Өнгөрөгч ДОЛОО хоногт болж өрнөсөн ОНЦЛОХ үйл явдлыг BOLOD.MN сайт тоймлон хүргэж байна. Эдгээр өдрүүдэд 2020 оны орон нутгийн НИТХ-ын сонгуулийн санал хураалт боллоо.

Мөн НИТХ-ын сонгуулийн хариу зарлагдаж Нийслэлйин Иргэдийн төлөөлөгчийн суудалд залрах төлөөлөгчдийн нэрч тодорсон. Харин НИТХ-д нэр дэвшиж байсан нэр дэвшигч авто машинд дайруулж амиа алдсан харамсалтай хэрэг энэ сарын 14-ны Өмнөговь аймагт гарлаа. Тухайн нэр дэвшигч нь Өмнөговь аймагт бие даан нэр дэвшиж байсан ба түүнийг сонгуулийн сурталчлагааг нь хариуцан ажиллаж байсан найз гэх иргэн архидан согтуурсан үедээ автомашин жолоодон улмаар ухарч байх үедээ нэр дэвшигчийг санамсаргүй дайран амь насыг нь хохироожээ.

IPhone компани “Iphone 12” загварын гар утасныхаа дөрвөн загварыг таницууллаа.

“Apple” компани шинэ “iPhone 12” гар утасныхаа дөрвөн загварыг танилцууллаа. Стандарт “iPhone 12” хувилбараас гадна жижгэрүүлсэн “iPhone 12 mini”, мөн “iPhone 12 Pro”, “iPhone 12 Pro Max” хувилбаруудыг бас танилцуулсан байна.

Эдгээр загвар бүгд үүрэн холбооны 5G сүлжээ дэмждэг, OLED технологийн дэлгэцтэйгээрээ онцлог болсон бөгөөд өмнө нь хямд загваруудыг LCD дэлгэцээр тоноглож байсан юм. Дөрвөн загварт мөн “iPad Air”-ийн шинэ загвар шиг “A14” процессор суурилуулсан байна. Жижгэрүүлсэн транзисторын ачаар гүйцэтгэлийг 15 хувиар нэмэгдүүлж, мөн эрчим хүчний хэрэглээг 30 хувиар бууруулах боломжтой болжээ.

Загвар хийцийн хувьд бага зэрэг өөрчлөгдөн “IPhone 5” загварын үеийнх шиг ирмэгүүд нь хавтгай төхөөрөмжүүдийн зузаан нимгэн загварын болжээ. Түүнчлэн шинэ “iPhone”-уудад шинэ MagSafe систем нэвтрүүлсэн нь эх бие дотор нь байрлах соронзон тогтоогч юм. Үүний тусламжтай гар утасны гэр, хэтэвч, цэнэглэгч зэрэг төрөл бүрийн дагалдах хэрэгслийг ар талд нь нааж тогтоох боломжтой болжээ.

“iPhone 12 mini”

5.4 инчийн дэлгэцтэй, хөнгөн цагаан их биетэй загвар нь “iPhone SE”-ээс арай том боловч “iPhone 8”-оос жижиг юм. Ар талдаа өргөн өнцөг ба хэт өргөн өнцөгийн хоёр камертай. Санах ойн багтаамж нь 64GB, 128GB, 256GB гэсэн сонголтуудтай. Өнгөний хувьд хар, цагаан, хөх, ногоон байна.

iPhone 12

Үндсэн хувилбар болох “iPhone 12” нь өмнөх “iPhone 11” загвараасаа 11 хувиар нимгэн, 15 хувиар жижиг, 16 хувиар хөнгөн болжээ. 6.1 инчийн “OLED” технологийн дэлгэц нь нэг инчэд 460 цэгийг багтаасан нягтралтай, “Dolby Vision HDR” дүрсний стандарттай. Эх биеийг хөнгөн цагаан материалаар хүрээлж, хоёр талыг нь “Ceramic Shield” технологийн бэхжүүлсэн шилээр бүржээ. Ингэснээр өмнөх загваруудаасаа дөрөв дахин бат бэх болсон гэнэ.

“iPhone 12 Pro”

Хэмжээгээрээ “iPhone 12”-той адил боловч их бие нь хөнгөн цагаанаар бус гангаар хийгдсэн, 2х оптик томруулдаг арын камер, кадр доторх объект хүртэлх зайг тодорхойлдог лазер мэдрэгчтэй. Энэхүү мэдрэгч нь шөнийн цагаар зураг авах чадварыг сайжруулдаг байна. Түүнчлэн, энэ загвар нь санах ойн багтаамжийн хувьд ялгаатай (128, 256 эсвэл 512 GB), өнгөний хувьд алтан шаргал, мөнгөлөг, бал чулуун, хөх гэсэн сонголтуудтай.

“iPhone 12 Pro Max” бол хуучин загвар юм. Ерөнхийдөө энэ нь "iPhone 12 Pro"-той адилхан боловч 6.7 инчийн дэлгэцтэй, 2.5 дахин томруулсан оптик гурав дахь камерыг суурилуулжээ. Санах ойн багтаамж нь 128GB, 256GB, 512GB гэсэн гурван сонголттой.

АНУ-ын шүүх “Rio Tinto”-ийн захиралыг яллагдагчаар татжээ

АНУ-ын Нью-Йорк хотын Өмнөд дүүргийн шүүх “Оюутолгой” төсөлтэй холбоотой асуудлаар “Рио Тинто” компанийн удирдлагуудыг яллагдагчаар татжээ. Тодруулбал, тус компанийн гүйцэтгэх захирал Жан-Себастьян Жак, Зэс, очир эрдэнийн группийн гүйцэтгэх захирал Арнауд Суарат болон “Turquoise Hill Resources” компанийн гүйцэтгэх захирал Улф Куэлманн, дэд ерөнхийлөгч Брендан Лэйн, Санхүү хариуцсан захирал Люк Колтан нар АНУ-ын Нью-Жерси мужийн оршин суугч Антони Франчи гэгч хүний нэхэмжлэлээр тус улсын Холбооны Үнэт цаасны тухай хуулийг зөрчиж, хөрөнгө оруулагчдад худал мэдээлэл өгөх замаар зах зээлийн арилжаанд нөлөөлсөн гэх хэрэгт хариуцагчаар татаад байна.

Антони Франчи нь 2019 онд “Turquoise Hill Resources” компанийн 167 ам.долларын үнэ бүхий хувьцааг худалдан авсан бөгөөд “Turquoise Hill Resources” болон “Rio Tinto” компани нь 2018 оны долдугаар сараас 2019 оны долдугаар сарыг хүртэлх хугацаанд хөрөнгө оруулагчиддаа худал мэдээлэл өгч, үнийг нь зохиомлоор өсгөсөн хувьцаа зарсан гэж гомдолдоо дурджээ. Үүнээс өмнө ч “Rio Tinto“ компани нь хөрөнгө оруулагчдаасаа бодит нөхцөл байдлыг нуун дарагдуулсан гэх асуудал хэд хэдэн удаа гарч байсан юм. Тус компани хөрөнгө оруулагчдад бодит бус мэдээлэл өгч, асуудлыг нуун дарагдуулдаг талаар анх тус компанид ажиллаж байгаад үндэслэлгүйгээр халагдсан стратегийн төслүүд хариуцсан ерөнхий менежер асан Ричард Боули олон нийтэд мэдээлж байсан билээ.

Ардчилсан нам 8 аймагт ялж, МАН нийслэлд ялалт байгууллаа

2020 оны орон нутгийн сонгуулийн санал хураалт 10-р сарын 15-ны өдрийн 20:00 цагт дуусаж, Нийслэлийн сонгуулийн хорооноос үр дүнг урьдчилсан байдлаар мэдээллээ. Энэ удаагийн ИТХ-ын мандатын тоо буюу суудлын тооны хувьд аймаг, нийслэлийн хэмжээнд 816, сум, дүүргийн ИТХ-ын мандатын тоо 7 мянга 353 байна. Улсын хэмжээнд 8169 суудлын төлөө 17 мянга 161 хүн өрсөлдсөн юм. Сонгуульд ирцийн босго байхгүй бөгөөд санал өгсөн сонгогчдын олонхийн саналыг авсан нэр дэвшигч ялалт байгуулж байгаа юм.

Нийслэлийн 9 дүүргийн 291 мандатын МАН 21, АН 75, ХҮН 10, МАХН 1, МНН 1, бие даагч хоёр хүн сонгогдлоо. 8 дүүрэгт МАН ялалт байгуулсан бол АН зөвхөн Сүхбаатар дүүрэгт яллаа.

Насанд хүрээгүй хүүхдүүд 40 гаруй автомашин хулгайлжээ

Насанд хүрээгүй хүүхдүүд 40 орчим тээврийн хэрэгсэл хулгайлжээ. Тодруулбал, 12-15 насны дөрвөн хүү бүлэглэн нийслэлээс он хуучирсан гэх тодотголтой тээвриййн хэрэгслүүд хулгайлдаг байсныг цагдаа нар илрүүлжээ. Шалгалтын явцад, хулгайн автомашинуудаас дөрвийг нь Төв аймгийн Лүн сум, Дундговь аймаг, Сэлэнгэ аймгийн Мандал зэрэг сумдад орхисон болох нь тогтоогджээ.

Тэд цагдаагийн байгууллагад мэдүүлэхдээ “Бусдын нөлөөнд автан уг гэмт хэргүүдийг үйлдчихсэн, сурах хүсэлгүй, харин машин барих дуртай машиныг бол асуудалгүй барьж чадна." гэжээ. Энэ талаар ЦЕГ-ын Хэвлэл мэдээллийн төвийн ахлах мэргэжилтэн, цагдаагийн ахмад М.Мөнхшүрийн мэдээлснээр хэргийг Нийслэлийн цагдаагийн удирдах газрын Мөрдөн шалгах газрын Хулгайлах гэмт хэрэгтэй тэмцэх хэлтсийн алба хаагчид илрүүлэн мөрдөн шалгаж байгаа аж.

НИТХ-д нэр дэвшигч машинд дайруулж амиа алджээ

Энэ сарын 14-ны өдөр Өмнөговь аймгийн Цогтцэций сумын Иргэдийн төлөөлөгчдийн хуралд нэр дэвшигч амь насаа алдсан хэрэг гарсан. Энэ талаар Нийслэлийн цагдаагийн газрын мэдээлснээр нэр дэвшигчийг түүний сонгуулийн сурталчилгаанд ажиллаж байсан ойрын хүн нь согтууруулах ундаа хэрэглэсэн үедээ амь насыг нь хохироосон болохыг нь урьдчилсан байдлаар тогтоогдсон гэдгийг мэдэгдэв. Хэргийг тодруулбал, 2020 оны аравдугаар сарын 14-ны өдрийн 15.10 минутад Өмнөговь аймгийн Цагдаагийн хэлтэст хүн машинд мөргүүлээд нас барлаа гэх дуудлага мэдээлэл цагдаагийн байгууллагад иржээ. Дуудлагын дагуу цагдаагийн байгууллагынхан очиж шалгахад иргэн Б гэгч нь согтууруулах ундааны зүйл хэрэглэсэн үедээ автомашин барьж, ухрах үйлдэл хийхдээ иргэн М-ийг мөргөж амь насыг нь хохироосон байна. Талийгаач М нь орон нутгийн сонгуульд бие даан нэр дэвшсэн. Харин хэрэгт холбогдогч Б нь сонгуулийн сурталчилгаанд нь ажиллаж байсан, найз нөхдийн холбоотой хүмүүс байсан гэдгийг албаныхан хэлэв.

Харин зарим эх сурвалжуудын зүгээс бие даан нэр дэвшигч М-ийн аминд хүрсэн Б нь МАН-ын гишүүн бөгөөд өнгөрсөн дөрвөн жилийн хугацаанд сумын ИТХ-ын төлөөлөгчөөр ажиллаж байсан гэх мэдээлэл байна.

Арилжааны банкууд зургаан хувийн хүүтэй ипотекийн зээл олгож эхэллээ

Энэ сарын 16-ны өдрийн УИХ-ын чуулганы хуралдаанаар Барилга хот байгуулалтын сайд Б.Мөнхбаатар эпотекийн зээлийн хүүг 6 хувь болгон бууруулсан талаар мэдээлсэн. Ийнхүү энэ сараас эхэлж арилжааны банкуудаар ипотекийн зургаан хувийн зээл өгч эхлэх боломжтой юм. Өмнө нь 8 хувийн зээл авч байгаа иргэдийн өрхийн дундаж орлого 1.5 сая төгрөг байх ёстой гэж зааж байсан нь нийт иргэдийн 90 гаруй хувь нь уг зээлэнд хамрагдах боломжгүй болж байсан. Харин зээлийн хүүг 6 хувь болгон бууруулснаар өрхийн нийт орлого 1 сая гаруй төгрөг байж авах боломжтой болж байгаа юм.

Зээлийн хүүг 8-аас 6 хувь болгон бууруулснаар өрхийн орлого 1 сая төгрөгт хүрсэн өрхүүд энэ зээлийг авах нөхцөл бүрджээ. Мөн түүнчлэн гэр хорооллын иргэдэд зээл авах боломж олгох зорилгоор ийнхүү хүүг 2 нэгжээр буулгасан аж. Энэхүү зээлийн хүүг бууруулах зардалд Арилжааны банкууд 40 тэрбум, Монгол банк 50 тэрбум төгрөгийн санхүүжилт гаргажээ. Энэ зээлийг 8 хувийн хүүтэй зээлийг олгоход баримталдаг журмын дагуу олгоно. Мөн өмнө нь 8 хувийн хүүтэй зээл авсан иргэдийн зээлийг 6 хувь болгон бууруулахгүй гэдгийг Төв банкнаас мэдэгдсэн юм.

BOLOD.MN ДОЛОО ХОНОГЫН ТОЙМ: Шинэ төлөөлөгчдөө СОНГОЖ, шинэхэн "IPHONE"-той танилцсан ДОЛОО ХОНОГ
Tweet
Bolod.mn