Экс Ерөнхийлөгч Н.Энхбаяр хэзээ суллагдах вэ. Уг нь бол удахгүй баймаар юм. Улс төрийн хүрээнийхний дунд өрнөсөн яриагаар бол АН-аас нэр дэвшсэн Ц.Элбэгдорж Н.Энхбаяртай нууцхан тохиролцоо хийсэн гэх яриа олны дунд түгээд байгаа юм.

Тус тохиролцоо нь эдүгээгийн Ерөнхийлөгчтэй буюу АН-тай "найраа" хийж, Б.Бат-Эрдэнийн саналыг хувааснаар Ц.Элбэгдоржийг сонгуульд ялалт байгуулах бололцоог хангана гэнэ. Хэрвээ санал хувааж Ц.Элбэгдорж сонгуульд ялчихвал МАХН-ын хүртэх шагнал нь Н.Энхбаярыг суллуулах байсан аж.

Харин МАХН дотроо Эрүүл мэндийн сайд Н.Удвал хамгийн өндөр рейтингтэй нь байжээ. Н.Удвал анхнаасаа л Ерөнхийлөгч болно гэж бодоогүй, харин иргэдийн саналыг хангалттай хувааж чадах нь тодорхой байсан.

Нэг утгаараа Ерөнхийлөгчид нэр дэвшиж байгаа анхны эмэгтэй хүн, бас МАХН-ын гишүүдийн, Н.Энхбаярын төлөө гэж яваа хүмүүсийн гээд нэлээдгүй саналыг хуваачихна. Үнэхээр ч тэр ёсоороо МАН-аас нэр дэвшсэн Б.Бат-Эрдэнийн саналыг хангалттай хуваасан.

Ерөнхийлөгчийн сонгуулийн дүнг харьцуулвал Н.Удвалын санал дээр Н.Бат-Эрдэнийн саналыг нэмсэн бол хоёр дахь шатны сонгууль болох магадлал өндөр байсан. Гэсэн ч хараахан тийм хэмжээнд хүрээгүй.

Үнэхээр тохироо хийж Н.Удвал МАН-ын саналыг хуваах зорилготойгоор нэр дэвшсэн бол намын даргынхаа тушаалыг хангалттай сайн биелүүлжээ. Н.Удвал үүргээ сайн биелүүлж, МАН-ыг унагаж чадсан бол экс Ерөнхийлөгч Н.Энхбаяр хэзээ суллагдах вэ.

МАН-ынхны хувьд Н.Удвалын нэр дэвшсэн нь тун эвгүй "тоглолт" болсон. Тэрбайтугай МАН сонгуульд унаад зогсохгүй дотроо тэмцэлдээд эхэллээ. Н.Энх-баярын хаясан яс МАН-ынхныг алалцуулж байна. Угсаа гарал нэгтэй МАН, МАХН гэж салахад гишүүд нь дагаад хуваагдсан бол одоо залуу, хууччуул гэдгээрээ ч дахин хуваагдацгааж байна.

Экс Ерөнхийлөгч Н.Энхбаярын бие хэдийгээр муу байгаа ч тэрбээр одоогийн Ерөнхийлөгчтэй юу тохиролцсоноо сайн мэдэх нэгэн. Н.Энхбаяр хэлсэндээ хүрч намаасаа Н.Удвалыг нэр дэвшүүлснээр МАН-аас нэр дэвшигч Б.Бат-Эрдэнийн саналаас нэлээд хувийг хумсалчихлаа.

АН-аас нэр дэвшигч Ц.Элбэгдорж нийт сонгогчдын 50,23 хувийн санал авч Ерөнхийлөгчийн зөөлөн сэнтийдээ дахин дөрвөн жил залрах эрхээ өвөртөллөө.

Харин "Шударга ёс" эвслийн гишүүдийн санаачилсан өршөөлийн тухай хуулийг хэзээ баталж, энэ хуулийн дагуу Н.Энхбаяр чөлөөлөгдөх вэ гэдэг асуулт урган гарч байна.

Гэтэл УИХ-ын хаврын чуулган завсарлахаас өмнө Өршөөлийн тухай хуулийг батлахгүй нь тодорхой болчихлоо. Тэгэхээр ялсан Ерөнхийлөгч эксийгээ хуурчихав уу.

Н.Энхбаярын биеийн байдал муу байгаа тул гадаадад явж эмчлүүлэх шаардлагатай хэмээн өнгөрсөн дөрөвдүгээр сарын сүүлчээр Шүүхийн шийдвэр гүйцэтгэх ерөнхий газар, Улсын Ерөнхий прокурорын газар, Эрүүл мэндийн яаманд хандаж хүсэлтээ хүргүүлсэн билээ.

Хүсэлтэд "Миний бие өнгөрсөн жилийн өлсгөлөнгөөс хойш сул дорой хэвээр байгаа бөгөөд мэргэжлийн эмч нарын комиссын зүгээс ял эдлэх боломжгүй гэсэн дүгнэлт гарсан. Энэ бүхнийг харгалзан үзэж намайг эрүүл мэндийн шалтгаанаар хуулийн дагуу чөлөөлөх асуудлыг яаралтай шийдэж өгөх хүсэлтийг тавьж байна.

Мөн миний биеийг мэргэжлийн эмч нар гадаадад яаралтай явж эмчлүүлэх шаардлагатай гэсэн дүгнэлт гаргасныг харгалзан үзэхийг хүсч байна" гэсэн байсан.

Гэвч Шүүхийн шийдвэр гүйцэтгэх ерөнхий газар, Улсын Ерөнхий прокурорын газар түүнд нааштай хариу өгөөгүй. Харин одоо энэ хүсэлтийн хариуг дахин сонгогдсон Еренхийлөгч Ц.Элбэгдорж яаж өгөх нь тодорхойгүй байна.

Харин саяхнаас Н.Энхбаярыг наадмаас өмнө суллах тухай яриа улс төрийн хүрээнийхний дунд өрнөж байна. Хэд хэдэн улс төрч "Н.Энхбаярыг суллах тухай яриа бол бий. Хэзээ гэдэг нь тодорхойгүй байна.

Наадмын өмнө суллана гэсэн яриа гарсан байна лээ" гэж ярьсан байдаг. Тэгэхээр Ерөнхийлөгч Ц.Элбэгдорж наадмаас өмнө хэлсэндээ хүрч, эксийгээ эрх чөлөөтэй болгох гэж байгаа юм болов уу

Г.Хишигсүрэн

Эх сурвалж:

Экс Ерөнхийлөгч наадмаар эрх чөлөөтэй болох уу?
Tweet
Bolod.mn

Сэтгэгдэл (17)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
МОНГОЛЫН ЭВ НЭГДЛИЙН БЭЛЭГДЭЛ БОЛДОГ ЕРӨНХИЙЛӨГЧ ЭЛБЭГДОРЖ ОО МОНГОЛЧУУД ХООРОНДОО ХАГАРАЛЦАХГҮЙ ЭВДЭРЭЛЦЭХГҮЙ ЭВ НАЙРАМДАЛТАЙ БАЙХЫГ ТА БАТЛАГААЖУУЛАХЫН ТӨЛӨӨ ӨӨРӨӨСӨӨ ЭХЛЭН АЖИЛЛАЖ БАЙГААГАА АРД ТҮМЭНДЭЭ ХАРУУЛЖ НААДМААР ЭНХБАЯР ДАРГЫГ СУЛЛАА, МОНГОЛ ОРОНД ХЭН Ч ХЭЛМЭГДЭХ ЁСГҮЙ ТЭР ТУСМАА ТӨРИЙН ТЭРГҮҮН БАЙСАН ХҮН БҮҮР ТЭР ТУСМАА ЭНХБАЯР ЕРӨНХИЙЛӨГЧ! МОНГОЛЫН ХӨХ ТЭНГЭР БИДНИЙГ БҮГДИЙГ ИВЭЭХ БОЛТУГАЙ!

2013-07-11 | 22:41:46 | 84.33.25.14 |

Зочин
энхбаяр ерөнхийлөгчийг хорьсоор байж яаж өөрсдөө наадам хийж баярлан наргиж чадаж бна аа? энэ хүн чанараас хэт гадуур авирлах нь хүний ой тойнд багтахын аргагүй ойлгоход хэцүү асууд******** монголчуудын олонхийг бухимдуулж түүнийг түргэн суллахыг тэсэн ядан итгэн хүлээж байгаа хүн олон байгаа гэдгийг мэдэрмээр мэдмээрсэн

2013-07-11 | 22:08:25 | 80.243.178.28 |

Зочин
элбэгдорж ерөнхийлөгч их өөдгүй зан гаргаж бна даа энхбаяр ерөнхийлөгчийг суллах асуудлыг сунжруулж ингэх хэрэггүй л байгаа юм адилхан төрийн т********н байсан хүнийг яаж боло******** дээ? гэж олон түмэн гайхширч байгаа ингэж нэгнийгээ хэлмэгдүүлж улс төржихийг зарим нөхдийн зөвлөлгөөг дагаад бна уу? ийм том хүнийг өөрөө мэдэж бие дааж адилхан том хүний түвшинд шийдмээр юм? эр хүн эр хүндээ хайртай гэдэг дээ ерөнхийлөгч ерөнхийлөгчидөө бас хайртай байх нь улс эх орноо иргэд түмний сэтгэл санааг ч бодсон өндөр ухаан байлтай?

2013-07-11 | 21:47:30 | 80.243.178.28 |

Зочин
Өрсөлдөгч өө ингэж ********хайгаар дарж дарангуйллийг бий болгож болохгүй л дээ уг нь.Харамсаж байна.Төрийн т********н хүн шиг уужуу байх нь чух******** даа.Одоо Энхбаяр Элбэгээд уг нь гай болж чадахгүй шүү дээ.Суллачихмаар юм даа.

2013-07-10 | 18:22:15 | 202.70.40.205 |

Зочин
Монголд урд өмнө нь ийм ********хай бохир улс төр арай ч байдаггүй байсан нь Энхбаяр Ерөнхийлөгчийн л нарийн мэргэн уян хатан ********сыг харсан ухаан байсан гэж ярих улс төрч олон бий Сайн зөв юмыг унэлж т********архаж байхын оронд түүнд атаархаж хэрэг тулгаж хэл******** нь монгол хүний яс чанар ********дсаных гэлэлцэх нь ч бас олон байна

2013-07-08 | 23:16:48 | 62.152.36.11 |

Зочин
Энхбаяр Дарга зүгээр л Монголын хамгийн Агуу хүү нь гавъатай хүндээ олны хайр хүндэтгэлийг хүлээсэн манай сайхан эрхэм монгол хүн Элбэгдорж ерөнхийлөгч одоо суллаад энэ харгисл******** хилс хэргийн хэлмэгдүүлэл дахин хэзээ ч давтагдахгүй гэж маш их найднам

2013-07-08 | 18:52:48 | 103.12.9.99 |

Зочин
өмнөх ерөнхийлөгч энхбаярыгаа суллаа элбэгдорж ерөнхийлөгчөө өс хонзон атаа хорслоор хол яхавгуй ээ монгол түмний наадам ч боллоо олныгоо баярлуул дөө энхбаяр ерөнхийлөгчидөө бидний олон бас хайртай шүү

2013-07-08 | 17:48:25 | 41.77.137.32 |

Зочин
ЭЛБЭГДОРЖОО ЧИ МАН-ТАЙ ХУЙВАЛДАЖ ХИЙСЭН БУСАРМАГ ХЭЛМЭГДҮҮЛЛЭЭ ОДООХОН БОЛИУЛЖ ЭНХБАЯР ДАРГЫГ СУЛЛААЧ! ОЛОН ТҮМЭН ЧАМАЙГ ХАРСААР БАЙНА ГЭДГИЙГ БҮҮ УМАРТ!

2013-07-08 | 14:42:56 | 188.116.36.215 |

Зочин
Яасан их хүнээр тоглож дуу********ггүй бохир улс төр улс төрчид вэ?! Энхбаяр дарга гэгээлэг сайхан хүн зүй ёсоороо Монголын хамгийн том улс төрч манай Үндэстний Удирдагч хүн шүү! Ийм хүнийг ингэж хэлмэгдүүлнэ гэдэг үнэхээр аймаар юмаа! Дариухан сулаад эмчлүүлэхэд нь тус болооч! Монголчуудаа

2013-07-08 | 14:03:10 | 217.170.202.97 |

Зочин
ТОХИРОО МОХИРОО ГЭЭД БАЙХГҮЙ ЗҮГЭЭР ХЭЛМЭГДҮЛСЭН ЕРӨНХИЙЛӨГЧ ЭНХБАЯРЫГ ТҮРГЭН СУЛЛАААЧЭЭ!!!!!! ЭНЭ УЛС ТӨРИЙН ДЭНДҮҮ БҮДҮҮЛЭГ АРЧААГҮЙ ХУЙВАЛДААНАА МАНАН БОЛИОЧЭЭ! СУЛЛАА!

2013-07-08 | 13:49:54 | 213.5.70.83 |

Мэдээ
Гадаад мэдээ
Видео