Босоо төрсөн аварга Бадмаанямбуугийн Бат-Эрдэнэ

2013-06-04

Д.НАДМИД

Тийм ээ. Монгол Улсын дархан аварга Б.Бат-Эрдэнэ шиг төрийн наадамд 11 түрүүлсэн хүн байхгүй ээ. Тэр үнэхээр босоо төрсөн бөх гэж хэлүүлэх амжилттай, төрд нэртэй түмэнд нүүртэй хүн. Бас жүдо бөхийн төрөлд улсдаа 12 түрүүлж, самбо бөхийн дэлхийн гурван удаагийн аварга болсныг хэлэхэд үнэхээр босоо аварга юм даа гэсэн бодол улам лавширч байгаа юм. Яагаад энэ тухайд автан өгүүлж байна вэ гэвэл удахгүй болох Монгол Улсын Ерөнхийлөгчийн ээлжит сонгуульд түмний хайртай аварга, сонгогчдын итгэл хүлээсэн төрийн түшээ Б.Бат-Эрдэнэ маань нэр дэвшээд байгаагийнх.

Бөхчүүдийг нэгэн үед боловсрол, соёл муутай, барилдахаас өөрийг мэддэггүй молхи эрс мэтээр ойлгодог, ярьдаг байсан цаг саяхан даа. Бөхчүүдийн дунд тиймэрхүү хандлага байсан үе нэгэнт ул болж. Өнөө үеийн бөхчүүд дундаас мэдлэг боловсрол өндөртэй олон хүн тодорч нийгмийн өмнө нэрээ таниулж яваа. Тэдний нэг нь аварга Б.Бат-Эрдэнэ мөнөөс мөн. Түүнийг танихгүй, мэдэхгүй хүн байхгүй ээ. Ерөнхийлөгчийн сонгуульд нэр дэвшүүлэх олон шалгуурт тэнцээд гарч ирсэнд нь ч гайхах хүн гараагүй биз. Б.Бат-Эрдэнэ аварга бөхийн дэвжээнд эр бяраа гайхуулсан шигээ сүүлийн жилүүдэд улс төрд чансаатай түшээ гэгдэж явна. Түүнийг аль нэг өрөө тасалгаа, айлд ч юм уу ороод очиход гэр дүүрээд ирэх шиг болдог гэж хүмүүс хэлэлцдэг. Тэгвэл Ерөнхийлөгчийн сонгуульд нэр дэвшээд сонгогч олны дунд ороод явахад нь улс гэр мөн л дүүрэн байх шиг санагдах билээ. Улс төрд энэ эрхмийн туулж ирсэн замнал нь бөхтэй адил тэмцэл, ялалтын түүх байсан гэж болно. Монголчууд газар шороогоо хайрладаг унаган төрхийг алдуулахгүй байхыг хичээдэг ухааны мөн чанарыг Б.Бат-Эрдэнэ аваргаас мэдэж болно. Байгаль орчны багц хуулийг санаачилсан, Оюутолгойн гэрээний алдааг анх олж харсан, Хэрлэнгийн хөдөө арлыг сувдаг шунхайчуудад алдаагүй аварч чадсан гээд түүний эх нутгаа гэсэн сэтгэлийг олон жишээнээс харж болно.

Ер нь уул овоо, нутаг усаа л гэж явдаг хүн. Төрж өссөн Хан Хэнтийгээ түшиж, шүтэж сэтгэлийн сүүгээ тэр зүг өргөж байдаг нь үг ярианаас нь тод мэдрэгддэг юм. Нэр дэвшигч Б.Бат-Эрдэнэ аваргыг сонгуулийн сурталчилгаагаа хийгээд явж буй байдлаас харахад олон түмэн түүний төрийг засах аварга ухаанд нь итгэж буй нь харагдаж байна лээ. Энэ нь аваргын эр зориг, ухаан, уйгагүй хөдөлмөр, тэсвэр хатуужил, шантрашгүй чанарыг эрхэмлэсэн хэрэг болов уу. Монгол Улсад Үндсэн хуулиар олгосон эрх мэдлийн тэнцвэр алдагдсан, хууль дээдлэх шударга зарчим, ардчиллын үнэт бүхэн бүдгэрсэн одоо цагт гагцхүү үнэнч шударга, хэлсэн үгэндээ эзэн болж чаддаг, буйр суурьтай тийм л нэгэн Ерөнхийлөгч байгаасай гэж олон түмэн хүсч байгаа. Тэр хүслийн үзүүрт Б.Бат-Эрдэнэ аваргаа тохирох хүн гэж хэлээд байх шиг. Түүнийг төрд зүтгэсэн он жилүүдэд нь шударгуу дайчин хүн юм гэж монголчууд таньж мэдсэн биз. Хэрэв Б.Бат-Эрдэнээ шударга нэгэн биш байсан бол улсын арслан Д.Мөнх-Эрдэнэтэй таван жил төрийн наадмын үзүүр, түрүүнд учрахдаа нэгд нь ч болов буугаад өгчих байсан. Гэтэл тэгээгүй. Жинхэнэ эрийн чадал, бөхийн гайхамшгийг харуулан хүч үзэж давж байсан шүү дээ. Энэ зүйрлэлийг хэлж байгааг минь сонгууль, бөхийн барилдаан хоёрыг адилтгалаа гэж хоцрогдсон сэтгэлгээгээр ойлгохгүй биз ээ. Б.Бат-Эрдэнэ аварга Ерөнхийлөгч болбол бохирдсон улс төрийг засч худал хэлж, хулхиддаг, авлигад идэгдсэн нийгмийг өөрчлөхөд тусыг олох нь дамжиггүй гэх хүн захаас аван тааралдаж байна. Энэ нь түүний өөрийн нь үг итгэлийн гал асааж буй юм. Тэр “Эвийг эрхэмлэнэ, Зөвийг дэмжинэ” гэсэн уриатай сонгуульдаа оролцож байгаа.

-Би Үндсэн хууль болон бусад хуулийн үзэл санаа, үг үсэг бүрийг чандлан сахигч байна. Эх орон ард түмнийхээ эрх ашгийг оройлон дээдлэгч, эв нэгдлийг илэрхийлэгч байна. Шударга ёсыг хэрэгжүүлж, ам ажлын нэгдлийг үлгэртэйгээр хангана. Би бусармаг явдалд оролцоогүй, хутгалдаагүй, хэсэг бүлэг хэн нэгэнд барьцаалагдаагүй. Миний нэр цэвэр, гар цэвэр, сэтгэл цэвэр гэж хэлсэн.

Тэр үг нь олон түмэн, сонгогчдын анхаарлыг үнэхээр татаж байгаа юм. Тиймээс ард олны мэргэн сонголт мэдтүгэй. Өнөөгийн нийгэмд үүсээд байгаа бурангуй бүхнийг өөрчилж, дүр эсгэсэн хуурамч ардчиллыг зөв замд нь залж чадах хүн аварга Б.Бат-Эрдэнэ гэдгийг хэлэх байна.

“Бөхийн мэдээ” сонины олон мянган уншигчдынхаа өмнөөс аваргадаа амжилт хүсч байгааг дамжуулъя.

Босоо төрсөн аварга Бадмаанямбуугийн Бат-Эрдэнэ
Tweet
Bolod.mn

Сэтгэгдэл (1)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Àìæèëò Òóéëáàðòàé àì àæèë 2 íü áîäèò Ìîíãîëûí àðä ò¿ìíèéã ýâ íýãäýëòýé óëñ îðíûã çºâ ¿íýí÷ ñýòãýëýýð óäèðäàæ ÷àäàõ Èõ Àâàðàãàà

2013-06-04 | 14:19:46 | 124.158.111.138 |

Мэдээ
Гадаад мэдээ
Видео

Архив ангилал

Босоо төрсөн аварга Бадмаанямбуугийн Бат-Эрдэнэ

Сэтгэгдэл (1)