“Сонгдо” эмнэлэг төлбөрийг нь авчихаад үйлчлүүлэгчээ доромжилдог газар уу?

2014-11-26

Н.Болдсайхан эмч М.Тулгыг өдрийн 300 мянгаар эмчилчихээд “эрүүл” болсон гэж үзжээ

Ерөнхий сайд асан Н.Алтанхуягийн ахлах зөвлөх Л.Гансүх хуурай өлсгөлөн зарлаж батлан даалтад гарч, эмнэлэгт хэвтэн эмчлүүлээд байгаа билээ. Тэгвэл түүнтэй хамт хоригдож буй М.Тулга нарын цагдан хорих хугацааг сунгасан. Өөрөөр хэлбэл, хоёр хөл нь мэдээгүй болж тэргэнцэртэй байгаа гэх М.Тулгын цагдан хорих хугацааг сунгаад багагүй хугацаа өнгөрлөө.

Уг нь анх М.Тулгыг яаралтай хэвтэн эмчлүүлэх ёстой гэсэн албан бичгийг “Сонгдо” эмнэлгийн захирал Н.Болдсайхан гаргаж өгсөн. Гэвч “Сонгдо” эмнэлэгт нуруу, нугасны мэргэжлийн эмч, эмчилгээ байдаггүйгээс М.Тулга зөвхөн хоолойгоо эдгээгээд л гарсан төдийгүй эмнэлэгт эмчлүүлж байх хугацаанд нь үргэлж дарамтлан “эрүүл байж битгий баашлаад эмнэлгийн нэр төр гутаагаад бай” гэх зэргээр доромжилдог байжээ.

М.Тулга “Сонгдо” эмнэлэгт 18 хоног хэвтэхдээ нэг өдрийн 300 гаруй мянга, 14 хоногийн 4.2 сая төгрөг зарцуулсан байна. Хүүгийнхээ төлөө М.Тулгын ар гэрийнхэн энэ мөнгийг гаргасан ч бие нь сайжраагүйгээр барахгүй бараг л хөгжлийн бэрхшээлтэй болчихоод байхад нь Н.Болдсайхан эмч цаашид хориход болно гэх тайлбарыг хуулийнханд өгчээ. Иймээс М.Тулгын ар гэрийнхэн өндөр төлбөр авахын зэрэгцээ элдвээр доромжилдог Сонгодо эмнэлэгийн хамт ихэд гомдолтой байгаа юм байна.

М.Тулгын ээж М.Эрхэмхүү: Н.Болдсайхан эмч миний хүүд нурууны чинь мөгөөрс рүү хадаас хатгасан ч зүгээр гэж хэлсэн

Энэ талаар М.Мулгын ээж М.Эрхэмхүүтэй ярилцлаа.

-Танай хүү “Сонгдо” эмнэлэгт эмчилгээ хийлгэсэн гэсэн. Ямар эмчилгээ хийсэн юм бэ?
-Тэнд хэвтээд ямар ч үр дүн өгөөгүй. Нуруу нугасны нарийн мэргэжлийн эмчгүй юм билээ. Хэрэв миний хүүгийн эрүүл мэнд зүгээр байсан бол яах гэж тэр хувийн эмнэлэг рүү авч явсан байж таарах вэ. Хоолой нь өвдсөн бол 461-р ангийн эмнэлэгт эмчилчихнэ биз дээ. Энэ нь надад сэжиг төрүүлээд байна. Миний хүүг ердөө л мөнгө гэж харж байна

-Гадаадын эмнэлгүүдээс яаралтай эмчилгээ хийлгэ гэсэн бичиг ирсэн гэсэн. Түүнийгээ АТГ-ынханд учирласан уу?
- Аргаа бараад гадаадын эмнэлгүүдэд зураг, шинжилгээг нь явуулахад бүгд л хагалгаа хийлгэх шаардлагатай, яаралтай арга хэмжээ авахгүй бол болохгүй гэдэг хариу ирж байна. Гэтэл миний хүүг мөрдөн байцаалтад саад учруулж болзошгүй гээд л хориод байдаг. Гэтэл миний хүү өнөөдөр тэргэнцэр дээр л сууж байна шүү дээ.

-“Сонгдо” эмнэлгийг шалгуулна гэл үү?
-Тэгсэн. Эмчлэгч эмч нь миний хүүг тавласан байна лээ. Нададч гэсэн гомдмоор үг хэлсэн. “Танай хүүхдийг амраах гээд аваад ирсэн. Залуу хүн байж яах гэж Ерөнхий сайдын зөвлөх хийж явсан юм. Энэ насан дээр ийм юм хийх ёсгүй. Хүүгийн чинь бие зүгээр байгаа. Бараг нурууны мөгөөрс рүү нь хадаас хатгасан ч зүгээр” гэх ухааны юм ярьсан. Эмч хүний амнаас ийм үг гарч байхад би яаж итгэх юм бэ. Хүү дээр маань ороод “Чи зүгээр байгаа. Бос. Битгий эмнэлгийн нэр хүнд гутаагаад бай” гэх зэргээр доромжилсоор байгаад л сүүлдээ өөрөө “гаръя” гээд гарсан. “Сонгдо”-гоос гаргая гэж хэлээгүй байхад л өөрөө гарая гэж бүр гуйж байсан. Тийм л хэцүү нөхцөлд байсан. “Сонгдо” эмнэлэг бол мөнгөний байгууллага юм билээ. Энэ эмнэлгийн талаар гомдолтой зүйл зөндөө байгаа ч бидэнд баримт нотолгоо гээд байх зүйл алга. Зөвхөн би өөрөө тэр баримт, нотолгоо нь болчихоод байна.

Юутай ч Н.Болдсайхан эмчийн М.Тулгыг эмнэлэгт хэвтэхээс өмнө гаргаж өгсөн алба бичгийг дор хавсаргаж байна.

http://mongolcomments.mn/index.php?pid=54&sec=view&id=13856

“Сонгдо” эмнэлэг төлбөрийг нь авчихаад үйлчлүүлэгчээ доромжилдог газар уу?
Tweet
Bolod.mn

Сэтгэгдэл (7)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
энэ ч яг үнэн шүү мэдэрлийн эмчид нь үзүүлээд 3 н эм маш үнэтэй аваад уутал эдэгэх биш улам дордолоо өвчөнөөр мөнгө олдог газар гэдэг нь үнэн л юм байна

2016-04-01 | 08:47:11 | 150.129.140.120 |

Зочин
Мэдрэлийн эмч үнэггүй үзэж зөвөлгөө өгч байна гэсэн хүний төлөө биш бол үзүүлэхээ болихоос. Би гэдэг хүн бага байхдаа толгойгоороо авдар мөргөснөөс болоод одоог хүртэл толгой их өвддөг мартамхай гар хөл татдаг автобусаар явбал дотор муухай оргиод толгой эргээд үхэхийн даваан дээр бууж нэг гайгүй болно. Ажил ч хийж чадахаа болисоон компютерийн ард суугаад хэдэн цаг болбол бөөлжис хүрээд толгой эргээд маш хэцүү. Толгой хүзүү нуруу гээд авахуулсан зураг байнаа хаана үзүүлвэл зөв онош тогтоож өгөх болоо эмч нараа туслаач надад. Оношоо зөв тогтоогоод бүр болохгүй бол групп тогтоолгоод ч болов амь зуухгүй бол хүүхдийн сургалтын төлбөр хоол хүнс унааны мөнгө гээд тоочоод байвал бэрхшээл их байнаа. ТУСЛААЧ

2015-11-13 | 11:22:10 | 103.10.22.148 |

Зочин
нараа энэ эмнэлэг бол зугээр л худлаа нэр одоо манай иргэд маш сайн ойлгосон бх миний эргэний 2 хун энэ жил энэ ухлийн газарт очоод л хамаг байдагаа бараад л ухсэн

2015-01-08 | 16:09:03 | 150.129.143.27 |

Зочин
сонгдоод зувхун мунгуний хойноос явдаг хуний хойноос явдаггуй

2014-11-26 | 17:01:23 | 202.179.20.238 |

Зочин
болдсайхан эмч бол унэхээр чадваргуй с********аавч харин гаргаж чадах байх

2014-11-26 | 17:00:18 | 202.179.20.238 |

Зочин
сонгдо биш шуу ху********сээ сонгдо хэлэх уг олдохгуй бн

2014-11-26 | 16:59:21 | 202.179.20.238 |

Зочин
сонгдо эмнэлэг бол зугээр л мунгуний уурхай уур юуч биш унэхээр мунгу л хардаг газар ур дун байхгуй зубхун мунгу л хардаг газар

2014-11-26 | 16:57:51 | 202.179.20.238 |