Н.Удвал сайд аа хариуцлагагүй, сэтгэлгүй эмч нараас тань болж дахин бяцхан үр хорвоог орхилоо

2014-07-26

Н.Удвал сайд аа хариуцлагагүй, сэтгэлгүй эмч нараас тань болж дахин бяцхан үр хорвоог орхилоо

Н.Удвал сайд аа таныг улстөр хийж явах хооронд эмч нарын тань буруутай, хариуцлагагүй мөн сэтгэлгүй үйлдлээс болж хүний бяцхан үрс хорвоог харамсалтайгаар орхисоор байна.

Тодруулбал 2014 оны тавдугаар сарын 5-ны өдөр, Чингэлтэй дүүргийн 17 дугаар хороонд оршин суух Ананд овогтой Ц хэмээх гуравхан настай охин Халдварт өвчин судлалын үндэсний төв /ХӨСҮТ/, Эх хүүхдийн эрүүл мэндийн Үндэсний төвийн хооронд онош нь тодрохгүйгээс гадна эмч нарын хариуцлагагүй, сэтгэлгүй байдлаас болж нас барсан харамсалтай хэрэг гарчээ.

Нас барахаас хоёр хоногийн өмнө буюу тавдугаар сарын 3-ны өдөр Ц охины бие өвдөж, 40 хэм хүртэл хүчтэй халуурсан байна. Ингээд 4-ний өглөө цээж, духаар нь тууралт гарсан учраас Баянгол эмнэлэгт үзүүлэхэд хүүхдэд анхны тусламж үзүүлээд ХӨСҮТ-д хэвтэх бичиг хийж өгжээ.

Тухайн өдрийн ХӨСҮТ-ийн хүлээн авахын жижүүр эмч Ч охиныг үзээд Тууралтат халдварт өвчнийг үгүйсгэн, ясны цочмог өрөвсөл хэмээн үзээд ЭХЭМҮТ-ийн мэс заслын тасагт үзүүлэх шаардлагатай гээд эмчийн үзлэгийн бичилт хийгээгүй явуулсан байна. Нэг ёсондоо өвчтөнг шилжүүлэх журмын дагуу ажиллаагүйгээс хугацаа алдах эхний үйлдэл болсон гэж мэргэжлийн байгууллага өдгөө дүгнэж байгаа аж.

Харин ЭХЭМҮТ-д ирэхэд хүлээн авах тасгийн сувилагч хүүхдийн биеийн байдлыг “В” гэж үнэлж, мэс заслын эмч Г нь шаардлагатай бүх шинжилгээг хийсэн боловч ясны өрөвсөл байхгүй хэмээн ХӨСҮТ-ийн эмч Ч-ынхоо дүгнэлтийг үгүйсгэжээ.

Ингэхдээ мөн л эмчийн үзлэгийн бичилт хийж өгөлгүй хүүхдийн ээжид амаар зүгээр байна, маргааш мэдрэл, зүрх судсанд үзүүл гээд онош тодруулахгүйгээр гэрт нь буцаасан нь хүүхдийн биеийн байдлыг бүрэн, зөв үнэлээгүйгээс гадна хүнд өвчтөнг хэвтүүлэн эмчилж, шуурхай арга хэмжээ авалгүй цаг алдахад хүргэсэн байна.

Ц охин ХӨСҮТ-д тавдугаар сарын 5-ны өглөө 10 цагаас хэвтэн үдийн 15 цаг 15 минут хүртэл таван цаг эмчлүүлсэн боловч шоконд орж, биеийн байдал сайжрахгүй байсаар нас барсан харамсалтай хэргийг Н.Удвал сайд таны сонорт хүргэхээс өөр арга байсангүй.

Хоёрхон өдрийн дотор болж өнгөрсөн түүхээс дүгнэвэл ХӨСҮТ-ийн хүлээн авахын жижүүр эмч Ч, ЭХЭМҮТ-ийн мэс заслын их эмч Г нар үйлчлүүлэгчдээ хайнга хандаж, хүнд болон онош эргэлзээтэй өвчтөнд эмч нарын хамтарсан үзлэгийг шуурхай, чанартай хийгээгүй, оношилгоо эмчилгээний тулгамдсан асуудлыг шуурхай шийдвэрлээгүйгээс үйлчилгээг оройтуулж, ажилдаа дэндүү хариуцлагагүй бас сэтгэлгүй хандсанаас нэгэн бяцхан үр хорвоог харамсалтайгаар орхижээ.

Өдгөө амьдын зол, үхсэний хохь гэгчээр эдгээр эмч нар ямар ч хуулийн хариуцлага хүлээхгүй, ажлаа хийсээр явна. Сураг сонсох нь ээ 1 сая 900 хэдэн мянган төгрөгөөр л торгуулаад асуудал дуусч байгаа бололтой.

Бүхэл бүтэн хүний амьны дэргэд 1 сая 900 мянган төгрөг бол юу ч биш.

Бидэнд мэдэгдсэн нь энэ боловч нүднээс далдуур хэдэн ч хүний амь насаар эмч хэмээх сайхан алдрыг зүүсэн амиар наадагчид тань тоглож байгааг мэдэхгүй.

Өвчиндөө шаналсан хөөрхий охин нус нулимстайгаа холилдоод ирж байхад ядаж өөрийнхөө хүүхэдтэй адилтган бодоод чин сэтгэлээсээ тус хүргэж, эмчилгээ сувилгааг нь шуурхай эхлүүлсэн бол өдгөө аав, ээжийнхээ гэрэлт нар болсон охин нь хөөрхөн инээдээр хорвоог уярааж суух ч байсан юм бил үү, хэн мэдлээ.

Иймээс Н.Удвал сайд аа, цагаан нөмрөг өмсөж, эмч хэмээх их алдрыг зүүсэн хүний алтан амиар наадагч, хариуцлагагүй, сэтгэлгүй хүмүүстээ тодорхой шаардлага тавьж, ажилгүй, анхиагүйг нь салбараасаа хөөгөөд зогсохгүй хуулийн хариуцлага хүлээлгэдэг болвол яасан юм бэ.

Ер нь эрүүл мэндийн салбарын эмч, мэргэжилтнүүд хууль эрх зүйн мэдлэгээ дээшлүүлэх, эмчилгээ оношилгооны стандарт, удирдамжийг чанд мөрдөх, ажлын хариуцлагаа дээшлүүлэх, алдаанаас суралцаж, мэргэжлийн ёс зүйтэй байх, мэдлэг, ур чадвараа ахиулах зэрэг арга хэмжээ авч, хамгийн гол нь ажилдаа чин сэтгэлээсээ ханддаг болох хэрэгтэй аж.

Монголкомментс

Н.Удвал сайд аа хариуцлагагүй, сэтгэлгүй эмч нараас тань болж дахин бяцхан үр хорвоог орхилоо
Tweet
Bolod.mn

Сэтгэгдэл (6)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
одоо болиочээ удб********аа чи унэхээр л эмч бол одоо ажлаа хурдан угуучээ чамайг ингэж сууд********тай зуур********даж бх хооронд хайран сайхан урсийн мини ами нас урэгдэж дууслаа

2014-07-28 | 10:48:45 | 202.179.20.248 |

Зочин
энэ аүгайг зайлууляааааа мэдрэл аүгайшдэээээээээ

2014-07-27 | 09:04:55 | 202.126.91.104 |

Зочин
УДВАЛ ТЭНЭГ авгай зайлаачээ,зайлахгуй бол чамайг бурxан шийтгэнэ шуу,xатуу шуу ,олон хуний ами насийг чи ами насаараа л толно шуу,ойлгов уу

2014-07-26 | 21:24:49 | 103.26.193.2 |

Зочин
Эвий мини ямар их өвдөж зовсон бол доо...

2014-07-26 | 15:38:13 | 203.160.52.2 |

Зочин
Shuud shoronruu ni yawuuldag bolchuul naad sda nar chinw ajlaa hiijel taaraa sh dee.hund surtaltai sda nariig bugdiig ni barimtjuulaad olon niited taraagaad mongold gichgeh gazargui bolgo sdkudiig

2014-07-26 | 11:10:54 | 112.72.13.109 |

Зочин
Udval ******g nadtai niilj zailuulah hun bnu.bas ene lalariin emch nariig hariutslaga aldval shuud shoronruu ni yawuuldag bolmoor bn.hechneen huniig alchaad erh chuluutei yavah sanaatai aluurchinguud ve.

2014-07-26 | 11:08:35 | 112.72.13.109 |