Тэр бол ердийн л нэг Америк хүний хэтрүүлсэн хувилбар. Бүдүүлэгдүү, энгийн, зодоонд хэзээд бэлнээс гадна сэхээтнүүдэд итгэдэггүй. Иелийн их сургуулийн профессор Дэвид Гелернтерийн “The wall street journal” –д хэвлүүлсэн нийтлэлийг хүргэж байна.

АНУ-д явагддаг бүхий л сонгууль үнэхээр сонирхолтой байдаг. Гэхдээ одоо айсуй сонгуулийн хамгийн гайхалтай хэсэг нь ихэнх хүний дурдалгүй мартаж орхидог тэр л сэдэвтэй холбоотой. “Ардчилсан намынхан ямар ч асуудалгүй гэж үү”. Эдийн засаг тасралтгүй өсч, АНУ-ын олон улс дахь байр суурь хүчтэй байна. Гадаад харилцааны тухайд гэвэл Макиавеллийн таван зууны өмнөх зөвөлгөөний үзүүрээс зуурах ёстойгоо одоо л санаж эхэлж байх шиг.“Хайрлагдахаас айдас төрүүлдэг байх нь илүү”.

Зүүний чиг баримжаандаа үнэнч хүмүүст Обамагийн эрин үеийн яг эсрэг нөхцал байдал хэцүү санагдаж байгаа нь мэдээж. Гэхдэээ тэдний арга мухардсан байдалд хийсэн үйлдлүүд нөхцөл байдлыг улам дордуулж байна. Жишээлбэл, АНУ-ын Дээд шүүхэд Бретт Каваног томилохын эсрэг Зүүнийхний тэмцэлийн ирээдүй хойч үеийхэн дурсахдаа Ардчилсан намын оюунлаг давхраа дампууралд оржээ л гэж дүгнэх болно. Тэд Каванод хүчингийн хэрэг тулгахын тулд ямар их хичээл зүтгэл гаргасан гээч. Ардчилсан намын оюунлаг хэсгийг илэрхийлсэн тэмдэг дээр “ Хоосон” гэсэн улаан гэрэл тодоос тод анивчихыг бид харлаа. Зүүнийхэн ялагджээ.

Энэ үйл явдал өмнө нь 1980, 1990 болон 2000-иад оны эхээр тохиолдож байсан юм. Гэхдээ эдийн засгийн хямрал либериализмыг газрын хөрсөнд тэгшлэхээс удаа дараа аварна гэж хэн санах билээ. Өнөөдөр зүүнийхэн Роберт Мюллерыг Супермэний өмсгөлөө өмсөөд биднийг дахиад нэг удаа авраасай гэж залбирч сууна. Холбооны мөрдөх товчоог 12 жилийн турш тогтвортой удирдсан тэрхүү эрхэмд бохир улстөртэй орооцолдох сонирхол үгүй нь ойлгомжтой.

Одоо зүүнийхэнд үлдээд байгаа цорын ганц зүйл бол “ Бид Трампыг үзэн яддаг” хэмээх уриа. Энэ бол бүүр зааварчилгаа бүхий үзэн ядалт. Зүүнийхний Дональд Трампыг үзэж чаддаггүй шалтгаан бол тэдний Америк Улсаас үзэн яддаг бүхэн түүнд цогцолсон байдаг болохоор тэр. Үүний ач холбогдол маш чухлаас гадна сэтгэлд зовуурьтай гэдгийг анхааруулъя.

Зүүний үзэл баримтлалтай хүн бүр АНУ-ыг үзэн яддаг юм биш ээ. Гэхдээ миний таних либералчууд бүгд ноён Трампын бүдүүлэг зан, гөжүүд байдал, зодоон тулаанаас хэзээ ч зугтахгүй зориг, Америкийг онцгой гэсэн бат итгэл үнэмшил сэхээтнүүдийг башир аргатай гэж үл итгэх хандлага, бүтдэг л байвал энгийн санааг ч хайрлаж хүндэтгэдэг зан, эр эм хүйсийг солигдох боломжгүй гэж үгүйсгэдгийг нь үзэн яддаг юм. Хамгийн онцгүй нь, тэр ажлаа бүтээж л байвал Ямар нэг зүйл санаанд баригддаггүй. Түүний зорилго бол өөрийнхөө өмнө байгаа ажлуудыг гүйцэтгэхээс өөр юу ч биш. Тэр бол шахалт дарамтгүйгээр ажлаа гүйцэтгэж, амьдралаа таашааж чаддаг хүн. Өөрөөр хэлбэл, Дональд Трамп бол энгийн л нэг Америк хүн, гэхдээ хэтрүүлсэн хувилбар нь. Харин өөрийнхөө зохион бүтээснээс бусад хэв маягаа юу ч бодолгүйгээр сольж орхидгийг нь эс тооцвол эргэлзэх үндэслэл үгүй. Ноён Трампад хазаар дутгаддаг нь үнэн.Учир нь тэр бол нударган баян, ийм байсаар ч ирсэн. Хамгийн гол нь баячуудыг бодвол Трамп эд баялгаараа зугаацаж, таашаал авсан явдалдаа хэнээс ч уучлалт гуйж байгаагүй юм. Тэр өөрийнхөө бодол санааг дотроо нууж сураагүй нь тэгэх шаардлага хэзээ ч гарч байгаагүйтэй холбоотой. Тэр эр хүйстэй бүхэнд байдаг дур хүсэлтэй гэдгээсээ хэзээ ч ичиж байгаагүй юм. Заримдаа тэр эмэгтэйчүүдэд хүндэтгэлгүй харилцдаг. Үүнээс болж зүүний байна уу барууны байна уу хамаагүй америкчууд нийтээрээ түүний өмнөөс ичдэг. Жон Кеннеди, Билл Клитонд ч энэ байдал давтагдаж байсан юм. Сонгогчийн хувьд миний гол бол аль нэр дэвшигч Америкийн төлөө илүү сайн ажиллах вэ гэдгийг дотроо шийдэж сонголтоо хийх. Би ноён Трампийн үзүүлдэг ердийн нэг Америк хүний гаргадаг тэр л бүдүүлэг зангийн өмнөөс уучлалт гуймаар байна. Тэрхүү бүдүүлэг байдал олон улсын тавцанд манай улсын нэр хүндийг унагааж, Ерөнхийлөгчийн гаргах ёсгүй үйлдэл мөн. Эсрэгээрээ, түүний өрсөлдөгчид бусад хүмүүсийг юу гэж бодох бол гэж тархиа хэт их гашилгадаг болсон. Би франц, герман, японыг үнэлдэг. Гэхдээ л тэднээс айж, эсвэл тэднээс болж нойроо алдаж байсан удаагүй. Бүр төсөөлөгдөх ч үгүй байна. Ноён Трампыг үзэн яддаг иргэд ба түүнийг хайрлаж, дэмжих нь ч яах вэ хамгийн гол нь түүнтэй хамт амьдарч болоод байгаа” иргэдийн хооронд нэгэн ялгаа бий. Энгийн америк хүн гэж хэн бэ гэвэл фермерүүд үйлдвэрийн ажилчид, машин механигч, ачааны тэрэгний жолооч, жижиг дэлгүүрийн эзэн, нягтлан бодогч, цэрэг эр, гэрийн эзэгтэй. Ажил хөдөлмөр бодитоор эрхэлдэг тэр хүмүүс консерватив үзэлтэй байх олонтаа учраас зүүний үзэлтэй сэхээтнүүдэд таалагддаггүй юм. Хиллари Клинтон ба Барак Обама нар тэр хүмүүсийн нүглийг сайн мэднэ ээ. Тэнэг буунууд бариад бурангүй сүмдээ цуглаад л тэр хүмүүс ямар аймшигтай гээч. Тэд мөнгөгүй, байнга гомдоллож байдаггүй бас яриа “Twitter”-ийн дагагчидгүй болохоор үнэхээр утйгартай хүмүүс. Тэд Давос ( Швейцарийн аялал жуулчлалаар хөгжсөн хот) явж үзээгүйгээс гадна “Fox news”-ийн мэдээ үздэг. Чак Шуммер (АНУ-ын сенатор) шиг ухаалаг хүн тэдний дундаас олдохгүй, Мишель Обамагийн суу билгийгэнд дурдаад хэрэггүй биз.

Ноён Трамп бидэнд энгийн нэг Америк хүн гэж хэн юм бэ гэдгийг сануулсан. Энгийн америк эр хүн биш, энгийн цагаан арьстан бас биш. Ирэх 2020 онд Ерөнхийлөгч Трампад ямар олон эмэгтэйчүүд, ямар олон хар арьстан саналаа өгөх бол. Өнөөх мундаг сэхээтнүүд маань яаж сандарч мэгдэх бол. Ноён Трамп Америкийн улс төрийн газрын зэргийг хоёр хувааж орхисон байна. бүх төрлийн, энгийн дундаж америкчууд ба чамин ганган америкчүүд. Ихэнхи либералчууд техник технологийн дэвшилд найдаж, хүмүүсийн ажил хөдөлмөр тэр чигээрээ хөнгөвчлөгдөнө гэдэгт огтхон ч эргэлздэггүй. Тэдний итгэл үнэмшлийн дагуу хуучинсаг үзэлтэй том оврын машины жолооч маягийн хүмүүсийг нийгэмд гүйцэтгэх ямар ч үүрэггүй болно. Ямар том алдаа гаргаж байгаагаа тэд мэдэхгүй байна.Хоол хүнс, хувцас хэрэглэлийг интернэтээр дамжуулж болохгүй биз дээ. Эхнэр хүүхдээ тэвэрч, сайн найзынхаа хажууд суугаад асуудал бэрхшээлийг нь сонсох гээд хүний бодит харилцааг интернет бүрэн орлож чадахгүй биз дээ. Манай Ерөнхийлөгч гоц ухаантан биш. Гэхдээ эрүүл саруул оюун ухаантай байхад ямар ч асуудлын аравны ес нь шийдэгдэж л орхидог, тийм үү. Энэ бүхний эцэст бидний өмнө заавал хариулах ёстой нэгэн чухал асуулт гарч ирнэ. “ Доналд трампыг үзэн ядах боломжтой юм бол энгийн дундаж америк хшнийг яах вэ”. Өнөөдөр энэ асуултыг сөхөх л болно .

“ Твиттер” дэх жиргээнд Ерөнхийлөгч хүн байж биеэ барилгүй ана мана үзэлцээд л , дээрэлхүү хүүхэд шиг зан гаргадгийг нь үзэн ядаж ч болох юм. Харин хүн бүр бие биедээ таалагддаггүй, өөр хоорондоо найз нөхөр байх албагүй байдгийг санах хэрэгтэй. Гэтэл либералчууд түүний эсрэг чигэлсэн асар их хэмжээний үзэн ядалтыг тээдэг. Ямар ч нөхцөл шалтгаангүй үзэн ядаж буй тэрхүү этгээд өөрөөрөө бахархаж байгаа нь гайхмаар. Бурхан өршөөг. Хүнийг тэгж үзэн ядна гэдэг ямар урам хугарч, жигшмээр хэрэг вэ. Трампыг зан төлвийнх нь үүднээс үзэн ядаж байгаа бол тухайн хүн эр эм ,хар цагаан ялгаагүй бүх л энгийн Америкчуудыг үзэн ядаж байна гэсэн үг гэж би хувьдаа бодож байна. Тэр хүн магадгүй АНУ-ыг үзэн яддаг байх талтай.

Эх сурвалж: Үндэсний шуудан