Монголын анхны гоо бүсгүй. “Монголын сайхан бүсгүй” анхдугаар тэмцээний тэргүүн байрыг эзлэн тэргүүндээ мөнгөн титэм залж явсан энэ бүсгүй хэтэрхий даруухан. Миссийн тэмцээнд орсныхоо дараа төд удалгүй чимээ тасарч гэр бүлийн амьдралаа дээгүүрт тавьдаг болсон энэ эмэгтэй өнөөдөр зүгээр л энгийн гэрийн эзэгтэй болчихсон амьдарч байгаа. Магадгүй уншигч та түүнийг санамсаргүй нэг олж харвал нэлээд жин нэмсэн дээрээс нь нас 40 шүргэж яваа мисс бүсгүйг лав танихгүй байх. Түүнд өнөө цагийн миссүүд шиг “би би” гэж өөрийгөө магтах оддын өвчин гэдэг юм огт байхгүй. Нэгэн цагт Монголын сайхан бүсгүйчүүдийн нэрийн хуудас болж явсан эмэгтэйд уг нь миссийн нэр хүнд, тэмцээний талаар ярих, хийх юм нэлээдгүй л баймаар.

Мисс Мөнхцэцэг

Монголын хоёр дахь мисс бүсгүй. Гэвч тэрбээр өдий хүртэл хэн нэгэнтэй хамтын амьдрал зохиосонгүй. УИХ-ын гишүүн болохоор зүтгэж байгаа Монгол шуудан банкны эзэн асан Д.Зоригттой олон жил амрагийн холбоотой ч нэг гэртээ багтаж амьдарч чадаагүй гэдэг юм билээ. Мисс Мөнхцэцэг хүүхдээ асарч, гэртээ чимээгүйхэн амьдарсаар олон оны нүүрийг элээж байна.

Мисс Чулуун-Эрдэнэ

Нэг хэсэг мөрийтэй тоглоомонд донтсон хэмээн багагүй дуулиан тарьж байсан энэ сайхан хүүхэн хоср хүүхэдтэй нөхрөөсөө салж, шүүгч эр даган хөдөө нутгийг зорьсоноос хойш сураг алдраад байна. Олимпийн мөнгөн медальт боксчин Баярсайхнаас салсан энэ бүсгүйн хувийн амьдрал бас л ээдрээтэй байгаа сурагтай. Арван жилийн жаахан охин байхдаа “Монголын сайхан бүсгүй” тэмцээнд орж тэргүүн байр эзлэн хотын хөдөө гэгддэг байсан Яармагийнхныг баярлуулж, оготны нүхэнд нуугдсан сувд гэж нэрлэгдэж явсан мисс бол Чулуун-Эрдэнэ. Тэрээр мисс болсныхоо дараахан боксчин Баярсайхантай ханилан хайр сэтгэлээ зарлаж явсан залуусын сэтгэлд гуниг хургуулж аз жаргалаа арван хэд ах залууг хэмээн зарлаж Монголын нэртэй гэр бүлийн тоог нэгээр нэмж сүртэй хурим хийж байсан. Гэсэн ч хосууд төдийлөн удаан амьдралгүй хоёр тийш болж тус тусынхаа зам мөрийг хөөсөн. Одоо мисс бүсгүй Ховд аймагт ханиа дагаад оччихсон амьдарч байгаа юм байна.

Мисс Шүрэнчимэг

Монголын сайхан хүүхнүүдийн бас нэг дүр төрх бол энэ бүсгүй. Бүрэн нүцгэн зургаа авахуулж сенсаац тарьж байсан мисс бүсгүй анх СУИС-ийн байранд одоогийн МАСК продакшны жүжигчин Баярмагнайтай үерхэн гар гараасаа хөтлөлцөн гүйж яваад нэрд гарсан ч анхны хайраа доод курсийнхээ охинд алдан нэг хэсэгтээ карерь хөөж байгаад Германд суралцахаар явсан. Өнгөрсөн жилээс нутагтаа ирсэн мисс бүсгүй бас л хувийн тогтсон амьдралаа зохиож амжаагүй байна.

Мисс Ё.Нямжав

Эрх мэдэл, нэр алдар, өнгө мөнгөтэй нь “давуу эрхтэй” амьдрах болсон өнөөгийн Монголын нийгэмд “од болох” өвчнөөр өвчлөгсдийн тоо миссүүдийн эгнээг нэлээдгүй өргөжүүлж байгаа. Борооны дараах мөөг шиг олширсон энэ олон миссүүд хэн нь хаанаас, ямар газраас, ямар шаардлага шалгаруулалтаар гарч ирээд тэргүүндээ титэм, нэрнийхээ өмнө мисс хэмээх тодотгол зүүгээд байгааг ойлгоход ч бэрх болжээ гэж толгой сэгсрэх хүн захаас авна. Хаа очиж “Хатан-Эрдэнэ” холбооноос зохион байгуулдаг, 1989 онд мисс Н.Мөнхцэцэгээр гараагаа эхэлж байсан “Монголын сайхан бүсгүй” тэмцээний ялагч цөөн хэдэн бүсгүйчүүд мисс хэмээх эрдэнийн титмийг нэр төртэйгээр тэргүүндээ залж, хүлээн зөвшөөрөгдсөн бүсгүйчүүд байдаг. Мисс “чанартай” байх үед зөвхөн нийслэлээс эсвэл Дарханаас сайхан бүсгүй төрдөг ёс юм шиг ойлголт байлаа. Үүнийг эвдэж анх удаа хөдөөний охин гоо бүсгүйн титмийг авч, алдар нэр дагуулсан нь мисс Ё.Нямжав. 2001 онд Улаанбаатар хотын миссийн тэмцээний ялагч болж улмаар “Монголын сайхан бүсгүй”-н титмийг хүртсэн энэ бүсгүй мөн ондоо БНСУ-д 50 гаруй улсын гоо бүсгүйчүүдтэй уралдан гуравдугаар байрт орсон нь бусдаар тэргүүлж Монголын мисс болсон гэсэн дуу шуутайхан хэл амыг нам дараад авсан. Ийн ганцхан жилийн дотор ёстой тэсрэл хийж, гэнэт гарч ирсэн мисс бүсгүй гэнэт гарч ирсэн шигээ гэнэт усанд хаясан чулуу шиг болж орхисон нь хамтын амьдралд холбоотой бай. Түүний анхны нөхөр нь Од хэмээх хувийн бизнес эрхэлдэг, бодибилдингээр хичээллэдэг нуруулаг залуу байв. Удаж төдөлгүй мисс Ё.Нямжав нөхрөөсөө саллаа, нөхөр нь хартай шартай, гар хүрдэг байжээ гэсэн мэдээлэл чөлөөт хэвлэлүүдийн эхний нүүрийг чимж эхэлсэн ч мисс бүсгүй ямар нэгэн тайлбар хийлгүйгээр алга болсон юм.

Мисс Сансармаа

Цагтаа “Монголын сайхан бүсгүй”-н алтан титмийг зүүж байсан тэрээр “од” болохоор хилийн дээс алхсан биш “мод” болох дөхсөн гэдэг. Элдэв янзын гадаад сэтгүүлд нүцгэн зургаа авахуулсан нь нутагт нэгтнүүдийнх нь хараанд өртөж сайхан бүсгүйн эрхэм титмээ хураалгах дөхсөн удаатай. Харин сүүлийн үед түүний талаар мэдээлэл таг чиг. Муу мэдээ хурдан түгдэг. Бодвол гадааддаа л энх мэнд манаргаж яваа бололтой. Герман эртэй дэр нийлүүлсэн сайхан бүсгүй сураг алдраад удаж байна.

Мисс Мичидмаа

90-ээд оны эхээр “Монголын сайхан бүсгүй” болж байсан Мичидмаа бүсгүйн гоо үзэсгэлэн одоо ч янзаараа. Хоёр жилийн өмнө загварын тайзнаа дахин гарч шуугиан дэгдээж байсныг нь тод санаж байна. Аварга Сумъяабазарын тогооны хүн болсноосоо хойш нам гүмхэн амьдарч, олон ч эрийн зүрхийг шархтай үлдээсэн дээ. Хэд хэдэн хүүхдийн ээж болж, одоо гэрийнхэндээ анхаарал тавихаас эхлээд ар гэрийн ажилд дарагдаж л амьдардаг янзтай байдаг. Монголын сайхан бүсгүйг “зарцлаад” сууж байдаг аварга ч зайтай эр ээ.

Мисс Гантогоо

“Miss international” тэмцээнд эх орноо төлөөлөн оролцож “Тусч мисс” өргөмжлөл хүртэж байсан мисс Гантогоо боловсрол, мэдлэгээрээ миссүүд дундаа толгой цохино. Хөөрхөн царай, хоосон толгойтой гээд л элдвээр хэлүүлэх сайхан хүүхнүүдийг эвгүй гуншингаас нь Гантогоо л салгасан гэх хүн олон бий. Дунд сургуулиа Солонгост төгсч, Японы Нисэхийн академийг төгссөн энэ бүсгүй өдгөө арлын оронд аж төрж байна. Эгэл жирийн хөдөөний залуутай дэр нэгтгэсэн тухай мэдээлэл нэг хэсэг чөлөөт хэвлэлийн хуудаснаа үзэгдсэн ч одоо тэр тухай мэдээлэл нам жим байх шив. Загвар өмсөгчийнхөө хувьд ч Гантогоо нутаг нэгтнүүдээ дагуулахааргүй бөгөөд Солонгосын алдарт Андрей Кимийн загварын агентлагийг төгссөн цөөхөн монгол бүсгүйчүүдийн нэг. Сүүлд Дэлхийн топ модель шалгаруулах тэмцээнд хоёрдугаар байр эзэлж сенсацийн эзэн болоод амжсан. 90*55*90 хэмээх биеийн харьцаагаараа олныг алмайруулдгийг нь дурьдалгүй өнгөрч болохгүй биз ээ.

Мисс Хонгорзул

Эх орноо төлөөлөн анх удаа “Miss World” тэмцээнд оролцсон энэ бүсгүй олонд танигдсан цагаасаа л хэл аманд өртөх болсон. Түүнээсээ залхсан уу, яасан өдгөө хилийн дээс алхжээ. Тэрээр Бээжинд анагаахын чиглэлээр суралцаж буй агаад сүүлд НТВ телевизийн “Үнэн үү” ток шоунд оролцож баахан шалгаалгаж суугаа харагдсан. Одоо хэр нь найз залуугүй гэх сайхан бүсгүй маань сургуулиа төгсөөд эх орондоо ажиллах хүсэлтэй байгаа гэнэ лээ.

Мисс Уянгалянхуа

“Макс” группын ерөнхийлөгч Ганбаатарын тогооны хүн болж хавийн эрчүүдийг доголон нулимстай үлдээсэн тэрбээр “Монголын сайхан бүсгүй” тэмцээнд хоёр удаа хүчээ үзэж байж алтан эрдэнэ титмийн эзэн болсон. Эхний удаад сувд эрдэнийн титэмтэй хоцорч байжээ. Мөн хоёр ч уран сайхны кинонд дүр бүтээгээд амжсан Уянгаа уг нь телевизийн нэвтрүүлэгч болохыг хүсдэг байсан ч Ганбаад найрагдаад “будаа”. Одоо тэр гэрийнхнээ халамжилж, гоёж гоодохоос өөр хийсэн ажилгүй суудаг болсон.

Мисс Гантуяа

“Улаанбаатарын мисс”, “Монголын сайхан бүсгүй” тэмцээний алтан эрдэнийн өргөмжлөлт тэрээр сүүлийн үед нам гүмхэн байдаг болж. Нэлээд юм болж, хамаг хөлсөө урсгаж байж сайхан бүсгүйн хүслэнт титмээ зүүж байсан санагдана. Дуучин Болдын “Хэрвээ” дууны клипэнд тоглодог ч Мянгаагийн экс эхнэр Ариунцэцэгийн зүс, сүрэнд дарагдаад түүнийг олж харсан хүн ховортой гэдэг. Нөхөрт гарсан мэдээлэл л лав дуулдаагүй.

Мисс Анун

“Miss World” тэмцээнд эх орноо төлөөлөн мөн л шуугиантай оролцсон бүсгүйчүүдийн нэг. Мисс Мичидмаагийн хамаатны хүүхэд гэх юм билээ. “AIPS” нэртэй Европт алдартай спортын сэтгүүлд сурталчилгааны зураг нь нийтлэгдэж бас л цагтаа шуугиан тарьж явсан. Дэлхийн миссээс ганзага хоосон ирсэн ч эрчүүдийн мөрөөдлийн бүсгүйн нэг яах аргагүй мөн. Одоо хаана ч гэлээ, гадаадад л сурдаг юм гэсэн. Ер нь Монголд үзэгдсэн удаа тун цөөхөн дөө.

Мисс Оюунгэрэл
“Олон улсын аялал жуулчлалын мисс” шалгаруулах тэмцээний “Азийн хатан хаан” өргөмжлөлт, “Miss World” тэмцээнд эх орноо төлөөлөн оролцсон түүний амьдрал тэр чигээрээ л олны анхаарлын төвд байдаг. Хамгийн сүүлд гэхэд л экс Ерөнхий сайдтай нэр холбогдоод амжсан дуулиантай бүсгүй. Моделийнхоо хувьд “топ”-ын зиндаанд явдаг ч өнгөрсөн жилийн “Гоёл” наадам түүнд нүүр өгөөгүй. Түүнд нь гомдсон бололтой Андрей Кимийн агентлагт суралцаж дэлхийд нэрээ гаргана гээд л Солонгосыг зорьсон. Боловсрол өндөр, англи хэл гаргуун эзэмшсэн тэрбээр Монголд анх удаа загварын цомог гаргаж “топ” эгч нарыгаа уйлуулах дөхсөн удаатай. Тэгэхээр Монголын сайхан бүсгүйчүүдийн томоохон төлөөлөл нь маргахын аргагүй Оюунгэрэл гээд хэлчихэд нэг их буруудахгүй л болов уу.
Мисс Сэлэнгэ

Бас л “Miss World” тэмцээнд эх орноо төлөөлөн оролцсоноор олонд танигдсан. Сайхан бүсгүй гэхээсээ илүүтэй моделийнхоо хувьд рейтинг өндөртэй. Монголоос анх удаа дэлхийн алдарт “Fashion TV”-тэй гэрээ байгуулж, хамтран ажиллаж буй чадалтай, авьяаслаг бүсгүй. Хааяа “Fashion TV” үзээд сууж байхад гэрэл зургууд энэ тэр нь гардаг юм билээ. Харин хувийн амьдралынх нь талаар тэр бүр мэдээлэл байдаггүйг бодвол нам гүм амьдралыг эрхэмлэдэг бололтой. Магадгүй тэр Монголын хамгийн өндөр мисс байх. Мөн Монголдоо нэгэн хувийн сургуульд суралцаж байсан ч загварын карьер хөөн гадаадыг зориод жил гаруй хугацааг үдлээ. Одоо хүртэл найз залуугүй байгаа гэж дуулдсан.
Мисс Содтуяа

Монгол Улсыг төлөөлөн анх удаа “Олон улсын мисс” шалгаруулах тэмцээнд оролцож Фото миссийн өргөмжлөл хүртэж байсан Содоог манай эрчүүд дуу нэгтэйгээр хамгийн сайхны тоонд багтаана. Нэлээд хугацааг эрчүүдээс хол өнгөрөөсөн ч саяхан загварын агентлагийнхаа загвар өмсөгч залуутай дэр нэгтгэж охинтой болсон ч салаад удаж байна. “Сайхан” нэртэй тун дажгүй нэвтрүүлэг бэлтгэдэг болсоор багагүй хугацааг үджээ. Мөн өөрийн загварын агентлагтай.

Х.Хорлоо

agshin.mn

Монголын миссүүдийн амьдрал
Tweet
Bolod.mn

Сэтгэгдэл (3)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Za dahiad l bas. Nyamjaw odoo uls tord hvchin zvtgej emegtei lider bolon ajillaj amjilttai yawaa shvv.

2014-11-26 | 20:58:02 | 150.129.141.22 |

Зочин
Anun bna bas l Mongoldoo suraad medleg bolowsroloo deeshlvvleed bj l bgaa. Hvmvvnlegt surdag. Ta nar arai l hvnii muud durlah yum

2014-11-26 | 20:56:27 | 150.129.141.22 |

Зочин
Tanaih odoo hudlaa yum tawihaa boliochee. Jishee ne minii medej bgaagaar Shvrenchimeg 3 hvvhedtei eleg bvten zagwariin chigleleeree ajillaj l bgaa shdee. Eh surwalj gej yu bolohiig medeh vv erhem setgvvlchidee

2014-11-26 | 20:54:35 | 150.129.141.22 |

Мэдээ
Гадаад мэдээ
Видео