Байшинд хорогдсон хужаагийн сүнс

2013-08-29

Яг өнөөдөр ч гэсэн манай улсын нутагт он удаан жил амьдарсан хятад буюу дотор иргэдийг оршуулахдаа толгойг нь

заавал урд зүг Нанхиад орон, Цагаан хэрэмний чиг харуулж тавьдаг заншил байсаар байгаа. Хятад хүмүүс унтахдаа хүртэл урд зүг рүү тэргүүнээ залан чиглүүлж унтдаг гэсэн үг бараг л үнэн болов уу. Үхэхдээ өв хөрөнгө болох үнэт эдлэл, хурааж цуглуулсан мөнгөө заавал газарт булж үхнэ. Үүнийг гэр бүлийн гишүүдийн хэн нь ч мэдэх ёсгүй. Газар тариалан, ногоо тарьж амьдардаг хятадууд үхэхдээ газарт өрөө төлж байгаа нь тэр юмсанж. Мөн хятадууд зуурдаар ямар нэг айл, байшин сууцанд үхсэн бол тэндээ сүнс нь хорогддог гэсэн яриа ч ортой. Өөрийн гэр, хөрш айл, байшин саванд хорогдсон хужаагийн сүнсийг ямар эрдэм чадалтай лам, бөө удган зайлуулж чаддаггүй гэдэг. Энэ талаар хий үзэгдэл, сүнс судлалаар нэлээд мэргэшсэн хүмүүс гайхам зүйлийг ярьж суудаг ажээ.

Жишээ нь саяхан Зуун айлын ар, есдүгээр дэлгүүрийн орчим Монголд төрсөн ч гэлээ цэвэр цусны дотор иргэн байшиндаа хэвтсээр орчлонг үүрд орхисон байна. Хамаатнууд нь түүнийг нас барсны дараа хашаа байшинг нь мөнгө хэрэгтэй гэсэн шалтгаанаар бусдад зарж орхижээ. Хөдөөнөөс хот оронд амин зуулга хайж ирсэн гэсэн бэлтэй залуус тэр дор нь худалдаад авсан байгаа юм. Гэвч өвгөн хужаагийн сүнс шөнө болгон сүүтийн гарч ирээд нанхиадаар юуг ч юм шулганан ярьж, түмпэн сав түчигнүүлэн ямар нэг зүйл эрж хайгаад айлган ичээдэг болсон байна.

Ингээд нэртэй зартай бөө зайрангуудыг авчирч арга чарга, засал хийлгэсэн ч нэмэр болсонгүй. Бас баахан лам авчирч дүрэмдүүлээд ч нэмэр болсонгүй. Сүүлдээ тэдний шашин бөөгийн эрдэм чадалд итгэх итгэл нь бурч, сүсэг нь сулран доройтоод иржээ. Гэвч олны олон таван цэнгээс оргүйд орвол охинтой гэгчээр Монголд орон сууцанд шүглэсэн хий юмсыг хөөн зайлуулдаг тусгай эрдэмтэй цөөн хэдэн хүмүүс сурсан эрдмээ нуун чимээгүй хэвтэж байдаг юмсанж. Тэдний нэг нь чамгүй өндөр ханштай залагдан ирж дотор иргэний сүнсийг шүглэсэн байрнаас нь босгуулан хөөхөөр бүхий л авъяас чадлаа шавхан гаргажээ.

Ингээд хийсэн ажлынхаа үр дүнг үзэхээр тэднийд хонож үзтэл шөнө дундаас хойхно шүглэсэн чөтгөр ахиад л гарч ирээд нанхиадаар шулганан юм онгичоод эхэлжээ. Бүр сүнсийг зайлуулахаар ирсэн ламыг тавлаж байгаа мэт тойроод, уншиж байгаа номыг нь хүртэл гайхан хараад байгаа нь ламтны нүдэнд тодхон үзэгджээ. Гайхаш тасарсан чөтгөрийн ангууч эр "Хачин юм даа, би өмнө нь арван долоон айлын байшинг хий үзэгдлээс суллаж цэвэрлэсэн хүн дээ. Ингэдэггүй л юм даа. Ямар сонин юм бэ" гэж гайхаш нь тасарсан чөтгөрийн ангууч эр нэлээд бодол болон сууснаа "Ерөөсөө би дотор хүний сүнс хөөж үзээгүй юм байна. Тэгэхээр танай байшингийн арын ханыг нэвт цөмлөөд урд талын чинь цонхыг дэлгээд үзье. Тэгвэл нутаг руугаа сүнс нь амар хурдан явах байх" гэсэн байна.

Яагаад ингэх гэж байна вэ гэхээр нанхиад хүний сүнс байнга баруун хойноосоо баруун урагшаа чиглэн үлээж байдаг Ар халхын салхинд байр савнаасаа ховхорч гарлаа л бол үлээгдэн урагшаа хийсчих гээд байдаг учраас ингэж ихээр зууралдан хоргоддог байх" гэсэн таамаг дэвшүүлжээ. Ингээд дотор иргэний амьдарч байсан байрны ханыг цөм цохиж эвдэн хааш хаашаа тохой хэрийн нүх гаргаад хамаг цонхыг нь дэлгэн нээсэн хойноо хариулга жатга, арга заслаа хийж эхэлсэн байна. Тэр даруй өрөөн дотор учиргүй их салхи үүсэн дэгдэж гялгар цаас шажигнаад явчихсан гэдэг. Тэгснээ л байшин дотор бүр их халуун хүйтэн салхины хуйлралт үүссэнээ л нэгэн хүчтэй агаар цонхоор гадагшаа бүлт үсрэн унах шиг болжээ.

Ингэхдээ хэн нэгний орилох хашгирах чимээ тодхон дуулдсан бөгөөд шил хагарсны дараа хачин дүнсгэр чимээгүй болсон нь гайхалтай. Үүнээс хойш уг байшинд өвгөн хужаагийн зөнөсөн сүнс ахин үзэгдэж харагдахаа бүрмөсөн больсон байна. Хэрвээ хятад хүн Монголд ямар нэг байшин саванд зуурдаар үхвэл сүнс нь хоргодон шүглэж, зууралдан үлдэнэ. Харин гадаа гудманд үхвэл салхинд хийсэх гялгар цаас шиг л алга болно гэдэг нь эндээс тов тодхон харагдаж байгаа ажээ. Учир нь нанхиад хүний сүнс унасан газраа шууд зорин хөөрдөг ч умгар тагз, унтсан наарандаа хэт их хоргодож, аминчлан шигддэг юм байна. Тэгэхээр Монголын говь нутагт ясаа тавьсан гамин цэргийн сүнс аль хэдийнэ угалз салхи, улаан түйрэнд хөөгдөж нутаг усандаа хүрсэн нь тодорхой байна. Харин төрлөө олоогүй нь ийнхүү бусдад саад болж нэг хэсэгтээ дөвчигнөдөг нь энэ аж.

ЭХ СУРВАЛЖ:БОЛСОН ЯВДАЛ

Байшинд хорогдсон хужаагийн сүнс
Tweet
Bolod.mn

Сэтгэгдэл (1)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
100 айлын тэр хавь ёстой ********хай газар даа, би оюутан байхдаа нэг найзынхаа хамаатныд бөөнөөрөө шоудаад хоносийн, өвөл байсан, шөнө гэнэт сэрсэн чинь л гэр тойроод л хүний ********хах чимээ аягүй удаан сонсогдсон. бүр айгаад дуу ч гараагүй , өглөө сэрээд нөгөөдүүлээ шөнө гарч гэр тойрсон уу гэсэн чинь, юу гэж шөнө тэгж гардгийн гээд байсан, тэгэхээр тэр яг сүнс байсан байх, ёстой аймаар,яй тэгээд одоо хотод л амьдарч байв******** оршуулган дээр ч гэрээ бариад амьдарч байгаа хүмүүст сүнс энэ тэр асууд******** биш л байх л даа, хотоо гэж, тэгж байхаар сайхан орон нутагтаа чөлөөтэй цээж дүүрэн аьдрах нь сайхан байна доо, дуу чимээ гэж стрестэхгүй, ц********ингаа ава********, дуртай зүйлээ эдэлж хэрэглээд л хотоос л сайхан амьдарч байна доо

2013-08-29 | 17:06:47 | 202.179.10.14 |

Мэдээ
Гадаад мэдээ
Видео

Архив ангилал

Байшинд хорогдсон хужаагийн сүнс

Сэтгэгдэл (1)