1.   Хэрэв та өөрийн биеэр компани дээр очих ёстой бол лазер принтерээр хэвлэсэн эх хувиа авчраарай. /Зөвхөн шаардлага хангасан чанартай цаас хэрэглэнэ./
2.   Хүн төрөлхтөн эрт үеэс л “Товч байх нь авьяас юм” гэдэг зарчмыг баримтлаж ирсэн тул хамгийн ихдээ хоёр нүүрэнд багтаагаарай.
3.   Үг, үсгийн алдааг маш сайн нягтлан үзэх ёстой.
4.   Нэг “CV”-г нэг, хамгийн олондоо хоёр компани руу явуулаарай.
5.   Хуудасны баруун доод булан болон дээд хэсэгт сул зай үлдээх ёстой. Ярилцагч тэмдэглэгээ хийг.
6.   Хамгийн сүүлчийн хувь үлдсэн гэж хэзээ ч битгий хэлээрэй.
7.   Хуулбарлаж авахыг гуйж болохгүй.
8.   Зургаа наа. Ажил олгогч таныг илүү сайн цээжлэх болно.
9.   Хэрэв та дизайнерийн ажилд орох гэж байгаа л биш бол нэг төрлийн сайн гаргагдахуйц шрифт хэрэглээрэй.
10. Доогуур нь зурах, догол мөрнөөс бичих зэрэг байж болно.
11. Хар ярианы хэллэг хэрэглэхгүй байсан нь дээр. Төрөлх хэл гэдэг аугаа их нөөцтэй байдаг билээ.
12. Өөрийн ажилд гаргасан амжилт бүтээлиийнхээ талаар бичихдээ статистик мэдээлэл оруулаарай. /маш тодорхойгоор хэдэн хувь, эзлэхүүн, сар өдрүүд, удирдаж байсан ажилтнуудын тоо, хэмнэсэн зардал мөнгө, хэрэглэсэн талбай, компанидаа татаж авчирсан хэрэглэгчдийн тоо зэргийг тусгавал зүгээр/
13. Гадаад хэлний мэдлэгийн талаар “муу” хэмээн өөрийгөө дүгнэж бичээд хэрэггүй. Оронд нь арай өөр сонирхол татахуйц мэдээлэл оруулж болно.
14. Өөрийгөө хэт их магтаж хэрхэвч болохгүй. Найз нартаа “CV”-гээ үзүүлээрэй. Таныг таних уу, үгүй юу?
15. Хэрэв хэд хэдэн утасны дугаартай бичиж байвал аль дугаараар нь хэдэн цагт ярих боломжтойг тодорхой тэмдэглээрэй.
16. Төрсөн он, сар, өдөр, төрсөн газар, гэр бүлийн байдлын талаар бичихээ мартав. Иймхэн мэдээллийг орхигдуулсан нь ажил олгогчдод сэжиг төрүүлдэг.
17. Боловсролын талаар бичихдээ төгссөн их, дээд сургууль, тэнхимийн нэр, мэргэжлээ товчлолгүй бүрэн гүйцэд тусгаарай. Ерөнхий боловсролын талаар ихэвчлэн бичдэггүй.
18. Өмнөх ажлын байрны талаарх мэдээлэл дараах байдлаар тусгагдана. Огноо /сар, жил/ компанийн нэр, үйл ажиллагааны чиглэл, таны албан тушаал, хийж гүйцэтгэж байсан үүргүүд. /Дэлгэрэнгүй байх хэрэгтэй/
19. Ярилцагч таны хамгийн сүүлийн ажлын байрыг их сонирхдог учир мэргэжлийн дадлага, туршлага хугацааны хувьд буурах дарааллаар, эсрэгээр нь бичих нь зүгээр.
20. Хоёрын зэрэг батлан даагчийн албан тушаал, утасны дугаар бүхий мэдээлэл таны “CV”-нд маш их нэмэр болно.
21.   Мэдээж хэрэг “CV” дотроо “CV” хэмээн товчилж бичиж болохгүй. Энэ нь ажил хэрэгч ёс зүйд нийцэхгүй.
22.   Ажил олгогчийн хамгийн түрүүнд олж харах мэдээлэл бол таны ОВОГ, НЭР юм. Иймээс овог, нэрээ тод томруун бичээрэй.
23.   Хэрэв та мэргэжлийн хөдөлгөөн, клуб, нийгэмлэгт хамрагддаг бол давуу тал болно.
24.   Мөн жолоодох эрхийн үнэмлэх, өөрийн машинтай бол таны давуу тал болно.
25. Мэргэжлийн уралдаан, тэмцээнд оролцсон, түрүүлсэн бол таныг өндөр зэрэглэлийн мэргэжилтэн болох хүсэлтэйг харуулна.
26. Хобби, сонирхлынхоо талаар бичихгүй байж болно. Хэрвээ бичиж байгаа бол телевизээр үздэг хөл бөмбөг, ЕБС-д байхдаа оролцож байсан урлагийн үзлэгийн талаар дурьдахгүй байвал зүгээр.
27. Цалин хөлсний тухайд гэвэл хэрэв өмнөх ажлын байрандаа 90,000 төгрөг авч байсан бол одоо 900,000 төгрөг гэж бичээд хэрэггүй. Тухайн мэргэжлийн дундаж цалинг дурьдсан нь дээр.
28. Орлон гүйцэтгэх ажлын талаар нэг байхад хангалттай. Нэг дор “хангамжийн менежер” “маркетингийн менежер” “санхүүгийн менежер” гэвэл таныг зүгээр сонирхогч, эсвэл жаахан юмтай хүн гэсэн ойлголт төрнө.
29.   Хэрэв та “CV”-гээ цахим шуудангаар илгээж байгаа бол файлынхаа нэрийг “CV” гэж битгий өгөөрэй. Ийм төрлийн захидлууд сонгон шалгаруулах агентлагт өдөрт хэдэн арваараа ирдэг тул уншигдахгүй орхигдох магадлал өндөр. Үүний оронд өөрийн овог нэрээр файлаа нэрлэ.
30.   Хэрэв танд одоохондоо ажлын туршлага байхгүй бол төгссөн их, дээд сургуульдаа нийгмийн ажил, урлаг, спортын төрлөөр гаргаж байсан амжилтынхаа талаар дурьдаж болно.
31.   “CV” бол танилцуулга болохоос биш таны дэлгэрэнгүй намтар биш юм шүү. Бүгдийг дурьдаад хэрэггүй. /хэрэв таны амьдралд тохиолдож байсан зарим нэгэн үйл явдлуудыг ажил олгогч буруугаар ойлгоно гэж айж байвал тэдгээрийн талаар дурьдахгүй байсан нь дээр./
32.   Үндсэн эзэмшсэн боловсрол, мэргэжлээс гадна хамрагдсан семинар, курс, сургалтын талаар бичээрэй.
33.   Ажил олгогчид “CV”-гээ явуулахаас өмнө дахин нэг нягталж үзээрэй. Үнэхээр та хүч чадлаа өгч, өөрийгөө бүрэн дүүрэн дайчлах гэж байгаа компанид ажилд ороход тань энэ “CV” тус болж чадах уу гэдгийг эргэж нэг хараарай.
34. Тэгээд эцэст нь “CV”-дээ урам хайрлаж инээмсэглээрэй. Энэ бол таны зүй ёсоор хүртэх амжилтын азтай тасалбар юм шүү.