Нарлаг зуны улирал дуусаж, налгар намар айлчлан ирлээ. Гэхдээ энэ жилийн хувьд тийм ч налгар намар болохгүй бололтой. Ус, цаг уур, орчны шинжилгээний газрын мэдээгээр ес, аравдугаар сард олон жилийн дунджаас ахиу цас орно хэмээн малчид, тариаланчдад сэрэмжлүүлээд байгаа билээ. Гэсэн хэдий ч өвлөөс урьтаж амтат ногоогоо нөөцлөх гэж байна уу? Тэгвэл танд дараах бяцхан зөвлөгөө, тусламжийг хүргэе.

Төрөл бүрийн жимс, хүнсний ногоо нь эрүүл, зохистой хооллолтын суурь бүтээгдэхүүн юм. Тэдгээр нь илчлэг багатай, хүний бие махбодод чухал шаардлагатай аминдэм, эрдэс бодис, үл исэлдүүлэгч /антиоксидант/, эслэгийг агуулсан байдаг. Тийм учраас жимс, ногоог өдөрт идэх хоолондоо заавал хэрэглэх шаардлагатай бөгөөд өдөрт дор хаяж таван удаа амттан байдлаар идэх хэрэгтэй. Жимс, ногоонд агуулагддаг үл исэлдүүлэгч, бусад шим тэжээлт бодис зарим төрлийн хорт хавдар, өвчнөөс урьдчилан сэргийлэх, хамгаалах ач тустай юм шүү. Эзэгтэй таны хоолны жоронд ногоо даршлах дараах хялбархан аргыг санал болгож байна.

ӨРГӨСТ ХЭМХ ДАРАХ

Орц:

- 10 литр ус

- 400 гр давс

- 300 гр сахар

- 1 шил уксус

- 50гр лаврын навч

- 1 багц укроп

- 1 бөөрөнхий 50 гр сармис

1 литр давстай ус бэлдэхэд:

- 2 ц/х давс

- 1 ц/х элсэн чихэр

- 1 ц/х уксус

Хйих арга:

Ногоон өргөст хэмхээ сайтар угааж, цэвэрлэн бэлтгэнэ. Шилийг сайн угааж, ариутган бэлэн болгоно. Шилэнд бүх орцоо хийсний дараа урьдчилан буцалгаж бэлтгэсэн уусмалаа бэлтгээд өргөст хэмхээ нэмж хийнэ. Өргөст хэмхийг шилэндээ багтах хэмжээгээр нь хийгээрэй. Ингэсний дараа шарах шүүгээнд 220С-д 20 минут тагийг чангалахгүйгээр сул тавина. Гаргаж ирээд тагийг нь чангалж доош харуулж тавих.

Өргөст хэмхний ач тус

1. Өдрийн турш хангалттай ус ууж амжаагүй бол өргөст хэмх ид. Өргөст хэмхний 90 хувь нь ус учраас таны алдсан усыг нөхөж, биеийг тань чийгшүүлж чадна.

2. Шар хөөрөөд байвал өргөст хэмх ид. Бас арьс тань наранд түлэгдсэн бол өргөст хэмх хэрчээд тавиарай.

3. Өргөст хэмхэнд агуулагддаг ус таны биеэс хорт бодисыг цэвэрлээд гардаг. Өргөст хэмх байнга идэх нь бөөрний чулууг хүртэл хөөдөг гэлцдэг.

4. Хүний өдөрт авах ёстой витаминуудын бараг дийлэнх нь өргөст хэмхэнд агуулагдаж байдаг. А, В, С витамин агуулдаг учир өдөр тутамдаа хэрэглэж заншвал эрч хүчээ алдахгүй. Бууцай болон луувантай хольж шүүс хийвэл витаминлаг чанарыг нь илүү хүртэх боломжтой.

5. Кали, магни, цахиур өндөр хэмжээгээр агуулж байдаг учир арьсанд маш сайн. Тийм ч учраас нүүрэн дээрээ тавихад маш сайн.

6. Ус ихтэй, бага калоритой учир жингээ хасах гэж байгаа хүмүүст санал болгох хамгийн гол хүнс бол өргөст хэмх. Хэрвээ өргөст хэмх идэх тийм ч дуртай биш бол тослог багатай тарагтай хольж идэхийг зөвлөе. Мөн өргөст хэмх нь хоол боловсруулалтад ч сайнаар нөлөөлдөг байна.

7. Өргөст хэмх нүд сэргээнэ. Хүйтэн өргөст хэмхийг хэрчээ нүдэн дээрээ тавихад хавдрыг буулгахаас гадна, нүд онгойх мэт мэдрэмж төрүүлнэ.

8. Өргөст хэмх эрүүл мэндэд тустай ногоонуудын нэг. Энэ ногоо хөхний, түрүү булчирхайн болон өндгөвчний хорт хавдрын эрсдлийг бууруулж чаддаг байна.

9. Өргөст хэмхийн шүүс нь холестролыг бууруулдаг бөгөөд цусны даралтыг хянаж, диабиттай хүмүүст эерэг нөлөө үзүүлнэ.Цусны даралт өндөр, бага аль нь ч байсан өргөст хэмх идэж болно.

10. Амны хөндийн эвгүй үнэрийг өргөст хэмхийн шүүс дарж, сэрүүн цэнгэг мэдрэмж төрүүлнэ. Хэрчим өргөст хэмхийг тагнайдаа хэлээрээ түлхэн хүргэж 30 орчим секунд байлгахад амны эвгүй үнэр арилдаг байна.

11. Өргөст хэмхэнд агуулагдаг силика нь үс, хумсыг гялалзуулж, бат бөх болгохоос гадна үсийг хурдан ургуулдаг байна.

12. Өргөст хэмхний силика нь үе мөчний эрүүл мэндэд ч сайнаар нөлөөлдөг байна. Өргөст хэмхийг луувангийн шүүстэй хольж уувал тулай өвчин, үе мөчний өвчний үед өвчнийг намдаадаг.

13. Согтууруулах ундаа хэрэглэсэн үед маргааш өглөө нь шартахгүйн тулд хэдэн хэрчим өргөст хэмх идчихээд унтаарай. Ямартай ч хурцаар шартаж, толгой өвдөх зовиурыг багасгадаг байна.

14. Өргөст хэмх нь шээсэн дэх хүчлийн хэмжээг бууруулдаг учир бөөрийг эрүүл байлгахад тустай.

ХҮРЭН МАНЖИН ДАРАХ

Орц:

-4ш хүрэн манжин

-2ш шар лууван

-12гр цагаан цуу

-50гр давс

-50гр элсэн чихэр

-5ш лаврын навч

-15-20ш бөөрөнхий перц

Хийх арга:

1л буцалсан усанд 50гр давс, 50гр элсэн чихрээ хийж буцалсаны дараа шүүж уусмалаа бэлтгэнэ.Шүүсэн уусмал дээрээ лаврын навч, перц хийж таглаад орхино.Дунд зэргийн хэмжээтэй тод өнгөтэй хүрэн манжин сонгон авч сайтар угааж цэвэрлээрэй. Хүрэн манжингаа халуун усанд хийн дутуувтар чанана. Хүрэн манжингаа гаргаад хөрсний дараа ямар ч хэлбэртэй хэрчиж болно. Ариутгасан шилний 2/3 -д хэрчсэн хүрэн манжингаа хийж хөргөсөн уусмалаа хийнэ. Ургамалын тосыг уусмалаас дээш 1см орчим зузаантай хийх юм.

Хүрэн манжин нь элэг цөсний үйл ажиллагаа болон гэдэсний гүрвэлзэх хөдөлгөөнийг сайжруулдаг юм шүү.

МӨӨГ ДАРАХ

-500г товчин мөөг

-1 литр ус

-1 амны том халбага давс

-1 амны том халбага элсэн чихэр

-1 амны том халбага уксус/vinegar/

-1 ширхэг лаврын навч,бөөрөнхий хар перец -тал сонгино

Хийх арга:

Мөөгнөөс бусдыг нь саванд хийж зөөлөн гал дээр 5-10 минут буцалгана. Мөөгөө угаагаад усыг нь шавхана. Буцалж байгаа уусмал дээрээ хийж 3-5 минут буцалгаад дарах гэж байгаа шилэндээ хийнэ. Дээрээс нь уусмалаа шүүлтүүрээр шүүгээд халуунаар нь хийнэ.Ил тавьж хөргөх хэрэгтэй. Хөрсөн хойно хөргөгчиндөө хийх юм. Хөрсний дараа шууд идэж болно.Дарсан мөөгөө хэрэглэхдээ цэвэрхэн савхаар шилээс нь авж хэрэглэнэ. Мөөг нь дархлааг сайжруулж, цусны даралт болон халуун бууруулах, цусан дахь холестриныг багасгах, вирусын эсрэг, үрэвсэл болон хавдрын эсрэг үйлчлэл бүхий биологийн идэвхт олон бодис агуулдаг.