Ядаргаа магнийн дутагдлаас vvдэлтэй

2014-07-15

Ядаргаа нь физиологийн vзэгдлvvдийн нэг аж. Биеийн тамирын дасгал, хvнд хvчир ажил хийн энерги эрчим гаргахад эрvvл

чийрэг хvн ч их бага хэмжээгээр ядардаг. Ийм vед хангалттай витаминлаг хоол хvнс хэрэглэж, хөнгөн дасгал хийж, халуун устай ваннд ороод сайхан амрахад ядаргаа тайлагддаг гэдгийг мэдэхгvй хvн бараг vгvй. Харин дэглэм журам муутай амьдрал, амьдралын хэвшлээс болоод ядаргаа удаан vргэлжилвэл архагшдаг. Энэ нь хэдийгээр өвчин биш ч ажлын чадвар муудах, биеийн эсэргvvцэл сулрах, өвчин эмгэгт илvv өртөх магадлалтай болдог байна.

Тvvнчлэн архаг ядаргааны суурийг бий болдог хэд хэдэн нөхцлvvд байдаг аж. Их дуу шуугиантай орчинд амьдрах, ажиллах, биеэ барьсан давчуу хувцас өмсөх, хvчтэй эм тариа их хэмжээгээр хэрэглэх, нойр хасах, удаан хугацаагаар сууж, ууц нуруу, нvд гараа чилээх нь ядаргаа vvсгэх эх суурийг тавьж өгдөг байна. Архаг ядаргаанд орсон vед нойргvйдэх, толгой байнга өвдөж хөлрөх, нvдний хараа гэнэт муудах, хий юм vзэх, амархан ядарч сульдан толгой эргэх зэрэг шинжvvд илэрдэг. Ядаргаа нь биед орших магнийн дутагдлаас vvсдэг нь нотлогджээ. Тиймээс магнигаар баялаг зөгийн бал, арвайн гурил, хөц будаа зэргийг өргөн хэрэглэх нь тустай.

Бид "В" витамин дутагдсанаас архаг ядаргаанд нэрвэгддэг байна. Тиймээс ядаргааг арилгахад зөгийн бал зэрэг шингэц сайтай чихэрлэг бvтээгдэхvvн, мандарин, лемон зэрэг витамин В1, В2, С их агуулагддаг жимс, хоол хvнс хэрэглэж дулаан амрах нь чухал.

Ядаргаа архагшин улмаар хэт ядаргаа буюу ядаргааны туйлд хvрдэг. Мэдрэлийн тэнцвэртэй байдал алдагдах, амьсгал давчдах, бие хөрөх эсвэл хөлрөх, суулгах, өтгөн хатах, нойргvйдэх, тайван бус байдалд автах зэрэг олон шинж тэмдэг илэрдэг байна.

Архаг ядаргааны шинж: Амархан ядрах, сэтгэл санаа тогтворгvйтэх, амархан уурлаж уцаарлах, сэтгэл яльгvй догдлох, гомдоход уйлж унжих, гэсэн хэрнээ дороо тайвшрах гэнэт өөрийгөө учиргvй өрөвдөх, унтаж чадахгvй шаналах, эрт сэрснээс болоод бие амрахгvй буларч ядрах, өдөр нойрмоглох, анхаарал сулрах, ой тогтоолт муудах, сэтгэх чадвар доройтох, их тvгших гэх мэт.

Мөн энэ vед цаг агаарын өөрчлөлтөд хэт мэдрэмтгий болж, толгой, нуруу өвдөх, vе мөч, өөр таагvй мэдрэмж төрдөг аж. Тvvнчлэн бие организм тавгvйрхэх, зvрхний vйл ажиллагаа алдагдах, даралт тогтворгvй болох, хоолны дуршил багасах, бэлгийн чадавхи өөрчлөгдөх, дархлал буурах vзэгдэл ажиглагддаг байна. Архаг ядаргаатай vед гэр бvл болон ажил дээр зөрчил vvсч сэтгэл санаа дарамттай хэцvv болдог гэнэ. Vvнийг олон аргаар эмчилдэг байна. Тухайлбал, рефлексотерапи, кино-зиокоррекци, зvv тавих, гомеопати эмчилгээ, эмийн ургамлаар эмчлэх, vнэр зэргийг дангаар болон хослуулах аргыг хэрэглэдэг аж. Тvvнчлэн амьсгалын дасгалууд, сэтгэл зvйн анализмыг мөн ашигладаг байна.

Архаг ядаргааг эмчлэх тодорхой нэгдсэн журам vгvй, хувь хvн бvрийн онцлогийг тооцож vздэг. Эмчилгээ нь тухайн хvний амьдралыг дээшлvvлэх, нийгэмд дасан зохицох, стрессийн эсрэг, өвчнийг эсэргvvцэхэд чиглэнэ. Энэ vед идэвхтэй хөдлөх хэрэгтэй, гvйх, усанд сэлэх, дугуй унах зэргээр архаг ядаргааг эмчилдэг байна. Гэвч байнгын ажилтай хvмvvст энэ боломж нь их хомс. Тиймээс стресст орохгvй байх, сэтгэл санаагаа тайван байлгаж, өөрийгөө тайвшруулж, өөдрөг, хөгжvvн, өөртөө итгэлтэй сэтгэл зvйг бvрдvvлэх хэрэгтэй.

Зарим тохиолдолд санаа нийлсэн сайн найз нөхөдтэйгээ эрvvл агаар, байгалийн сайханд тайван амарч, архи дарс аль болох бага хэрэглэхийг хичээх шаардлагатай аж. Архаг ядаргаа бол өвчин биш, өвдөхийн өмнөх vе, ийм учраас эмчилгээг хэдийчинээ эрт эхэлнэ, төдийчинээ сайн vр дvнтэй юм байна. Энэ бvхнээс урьдчилан сэргийлэхийн тулд өглөө бvр халуун хvйтэн шvршvvрт ээлжлэн орж, орой далайн давс, шилмvvс, бvхий усанд орох, шинэ ногоо жимс, тэжээллэг хоол идэх хэрэгтэй юм байна. Мөн улиралд нэг удаа микроэлемент бvхий поливитамин ууж байх учиртай аж.