чих, хөл, гар хөлдсөн мэдээ байна.

ЦАГ АГААР БУРУУТАЙ ЮУ?

Ерөнхий сайдыг Бурхан Халдунд гарах үед цаг агаар таагүй байсан. Түүнийг төөрөхөд цаг агаар бас буруутай юм байх. Байгалийн давагдашгүй хүчин зүйл хэзээ ч болж магадгүй. Давахад дэндүү хэцүү даваа гэвэл энэ мөн. Гэхдээ цаг агаар ойрд муудна, цасан шуургатай, хол замд гарахыг хориглосон тухай сэрэмжлүүлгийг холбогдох газраас өгсөөр байтал Ерөнхий сайд Бурхан Халдуныг яагаад зүглэв.

Цаг агаарын мэдээ Ерөнхий сайдын чихний хажуугаар өнгөрсөн гэж бодъё. Адаглаад албатууд нь сонсдоггүй, мэддэггүй, мэдрэмжгүй гэж үү. Ажил амьдралынхаа хэмнэлийг зохицуулахад цаг агаарын мэдээ шиг чухал юм үгүй. Гэхдээ аяллын багт буруу мэдээ очсон гэсэн мэдээлэл ч өчигдөр гарлаа.

Уг нь өнгөрсөн долоо хоногт үе, үе цас орж манан татаад л тэнгэр нэг ёозгүй байсан даа. Хүн бүр л мэдэж байгаа. Зарим орой хөдөө байтугай хотод төөрчихөөр битүү манан татсан.

Тэгвэл цаг агаарын мэдээг тоодоггүй том толгойтнууд Засгийн газарт ажилладаг гэж бодъё. Тэнгэрийн өнгө хаана юу болохыг бэлхэн хэлээд өгч байхад Бурхан Халдун руу дураараа явсан зөрүүд Ерөнхий сайдыг хотоос гарахад хориглож бас болно. Тэгвэл онцгой байдлынхан бас буруудах нь. Ерөнхий сайдыг замд гарахад хориг тавьж саатуулаагүй, ууланд гарсных нь дараа эрж хайх ажил удсаныхаа төлөө онцгойгийнхон буруутны тоонд орох бололтой.

ЕРӨНХИЙ САЙД ӨӨРӨӨ БУРУУТАЙ ЮУ?

Ойрын хэдэн өдөр орон нутгийн зарим нислэг саатсан. Зарим аймгийн нислэгийг Улаанбаатарт газардахыг зөвшөөрөөгүй гэж байгаа юм. Эрдэнэт, Дарханаас л лав орон нутгийн замд машин гаргаагүй хориглосон байна лээ. Холбогдох газрууд чадлынхаа хэрээр эртнээс арга хэмжээ авсан ч хэд хоногийн таагүй өдрийг ажралгүй давчихав.

“Өнөөх нялх үрээ тэврээд усанд урссан ээжийг нисдэг тэргээр эрж хайгаагүй байж ууланд төөрсөн Ерөнхий сайдын араас юун их юм болж, нисдэг тэрэг хөлөглөж очдог юм” гэж зүйрлэх хүмүүс олон байлаа. Зүйрлүүлж болох ч нөхцөл байдал арай өөр байсан болов уу.

Хаврын хавсарга өвлөөс хүнд байдгийг монголчууд бид сайн мэддэг ч заримдаа азгүйтэх, хэнэггүй, тоомжиргүй зангаасаа болж алддаг энэ мэт жишээ олон. Болохгүй гэсээр байхад болно гэж зүтгэдэг монгол хүний муйхар зан энд гарав уу. Ерөнхий сайд минь хийморь лундаагаа сэргээх гэж яаралгүй хэд хоног тэвчсэн бол тэнгэр тогтуун сайхан болох мэдээ байсан. Ажил, амралтаа зөв зохицуулсан бол олон хүн төөрч будилж, цас шуурганд туугдаж, хөл гараа хөлдөөх байсан уу. Ерөнхий сайд нэгийг бодож, хоёрыг тунгааж, бурууг өрөөл бусдаас биш өөрөөсөө хайхад гэмгүй биз.

ЗАСГИЙН ГАЗРЫН ХЭВЛЭЛ МЭДЭЭЛЛИЙН АЛБАНААС ДӨРВӨН УДАА

ШУУРХАЙ МЭДЭЭ ДАМЖУУЛАВ

Шуурхай мэдээ 1.

Еөнхий сайд Н.Алтанхуяг дөрөвдүгээр сарын 6-ны бямба гаригт Бурхан Халдун ууланд авиралт хийхээр явж, ням гаригийн өглөө авиралтаа эхлэн үдээс хойш бууж ирэх төлөвлөгөөтэй байсан боловч цаг агаар гэнэт муудсанаас уулнаас бууж ирээгүй байна. Ерөнхий сайдтай 70 хүн хамт яваа юм. Ерөнхий сайд, түүний багийг хайх шуурхай эрлийн баг томилогдон ажиллаж байгаа бөгөөд саяхан хоёр хэсэг хүмүүсийг олж байршлыг нь тогтоосон байна. Энэ нь ойролцоогоор 70-аад хүн байна гэж эрлийн баг мэдээллээ. Ерөнхий сайд, түүний багийг эрж хайх ажиллагааг Ерөнхийлөгч Ц.Элбэгдорж удирдаж байна.

Шуурхай мэдээ 2.

Бурхан Халдун ууланд авираад буцах замдаа цасан шуурганд боогдсон Ерөнхий сайд Н.Алтанхуяг түүнтэй хамт яваа 70 хүний байршлыг тогтоон олж, яг одоо 23 хүнийг нисдэг тэргээр үндсэн отог руу хүргэж байна. Дараагийн хүмүүсийг уулнаас татаж авах бэлтгэлийг хангаж байна гэж Онцгой байдлын ерөнхий газраас мэдэгдлээ.

Шуурхай мэдээ 3.

Цаг агаарын хүндрэлээс болж Бурхан Халдун ууланд саатаад байсан Ерөнхий сайд Н.Алтанхуяг, түүнтэй хамт явсан 60 гаруй хүнийг бүгдийг үндсэн отогт хүргэжээ. Одоо эхний ээлжийн хүмүүс нисдэг тэргээр Улаанбаатарт ирж байна гэж Онцгой байдлын ерөнхий газраас мэдэгдэж байна.

Шуурхай мэдээ 4.

Бурхан Халдун уулыг зорьсон Ерөнхий сайд Н.Алтанхуяг, түүнтэй хамт явсан 60 гаруй хүн цаг агаарын хүндрэлээс болж төлөвлөсөн цагтаа уулнаас бууж чадаагүй ч бүгд эсэн мэнд үндсэн отогтоо ирсэн байна.Тун саяхан Ерөнхий сайд Н.Алтанхуяг нарын 10 гаруй хүн нисдэг тэргээр Улаанбаатарт ирлээ. Үлдсэн хүмүүс нь машинаар нийслэл хотыг зорьсон байна.

М.ГАНЦЭЦЭГ

ЭХ СУРВАЛЖ: ЗУУНЫ МЭДЭЭ

Ерөнхий сайдыг хэн төөрүүлсэн бэ?
Tweet
Bolod.mn

Сэтгэгдэл (5)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Энэ ажил********анд Намбарын Энхбаяр буруутай байхаа

2013-04-09 | 20:17:49 | 180.149.78.20 |

Зочин
ТӨВ АЙМГИЙН БАЯНЖАРГАЛАН СУМЫН НУТАГТ ДЭД Б vТЭЦ САЙН ХӨГЖСӨН ГАЗАР ОРШИХ ХӨМӨӨЛТ, БАЯНЖАРГАЛАНГИЙН Х vРЭН Н v vРС, ШАТДАГ ЗАНАРЫН ТОМ ОРДУУДЫГ ТӨР МЭДЭЛДЭЭ АВАХ ХЭРЭГТЭЙ БАЙНА ЭДГЭЭР ОРДУУДЫН Х vРЭН Н v vРСНИЙ НӨӨЦ 2.0 ТЭРБУМ ТОНН, ШАТДАГ ЗАНАРЫН НӨӨЦ 4.0 ТЭРБУМ ТОННООР ТООЦОГДДОГ МАНАЙ УЛСЫН ТОМООХОН Н v vРСНИЙ ОРД ЮМ ХӨШӨӨТИЙН УУРХАЙГ ХУУЛЬ БУСААР ЭЗЭМШИЖ БАЙГАА “МОНЭНКО” КОМПАНИЙ ЗАХИРЛААР АЖИЛЛАЖ БАЙСАН ӨВӨР МОНГОЛ НАЦАГДОРЖ ГЭГЧ ЭТГЭЭД ГАДНЫ ЛУЙВАРЧИДТАЙ НИЙЛЖ ” КОММОНМАКС” КОМПАНИЙ НЭР ДЭЭР ДЭЭРХИ ОРДУУДЫГ ЛУЙВРЫН АРГААР АВЧ ЭЗЭМШИЖ БАЙНА МОНГОЛ ТӨР ИЙМЭРХ v v ТОМ ОРДУУДЫГ ӨӨРИЙН МЭДЭЛ ЭЗЭМШИЛДЭЭ ЭРТХЭН АВАХГ vЙ БОЛ ОДООГИЙН ОЮУТОЛГОЙ БОЛОН ГАЗРЫН ТОС ГЭХ МЭТ ОЛОН ОРДУУДАА АЛДСАН ШИГЭЭ АЛДАХАД ТУН ОЙРХОН БАЙНА Ш v v

2013-04-09 | 18:44:15 | 122.201.18.206 |

Мэдээ
Гадаад мэдээ
Видео