Хүн төрөлхтний түүхэндэх хамгийн итгэмээргүй сонин содон хүмүүс

2013-11-04

“Хамгийн” гэж бусдаас онцгойлон тодотгосон СОНИН ХАЧИН мэдээллийн сангаас энэ удаа хүн төрөлхтний түүхэн дэх “хамгийн жигтэй хүмүүс”-ийн төлөөллүүдийг хүргэхээр түүвэрлэн бэлтгэлээ

“Шар шувуу - Хүн”

Шар шувуу хочит түүнийг Мартин Жоэ Лорелло гэж нэрлэдэг бөгөөд жинхэнэ нэр нь Мартин Эммерлин ажээ. Тэрээр 1886 онд Германд төрсөн бөгөөд хүн төрөлхтөний түүхэнд толгойгоо 180 градус эргүүлж чаддаг хосгүй чадвартай хүний нэгээр нэрлэгддэг юм. Мартин 20 настайгаасаа энэ төрлийн өвөрмөц үзүүлбэрийг үзүүлж ирсэн ба 1921 оноос Америкт алдаршиж эхэлжээ.

Женевийн “сахалт” хатагтай

Сахалт хатагтай хэмээгдэж түүхэнд мөнхөрсөн Жозефин Клофулия (1827 - 1875) Швейцарьт төржээ. Хүмүүсийн ам дамжсан яриагаар 8 настайд нь түүний сахал 5 см байсан бөгөөд сүүлд хэмжихэд 15 см болсон байсан гэдэг.

Түүнийг эмэгтэй биш эрэгтэй гэж үзэж шүүхэд өгч байсан тохиолдол гарч байсан ба тэрээр Парист байхдаа зураач Фочүнь Клофулиятай гэр бүл болж байжээ. Хоёр хүүхэд төрүүлсэн ч охин нь нас барж, харин хүү нь түүнийг дуурайсан үсэрхэг төрж байсан юм байна. Женевийн сахалт хатагтай Наполеон III үед ихээхэн алдаршиж байсан бөгөөд түүнийг элэглэснийхээ хариуд эрдэнийн чулуу бэлгэнд авч байсан гэдэг.

Хос бэлэг эрхтэн / Хос үтрээтэй хүн

Жуан (Жинь) Баптиста дос Сантос хэмээх хос бэлэг эрхтэнтэй эр 1843 онд Португалийн Фаро хэмээх тосгонд төржээ. Тэрээр хос шодой болон салтааны хэсгээсээ унжсан хөлтэй төрсөн ба 1865 онд бичсэн нэгэн хэвлэлд Сантос бэлгийн харилцаанд орохдоо эхлээд нэгийг нь хангасны дараа нөгөөхөө хангаж хурьцалд ордог байсан гэжээ.

Хос эр бэлэг эрхтэнтэй төрөх нь “Diphallia” гэдэг нэгэн зүйл эмгэг бөгөөд хамгийн анхны тохиолдол нь Иоханн Жэйкоб Векэр (1528 - 1586) хэмээх физикийн ухааны эрдэмтэнд тохиолдож байжээ. Одоогоор энэ төрлийн эмгэг дэлхий дээр 1000 гаруй бүртгэгдсэн байдаг ба Америкийн 5.500.000 эрэгтэй тутмын нэг нь өвчлөх магадлалтай гэж үздэг байна.

Харин хос үтрээтэй эмэгтэйн хувьд Бланче Дюма гэдэг ба 1860 онд Мартиникийн арал дээр төрсөн гэнэ. Түүний аарцаг өргөн төрсөн бөгөөд гуравдагч хөл унжсан байжээ. Мөн эрүүл зөв хөгжилтэй хөхнөөс гадна салтаан хэсэгт жижигхэн хос хөх байх аж.

Тэд Парист учирсан бөгөөд бие биедээ гал халуун дурлалыг өгч байсан гэдэг. Төрөлхийн согогтой тэд бие биеэ хамгаас илүү ойлгож байсан нь мэдээж. Сүүлд тэднийг сексийн харилцаанаас өөр холбоотой байсан эсэхэд эргэлзсэн олон нийтлэл тухайн үед гарч байсан ба Дюма биеэ үнэлж, Сантос мөнгө олохын тулд эрүүл мэндийн үзлэг судалгаанд хамрагддаг байсан гэнэ.

Дэлхийн хамгийн царай муутай эмэгтэй

XX зууны эхэн үеийн дэлхийн хамгийн царай муутай эмэгтэй гэгдэж байсан тэрээр 1874-1933 онд амьдарч байжээ. Түүнийг Мэри Энн Беван гэдэг бөгөөд найман хүүхдийн нэг болж Англи улсад мэндэлжээ. Тэрээр нөхөр Томас Бевантай гэрлээд удалгүй буюу 32 настайгаасаа “Acromegaly” эмгэгээр шаналж эхэлсэн ба нүүрний яснууд нь томорч эхэлсэн байна. Тэд дөрвөн хүүхэдтэй болсон бөгөөд нөхөр нь 1914 онд нас баржээ.

Нөхрөө нас барснаас хойш Мэри амьдралаа авч явахын тулд ажил хийж аймшгийн шоунд оролцохоос эхлээд циркийн арга хэмжээнд оролцдог байсан ажээ. Түүнийг нас барахад хэмжилт хийж 76 кг, 170 см байсныг тогтоожээ.

“Дөрвөн хөлтэй эмэгтэй”

Жозефин Миртль Корбин гэх дөрвөн хөлтэй энэ эмэгтэй 1868 - 1928 онд амьдарч байжээ. Тэрээр салтаан хэсэг дэх хоёр жижиг хөлөөрөө явах чадвартай гэдэг байсан ч тэрхүү хөлнүүдийнх нь хүч харьцангуй өчүүхэн ажээ. 19 настайдаа эмч Клинтон Бикнельтэй гэр бүл болж дөрвөн охин, нэг хүүгийн эх болжээ.

“Тал биетэй эмэгтэй”

Түүнийг Мадемозель Габриэль гэдэг бөгөөд тэрээр 1884 онд Швейцарьт төржээ. 1900-гаад оноос тэрээр “The Half Woman” үзүүлбэрийг үзүүлж эхэлсэн ба Америк орноор аялж олны танил болж явжээ. Габриэль хэзээ ч ийм төрсөндөө шаналж байгаагүй сэтгэлийн асар их тэвчээр хатуужилтай басхүү гоо үзэсгэлэнтэй ухаалаг нэгэн байсан тухай нийтлэлүүд цөөнгүй байлаа. Тэрээр гурван удаа гэрлэж байжээ.

Хөлийнхөө уланд “хөхний толгойтой” хүн

50 эмэгтэй тутмын нэг, харин 100 эрэгтэй тутмын нэгт тохиолддог гуравдагч “толгойн” хөлөн дээр ургасан хамгийн анхны тохиолдлоор бүртгэгдсэн энэ эмэгтэйн хөлийн улны толгой 5 орчим см гэнэ. Энэ явдал Бразильд тохиожээ.

“Мэлхий хүн”

2006 онд Непалд нэгэн жигтэй хэрэг гарчээ. Хоёр охинтой Сунтали гурав дахь үрийнхээ зулайг үнэрлэх гэж байсан нь энэ бөгөөд 9 сар хэвийн тээлттэй эх тэрээр 2 кг жинтэй мэлхий шиг хүүхэд төрүүлжээ. Төрөөд удалгүй нас барсан түүнийг оршуулахаар авч яваа нь энэ бөгөөд тэрээр тархигүй, хүзүүгүй яг л мэлхий шиг ажээ.

Эхнэрийнхээ биеийг л сайн байгаад нөхөр Бахадур нь баярлаж байгаагаа илэрхийлсэн бөгөөд хожмоо хэвлэлүүдээр үүнийг нэгэн төрлийн эмгэг гэж үзэж, жирэмсний явцад элдэв эм хэрэглэх ялангуяа ургийн тархи, гавлын яс бүрэлдэх 20 гаруй долоо хоногийн үед илүү анхаарах нь энэ төрлийн элдэв эмгэгээс сэргийлэх арга зам болохыг тайлбарласан байсан юм.

“Нойргүй хүн”

Хай Н - Гок хэмээн олны танил болсон өдгөө 70 насыг зооглож байгаа Тай Н - Гок 1942 онд Вьетнамд төржээ. 1973 онд ханиад хүрч халуурснаасаа хойш огт унтахаа байсан тэрээр 39 дэх жилдээ унтахгүй амьдарч явна. Түүний нойргүйдлийг судлахаар олон орны эрдэмтэд санал тавьсан ч тэрээр тосгоноо орхиж яваагүй бөгөөд шинжилгээнээс эмээдэг нэгэн гэнэ.

Н - Гок өдөр бүр 4 км замыг 50 - 100 кг жинтэй гахайн тэжээл зөөж - гахайн аж ахуйгаа эрхлэх, будааны дарс хийх зэргээр үр бүтээл дүүрэн өнгөрүүлдэг ч огт нойр нь хүрдэггүй байна. Сүүлийн жилүүдэд тэрээр үүндээ ихэд зовнидог бололтой усаар ангаж байгаа цөлийн ургамал шиг болж байгаа тухайгаа ярьсан байна. Зурагт: Н - Гок ба түүний хүү

“Сүүлтэй хүн”

Цайны тариалангийн талбайд ажилладаг Чандре Орам гэгч Энэтхэг залуу 13 инч буюу 33 см урт сүүлтэй нэгэн гэнэ. Нутгийн иргэд түүнийг Хануман сахиус ивээж гэж үздэг бөгөөд түүний сүүлэнд хүрсэн хүмүүс элдэв эмгэгээсээ салдаг ажээ.

Тэрээр сүүлтэйгээсээ болоод 20 гаруй бүсгүйчүүдээс гэрлэх саналынхаа хариуд татгалзсан хариу авч байсан ба Орам өөрийнх нь сүүлийг хүлээн зөвшөөрөх хэн нэгэнтэй гэрлэнэ гэж боддог болжээ. Эмч нарын тавьсан сүүлийг нь тайрах мэс ажилбарыг гэр бүлийнхэн нь хүлээж аваагүй бөгөөд сүүлгүй болчихвол түүнийг нас барна гэж үздэг төдийгүй сүүлтэйгээр нь бахархдаг гэнэ.