Дубайн банк санхүүгийн хамтын ажиллагааны хурал болж байна

2014-11-26

Дэлхийн эдийн засаг гүнзгий зохицуулалтын цаг үед орж буй энэ үед,

Азийн орнуудын бодит хамтын ажиллагаа, хамтын хөгжлийг ахиулахын төлөө, Хятад улсын дарга Ши Жиньпин "торгоны замын эдийн засгийн бүс" болон "21-р зууны тэнгисийн торгоны зам" бүтээн байгуулах тухай санаачлага дэвшүүлсэн байна. Бүс нутгийн дотоодын бүтээн байгуулалтын шаардлага, эдийн засгийн бодит цогцод хөрөнгө мөнгөний дэмжлэг үзүүлэхийн төлөө, Азийн дэд бүтцийн хөрөнгө оруулалтын банк, торгоны замын санг ид бүтээн байгуулж байгаа юм. Азийн хамтын ажиллагаа, хөгжлийн явцад, банк санхүүгийн хамтын ажиллагааны чухал чанар улам тодорч байна. Бө Аогийн Азийн чуулга уулзалтын Дубайн банк санхүүгийн хуралд, талууд дээрх байдлаар нийтлэг ойлголттой байгаа аж.

Дубайд болж буй банк санхүүгийн хамтын ажиллагааны хуралд олон улс орны засгийн газрын өндөр албан тушаалтан, дэлхийн банк санхүүгийн удирдагч, бодлого тогтоогч, эрдэмтэд гээд нийтдээ 300 гаруй хүн оролцсон байна. 24-ний албан ёсны нээлтэнд, Арабын Нэгдсэн Эмират Улсын хөгжил, олон улсын хамтын ажиллагааны сайд Лу Буна Касими хэлэхдээ, "Бө Аогийн чуулга уулзалтын хурал анх удаагаа Дундад Дорнодод болж байна. Яг одоо маш сайн боломж тохиож байгаа юм. Азийн бүс нутаг худалдаа, солилцоогоор улам нягт холбогдож байгаа учраас Хятадыг оролцуулсан олон орон шинэ торгоны замыг бүтээн байгуулж байгаа юм. Ингэснээр Азийн хөгжил цэцэглэлт шинэ шатанд орж, харин энэхүү хөгжлийн зураг төсөлд АНЭУ төв байрыг эзэлж байгаа юм" гэжээ.

Бө Аогийн Азийн чуулга уулзалтын Дубайгийн банк санхүүгийн хамтын ажиллагааны хурлаар, Дубайгаар төв болгосон Баруун Азийн бүс ба Зүүн Ази, Өмнөд Ази, Төв Азийн банк санхүүгийн хамтын ажиллагааг эрчимжүүлэхийг хүсэж байна. Нээлтийн ёслолд Хятадын төрийн зөвлөлийн ерөнхий сайдын орлогч асан, Бө Аогийн Азийн чуулга уулзалтын зөвлөлийн орлогч дарга Зэн Пейянь, дэд бүтцээр холбох нь Хятадын санаачилж буй "Торгоны замын эдийн засгийн бүс ба тэнгисийн торгоны зам"-ын бүтээн байгуулалтын гол агуулга юм. Үүнд эдийн засгийн хамтын ажиллагаа дэд бүтцээр холбох нь чухал болж байна гэв. "Ийнхүү дэд бүтцээр холбох нь бүх талын байх ёстой. Түүнд засгийн газрын хоорондох бодлого, дүрэм тогтоол, стандартын зохицуулалт байх төдийгүй иргэдийн хоорондох төрөл бүрийн солилцооны хөгжил багтаж байна. Тухайлбал зам харилцаа, эрчим хүч, дэд бүтцийн холболт багтах төдийгүй худалдаа, хөрөнгө оруулалт, банк санхүүгийн солилцоо хамтын ажиллагаа багтаж байна. Банк санхүүгийн хамтын ажиллагаа нь бүх талын дэд бүтцээр холбох механизмын гол зүйл байх ёстой" гэв.

Дубайгийн олон улсын банк санхүүгийн төвийн стратеги, ажил эрхлэлтийн хөгжлийн ерөнхий менежер Чираж Шах сурвалжлагчийн асуултанд хариулахдаа, Азийн орнуудын банк санхүүгийн хамтын ажиллагааг эрчимжүүлэхийн тулд банк санхүүгийн байгууллага сайн дураар нөхцөл боломж бүрдүүлэх ёстой гэв. "Улам олон санхүүгийн байгууллагууд улс орнуудын хооронд харилцан салбараа нээж, үйл ажиллагаа өрнүүлэх ёстой. Ингэж байж олон боломж бүрдэнэ гэж үзэж байна. Жишээ нь, төсвийн санхүү, худалдааны санхүү, хөрөнгө оруулалт, сан байгуулах гэх мэт. Түүнчлэн юаниар төлбөр тооцоо хийх нь бас нэг маш чухал тал болох юм" гэжээ.

Хэрэг дээрээ энэ удаагийн Бө Ао-гийн Азийн чуулга уулзалтын Дубайгийн банк санхүүгийн хамтын ажиллагааны хуралд, зохион байгуулагч талын зүгээс хуралд оролцсон тал бүрийн зочдод олон чухал сэдвийг дэвшүүлэн хэлэлцүүлсэн байна. Жишээлбэл Азийн дэд бүтцийг холбох үйл явцын санхүүгийн хамтын ажиллагаа, эрчим хүч хэрэглэгч болон хангагч талын хамтын ажиллагаан дахь санхүүгийн үйлчилгээ, аюулгүй, найдвартай, өндөр үр ашигтай Азийн санхүүгийн системийг бүтээн байгуулах, Дубай болон Азийн бүс нутаг дамнасан санхүүгийн хамтын ажиллагаа, Хятад, Арабын нэгдсэн Эмират улсын орон нутгийн эдийн засгийн хамтын ажиллагааны яриа хэлцэл зэрэг юм.

Азийн бүс нутгийн эдийн засгийн хөгжлийг урагшлуулан хөгжүүлэх, санхүүгийн хамтын ажиллагаагаар гараа болгож, Хятадын Төрийн зөвлөлийн дэд ерөнхий сайд асан, Бө Ао-гийн Азийн чуулга уулзалтын дэд захирал Зэн Пэй-янь илтгэлдээ таван зүйлт санаачилга дэвшүүлэв. Тухайлбал нэгд, валют харилцан солилцох хоёр талт хамтын ажиллагаа өрнүүлэх. Хоёрт, сан болон банкнуудын хамтын ажиллагааны шинэ хэлбэрийг эрэлхийлэх. Гуравт, Азийн санхүүгийн зах зээлийг хооронд нь нээлттэй байлгахыг урагшлуулах. Дөрөвт, санхүү, эрчим хүчний уялдааг ахиулах. Тавд, Азийн дэд бүтцийн эдийн засгийн санхүүжилтийг идэвхтэй дэмжих зэрэг болно.

china radio