тайлбарлан ярилцаж, баталж байна. Энэ үнэхээр үнэн бололтой, өдөр ирэх тусам л өргөн хэрэглээний бараа таваарын үнэ аажим аажмаар өсч, ард иргэдийн нуруун дээрх ачаа нэмэгдсээр байна. Энэ үед худалдан авагчид бид зардлаа багасгаж танах хэрэг гарна. Нэгэнт л та бидний өдөр тутмын амьдралд мөнгө санхүүгийн асуудал сэтгэл зовоож байгаа нь үнэн тул хүн бүр мөнгөн хуримтлалтай болохыг хүсч байгаа. Харин яаж…? Хэрэв та цөөн хэдхэн хормын зав гаргаж, доорх зөвлөгөөнд анхаарлаа хандуулвал халаасандаа 100.000 түүнээс ч их төгрөгийн хуримтлалтай болох арга замуудыг мэдэх болно.

Мөнгө агшин зуурт л буй болдоггүй. Харин цаг хугацаа болон нэлээдгүй идэвхи зүтгэл зарцуулж байж, бага багаар мөнгөн хуримтлалыг бий болгоно. Жилийн эцэст үзэхэд та бас ч чамлахааргүй овоо хэдэн төгрөгтэй болсон байх вий. Зарим тохиолдолд таны хуримтлал бодож төсөөлж байснаас чинь ч илүү нэмэгдсэн байх вий.
Та ойрын ирээдүйд мөнгөн хуримтлал буй болгохыг хүсэж байвал доор дурьдсан аргуудыг хэрэгжүүлээд үзэхийг зөвлөж байна. Хамгийн гол нь та мөнгөн хуримтлал үүсгэж өөрийгөө баярлуулахыг хүсвэл хэмнэсэн мөнгөө зөвхөн тодорхой нэг дансанд хийж баяжуулаарай, тэгвэл таны хуримтлал өөр бусад зүйлд зарцуулагдахгүйгээр жинхэнэ бодитой хуримтлал болно.
Ингээд 100.000 түүнээс ч их төгрөгийн мөнгөн хуримтлал буй болгох 8 боломжийг танилцуулья.

1. Угаалгаа хүйтэн усаар хийх
Угаалгын машинаар угаалга хийх үед цахилгаан зарцуулалтын ихэнх нь зөвхөн усаа халаахад гүйдгийг олонх хүмүүс огт мэддэггүй. Цахилгаан зарцуулалтын 85-90 хувь нь зөвхөн усаа халаахад зориулагддаг байна.
Угаалгын машиныхаа халуун усаар угаах, хүйтэн усаар зайлах гэсэн тохируулгыг хүйтэн усаар угаах, хүйтэн усаар зайлах гэж тохируулснаар таны угаасан хувцас дутуу угаагдана гэж байхгүй. Үр дүн нь яг ижил.
Угаалгын машины халуун усаар угаах/ хүйтэн усаар зайлах тохируулга дээр өдөрт нэг сагс угаах зүйлс угааж байсан гэж тооцоолоход жилдээ угаалгын хөлс 100.000-150.000 төгрөг гардаг. Харин хүйтэн усаар угаах/ хүйтэн усаар зайлах гэсэн тохируулга дээр тавьж угаахад угаалгын хөлс жилдээ 10.000 гаруй төгрөг л болно.
Та хэдийгээр олон хүүхэдтэй, өдөр бүр угаалга хийх шаардлагатай, их хэмжээний бохирдолтой хувцасыг халуун усаар угааж цэвэрлэхээс өөр аргагүй тохиолдол байж болно. Гэхдээ та угаалгын машиныхаа товчлуурыг эргүүлэх хэдхэн секундын зав гаргаснаар 100.000 төгрөг түүнээс ч их мөнгө хуримтлуулах боломж байна.

2. Ус сайн уух
Насанд хүрсэн хүмүүсийн ихэнх нь янз бүрийн төрлийн үнэр амт бүхий уух зүйлсийг өөрөөр хэлбэл содтой ус, жимсний шүүс, эрч хүч өгөх ундаа болон тэдгээртэй төсөөтэй ундаануудыг ууж хэрэглэж заншсан байдаг.
Зөвхөн ус (савлаагүй байдлаар) уух нь мөнгийг илүү ихээр хуримтлуулах хамгийн зохистой арга зам гэнэ. Ус ууж байх үед нэмж ямар нэг хөнгөн зууш идэх гэх мэт зүйлс тохиолддоггүй сайн талтай.
Гэвч та ус ууснаар тодорхой хэмжээний мөнгийг тухай бүр хэмнэх ч энэ нь нэлээдгүй хугацааны дараа овоо хэдэн төгрөг хэмнэсэн байгаа нь танд мэдэгдэх болно. Үүний зэрэгцээ та тун удахгүй л ус ууж байгаадаа дуртай болж, өдөрт багаар бодоход гурван аяга ус уух хэрэгтэй.
Хэрэв та өдөр бүр 800-1000 төгрөг төлөөд 2-3 удаа ундаа, жүүс уудаг байснаа больж өдөрт гурван аяга ус ууснаар жилдээ багаар бодоход 350.000 төгрөг хэмнэж чадна.

3. Үнийн харьцуулалт хийх
Интернэтийн орчинд худалдаа хийх нь автомашинаа эсвэл өөрийн байр байшингаа даатгуулдаг шиг хүн болгонд баталгаатай тэгш эрх, нөхцөл бололцоог буй болгодог.
Эдгээр нь бүхэлдээ танд хамгийн сайныг нь сонгон авахад зориулагдсан мэдээ мэдээллийн өгөгдлийг хэдхэн хоромд л олж авах боломжоор хангагдсан гэж ойлгож болно.
Энэхүү цахим ертөнцийн зах зээлийн өрсөлдөөний талбар дээрээс мэдээ мэдээллийг сайтар цуглуулж үнийн харьцуулалт хийснээр та жилдээ зуу зуун мянган төгрөг хэмнэж болох бас нэгэн чухал арга зам байгааг сайтар тогтоож аварай.

4. Урамшууллын картыг ашиглах
Урамшууллын картыг олж авч цуглуулахад нэлээдгүй цаг хугацаа зарцуулдаг болохоор ихэнх хүмүүс энэхүү урамшууллын картыг мөд бүтэхгүй зүйл гэж боддог байна.
Үнэн хэрэгтээ, хэдийгээр та урамшууллын картыг хангалттай олноор нь олж авах боломжгүй байлаа ч цөөхөн хэдхэн урамшууллын картаар ч гэсэн чамгүй хэдэн төгрөг хуримтлуулж дөнгөнө.
Эдгээр урамшууллын картыг хаа сайгүй тааралдах олон аргуудаар урамшууллын картыг олж цуглуулж чадна.
Өдөр тутам хэрэглэдэг бараа бүтээгдэхүүнээ худалдан авахдаа урамшууллын картыг ашигласнаар өөр хэн нэгнийг зовоохгүйгээр мөнгөтэй болно. Урамшууллын картыг ашиглан худалдаа хийснээр долоо хоногт зөвхөн 2-3 мянган төгрөг хэмнэж байснаар жилийн эцэс гэхэд 130.000-150.000 төгрөг түүнээс ч илүү мөнгийг хуримтлуулсан байх болно.
Зөвхөн хүнсний зүйлс худалдан авахад зориулагдсан урамшууллын карт бус пиццаны, шатахууны болон үсчний гэх мэт бүхий л төрлийн урамшууллын картуудыг цуглуулснаар мөнгөн хуримтлал тань нэмэгдсээр л байна.

5. Үнэ тохиролцож худалдаа хийж сурах
Кабелийн телевиз тавиулах, төлбөрөө төлөх, фитнесс клубт элсэх, телефон утасны төлбөрөө төлөх, гэртээ интернет тавиулах зэрэг үйлчилгээг авах бүрийдээ үнийн саналыг сонсож, ярилцаж тохиролцон төлбөрөө төлөх нь мөнгө хуримтлуулах боломжит арга гэдгийг ихэнх хүмүүс огт анзааралгүй өнгөрөөдөг байна. Дэлгүүрт эсвэл захаар үйлчлүүлэхдээ үнийн саналыг сонсож, үнээ тохиролцож сурах нь хямдралтай худалдан авалтууд хийхэд нөлөөлж чадна. Үр дүнд нь таны төсөөлж байснаас ч илүү байх вий.
Ямар нэг үйлчилгээг авахын тулд үнийн саналыг сонсож тохиролцох, утсаар ярихад 5-10 минут л зарцуулна. Хэрвээ та сард авах үйлчилгээ бүрээсээ 4-5 мянган төгрөг хямдруулахаар тохиролцож чадсан бол жилийн эцэс гэхэд 300.000 төгрөг түүнээс ч илүү мөнгийг хуримтлуулж чадна. Энэхүү хуримтлал нь таны утсаар ярилцахад зарцуулсан үнийн дүнгээс хэд дахин их хуримтлал байх болно.

6. Зээлийн картын хүүг багаар тогтоолгох
Зээлийн картын хүүг багаар тогтоолгох нь мөнгө хуримтлуулах бас нэгэн боломжит арга байдаг. Зээлийн карт авсан компани руугаа утсаар ярьж таны зээлийн картын үлдэгдэл хэд хичнээн байгааг тооцоолох тэр агшиндаа энэ аргыг санах хэрэгтэй. Зүгээр л утсаар яриад зээлийн картын үлдэгдэлийг асуух үедээ зээлийн картын хүүгийн хувь хэмжээг багасгах боломжтой эсэх талаар тохиролцож зээлийн картын хүү хувийг багаар тогтоолгож болдог тухай хүмүүс огтхон ч төсөөлдөггүй байна.
Тухайлбал, таны зээлийн картанд 5000$ байгаа, түүнийг 21 хувиар тооцдог байлаа гэхэд, та ярилцаж тохиролцсны дагуу хүүг 15 хувиар болгосон гэж бодвол та жилдээ 350$ хуримтлуулж амжина.

7. Өөрт хэрэгцээгүй эд зүйлсээ зарж борлуулах
Хэрэглэхээ больсон эсвэл ашиглахгүй байгаа маш их хэмжээний эд зүйлс таны гэрт байсаар л байдаг. Хувцасны шүүгээ, байшингийн хонгил, гараж гээд л аль л өөрөөсөө зайлуулж хураасан, ойрд авч хэрэглээгүй хайрцаг савтай эд зүйлсийг сайтар ангилан ялгалт хийх хэрэгтэй. Тэдгээрийг насаараа хадгалахгүйгээс хойш бүгдийг зарж борлуулах хэрэгтэй, eBay гэх мэт сайтад байрлуулж болно, мөн гараж худалдаа зохион байгуулж ч болно эсвэл бүгдийг нь комиссын бараанд бөөнөөр нь нийлүүлж болно.
Өөрт хэрэгцээгүй эд зүйлсээ зарж борлуулахад хэрэглэх үндсэн зарчим нь:

Хэрвээ та ямар нэг зүйлийг өмнө жилийн туршид огт хэрэглээгүй өнгөрсөн бол түүнийг цаашид ч ердөө хэрэглэхгүй болсон нь тодорхой юм.
Ингэж өөрт хэрэгцээгүй эд зүйлсээ зарж борлуулж чадсанаар таны гэр орон нэлээд замбараатай болно, мөн та халаасандаа багаар бодоход ойролцоогоор 100$ буюу 120-130 гаруй мянган төгрөг түүнээс ч илүү хуримтлалыг бий болгож чадна.
8. Өөрийн байшин, орон сууцны үнийг дахин тооцоолох
Өнөөдөр моргеж (Mortgage) буюу лизингийн үйлчилгээний талаар хүмүүс сайн мэдэх болсон. Өөрсдийн орон байраа лизингийн зээлээр авсан иргэдэд энэхүү зөвлөлгөө их хэрэгтэй байх болно.

Зээлийн хүүгийн хувь хэмжээ жилийн туршид хамгийн бага болох тэр агшинд орон сууцны зээл хэр ашигтай байх талаар тооцоо хийж үзэх шаардлагатай. Өөрөөр хэлбэл моргежийн зээлийн хүү буурах нь иргэдэд ашигтай бөгөөд энэ үеэр л зээлээ амжиж авах нь чухал. Учир нь орон сууцны зээл ихэвчлэн урт хугацаатай байдаг тул хүүг сайтар тооцоолсноор зээлийн нийт хугацааны туршид нэлээд хэдэн сая төгрөгийг хэмнэж чаддаг байна.
Зөвлөгөөг уншиж амьдралдаа мөрдлөг болгох эсэх нь таны л мэдэх хэрэг. Гэхдээ огт оролдож үзэлгүй, зүгээр л уншаад мартчихгүй гэдэгт итгэлтэй байна. Энэ бол дэлхийн сая сая жирийн ард түмний хэрэглээгээ хянаж, хуримтлал үүсгэсэн туршлагаар баталгаажсан зөвөлгөө юм шүү.

Танд амжилт хүсье.