тэргүүтэй "Алтангадас" фракцийнхан төвийн тоглогчийн үүрэг гүйцэтгэж, "Женко" Х.Баттулга, З.Энхболд нар тэдний эсрэг Ардчилсан хүчний холбоог байгуулж байв.

Өөрөөр хэлбэл, "Анти Алтангадас" хэмээх улс төрийн сөрөг нэгдэлд МоАХ, соцдекүүд, МҮДН-ынхан, "Зүүн хойд Ази" фракци багтаж Н.Алтанхуягийг хамтарсан Засгийн газраас гарч, АН-ын даргаас огцрохыг шаардаж байлаа. Гэвч тус нам сонгуульд ялж, парламентад үнэмлэхүй олонхи болж чадаагүй ч Засгийн
газар байгуулах эрхтэй болсны дараа нөхцөл байдал өөрчлөгдсөн юм.

Учир нь Н.Алтанхуяг эрх баригч хүчний тэргүүний хувьд Ерөнхий сайд болж "Шударга ёс" эвсэл, ИЗНН-ынханд гүйцэтгэх засаглалыг хамтран бүрдүүлэх урилга илгээгээд зогсохгүй "Анти Алтангадас"-ынхныг ч танхимдаа багтаасан билээ. Н.Алтанхуягийн тэргүүлж буй танхим дахь "Анти Алтангадас"-ын төлөөллүүдийг дурдвал тун сонирхолтой дүр зураг гарч ирнэ.

Тухайлбал, МоАХ-оос Ц.Оюунгэрэл, Ш.Түвдэндорж, "Шонхор" фракциас Лу.Болд, Д.Ганхуяг, С.Эрдэнэ, МҮДН-аас Н.Батбаяр нарыг дурдаж болох юм. Нэг ёсондоо УИХ-ын 2012 оны сонгуулийн дараа АН-ын дарга Н.Алтанхуяг "Алтангадас" болон бусад фракцийнхантайгаа тохиролцоо хийж, тэдэнд сайдын суудлын квот хуваарилсан нь энэ.

Тиймээс "Женко" Х.Баттулгыг ҮХАА-ын сайдаас огцорсны дараа МоАХ-ны Ш.Түвдэндоржид суудлыг нь шилжүүлсэн хэрэг. Эрх баригч хүчнийхэн дээрээ суудлаа олохгүй, доороо гүйдлээ олохгүй эв түнжин муутай байна. Ийнхүү өөр хоорондоо зөрчилдөж эе эвдэрцгээснийхээ төлөөсийг тэд УИХ-ын 2016 оны сонгуулийн ялагдлаар төлж ч магадгүй юм. Яг 2000 он шиг.

Хамгийн сонирхолтой нь АН дахь "Анти Алтангадас" сөрөг нэгдэлд улс төрийн нэн шинэ урвал явагдаж, "Женко" Х.Баттулгыг хүчгүйдүүлэх тоглолт хийж эхлэв. Улс төрд ганцаарчилсан сөрөг тоглолт хийх болсон Х.Баттулга "100 чухал сэдэв" нэвтрүүлгээр төмөр замын нарийн цариг үндэсний аюулгүй байдалд хэр хохирол учруулж болох, мөн Хятадын эрлийзүүдийн талаар хөндсөн нь эцэстээ Ерөнхийлөгчид зэмлүүлэхэд хүргэсэн.

Үүнээс гадна тэрбээр МоАХ-ны жирийн гишүүдээр УИХ-ын гишүүд рүү төмөр замын нарийн царигийг хуульчлан батлахыг эсэргүүцсэн утгатай мессеж бичүүлсэн гэмтнээр ч тодров. Үнэхээр ч "Женко" Х.Баттулга улс төр дэх Н.Энхбаяр-2 болчихоод байгаа.

Экс Ерөнхийлөгч Н.Энхбаяр МАХН гэдэг нэрийг сэргээлгэж, гуравдагч хүчний орон зайг эзлэх тоглолтоо амжилттай хийсний үр дүнд МАХН, МҮАН-ын "Шударга ёс" эвсэл УИХ-д 11 суудалтай болсон. Тэгвэл "Женко" Х.Баттулгад АН-д ч, МАН-д ч дэмжигчид бий.

Тиймээс тэрбээр ҮХАА-н сайдаас өөрийн хүсэлтээр огцорсон шигээ, бас "Эрэл"-ийн намын хаалгыг Х.Тэмүүжинтэй хамт хаасантайгаа адил АН-ын гишүүний батлахаа Н.Алтанхуягийн ширээн дээр тавихыг үгүйсгэхгүй. Эрх баригч хүчин дэх эсрэг уур амьсгал Х.Баттулгыг ийм сонголт руу түлхэж мэдэхээр боллоо.

Ерөнхийлөгч Ц.Элбэгдорж ч түүний эсрэг галан зурвас татаж, МоАХ фракцийг нь УИХ-ын дарга З.Энхболдоор удирдуулах саналыг тавьсан нь тэр биз. Үүнээс гадна Х.Баттулгыг МоАХ-оос хөөх тухай албан бус мэдээлэл сонсогдох болов. "Шонхор" фракцийн тэргүүн З.Энхболд Төрийн тэргүүнд "За" гэж хэлсэн бололтой.

Тэрбээр "Шонхор", МоАХ фракцийн лидерүүдийг өчигдөр Их тэнгэрт оройн зоогт урив. Энэхүү нууц уулзалтад "Шонхор"-оос УИХ-ын гишүүн Д.Арвин, Г.Баярсайхан, Ж.Батзандан, Лу.Болд, Д.Ганхуяг, С.Одонтуяа, С.Эрдэнэ, МоАХ-оос Р.Бурмаа, Д.Ганбат, Б.Наранхүү, Ц.Оюунгэрэл, Ш.Түвдэндорж, Л.Эрдэнэчимэг нарыг, мөн "Нэг ардчилал"-аас Хууль зүйн сайд Х.Тэмүүжинг урьсан аж. Их сонирхолтой дүр зураг мөн биз.

Х.Тэмүүжинг Хууль зүйн сайдаас огцруулах ажиллагаа ид явагдаж байх үед Ерөнхийлөгч Ц.Элбэгдорж "Би Х.Тэмүүжинг хамгаална" гэж мэдэгдсэн. Харин энэ удаад Хууль зүйн сайд "Шонхор", МоАХ-ныхны уулзалтад фракциа төлөөлөн ганцаараа ирэх урилга хүлээн авчээ.

З.Энхболд Их тэнгэрт ийнхүү хоёр фракцийн лидерүүдийг хүлээн авч уулзахын өмнөхөн МоАХ-ны лидер Х.Баттулга "Ц.Элбэгдорж маш буруу мэдээлэлтэй байна лээ. Ер нь энэ хүн аж ахуйн ажил хийж үзээгүй. Дандаа дарга хийж явсан. Нэг ёсондоо вакумжсан нехөр. Миний хувьд, сөрөг хүчний үүрэг гүй-цэтгэж улстөрчидтэй улайстлаа үзэлцэнэ" гэж мэдэгдсэн билээ.

Гэвч З.Энхболд Ерөнхийлөгчийн саналыг хүлээн авч "Шонхор", МоАХ-г хамтад нь удирдлаа гэхэд яг ямар акци зохион байгуулах вэ. Ц.Элбэгдоржийн дохиогоор "Женко" Х.Баттулгыг ганцаардуулах тоглолт хийх нь чухал уу, аль эсвэл "Алтангадас"-ын эсрэг "дайн"-аа дахин эхлүүлэх үү.

Энэ асуултад "Анти Алтангадас"-ын зарим лидер "Н.Аптанхуяг тэргүүтэй нам, засгийн эрхийг баригчидтай тэмцэнэ. АН дахь хоёр гол фракци нэгдэнэ гэдэг бол их тулааны өмнөх бэлтгэл ажил гэсэн үг" хэмээн хариулсан юм.

"Шонхор", МоАХ-ныхон "Женко" Х.Баттулгагүйгээр "Алтангадас"-ынхны эсрэг ямар дайралт хийх нь ирэх намраас харагдах биз. Яг одоо бол Н.Алтанхуяг тэргүүтэй засгийн эрх баригчид руу нумаа татаж, сумаа тавьсан Х.Баттулга Төрийн тэргүүн тийш овоо хараагаа тааруулаад эхэлчихлээ.

Гэвч тэрбээр Ерөнхийлөгч, Засгийн газар хэмээх хоёр том институцийг удирдагчидтай зэрэг сөргөлдөөд хэр амжилт олох бол. Хамгийн сонирхолтой нь АН-д хийж эхэлсэн хүчний шинэ хуваарилалтыг санаачилсан хүн нь Ерөнхийлөгч Ц.Элбэгдорж!

С.Баттулга

Эх сурвалж:

З.Энхболд "Шонхор", МоАХ фракцийнхантай их тэнгэрт нууц уулзалт хийлээ
Tweet
Bolod.mn

Сэтгэгдэл (7)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Баттулгийг ард олон дэмжинээ.Баттулгийг МоАX -оос гаргав******** тудий олон ард тумэн АН -аас холдоно гэсэн уг. иймд АН зөв ум хийгээсэй. Сонгуул ойрхон б.на шуу

2014-07-04 | 13:00:12 | 202.179.20.142 |

Зочин
Жэнко-ийн буруу, буруу, хэлэх үг ********га.

2014-07-04 | 09:58:16 | 182.160.38.121 |

Зочин
Дээрх хуыний бичсэнийг 100% дэмжиж байна!

2014-07-04 | 05:44:55 | 217.248.235.134 |

Зочин
Еронхийлогч гэж оороо жинхэнэ хаг********ан бутаргагч болжээ Баттулгаас илуу ХБ юм АНыхан яаж ч узээд 16 зоны сонгуульд яла гдсан ху********с дэндуу сайн мэддэг болсон МАН нам ч тэр 2улаа хотлолцоод УТийн тавцангаас зайлна Баттулгыг арай олон хун дэмж нэ дээ ирээдуйн...

2014-07-03 | 23:58:05 | 112.72.13.45 |

Зочин
Баттулгийгдэмжинэ

2014-07-03 | 19:31:48 | 112.72.13.252 |

Зочин
battulga oor nam baiguula ard tumen demjine

2014-07-03 | 18:00:37 | 112.160.103.12 |

Зочин
Ехр нь засгийн газар байгуулахдаа УИХ-д сууд******** авсан байдлаар нь кабинетдаа квот хуваарилаад олонх болсон нам нь Ерөнхий сайд болон үндсэн чиг үүргийн яамны сайд нараа томилдог, цөөнх болсон бусад намд бодлогын яамдаа квотоор нь хуваарилдаг болчихвол зүгээр юм биш үү. Сонгогчид УИХ-ын гишүүдийг сонгохдоо олонх болсон нэгэндээ тээг болог гэж сонгологгүй л байх. Харин ч төр засгаа удирдаад хамтраад улс орноо хөгжүүлээсэй гэж л сонгодог байх. Гэтэл өнөөгийн байж байгаа төрх юу өгүүлж байна. Засгийн эрх авсан бол төрд тэр чигээрээ тэр намын хүмүүс даргаасаа жижүүр үйлчлэгч хүртлээ томилогддог болж. Засагл********ын институцын хувьд бол бүр биш ээ. Шүүх засагл******** бол Монгол төрийн нэг институц байж нам дагаад л навсаганаж байдаг. Ерөнхийлөгч нь ард түмний эв нэгдлийг илэрхийлэгч байж нэг намын дотоод асууд********тай орооцолдоод л чавганцын ч гэх үү авгай хүүхний ч гэхүү ажил хийгээд явж байх. За тэгээд гүйцэтгэх засагл******** бол жинхнээсээ засагл********ын хямр********д орчихсон. Ерөнхий сайд нь үнэн худлаа яриад байгаа нь мэдэгдэхгүй г********зуу ********ой нь мэдэгдэхгүй. Засгийн газрын гишүүд нь бөөн амбиц, хөөсөн хүмүүс болж хувирлаа.

2014-07-03 | 15:03:51 | 202.179.8.90 |

Мэдээ
Гадаад мэдээ
Видео