Архив ангилал

...Дуулиан энэ эрчээрээ үргэлжилж, тус компанийн авлигад нэр холбогдсон дарга нар эхнээсээ мэдүүлэг өгөөд эхэлбэл, өөрийн улсын төдийгүй Монголын ямар албан тушаалтанд хэдэн төгрөг атгуулсан нь тодорхой болох юм гэсэн...

-Тус компанийн удирдлагуудыг гадны улс орнуудтай хамтран ажиллах гэрээ байгуулахын тулд авлига өгсөн байж болзошгүй гэж шалгаж эхэлсэн гэнэ-

Өнгөрсөн долоо хоногт өмнөд хөршид нэгэн дуулиан дэгдсэн нь хятадын төрийн өмчит "Петро Чайна" компанийн гурван захирлыг тус улсын Засгийн газраас шалгаж эхэллээ гэх мэдээлэл байв. БНХАУ-ын Эд хөрөнгийн бүртгэлийн хяналт, шинжилгээний албанаас тус компанийн хоёр дэд ерөнхийлөгч болон Геологийн албаны даргыг мөнгө угаасан, татвараас зугтсан хэрэгт сэжиглэн, шалгаж эхлэсэн гэнэ. Энэ мэдээлэл цацагдсан даруйд "Петро Чайна"комданийнхан "Наймдугаар сарын 19-ний даваа гаригт удирдах албанд ажилладаг дээрхи хүмүүсийг ажлаас нь огцруулсан тухай яаран сандран мэдэгджээ. Тэгвэл яг энэ цаг үед, дээрхи мэдээлэлтэй зэрэгцэн манайд бас нэгэн дуулиан дэгдсэн нь тус компанийнхнаас авлига авсан манайхны албан тушаалтнууд болон тэдэнд холбогдох хэрэг хэрхэн яаж шийдэгдэх бол гэх айдас байв. Энэ айдсыг эл салбарынхны "Хятадын төрийн тэргүүний тавьсан түймэрт манайхан өртөх вий" гэсэн жиргээ нотолж буй юм.

Газрын тос зөөвөрлөдөг энэхүү аварга том машинд 25-30 тонн шингэн багтдаг. Нутгийн иргэдийн өгсөн мэдээллээр 30 орчим машинаар өдөр шөнөгүй газрын тос тээвэрлэдэг ажээ.

Үнэндээ ухаж төнхөөд үзвэл манай Засгийн газрын "Петро Чайна дачин Тамсаг"-тай хийсэн гэрээ мундахгүй их асуудал дагуулдаг. Тухайлбал, хэдхэн жилийн өмнө та бидний Төв Азийн хялганат хээрийн хэв шинжийг бүрэн хадгалж үлдсэн нутаг хэмээн бахархдаг байсан Дорнод Монголын Мэнэнгийн талыг өдгөө тус компанийнхан юу ч үгүй болгочихоод байгаа. Газрынх нь хөрсийг орвонгоор нь эргүүлсэн, ажиллах хүч нэрээр Дорнодын малчин айл бүрт нэг хятад эр амьдарч байгаа. Элдэв хэрэг төвөг тарьж нутгийн иргэдийг зоддог гээд л... Бас тус компаниас авлига авсан байж магадгүй гэх үндэслэлээр хэд хэдэн хүнийг тухайлбал, АМГ-ын даргаар ажиллаж байсан Д.Амарсайхан, АМГ-ын дарга асан Д.Батхуяг тэргүүтэй төрийн алба хаагчдыг ээлж дараалан шалгаж эхэлснийг энэ компанийн хууль бус үйл ажиллагаатай холбон тайлбарлаж бас болно. Иймээс хятадууд манайханд муу нэртэй луу данстай болчихоод буй Төрийн өмчит үйлдвэрийнхээ захирлуудад ямар хариуцдага тооцох бол гэдэг нь анхаарал татаж байгаа юм. Бас тус улсын Засгийн газар энэ асуудлыг анхааралдаа авч, тус компанийн захирлуудыг мөнгө угаасан, татвараас зугтсан гэсэн үндэслэлээр шалгаж эхэлсэн нь баттай болсон тул авлигатай хатуу тэмцдэг тус улсын Засгийн газар ямар нэг зүйлийн үнэр авсныг илтгэж байна.

Хятадын мэдээллийн агентлагууд энэ тухай тодорхой уламжилсан байна билээ. Тодруулбал, "Петро Чайна"-гийн дэд ерөнхийлөгч Ли Хуалин, Ран Шинчуан, Геологийн албаны дарга Ван Даофу нарыг Хятадын сайд нарын зөвлөлийн шийдвэрийн дагуу шалгаж эхлэхээр боллоо. Тэд өнгөрсөн хоёр жилийн хугацаанд Хятадын төрийн зарим ажилтан болоод гадны улс орнуудтай хамтран ажиллах гэрээгээ амжилттай байгуулахын тулд авлига өгсөн байж болзошгүй болоод байгаа. Мөн үүнээс гадна Хятадын Үндэсний газрын тосны корпорацийн тэргүүнийг энэхүү хэрэгт сэжиглэн шалгаж байгаа" хэмээн мэдээлсэн байгаа юм.

Уг нь ч манайхан тус компанийн талаарх таагүй мэдээллийг дээр дооргүй мэддэг, бүр баримттайгаар нь. Тэр ч бүү хэл тус компанийн хууль бус үйлдэл, даварсан тогтолцооны талаар хууль, шүүхийн байгууллагууд болон төрийн тэргүүнүуд мэдээлдэг ч яаж ч чаддаггүй. Эцэс сүүлдээ энэ компанийн өмнө бөхөлзөөд өнгөрдөг гэмтэй болчихоод байсан. Ямар сайндаа л үүнд бухимдсан нутгийн иргэд Монголд нэг ч төгрөгийн ашиггүй "Бүтээгдэхүүн хуваах гэрээ" гээчийг байгуулчихлаа хэмээн ярьцгааж "Энэ компани Хятадын төрийн өмчийн компани болоод ч тэр үу, монголчуудад дэндүү дээрэлхүү ханддаг. Ямар ч том сайд, дарга нар Дорнод аймагт ажиллахдаа заавал "Петро Чайна дачин Тамсаг" ХХК-ийн байранд очдог. Сүр дуулиан болгож, бөөн цуваа үүсгэн маяакаа маналзуулаад очдог, манайхан тэнд байрласан хойноо юу ч шийдэж чадалгүй, кэмп дотор нь бүлтийтэл сууж байгаад эргээд явдаг. Ийн явах замдаа Матад суманд саатна гэж үгүй. Уг нь "Петро Чайна дачин Тамсаг" ХХК-ийн кэмпт очихын тулд заавал Матад сумын төвөөр дайрч гарах ёстой. Харамсалтай нь улсынхаа зүүн аймагт ажиллаж яваа дарга нар маань тус суманд хөл тавилгүй Хятадын эзэмшил болчихсон Тамсагийн орд руу яарахын учир юу вэ" хэмээн ярьцгаадаг нь анхаарал татаж байгаа юм.

Мөн манай талын газрын тос, эрдэс баялгийн чиглэлийн дарга нар "Петрочайна дачин Тамсаг" ХХК-ийн Хятад дахь төв оффист нь очиж, тайлангаа тавьж, компанийн мэдээллийг сонсдог гэх мэдээлэл ч байдаг. "Петро Чайна дачин Тамсаг"-ийнхан Монголын төрийг дэндүү басамжилдаг, үүнд нь манай авлигад дуртай дарга нарын хүч нөлөө их байдаг нь харагдаж байгаа юм. Гэхдээ нэг таатай мэдээлэл байж болохоор байгаа нь дээр өгүүлсэнчлэн яаж ч хичээгээд манайхны хөдөлгөж чаддаггүй тус компанийн удирдлагуудыг Хятадын Засгийн газар доргиож, тэр ч бүү хэл монголчуудын бухимдлыг төрүүлдэг айхавтар гэрээнүүдийг хятадууд "Авлига"-тай холбоотой асуудлаар эргэж харж мэдэхээр нөхцөл байдал үүсээд эхэлсэн нь яах аргагүй анхаарал татаж байна.

Иймээс манай төрийн тэргүунүүд Монгол Улсад нэг ч төгрөгийн ашиггүй гэдэг энэ гэрээний эргэн тойронд асуудал тавибал БНХАУ-ын Засгийн газар нааштай хүлээж авахыг үгүйсгэх аргагүй. Яагаад гэвэл энэ дуулиан энэ эрчээрээ үргэлжилж, тус компанийн авлигад нэр холбогдсон дарга нар эхнээсээ мэдүүлэг өгөөд эхэлбэл, өөрийн улсын төдийгүй Монголын ямар албан тушаалтанд хэдэн төгрөг атгуулсан нь тодорхой болох юм билээ. Иймээс л манайхан энэ асуудалд санаачлагатай байж, Дорнодын талыг үгүй хийчэхээд буй гэрээний асуудлыг яаравчлан эргэж хармаар байгаа юм.

ЭХ СУРВАЛЖ: ӨДРИЙН ШУУДАН

Монгол төрийн өмнө томордрг "Петро Чайна"-гийн захирлуудыг Хятадын Засгийн газар бөхийлгөж авлаа
Tweet
Bolod.mn

Сэтгэгдэл (3)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
шудрага ёсыг ********ууд хэрэгжүүлж үзүүлээд авилгачиддаа арга хэмжээ авч чадахгүй бол дотоод хэрэгт нь оролцож эзлэх бодлогоо явуулах бий дээ. Өөрсдөө л шудрага байв******** хариуц********тай байв******** болмоорсон доо

2013-09-07 | 13:59:04 | 103.11.195.230 |

Зочин
чина агуу дундад улсийн төр шудрага үнэнч.

2013-09-06 | 11:46:10 | 75.166.152.145 |

Зочин
монгол авилгач төртэй байснаас ******** шударга төртэй больё.ойлгомжтой

2013-09-06 | 11:44:08 | 75.166.152.145 |