Архив ангилал

Түрэмгий зан танд төвөг учруулах болно. Ажил мэргэжил хувийн амьдралын хооронд тэнцвэрээ олох нь хэцүү байж магадгүй. Амьдралын сөрөг үйл явдлууд идэвхжинэ. Сэтгэл санаа тогтворгүй болно. Эрүүл мэнддээ анхаар. Сарын дунд үед та дур булаам, сэтгэл татах чанараа эргэн тойрондоо тараавал хүмүүс таны удирдлаганд байхдаа баяртай болно. Таныг хэн нэгэн нь дээрэлхэх гэж оролдохгүй бол таагүй хүмүүсийн анхааралд бүү өрт. Санхүүгийн тэнцвэр хэлбэлзэж магадгүй. Тооцоогүй үрэхээ больж одооноос төсвөө хяна. Од эрхэс хүнд ажил хийх, олон нийтийн үйл ажиллагаанд оролцохоос татгалзахыг анхааруулж байна. Хайр дурлал, романтик адал явдалд болгоомжтой ханд. Ганц бие хүмүүс сэтгэлийг чинь эзэмдэх нэгэнтэй учирна. Энэ сарын сүүл рүү хайрын харилцаанд саад бэрхшээл тохиох тул бие биедээ үнэнч, илэн далангүй байх шаардлагатай. Энэ үед хөрөнгө оруулалт бүү хий эсвэл томоохон эд зүйл бүү худалдан ав.

ҮХЭР

Энэ сарын эхээр чухал уулзалт эсвэл цугларалтанд оролцож магадгүй. Илүү цагаар ажиллах шаардлага гарна. Бичиг цаасны ажил, гарын үсэг зурах зэрэг нь ихээхэн цаг авна. Санхүүгийн байдал хяналтаас гарч байгаа эсвэл баярт зориулах мөнгөний хэрэгцээ их байгаагаас цохилт ирж болзошгүй тул ухаалаг, сүйхээтэй зан чанараа одоо ашигла. Хэрэв та хууль бус үйл ажиллагаанд оролцох санал авбал азтай байна гэж бүү бод. Сарын дундуур албан тушаал дэвших эсвэл шинэ ажилд очих нь танд илүү хариуцлага үүрүүлэх болно.

Таны эрч хүч өөртөө итгэлтэй байдал нэмэгдэж, та амьдралын учир шалтгааныг ойлгож, амтыг нь мэдрэх болно. Өөртөө сайн анхаарал халамж тавихгүй бол өвдөж магадгүй байна. Сарын сүүл рүү өөрийхөө зөн совингоос гадна бусдын мэдрэмжийг сонс. Урт хэл хүзүү ороодог тул үг яиандаа болгоомжтой бай. Өөрийн мэдлэг туршлагаа харуулах томоохон сорилтонд орох гэж байгаа бол сайн бэлтгэлтэй, зохион байгуулалттай байхыг зөвлөж байна. Од эрхэс таныг бусадтай харилцахдаа сэтгэл хөдлөлтэй байхыг анхааруулж байна. Хайр дурлалын харилцаа амжилттай эхлэх хэдий ч та насны зөрүүтэй байдалдаа санаа зовох бололтой. Олныг хамарсан арга хэмжээнд оролцвол согтууруулах ундаа бүү хэрэглэ. Хулгай дээрмээс болгоомжил. Орой үдшийн цагаар ганцаар бүү яв. Хэрэв та аль хэдийнээс сонирхсон улсдаа аялах боломж олдвол бүү алдаарай.

ХАМТАТГАХ

Энэ сарын эхээр зорилгодоо хүрэх нь маш чухал ч танд бусад хүмүүсийн ч бас дэмжлэг хэрэгтэй тул хэрэгтэй зүйлийг хий. Жилийн турш сайн ажилласныхаа төлөө шагнал хүртэх болно. Таны ажлын чадвар гол хүмүүсийн хараанд байна. Найз нөхдөөс ирэх хүсэлт ачаалал нэмнэ. Аливаа сорилго таны хувьд ихээхэн өрсөлдөөнтэйгээс гадна зугаатай байх болно. Сарын дунд үед сэтгэл хөдлөм хайрын харилцааг од эрхэс гэрэлтүүлнэ. Бизнесийн гэрээ, хэлэлцээр, уулзалт тань сайн болохыг зөгнөж байна.

Бие махбодийнхоо эрүүл байдлыг сайжруулах алхамыг хийж эхлэх тохиромжтой цаг. Амьдралын зарим сорилтыг хэт их сөрөх юм бол таны эргэн тойронд эмх замбараагүй байдал үүсэх болно. Олон арга хэмжээний урилга ирнэ. Та чухал ямар нэгэн зүйлийг мартаж болохоор байгаа тул санахын тулд жагсаалт ашиглах хэрэгтэй. Сарын сүүл рүү ажлын түншүүдийн байр суурь таньд хүчирхэг холбоо бий болгоно. Цалин тань өсвөл ажлын талаарх сэтгэл дундуур байдал алга болно. Бизнесийн гэрээ хэлэлцээр, шийдвэрээ хойш нь тавиад энэ жилийн сүүлийн өдрүүдийг сайхан баярлаж өнгөрөөгөөрэй. Амьдралдаа болон өөртөө зөөлөн ханд. Мөнгө болон ямар нэгэн үнэт зүйлд хэт улайрсан байх нь нэмэлт хүч шаардаж хүндрэл авчирна.

МЭЛХИЙ

Энэ сарын эхээр санхүүгийн асуудал дээр сайн тал бий болсон ч мөнгөний хэрэгцээ таныг ороох болно. Өөрөөс тань илүү эрх мэдэлтэй хүнтэй хийх тохиролцоо хүнд байна. Дотны найз тань бодлогогүй үг хэлж сэтгэлийг тань өвтгөж мэдэх юм. Хэдийгээр заавал шийдвэр гаргах асуудлуудтай тулгарах боловч, та зөв сонголтыг хийж чадна. Сарын дунд үед ганц бие хүмүүс өвөрмөц хүнтэй уулзах нь өөрийн дасан зохицох чадварыг шалгаж буй хэрэг юм. Хайр болон ойлголцол ямар ч айдсыг үлдэн хөөнө. Эрүүл мэнд болон өдөр тутмын ажил эсвэл дотны харилцаандаа чухал шийдвэр гаргах үе дээр байна гэдгээ ойлго. Од эрхэс танд аз завшаан ч саад бэрхшээлийг ч өгч байна. Сэтгэлийн дарамт стрессээс болж толгой өвдөх, ходоод хямрах магадлалтай. Энэ сарын сүүлээр мэргэжлийн уран бүтээлч хүмүүсийн авъяас, хэлж байгаа үгс олны анхаарлын төвд байна. Санхүүгийн болон хайр дурлалын асуудал дээр саад тотгор байсаар л байна. Шинэ жилийн төлөвлөгөө таньд эрч хүч, урам зориг зэрэг хэд хэдэн халуухан зүйлийг бий болгож чадна.

АРСЛАН

Энэ сарын эхээр ажилд орох хүсэлтэй хүмүүст шинэ ажлын санал ирнэ. Сайхан зан, өөдрөг үзэл давамгайлж таны амьдралд томоохон өөрчлөлтийг авчрах болно. Элдэв хэрэггүй сониуч зангаа хяна. Хов живнээс хол бай. Сарын дунд үед та болгоомжгүй байдлаасаа болж алдаа гаргаж болзошгүй. Хайр дурлалын харилцааны хэцүү байдал таны сэтгэлийг түгшээж, хамаг баяр баяслыг тань бүүдийлгэж орхино. Мөнгө санхүүгийн хэлэлцээр нь гэнэтийн ашиг олохоосоо илүү танд урт хугацааны өгөөжтэй байх талыг бодолц. Энэ сарын сүүл рүү жилийн эцэс болж буй тул хуучин үүрэг хариуцлагаас салахыг хичээ. Оюутнуудын хувьд хичээл сурлагадаа анхаарч, тархи толгойгоо сайтар ажиллуул. Энэ үед замын түгжрээ, олны хөл үймээнээс болж, чухал уулзалтаас хоцорч болзошгүй тул яаралтай ажилд хангалттай цаг нөөцөл. Ажлын газарт буруу ойлголцол гарч болно гэж тооцоол.

ОХИН

Энэ сарын эхээр болгоомжтой байж, жолооны ард туйлын сэрэмжтэй яв. Эрсдэлтэй үйлдэл эсвэл үнэтэй худалдан авалт хийхгүй байхыг зөвлөе. Од эрхэсийн зүгээс таны мөнгө санхүү, гэр бүл, хайр дурлал болон хүүхдүүдтэйгээ харилцах харилцаанд нөлөө үзүүлэх болно.

Гэр бүлийнхээ сайн сайхны төлөө харилцан буулт хийхэд бэлэн бай. Сарын дундуур хайртай хүн чинь хүнд нөхцөл байдал үүсгэж, таны санааг зовоож магадгүй. Сэтгэл хөдлөлийн илрэл хүчтэй байгаа тул нэг их зүйлд оролцохгүй байхыг хичээгээрэй. Дарга удирдлагууд таны авъяас чадварыг үнэлж цалинг тань нэмж магадгүй. Оюун ухаанаа тэтгэхэд цаг гарга. Бүтээлч хүмүүсийн хувьд сайн үе.

Таны санааг зовоож байгаа хууль зүйн асуудлууд байгаа бол зохих шугамаар нь шийдсэн нь дээр. Ганц бие хүмүүс шинэ хайрын асуудалдаа анхааралтай ханд. Мөн эрүүл мэндээ анхаар. Гадны нөлөө ихсэж байгаа бол хувийн зохион байгуулалтанд илүүтэй анхаар. Сарын сүүлээр эрч хүчээ ашиглан таны санааг зовоож байсан санхүүгийн асуудлуудаа шийдэх хэрэгтэй. Нийгмийн болон улс төрийн үйл ажиллагаанд оролцож, олон зүйлийн талаар ойлгож мэд. Найз нөхөдтэйгөө хамт гадуур гарч, уйтгараа сэргээ. Ойр дотны хүмүүстэйгээ хамт бай.

ЖИНЛҮҮР

Энэ сарын эхээр хувийн амьдрал туйлын хянамгай байхыг шаардаж байна. Олон нийтийн өмнө эвгүй нөхцөл байдалтай тулгарна. Зарим эдлэх эрхийнхээ төлөө тэмцэх хэрэг гарна. Эрсдэлтэй алхам таныг унагаж ч мэдэх юм. Санхүү мөнгөний тал дээр зөрчилдөөн үүснэ. Ганц бие хүмүүс хайртай учрах бололтой. Хайрынхаа төлөө жижиг сажиг зүйлсийг золиослоход бэлэн бай. Сарын дундуур ямар ч асуудал тулгарсан ойр дотны хүмүүсийн тусламжтайгаар амархан даван туулах болно. Өөртөө итгэлгүй байвал шинэ ажил эхлэхээ түр хойшлуул. Хов жив, эрх мэдлийн төлөө тэмцэлтэй тулгарах болно. Сэтгэлийг тань хямраах сөрөг хүмүүсээс хол бай. Та бусдын нөлөөнд амархан өртөж, сэтгэл санаа тань ч дагаад хямрах магадлалтай. Эрүүл мэндээ сайтар хамгаалах цаг үе. Сарын сүүлээр мөнгөтэй холбоотой ямар нэг таагүй асуудалд орохоос сэргийл. Энэ үе нь олон хүн сэтгэл хөдлөлтэй байх тул танд ядарсан, ажиллах сонирхолгүй мэдрэмж төрж магад. Гэр орноо засч тохижуулахыг маш ихээр хүсэх бөгөөд яг одоо энэ бүгдийг хийхэд хамгийн тохиромжтой үе.

ХИЛЭНЦ

Энэ сарын эхээр бодит бус хийсвэр зүйлд их автагдах, мөрөөдөлдөө хэт их хөтлөгдөх зэрэг нь муу уршигтай байна. Хайртай хүмүүстэйгээ мөнгөтэй холбоотой асуудлаар маргалдахад хүрвэл та аль болох түрүүлж буулт хий. Хэн нэгэнд хувийн нууц асуудлаа дэлгэхээс сэргийл. Бусдад хүмүүнлэгийн асуудлаар туслах нь танд сэтгэлийн таашаал авчирна. Сарын дундуур өөртөө хэт их ажил авбал ачаалал хэтрэх болно. Өндөр албан тушаалын хүмүүстэй санал зөрөлдөж болзошгүй. Буруу ойлголтоос болж, асуудлууд үүсэх болно. Гэр бүлийн хүнтэйгээ маргалдаж болзошгүй байна. Од эрхэсийн зүгээс үзүүлэх нөлөө харилцан адилгүй байгаа тул нилээд дарамттай байх бололтой. Илүү хүчин чармайлт зарцуулснаар таны хувийн харилцаа сайжирна. Та хамтрагчтайгаа санхүүгийн асуудал дээр санал нийлэхгүй байгаа бол яг одоо үүнийг шийд хэмээн гараг эрхэс зөвлөж байна. Сарын сүүл үед жижиг зүйлсийг ч сайнаар өөрчилснөөр том өөрчлөлтийг авч чадна. Оюутнуудад хэцүү даалгавараа дуусгахад тааламжтай цаг байна. Тайлан, илтгэл зэрэг нь амжилт авчирна. Та ганц бие бол хайр дурлалтай учрахыг маш ихээр хүсэх болно. Хэрвээ та хэн нэгэнд хайраа илчилвэл таатай хариу ирэх магадлалтай. Хайр сэтгэлээ романтик байдлаар илтгэж чадахгүй хүмүүс шинэ жилийг ашиглах хэрэгтэй.

НУМ

Энэ сарын эхээр та адал явдал дагуулсан зүйлст татагдах болно. Биеийн ачааллаа нэмэгдүүлэхийг хүсч магадгүй, гэвч өөрийгөө хэт их бүү шахаарай. Ганц бие болон хайр дурлалтайгаа учирсан хүмүүст сайхан үе тохиож байна. Сарын дунд үед эрүүл мэнд, сайн сайхан байдлаа дээшлүүлэхийн тулд амьдралын хэв маягийн нэг хэсэг болсон муу зуршлаа хаяхын төлөө ажилла. Сэтгэл хөдөлгөсөн сайхан учрал тохиолдох боломжтой ба хуучин эсвэл шинэ амрагтайгаа уулзана. Амьдралын түвшин тааруу, тусламж хэрэгтэй хүмүүст тусламжийн гараа сунга. Хувийн амьдралаа цэгцлэх цаг зав гарга. Мөнгө, санхүү болон бичиг цаастай холбоотой бүхий л асуудлаа шийд. Ажил хэргээс хамаарч таны санхүүгийн тэнцвэр хэлбэлзэж магадгүй. Сарын сүүлээр улс төр сонирхдог бол нэр хүнд бүхий удирдагч болохын тулд зорилгоо дэмжих хүрээллийг олж авах болно. Завгүй байснаас уур уцаар таныг зовоож, нэрэвтэнэ. Тиймээс биеэ хянан болгоомжтой байж, сэтгэл хөдлөлөө тогтоон барь. Хэрэв та аяллаар холын замд явж байгаа бол болгоомжтой байгаарай.

МАТАР

Энэ сарын эхээр бизнесийн хамааралтай ажлаа хамгийн өндөр нууцлалтай явуул. Хайр дурлалын амьдрал хэлбэлзэлтэй байх болно. Нийтэч зан багахан байх тул хаа нэгэн газар очихдоо болгоомжтой бай. Учир нь таагүй байдалд орж болзошгүй. Сарын дунд үед шинэ жил дөхөж байгаа тул онцгой үдэшлэгүүдэд оролцох урилга ирнэ. Хувийн амьдралдаа анхаарлаа төвлөрүүлэхийг зөвлөж байна. Оюутан сурагчид сайн хичээх хэрэгтэй үе. Та хувийн сахилга бат сахиж, сайн төвлөрч чадвал үр бүтээлтэй байна. Хайр дурлалын адал явдал таны хүсч байсан шиг байхгүй нь бололтой. Багагүй хугацаанд үргэлжлэх хайр сэтгэлийн адал явдалтай учрахыг үгүйсгэхгүй. Аливаа худалдаа наймаа эрсдэлтэй байх магадлалтай тул шийдвэр гаргахдаа яарах хэрэггүй. Сарын сүүлээр ганц бие хүмүүст янаг амрагийн явдлын сэжим харагдаж байна. Гэвч энэ бол бусдын үгэнд шууд л итгэж болох цаг биш. Гэр бүлийн халуун дулаан харилцаа нь баяр найр хийх, бүгдээрээ цуглах зэрэгт тааламжтай байна. Од эрхэс таны гэр бүлийн харилцаа холбоонд нөлөө үзүүлнэ. Амьдралаа өөрчлөх боломжийг барьж авахад бэлэн бай.

ХУМХ

Энэ сарын эхээр гэрээсээ хол аян замд явах бол яарсан үйлдэл таагүй үр дагавартай хэмээн од гаригс сануулж байна. Хайр дурлалд тань сайхан үе тохиож байна. Хосууд хамт байж цагийг хамтдаа өнгөрүүлэх хэрэгтэй. Ганц бие хүмүүс болзоонд явах урилга авч магадгүй. Эрүүл мэндээ сайн эмнэлэгт шинжлүүлэх нь эрүүл энх байхын үндэс болно. Баярын хямдралаар хэсэж, ашигтай наймаа хийх болно. Гэхдээ та худалдан авч буй барааныхаа чанарыг сайн шалга. Сарын дунд үед од эрхэс танай гэр бүлд таатай нөлөө үзүүлнэ. Санхүүгийн асуудалд таны маш буурь суурьтай, нухацтай байхыг шаардаж байна.

Худалдаа хийх үед техникийн гологдолтой холбоотой зарим нэг асуудал үүсч магадгүй. Хайрын адал явдал олон эерэг, сөрөг асуудлыг авч ирнэ. Хэрэв та ганц бие бол шинэ хайр дурлалтай учран тэнгэрт дүүлж байгаа мэт их баяр хөөртэй байх болно. Жолоо барьж байхдаа удаан тайван яв. Харанхуй газар эсвэл олон хүнтэй газарч сонор соргог бай. Харин сарын сүүлээр гэр бүлийнхэн дунд багагүй зөрчил үүснэ. Бүх хүн хүссэнээрээ байгаад байж болохгүй гэдгийг тэдэнд ойлгуулаарай. Цаг агаар сайхан байсан ч даарахаас зайлсхий. Санамсаргүй асуудал гэнэт урган гарч ирснээр та хийхээр төлөвлөж байсан зарим нэг зүйлээ амжуулж чадахгүй бололтой.

ЗАГАС

Энэ сарын эхээр од эрхэсийн байрлал танд сайнаар нөлөөлөх бололтой. Таны бүтээлч авъяас дүүрэн байна. Ганц бие хүмүүс шинэ хайр дурлалтай учрана. Гэхдээ танихгүй хүмүүстэй харьцаагаа хязгаарлахыг зөвлөж байна. Гэртээ засвар хийх шаардлага гарах бөгөөд энэ нь таны төсөвт нилээд хүчтэй цохилт өгнө. Романтик талын зүйлс сэтгэлийн таашаал авчрах нь юу л бол. Сарын дунд үед өөрийн дуртай зүйлийг хийх, спортын үйл ажиллагаанд оролцох, хүүхдүүдтэйгээ гадуур гарахад тохиромжтой. Хайр дурлалын тэнгэр таатай байгаа тул ганц бие хүмүүс гадуур гарсан нь дээр. Ахимаг настай хүмүүс эрүүл мэнддээ анхаарал тавь. Ажилладаг салбартаа өөрсдийн онцгой чадвараа хүлээн зөвшөөрүүлэх болно. Сарын сүүлээр дотны хүмүүстэйгээ харьцах харьцаа бүрэн ойлголцолд хүрнэ. Ганц бие хүмүүсийг шинэ учрал хүлээж байна. Сэтгэл хөдлөл ердийнхөөс их эрсдэл үүрүүлэх тул бодлогогүй хөдлөхөөс сэргийл. Шинэ чухал ажил эхлэх бол түр хойшлуул. Удирдлага, хамт олноосоо зэмлэл хүртэхгүйн тулд ажил дээрээ алдаа бүү гарга.