1.Монгол хэл, Монгол бичиг, уран зохиол, гадаад хэлний сургалтыг дэмжин сурагчдын унших, цээжлэх, бичих, ярих чадварыг сайжруулах, хүүхдийг номонд дуртай болгох улмаар номыг шимтэн сонирхож, оюун ухаандаа (Head) ойлгож тогтоох, сэтгэж унших оюун сэтгэлгээг хөгжүүлэх үүднээс саруул ухаанаар сэтгэж суралцах “НОМ” -ын аяныг өрнүүлнэ.

2.Монгол ахуй, зан заншил, соёлын өв, эх хэлний ариун нандин чанарыг эрхэмлэн дээдэлж номыг хайрлах, улмаар хамт олон, нийгэм, эх орон, эх дэлхийгээ зүрх сэтгэлээрээ (Heart) хайрлах сэтгэлгээг номоор дамжуулан төлөвшүүлэх үүднээс чин сэтгэлээсээ уншиж суралцах “НОМЫН СОЁЛ” -ыг түгээх ажлыг номын аянаар өртөөлөн өрнүүлнэ.

3.Сурагч, эцэх эх, багш, сургуулийн хамтын ажиллагааг сайжруулах, улмаар гэр бүл, хамт олон, ард түмэн, даян дэлхийн хүн зонд өгөөмөр сэтгэл, тусч гараараа (Hand) туслан дэмжих энэрэнгүй үзлийг номын соёлоор холбох үүднээс бусдад туслан суралцах “НИЙГЭМ” -ийн ажлыг зохион явуулна.

4.Ном унших, номыг хайрлаж сурснаар бусдыг ойлгон хайрлах, туслах сэтгэлгээ төрж улмаар эвсэг хамт олонтой, эрүүл саруул нийгмийн өөртөө итгэх итгэлтэй иргэн болж төлөвших (Health) бадрангуй үзлийг хөгжөөх үүднээс Хамгийн шилдгийг бүтээх (To make the Best Better) уриалгын дагуу Биеэрээ хийж суралцах (Learning by Doing) явдлыг урамшуулан дэмжинэ.

Хөтөлбөрийн хүлээж буй үр дүн

1.Сурагчид номонд дуртай болох, унших бичих хичээлд зарцуулах цагийн тоо, ном унших сурагчдын тоо нэмэгдэх, ахуй соёл, ёс заншлаа дээдлэн хайрлах үзэл төлөвших,

2.Номоо хайрлаж сурах, сурагчдын бусдаасаа суралцах, бусдыг ойлгох сэтгэлгээнд өөрчлөлт гарах

3.Багшийн заах арга, ур чадвар сайжирч, эцэг эхийн оролцоо нэмэгдэн, сурагчдийн суралцах идэвх чармайлт, бүтээлч сэтгэлгээ өсөж, сургууль хамт олны дунд шинэ орчин бүрдсэн байх, бусдад туслах хандалга ихсэх

4.Сурагчид уншиж суралцсанаа өөрийн биеэр хийж бүтээхтэй хослуулан урлан бүтээх, соёл урлаг, шинжлэх ухааны чиглэлээр чөлөөт цагаа үр дүнтэй өнгөрүүлэн, манлайлан удирдах чадвар дээшлэх, өөртөө болон бусдад, ирээдүйдээ итгэх хандлага дээшлэх

"Номын Анд 2014” уралдааны зорилго

АНУ-ын ерөнхийлөгч Барак Обама-гийн бичсэн “Та нартаа би дуулъя - Охиддоо бичсэн захиа”, “Of THEE I SING - A Letter to My Daughters” номонд өгүүлсэн Америкийн 13 алдартай хүний намтар, уран бүтээлийн талаар монгол, англи хэлээр уншиж судлах, өсвөр үеийнхний ном унших сонирхлыг дэмжих, бүтээлч сэтгэлгээг хөгжүүлэх, чөлөөт цагийг үр бүтээлтэй өнгөрүүлэхэд оршино.

Уралдааныг АНУ-ын 4-Н хүүхдийн байгууллагын Монгол дахь салбар Монголын 4-H /Фоор эйч/ хүүхэд залуучуудын байгууллагын 5 жилийн ой, Америкийн соёл мэдээллийн төвийн (ACIC) 10 жилийн ойг тохиолдуулан зохион байгуулж байна.

Хамрах хүрээ:

Уралдаанд оролцох хүсэлтэй хүүхдүүүд багаар болон ганцаарчлан оролцож болно. Хүүхдүүд өөрсдийн санаачлагаар 5-аас дээш тооны гишүүнтэй баг бүрдүүлэх ба насанд хүрсэн удирдагчтай байна. Багийг эцэг эх, номын санч, багш, оюутан, сайн дурын хүмүүс удирдаж оролцоно.Үүнд:

· Өсвөр нас (-5,6,7,8)

· Бага нас (9,10,11)

· Дунд нас (12,13,14)

· Ахлах нас (15,16,17+)

Оюутан

Хэрэгжих хугацаа:

- Бүртгэлийг 2014 оны 5-р сарын 18-ны өдрийг дуустал soliltsoo@yahoo.com хаягаар болон 96054288,
   99441924 утсаар авна.
- Бүтээлийг 2014 оны 5-р сарын 24-ний дотор Д.Нацагдоржийн нэрэмжит Улаанбаатар хотын
Нийтийн төв номын сан дахь Америкийн соёл, мэдээллийн төв дээр хүлээн авна.
- Бүтээлийн үзэсгэлэнг нээж, шагнал гардуулах ажиллагаа 5-р сарын 31-ний өдрийн 11:00 цагт
    Америкийн соёл, мэдээллийн төв дээр болно.

“Номын Анд” уралдаанд оролцох журам:

Удирдагч болон номын санч нь оролцогч хүүхдүүдийн бүртгэл, зохион байгуулалтыг хариуцан мэдээллийг явуулахаас гадна уншсан номыг баталгаажуулан гарын үсэг зурна. Жагсаалтанд орсон номноос олон ном бүтээлчээр уншиж, номынхоо тухай заавал тэмдэглэл хөтлөн, бүтээл хийнэ. Мөн өөрсдийн хувьд сонирхолтой бусад номыг нэмэн уншиж болно. Удирдагч нь 14 хоногийн тайланг баримтжуулан хавсаргана.

Уралдаанд оролцогч нь үйл ажиллагаанд байнга идэвхтэй оролцох, номыг унших чин сэтгэлтэй байх, багаар ажиллаж сурах хүсэлтэй байх, бүтээлч сэтгэлгээгээ хөгжүүлэх, ардын аман зохиолоос уншиж суралцах, үе үеийн алдартай зохиолч, хүмүүсийн талаар судлах шаардлагатай.

Шалгаруулах ерөнхий журам:

4-Н номын бүлгийн үндсэн зарчмын дагуу:
- Уншсан номынхоо талаар тэмдэглэл хөтлөх
- Багийн бүх гишүүд тогтмол оролцох
- Тухайн номыг багийн гишүүн бүр уншсан байх

Уралдааны шалгаруулалт:

Уншсан номын дагуу хийсэн дараах бүтээлч ажлуудыг үндэслэн уралдааны шалгаруулалтыг явуулж шилдэг бүтээлүүдээр үзэсгэлэн гаргана. Үүнд:
- Бяцхан ном
- Зурагт хуудас
- Зохион бичлэг, шүлэг, эссе
- Гар урлалын төрөл бүрийн бүтээлүүд
- Ханын сонин
- Уран уншлага
- Жүжигчилсэн тоглолт
- Америк, Монголын алдартай хүмүүсийн талаархи судалгаа
- 13 алдартай хүмүүсийн тухай эссе (оюутан) 700-аас дээш үгтэй

Уралдааны шагнал:

Насны ангилал тус бүрд 1, 2, 3-р болон шагналт байр шалгаруулна.
Багийн төрөлд

I байр - Медаль, өргөмжлөл, дурсгалын зүйлс

II байр – Медаль, өргөмжлөл, дурсгалын зүйлс
III байр – Медаль, өргөмжлөл, дурсгалын зүйлс

Ганцаарчилсан төрөл
I байр - Медаль, өргөмжлөл, дурсгалын зүйлс

II байр - Медаль, өргөмжлөл, дурсгалын зүйлс
III байр - Медаль, өргөмжлөл, дурсгалын зүйлс

Шалгарсан баг, сурагчдыг Монголын 4-Н байгууллагын англи хэл, амьдрах ухаан болон бусад сургалтанд бүтэн жил хамрагдах эрхээр шагнаж, гадаадын 4-Н номын клубтэй холбон өгч туршлага солилцуулна.

Номын санч, Шилдэг удирдагч (Цом, өргөмжлөл, тусгай шагнал)
Олон сулсын 4-H байгууллагын хуралд оролцох эрх – 1 (оюутан)

Ерөнхий зохион байгуулагч:
- Монголын 4-Н (фоор эйч) хүүхэд залуучуудын байгууллага /www.facebook.com/Mongolian 4-H
Хамтран зохион байгуулагч:
- АНУ-ын Элчин сайдын яам
- Америкийн соёл, мэдээллийн төв
- Монголын сэтгүүлчдийн эвлэл

Дэлгэрэнгүй мэдээлэл
- Вэб хуудас: www.bayanmongol.com, www.deej.mn, www.medeelel.com
- Утас: 96054288, 99441924