уран бүтээлчдийн нэг бол жүжигчин Э.Ууганбаяр юм. Үзэгчид түүнийг телевизийн нэвтрүүлгийн сэргэлэн цовоо, эрч . хүчтэй хөтлөлт болон дэлгэцийн , хөнгөмсөг, залуугийн дүрээр нь сайн мэддэг. Түүний хүсэл мөрөөдөл, өнөөгийн залуусын талаарх үзэл бодлыг нь хуваалцахаар ярилцлаа.
-Уран бүтээлийн олз омог их байна уу?
-Он гарах бүрт надад уламжлал болсон их гоё зүйл тохиолддог. Тэр нь шинэ киноны санал. 2014 он гарахтай зэрэгцэн мөн л санал ирсэн. Тиймдээ ч энэ он гарсаар зургаан уран бүтээл дээр ажилласан байна. Эдгээр киноны нэг нь "Хамтдаа" нэртэй телевизийн олон ангит кино. Харин бусад нь дэлгэцийн бүтээл. "Эх орон дуудаж байна", "Миний хайр" зэрэг кино үзэгчдэд аль хэдийнэ хүрсэн. Харин энэ долоо хоногт "Тусгай ажиллагаа" нээлтээ хийлээ. Саяхан "Саарал хүн" нэртэй уран бүтээл дээр ажилласан. Яг одоо фестивальд явуулахаар хийж байгаа киноны зураг авалтад оролцож байна. Ингээд бодохоор энэ жил уран бүтээлийн олз омог ихтэй байна. Зураг авалтын ажил давхацсан болохоор зарим киноны саналд татгалзсан хариу өгсөн.

-Та аливаа зүйлд эерэгээр хандаж, эрч хүчтэй байдаг уран бүтээлч шиг санагддаг юм. Таныг хөглөж эрч хүчтэй байлгадаг зүйл юу вэ?
-Халуун дулаан сайхан уур амьсгалыг бүрдүүлсэн гэр бүл минь. Өглөө бүр босоод гэргийгээ харж дурлах тэр гайхалтай мэдрэмжээс, өдөр бүр уулзаж харьцаж байгаа хүмүүсээс эрч хүч, энерги авдаг. Мен өглөө гэрээсээ гарахдаа өнөөдөр надад ямар нэг гайхалтай сайхан зүйл тохиолдоосой гэж боддог. Хэрэв адал явдал тохиолдохгүй бол өөрөө зохионо. Бодоод байхад өдөрт би хамгийн олон хүнтэй уулздаг хүн: байх. Тэр болгонд инээд хөөр бэлэглэхийг хичээнэ. Надтай уулзаад сууж байгаа хэн нэгэн ажил яриад завгүй байгаа мэт боловч дотроо хэн нэгэнд гомдсон, уурласан байж болно. Харин надтай уулзсанаар бага ч гэсэн баяр хөөртэй болно гэдэг сайхан зүйл. Энэ болгОноос урам авч өөрийгөө хөглөдөг. Урлагийн ажйл геерөө хүнд аз жаргал, энерги бэлэглэЖбайдаг. Тиймээс өөрөө эрч хүчтэй байх хэрэгтэй шүү дээ.

-Уран бүтээлч хүмүүст цаг зав маш хомс байдаг. Та чөлөөт цагаа юу хийж өнгөрүүлдэг вэ?
-Ихэвчлэн найзуудтайгаа хамт өнгөрүүлдэг. Гэр бүлийн найзууд аялж зугаалдаг. Мөн хүүхдүүдтэйгээ тоглож,
цагийг хамт өнгөрүүлнэ. Гэхдээ ер нь цөлөөт цаг гарвал ажлаа л хийдэг. Хүн ер нь дуртай зүйлээ хийнэ гэдэг гайхалтай.

-Хэрвээ та өөр мэргэжил сонгосон бол?
-Спортод дуртай, хөнгөн атлетикээр хичээллэдэг хүүхэд байлаа. Тэгэхээр биеийн тамирын багш болчихсон дунд сургуульд багшлаад явах байсан болов уу. Хэрэв жүжигчин болоогүй бол биеийн тамирын багш болох нь тодорхой. /инээв/

-Тантай ярилцаад сууж байхад амьдрал дээр ч тайзан дээр ч нэг л зангаараа буюу өөрийнхөөрөө байдаг хүн шиг санагдлаа.
-Ямар ч ажил мэргэжилтэй хүн байгаагаараа байхыг хүсдэг. Даанч тухайн ажил, мэргэжлийнхээ онцлогоос хамаарч тийм байж чадахгүй байх тохиолдол бий. Жишээ нь, байгууллага удирдаж байгаа захирал ажилчидтайгаа дундаа орж инээж хөхөрмөөр байдаг. Гэтэл удирдагч хүн шалдар булдар юм ярихгүй байх ёстой зэрэг зарчмын асуудал бий. Тиймээс өөрийнхөө байгаагаар байж чаддаггүй. Миний мэргэжлийн давуу талын нэг нь өөрийнхөөрөө байх боломж харьцангуй их. Гэхдээ хүүхэд, залууст үлгэр дуурайл үзүүлж чадахгүй "далдаганаад" явбал хүндлэлгүй болно. Тиймээс дэнсийг нь тааруулах хэрэгтэй.

-Жүжигчин Ууганбаярыг хөтлөгч талаас нь хардаг хүмүүс нэлээд бий. Хөтлөгч хүн үг ярианы баялагтай байхаас эхлээд ур чадвартай байх хэрэгтэй. Та өөрийгөө хөгжүүлэхийн тулд юу хийдэг вэ?
-Бусдын ярьж байгааг сайн сонсч, маш их ажигладаг. Аливаа зүйлийг харьцуулж сайн ажигласнаар өөрийгөө ямар байх ёстойг бусдаас олж харна. Тэндээс өөрийн давуу бас сул талыг олж харах боломжтой.

-Та ном хэр уншдаг вэ. Хамгийн сүүлд ямар ном уншсан бэ?
-Уншина. Гэхдээ богино хэмжээний сонирхолтой ном унших дуртай. Саяхан гэргийнхээ уншиж байсан "Баян аав, ядуу аав" номыг уншсан. Хувь хүний хөгжилд эерэг нөлөө үзүүлэхүйц сонирхолтой ном байсан.

-Та орчин үеийн залуусын давуу талыг юу гэж боддог вэ?
-Би залууст байнга итгэж найддаг. Ярилцлага бүртээ үүнийгээ хэлдэг. Орчин үеийн залуус чадвартай, мундаг, их гоё болж байгаа. Бидний 25 настайдаа үзэж харж байсан зүйлийг одоогийн залуус 20 настайдаа үздэг болсон. Тэгэхээр цаг хугацааг хэмнэж, товчилж байна. Миний бодлоор сүүлийн үед юм болгон залуужиж байна. Хуримаа хийж байгаа хосууд хүртэл насны хувьд залуужсан нь хөтөлж байхад анзаарагддаг. Өмнө нь хамгийн залуудаа 25, 26-тай хүмүүс хуримладаг байлаа. Харин одоо 20, 21 настай залуус гэр бүл зохиож хуримаа хийж байна. Надад залууст хандаж уриалах ганцхан зүйл байдаг. Тэр бол "Чи цэвэрлэгч, барилгачин, жүжигчин, дуучин, жолооч, сэтгүүлч гээд ямар ч мэргэжилтэй байж болно. Хамгийн гол нь хийж байгаа ажлаа чин сэтгэлээсээ хийх хэрэгтэй". Үүнийг л захимаар байна. Тэндээс хүн ажлын болон амьдралын амтыг мэдэрдэг. Ажлаа чин сэтгэлээсээ хийж байгаа залуусыг хараад би еерийн эрхгүй огшдог, бахархдаг. Ийм залуус нэг үетэй харьцуулахад үнэхээр их болсон шүү.

-Тэгвэл сул тал?
-Залууст сул тал гээд хэлэх зүйл үнэхээр алга. Магадгүй зарим хүн шоу цэнгээн хөөсөн ганц нэгхэн хүнээр нийт залуусыг дүгнээд байх шиг. Гэхдээ зөвхөн тэднээр төсөөлж бүх залуус тийм болсон юм шиг ярьж болохгүй. Гудамжинд тамхи татаад зогсч байгаа нөхөртэй яриа өд. Тавхан минут юм яриад үз. Тэр хүн дотроо маш гоё зүйл бодсон байхыг та анзаарна. Харахад тамхи татаад зогсч байгаа хэдий ч дотоод сэтгэл нь маш гоё. Тэгэхээр харагдах байдлаар бүү дүгнээрэй гэмээр байна. Одоо ажиллаж байгаа шинэ уран бүтээлд дандаа 25, 26 настай залуус ерөнхий зураглаач, найруулагчаар ажиллаж байна. Үнэхээр бахархмаар. Энэ дундаа хамгийн хөгшин нь би байна шүү дээ. /инээв/ Ингэж эрч хүчтэй сайхан ажиллаж буйгаа заримдаа сайн мэдэрдэггүй юм. Үүнийг мэдрээд эхэлбэл их гоё, урам зоригтой болно. Жишээ нь, би мэдэрдэг хүмүүсийн нэг.

-Гэрлэлт залуужихын хэрээр гэр бүл салалт нэмэгдэж байна уу. Эсвэл гэр бүл төлөвлөлт буруугаас болж салалт их байна уу. Таны бодол?
-Сүүлийн үед хүмүүс төлөвлөлт гэж их ярьдаг болсон. Энэ нь энгийнээр ойлгуулах гэж тэгдэг байж болох юм, Гэхдээ хүнийг төлөвлөж хайрлана гэж юу байх вэ. Миний бодлоор гэр бүл болохоор маш их хариуцлага ирдэг. Дуртай зүйлээсээ татгалзана, найз нөхөдтэйгөө уулзахцаг хомс болно. Үр хүүхэддээ халамж анхаарал тавих шаардлага гарна гээд эрх чөлөөний тал хувь байхгүй болдог. Хүмүүс үүнтэй эвлэрч чаддаггүй. Тэгэхээр тавхан жил гүрийж тэвчих хэрэгтэй гэж зөвлөмөөр байна. Хоосон хононо, өр зээл тавина гээд юу ч тохиолдож болно. Гэхдээ зөвхөн гурваас таван жил тэвчих хэрэгтэй. Хэрвээ энэ хугацааг л өнгөрөөвөл бүх зүйл сайхан болно. Энэ үед ажил жигдэрч, амьдрал дэвжээд эхиэртээ улам хайртай болж, санаа зовох асуудал хамаагүй багасдаг. Амьдралын хэв маяг өөрчлөгдөж буйг хүлээн зөвшөөрч чадахгүйгээс гэр бүл салаад байгаа юм. Ахимаг насны гэр бүлүүд яагаад тогтвортой байдаг гэхээр бэрхшээлтэй байсан үеэ өнгөрөөж асуудлаа шийдсэн учраас тэр байх.

-Гэр бүлээ тогтвортой байлгахын тулд хувь хүнээс шалтгаалах юу байна гэж боддог вэ?
-Бие биедээ тавих анхаарал халамж маш чухал. Хэн нэг нь анхаарал тавихгүй бол өөр хэн нэгэн анхаарч эхэлнэ. Тийм болохоор ханьдаа анхаарал халамж тавих хэрэгтэй. Ингэснээр өөрт тань буцаад анхаарал халамж ирнэ. Манай гэр бүл тогтвортой байдаг нь үүнтэй холбоотой байх.
-Тоглосон цөөнгүй кинондоо та хөнгөн, хүүхэмсэг залуугийн дүрийг бүтээсэн. Магадгүй амьдрал дээр хааяа эхнэрээ хуурах асуудал гарч байсан уу?
-Хэд хэдэн кинонд тийм дүрд тоглосон. Гэхдээ тэр бол миний ажил. Ийм дүрд тоглолоо гээд амьдрал дээр тийм байх албагүй шүү дээ. Ер нь би урьд нь тоглож байсан хэв маягийн дүрээс аль болох зугтдаг. Гэвч бүх зүйл миний санаснаар болохгүй шүү дээ. Баяр ёслолын арга хэмжээ, шоу цэнгээн хөтлөх үед хүмүүстэй хамт зургаа авахуулна. Заримдаа утсанд мессэж ирнэ. Тэр болгонд эхнэр минь хардаж, би тайлбар хийж гүйдэггүй. Миний хань надад дэндүү их итгэдэг. Энэ хүндлэл, итгэлийг нь алдахгүйн тулд би хичээдэг. Амьдралын минь түшиг тулгуур болсон ханьдаа маш их хайртай. Хайртай, хайртай, хайртай. Бидний амьдрал одоо л гоё эхэлж байна.

-Таныг хамгийн үнэтэй хөтлөгчдийн нэг гэдэг. Нууц биш бол аливаа арга хэмжээг ямар үнэтэй хөтөлдгөө хэлж болох уу?
-Нууцлаад байх юу байх вэ. Хэлж болно. Бусад хөтлөгчөөс үнэтэй байна гэж зарим хүн яагаад ярьдаг гэхээр хямдхан хөтлүүлэх гэж байсан хүнд л үнэтэй санагдсан болохоор тэр байх. Миний хувьд нэг үдэш таван цагийн арга хэмжээг 1.5 саяаар хөтөлдөг. Заримдаа хоёр, гурван саяар хөтлөх нь ч бий. Гэхдээ яагаад ийм үнээр хөтөлдөг гэхээр би тухайн арга хэмжээний бүх зохион байгуулалтад оролцож, хөтөлбөр дээр нь ажилладаг. Тухайн хүмүүст 100 хувийн сэтгэл ханамж өгөхийн тулд дор хаяж долоо хоногийн хугацаа хэрэгтэй байдаг. Би хэзээ ч цагийн өмнө очиж хөтөлдөггүй.

-Тэгвэл киноны хувьд?

-Киноны хувьд ч мөн асуудалгүй. Би бүх зүйлээ дайчлан ордог. Зөвхөн жүжигчний хувьд бус тухайн кино группт юу хэрэгтэй байна, тэр болгонд өөрийн чадах хэмжээд туслахыг хичээдэг. Жишээ нь, одоо тоглож байгаа киноны зураг авалтыг авч байгаа энэ байшин манай найзын аавынх нь гэр. Би мөнгө авахгүй, хийж бүтээх гэж байгаа залууст туслахыг эрмэлзэж байна. Найз нөхөд, дүү нар гээд кино группт ойр дотнын таньдаг хүмүүсээ дайчилдаг. Тэр болгон мөнгө өгөхгүй ч тодорхой хэмжээний хөлс мэдээж шингэнэ. Бүх зүйлийг нэг бүрчлэн задалбал хэдэн төгрөг авдаг, тэр нь ямар зардалд гардаг гэдгийг хүмүүс ойлгоно. Ингээд бодохоор миний цалин төсвийн байгууллагын ажилтны цалинтай ойролцоо гарна. Хүмүүс нэг орой гараад төдөн төгрөг авчихдаг гэж ойлгодог байх. Тийм биш.

-Таны очихыг хүсдэг улсыг сонирхож болох уу?
-Бүх улсаар аялахыг хүсдэг. Мөнгөтэй бол аялаад л баймаар байна. Миний хань бид хоёр аялахаар төлөвлөсөн зүйл байгаа. Нас тогтоод эхлэхээр сайхан аялна. Одоогоор бол жилдээ хоёроос гурван орноор аялдаг.

-Сургуулиа төгсөөд удаагүй байхдаа "Амьдралын амт" киног найруулсан. Ойрын үед өөрөө кино найруулах бодол бий юу?
-Бодсон зүйл байгаа. Гаднын улс орон шиг үндэсний баатартай болох хэрэгтэй байна. Монгол хүүхдүүд гаднын баатрыг шүтэж түүгээр амьсгалж байна. Харин бид өөрийн үндэсний баатартай байснаар хүүхэд маш том хүмүүжлийг авна. Ялангуяа, эрэгтэй хүүхдүүдэд урам зориг, эх оронч үзлийг төлөвшүүлдэг. Өөрөө хийхгүй юм гэхэд хэн нэгэнтэй хамтарч ойрын хугацаанд заавал ийм юм хийнэ гэсэн зорилго бий.

Б.ОДОНЧИМЭГ /ҮНДЭСНИЙ ШУУДАН/