Бид зөвхөн кино, зохиолоос л харж байсан хэргүүд бүсгүй хүнээс гарч байна. Үүнд цаг үе, нийгэм хамаатай байж болох. Дэлхийн аль ч оронд эмэгтэйчүүдийн үйлдсэн гэмт хэрэг эрчүүдийнхээс илүү анхаарал татдаг гэхэд болно. Энэ удаад бид эмэгтэйчүүдийн үйлдсэн гэмт хэрэг, түүний шалтгаан юу байв гэдгийг уншигч танд хүргэхийг зорилоо.

"Тhe Ken ба Ваrbie алуурчид" гэж хэн нэгний даажигнан өгсөн хочоор танил болсон Канадын Paul Bernardo ба Karla Homalka нар 1990-ээд оны үеэр өсвөр насны охидыг хүчирхийлсэн цуврал аллага үйлдэж дуулиан тарьсан хосууд. Гэмт хэргийн ертөнцөд иймэрхүү дуулиан тарьсан цуврал аллага үйлддэг хос цөөхөн байдаг аж. Тухайн үедээ гэмт хэрэг судлаачдын дунд чамгүй маргаан үүсгэж байсан түүхтэй. Канадын Торонто хотын цагдаагийн газрын мөрдөн шалгах хэлтсийнхэн 1993 онд Пол Бернардо гэгчийг өсвөр насны дөрвөн хүүхдийг хүчирхийлэн амь насыг нь хөнөөсөн. Мөн 14 удаагийн хүчингийн гэмт хэрэг уйлдсэн гэж баривчлан саатуулав.

Сэжиглэн шалгах болсон үндэслэл нь эхнэр Карлагийн түүний эсрэг өгсөн мэдүүлэг байв. Гэмт этгээдийг сэжиглэн шалгах явцад өсвөр насны дөрвөн охин, тухайлбал ойрын хамаатан хоёр, хэн болох нь үл мэдэгдэх хоёр охиныг гэртээ болон зуслангийн байшиндаа хүчирхийлэн , амь насыг нь хөнөөсөн бичлэгүүд олджээ. ДНК болон бусад шинжилгээгээр Scarbborough мужид гарсан 14 удаагийн хүчингийн гэмт хэрэг нь нотлогджээ. Түүний хамтрагч нь гэрч Карла өөрөө байв.

Карла Хомолка 1970 оны тавдугаар сарын 4-нд Канадын Рort Credit мужийн Ontario гэдэг тосгонд төржээ. Тэрбээр Берандотой хамтран бага болон өсвөр насны дөрвөн охиныг алсан гэмт хэрэг үйлджээ. Өөрөө ч түүний хохирогч байсан гэж мэдүүлдэг. Хавтаст хэрэгт авагдсан баримтаас үзэхэд Карла өөрийн нөхрийн эсрэг мэдүүлэг өгчээ. Тэр хүчирхийлэл зодуурт удаа дараа өртөж байсан гэСэн шалтгаанаар цагдаагийн байгууллагад хандаж. Ингэх явцдаа тэрбээр өөрийн өмгөөлөгчөөр дамжуулан хуулийн байгууллагынхантай хамтарч ажиллахаар тохиролцон нөхөр Бернардогийн үйлдсэн гэмт хэргийн талаар нэг бүрчлэн ярьж, нотлох баримтыг сайн дураар олоход тусалснаар өөрт ногдох ялыг хөнгөрүүлж чадсан байна.

Тэрбээр сургуулиа төгсөөд малын эмчийн туслахаар хэсэг ажиллажээ. Энэ нь сүүлд гэмт хэрэг үйлдэхэд нь нөлөөлжээ. Халотейн гэдэг мал, амьтныг нойрсуулах бодисыг хулгайлж, улмаар гэмт хэргийн анхны хохирогч өөрийн төрсөн дүү Тамиллагийн хоолонд хийн ухаан алдуулж, Бернардог хүчирхийлэхэд нь хамтран оролцжээ. Хүчирхийллийн явцад охин ам хамарт нь чихсэн зүйлсэд хахаж нас барсан байна. Тэд эмнэлгийн байгууллагад худал мэдээлэн гэмт хэргээ нуун дарагдуулав. Энэ бүхний дараа гэмших нь байтугай дараа дараагийн гэмт хэрэг үйлдэхэд видео бичлэг хийх хэлбэрээр хамтран оролцож байжээ. Карла 2005 онд шоронгоос суллагдсан байна. Одоо шинэ нөхөр, хүүхдийн хамтаар хэвийн ажиллаж амьдран, хуулийн чиглэлээр сурч байгаа аж. Түүний тухай 2003 онд "Карла" гэдэг кино гарч гол дүрд нь Лаура Препон гэгч жүжигчин тоглож багагүй шуугиулж байсан түүхтэй. Тэр ондоо /2003 он/ уг кино олон улсын наадмаас дөрвөн ч шагнал авсан байна.

Пол Бернард 1964 оны наймдугаар сарын 27-нд Тоronto хотод төрсөн. Царайлаг, хүчирхийлэгч бэлгийн гаж зуршилтай нэгэн байв. Түүний хүүхэд насны тухай мэдээ тийм ч хангалттай биш. Аав Кеннед нь хүүхэдтэйгээ зүй бус харьцдаг байсан гэдэг. Багад нь ээж нь салж өөр хүнтэй суусан байна. Сүүлд Кеннед Бернардогийн эмэгтэй дүүг хүчирхийлсэн хэргээр аавын хаалга татсан нэгэн. Өсвөр насандаа ямар нэг гаж зуршил буруу үлгэр дууриал аваагүй ч хүү бага насандаа авсан сэтгэхүйн гэм тодорхой хэмжээгээр үлдэж. Идэр насанд хүрсэн Бернардо сексийн талаар хийсвэрлэн бодох ямарваа нэгэн байдлаар эмэгтэйчүүдэд хүч хэрэглэх дуртай болжээ. Улмаар Карлатай танилцаж сексийн харилцаанд орсноор дээрх нуугдмал гаж зуршлаа барьж дийлэхээ байжээ. Ажлаасаа 1990 онд халагдсан Бернардо жил дараалан охид, эмэгтэйчүүдийг хүчиндэх гэмт хэргийг үйлдсээр байсан байв. Тухайн хэрэг нь илэрч ял шийтгэгдэлгүй эрх чөлөөтэй явж, эхнэрээ энэхүү үйлдэлдээ албадан татан оролцуулжээ. Улмаар тэд 1990-1993 онд Tammy Homolka, Jane Doe, Leslie Magaffy, Kristen French нарын аминд хүрч, аллага нь харгис хэрцгий байдалд шилжсэн. Ямар нэг хэмжээ хязгаар гэж үгүй болсон байна. Түүний гэмт үйлдлийг хуулийн байгууллага зогсоож чадаагүй ч эхнэрийх нь туслалцааг авснаар энэ хэрэг илэрсэн юм. Мөрдөн байцаалтын явцад тэдний аллагын бичлэгийг хуулийн байгууллагын албан хаагчид үзэж чадахгүй гүн цочрол айдаст орж байв. Дээрх нотлох баримтыг 2006 онд устгасан байна. Тэдний тухай "God Bless" гэдэг дуу гарч, "Lethal marriage" гэдэг зохиол хүртэл бичигдэж байв.

Эх сурвалж: Урсгал