илтэд шударга бус үйл ажиллагаа Сайхан цэцэг үү? Эсвэл хогийн ургамал уу? гэж эргэлзэхэд хүргэсэн юм.

Тэгээд ч Иргэн миний хувьд хардах эрх байгаа. Б.Сайханцэцэг гэгч шүүгч “сайхан жүжиг найруулан өөрөө гол дүрд нь сайн дураараа сайхан тоглож”, иргэн намайг зовоож, бас хулхидаж, хохироож 3 жил чирэгдүүллээ.

Миний нэхэмжлэлтэй нэгэн хэргийг шийдвэрлэхгүй “луу унжсаар” эцэст нь өөрөө бултаж зайлснаар түүний найруулсан жүжиг дууссан юм. Түүний жүжгээс Та олонд толилуулья. Тэр нэг удаа шүүх хурлыг дараах шалтгаанаар хойшлуулсан юм. Б.Сайханцэцэг хариуцагч талаас:

- шүүх хуралд гаргах хүсэлт байна уу гэж асуугаад:

- хүсэлт байна гэхэд нь хүлээж авахгүй гэв. Хариуцагч хүсэлтийг минь хүлээж аваагүйд гомдол гаргана гэхэд:

- тэг ээ гомдол гарга гээд шүүх хурлыг хойшлуулдаг юм байна.

Хуульд зааснаар бол шинэ нотлох баримт бүрдүүлэх, хэрэг хянан шийдвэрлэхтэй холбогдуулан хэргийн оролцогчоос гаргасан хүсэлтийг шүүх бүрэлдэхүүн буюу шүүгч даруй шийдвэрлэнэ гэснээс өөр заалт байхгүй байхад гомдол гарга, гомдлыг чинь шийдвэрлүүлье гээд шүүх хурлыг хойшлуулж хууль зөрчсөн нь хариуцагч талд зүгээр л "хугацаа хожуулах” гэсэн ов мэх болох нь хэн бүхэнд ойлгомжтой байлаа.

Шүүх хурал хойшилсон ч хариуцагч ямар ч гомдол гаргаагүй нь тэдэнд гаргах гомдол н байхгүй, эрх ч байхгүйтэй холбоотой юм. Үүнээс хойш багагүй хугацаа өнгөрсний дараа арай гэж нэг шүүх хурал зарлахад нь баярлаж байсан билээ. Гэтэл олигтой юм ер болсонгүй.

Жүжиг үргэлжилж шинжээч томилох шаардлагатай гэж шүүх хурлыг хойшлуулав. Шинжээч томилох огтоос шаардлагагүй байхад шүүгч шинжээч томилуулна гэж “гүрийсээр” бас л баахан хугацаа авав. Түүний гаргасан шийдвэрийг дарга бүхий 3 шүүгчтэй хурал болж, ‘‘шинжээч томилох шаардлагагүй” гэж хүчингүй болгосноор энэ нь нотлогдов.

Нэлээд хугацааны дараа нөгөө жүжиг улайм цайм өрнөж, бүр оргилдоо хүрлээ. Хурлын эхэнд шүүгчийг татгалзахгүй гэж байсан хариуцагч шүүх хурал дуусах шатандаа хүрч ирж, нэхэмжпэгч миний талд шударга шийдвэр гаргахаас өөр гарцгүй болж үнэнд гүйцэгдээд ирэхээр хуульд заагаагүй үндэслэлээр Б.Сайханцэцэгийг гэнэт татгалздаг юм байна. Энэ нь энгийн шүүх хурлын үед барагтай болдоггүй зүйл.

Эхнээсээ найруулсан жүжиг явагдаж буй тул өөрийгөө татгалзуулж, “шүүгчийг татгалзсан” гэсэн шалтгаанаар хэргийг шийдвэрлэхгүй орхиж, өөрөө тоглолтоос гарсан билээ. Хуульд шүүгчийг татгалзах хэдхэн үндэслэл зааж, түүнд зааснаас бусад үндэслэлээр шүүгчийг татгалзаж үл болно гэжээ.

Хуульд заасантай тохирох юм даанч байсангүй тул хүчээр татгалзуулав гэж ойлгоход хүрэв. Ийнхүү өөрийнхөө хэргийг хариуцагчийнхтай хамт бүтээж аваад өрөөлийнх буюу минийхийг хөсөр хаясан нь хариуцагчийн талд хууль бус ажиллагаагаа үргэлжлүүж, хугацаа хожих асар их ач холбогдолтой боловч надад тун ч хохиролтой зүйл болсон юм.

Намайг гурван жилийн туршид шүүхийг “тойрон эргэлдэх”-эд хүргэсэн шүүгч Б.Сайханцэцэг одоо дараагийн “жүжиг дээрээ ажиллаж”, “санаснаа хийж, сарвайснаа авсаар” яваа болов уу? Хөөрхий жирийн иргэн хүн харин бахь байдгаараа... шүүхийн хаалга сахисаар л...

Уг нь Шүүгчийн ёс зүйн дүрэмд:

Шүүгч нь хүний эрх, эрхэм чанарыг хүндэтгэх, хууль дээдлэх, үнэнч шударга байх, аливаа асуудалд бодитой хандах, хараат бус байх, үүрэгт ажилдаа хариуцлагатай хандах, мэргэжлийн нэр хүндээ эрхэмлэх зэрэг зарчмуудыг хувийн зан чанар болгож төлөвшүүлнэ.

Шүүгч нь хүнийг аливаа хэлбэрээр ялгаварлахыг хориглоно. Шүүгч нь өмчийн аливаа төрөл, хэлбэрийг алагчилж болохгүй. Шүүгч нь зохисгүй байдал гаргаж болохгүй бөгөөд бусдад ийнхүү ойлгогдохоос зайлсхийнэ гэж заасан байдаг юм билээ.

Иргэн миний бие хөрөнгө чинээ ихтэй компанитай шударга ёсны төлөө “хүч үзсэн” нь энэ шүүгчийн чансааг шалгах нэгэн шалгуур боллоо. Шүүгч Б.Сайханцэцэг эхнээсээ л иргэн миний нэхэмжлэлийг үнэн зөвөөр шийдвэрлэх ямар ч сонирхолгүй, огт өөр сонирхолтой байсан нь тодорхой болов. Иргэн хүнд ээлгүй ийм шүүгч олон байвал бид ч ёстой "сүйрэх” юм байна даа гэж бодож байтал иргэн хүнд ээлгүй шүүгч нар бас байна аа.

Шүүгч П.Золзаяа даргалж хийсэн Нийслэлийн давж заалдах шатны шүүх хуралдаан (2014.10.30-ны 1030 тоот) энэ оны хамгийн золгүй магадлалыг гаргав.

Танхимын дарга П.Золзаяа хавтаст хэрэгт авагдсан нотлох баримтанд тулгуурлахгүйгээр, өмнө нь гарсан Улсын Дээд шүүхийн хоёр ч шийдвэрийг уландаа гишгэн “агаараас асуудал авч буулган ирж” ахиад л намайг хохироов.

Аль ч тал нь тусгай зөвшөөрөл эзэмшигч биш байхад тусгай зөвшөөрөл эзэмшигчдийн хоорондох маргааныг зохицуулсан хуулийг ашиглан гэгээн цагаан өдрөөр тэрбээр илтэд мэдэн будилав.

Иргэн хүний чанх эсрэг хатуу зогссон шүүгч П.Золзаяа хуулиа зөрчин байж луйврын замаар /намайг луйвардсан шигээ/ хөрөнгө чинээ арвин болсон компанийн талд, хаа ч байхгүй шийдвэр гаргаснаараа өөрийгөө яасан гэдгээ, хэн болохоо нотлоод өглөө.

Танхимын тэргүүн шүүгч П.Золзаяа эрх мэдлээ давуудуулж, шүүх хуралдаанд оролцсон эрх тэгш байх ёстой Ш.Оюунханд, Н.Батзориг нарын хоёр шүүгчдээ өөрийнхөө “шуналт хүсэл”-ийг тулган хааш нь гаргахгүй ёстой л “ум атгах ” юм. Тэд яг улайнд улайрсан Тас шувууд мэт, нүд улаан мөнгө цагаан харагдана.

Ийнхүү хууль ёс, шударга ёсыг Б.Сайханцэцэг самууруулж, П.Золзаяа золгүйтүүлэв. Хуулийг гууль, мөнгө болгодог ийм шүүгч нарт хариуцлага тооцох хүн байна уу? Шүүхэд шинэчлэлийн гэгээ ч алга!

Иргэн О.Одсүрэн

Хуулийг гууль, мөнгө болгодог зарим шүүгч нарт хариуцлага алга уу, Ерөнхийлөгч өө?
Tweet
Bolod.mn