Би 1983 онд Сэлэнгийн 23 дугаар баазын жолооч, шүлэг бичдэг найзтайгаа Ш.Сүрэнжав ахыг дагуулан хүн амьтны хөл татарсан хойно ээж модон дээр нууцаар очсон юм.

Тэр шөнө дүүрэн сартай их саруулхан сайхан байж билээ. Сарны гэрэлд эргэн тойрны модод сэрвийн сүйхийлдэн харагдаж навчис нь салхинд сэржигнэхээс өөр чимээ аниргүй нам гүм, эл хуль оргиод их л сүртэй харагдаж байсан. Сүрэнжав ах “Ээж мод”-ны дэргэд очоод их л бишрэлтэйгээр залбирч дүнгэнэтэл ном уншиж, мөргөж цацал үйлдэж харагдсан. Жолооч бид хоёр Сүүеэ ахыг дуурайгаад мөргөсөн газар нь мөргөөд идээ будаа өргөсөн газар нь идээ будаа өргөөд бараг цаг орчим болсон дог... Үүнээс хойш хол ойр, хот хөдөөнөөс хүн ирэхэд сэмхэн дагуулж очдог боллоо. Очсон хүмүүстээ ээж модны тухай тайлбарлан ярих хэрэг гарч нутгийн ахмад буурал Шаамарын унаган хүү аймгийн захиргааны аж ахуйн хэлтсийн дарга байгаад тэтгэвэртээ гарсан Норов дарга, Очирданзан гуай, Сүхбаатар сумын дарга Мөнхбат, Шаамарын намын дарга байсан эрдэм доктор Өөлдийн Бавуу, 1968 онд энд илгээлтээр ирсэн тракторчин хожмоо Зэлтэр сумын дарга байсан ангийн анд Г.Бадарч, Сант сумын дарга байсан Г.Уртнасан гээд олон хүнээс асууж сураглалаа.

Энэ хүмүүсийн яриа, сонссон домгууд хоорондоо жаахан өөр ч бүгд л энд модгүй байсан, гэтэл мод ургасан, энэ мод Охиндийн булаг, Хөвсгөлийн Даян дээрхийн агуйтай хүйн холбоотой удган мод гэдгээрээ адилхан байлаа.

Үүнээс түүхийн шинжлэх ухааны доктор Өөлдийн Бавуу гуайд Шаамар нутгийн хамар Балдан гэдэг хүний ярьсан домгоор гол болгон бусад домогт байгаа санаагаар баяжуулан харвал ийм л домог юм.

Анх энэ дэвсэг ганц ч модгүй элсэн довцог байж гэнэ. Тэр үед Чингис хааны бага охин найманы Даянхааны хүүтэй хайр сэтгэлийн холбоотой болж, ураг барилдах гэтэл хаан зөвшөөрсөнгүй. Ингээд хайр сэтгэлтэй хоёр залуу сэм нийлээд оргосон тул Чингис хаан “зарлиг зөрчив” хэмээн их л хилэгнэн уурсаж хойноос нь хөөн үтэр түргэн баривчилан авчир гэж нэхүүл цэрэг мордуулжээ. Нэхүүл цэргүүд нөгөө хоёрыг хөөсөөр Шаамарын элсэн дэвсэг дээр гүйцэн бариад авах гэтэл тэр газраа мод болон ургачихаж гэнэ.

За энд мод болоод ургачихлаа яая даа гэж байтал нөгөө хоёр голын цаана гарчихсан явж харагджээ. Хойноос нь хөөж очоод баривчлах гэтэл булаг болоод урсчихаж гэнэ. За булаг болоод урсчихлаа яадаг юм билээ гээд харж байтал Сэлэнгэ мөрөн өгсөөд хөх борлог морьтой явж байна гэнэ. Хойноос нь хөөсөөр Хөвсгөл хүрч гүйцэн бариад авах гэтэл хад болоод ургачихаж гэнэ. Ингээд элсэн довцог дээр эхэлж ургасан эх мод буюу Ээж мод, элсэн довцгийг авгай дэвсэг, Охиныг барьж чадаагүй газрыг Охины хөндий, Булгийг Охиндийн булаг /Охины хөндийн булаг/, Даян хааны хүүг барьж чадаагүй газрыг Даян дээрх хэмээн нэрлэсэн юм гэнэ. Ингээд Даян хад нь зайран болж, Охиндийн булаг нь рашаан болж, эх мод нь Удган мод болж, газрын хүйсээр холбоотой байдаг гэсэн домогтой юм байна.

Чухам хэдийнээс тахиж ирснийг мэдэхгүй ч ардын хувсгалын партизан Жадамбаа “Намайг төрөөд мэдээ ороход л ээж мод гэдэг холоос харахад гараа алдлан өргөөд зогсож байгаа хүн шиг хэлбэртэй том мод байсан” гэж ярьдаг байжээ. Норов гуай ч мөн ийм юм ярина.

“Манай нутгийнхан хол ойр аян жин, ан гөрөөнд явахдаа ээж модондоо очиж хүслээ шивнэвэл зорьсон хэрэг бүтнэ” хэмээн сүсэглэн дээдэлж, очихдоо эрэгтэй хүн бол мориныхоо дэл сүүлнээс авсан туг үс, эмэгтэй хүн өнгө өнгийн мяндсан утас, хоргой торгоны өөдөс уяад ээжтэйгээ уулзаж байгаа юм шиг зовлон, жаргалаа хүнчлэн ярьж хүслээ хэлээд, авчирсан идээ будаагаа удган модондоо өргөн, өөрөө хувааж хүртээд морддог ёстой байсан юм.

Одоо засаг төрөөс хориод хүн амьтан ил очихоо байж. Далд нууцаар очиж, лам хараас сонссон янз янзын зан үйл хийж, элдэв юм зүүж бохирлоод бүр замбараагүй болжээ гэж билээ.

1960-аад оны үед юм байх. Зэлтэр сумаас аймгийн заан цолтой нэг сайн бөх, сум орон нутагтаа гайгүй сайн хурдалдаг соёолон морио хөтөлж Сэлэнгэ аймгийнхаа наадамд нэлээд дээгүүр санаа өвөрлөн иржээ. Аймгийн заан маань замдаа ээж модон дээр буугаад “Намайг сайн барилдуулж, морийг минь давхиулж өгөөрэй” гэж гуйж нэг шил архи тавиад мордсон юм байж. Гэтэл аймгийн заан маань хоёрын даваанд замын тууварчинд унаж, хурдан соёолон нь хадуураад барианд орсонгүй гэнэ. Их л уурласан аймгийн заан буцахдаа Ээж модон дээр жаахан халамцуухан буугаад “Таны нөгөө мэддэг чаддаг чинь хаана байна. Би ерөөсөө тавьсан архиа авна” гээд өвөртлөхөд хамт явсан хүн нь “Хүүе чи яаж байна” гээд ээж мод руу дохиход нь “Тоглосон юм” гээд буцаагаад тавьж байсан гэсэн хошин ч юм шиг яриа бий.

Мөн энэ үед ээж модон дээр хүмүүс ирж мөргөж залбираад байгааг зогсоохоор аймгийн намын хорооноос шийвэр гарган МХЗЭ-ийн хорооны дарга Эрдэнэбатад үүрэг өгч, Эрдэнэтбат нь Ээж модыг хөрөөдөж түлшиндээ хэрэглэ гэж цагдаагийн газрын даргадаа даалгаснаар дөрвөн залуу алдлаад зогсоход гар хүрэхгүй шахам бүдүүн, мөчир нь гэхэд гуалин шиг том хэдэн зуун жилийг элээж нар салхинд өгөршиж хувхайрч унах дөхсөн ээж модыг хэдэн хоригдол очиж хөрөөджээ. Хоригдлууд ч яахав дээд газрын тушаалыг биелүүлж байгаа болохоор хөрөөдөхдөө “Би хөрөөдөөгүй шүү ээж мод минь. Цагдаагийн газрын даргын тушаал” гэж ээж модондоо залбирсан юм гэнэ. Гэтэл удалгүй гай таарч эвлэлийн даргын ч гэл үү, цагдаагийн газрын даргын ч билүү эхнэр машины ослоор нас баржээ. Хүмүүс ч энэ золгүй явдлыг ээж модтой холбон ойлгож, ээж модыг шүтэн бишрэх явдал далдуур улам ихсэн хуучин ээж модны дэргэд байсан бүдүүн модыг ээж мод болгон сэргээжээ. 1980 онд аймгийн намын хороон дарга Ш.Гунгаадорж Шаамар сумын МХЗЭ-ийн даргад “Ээж модыг шатаа” гэж үүрэг өгсөн бөгөөд 11 эвлэлийн гишүүн залуу шатаасан боловч сүсэгтэн хүмүүс энэ модтой довцгийг “Авгай дэвсэг” гэж нэрлээд мод бүхнийг нь тахин хадаг яндар уяж сүү цацлаа өргөдөг болжээ.

1990 онд ялсан ардчилсан хувьгалын дараа шашин шүтэх явдал чөлөөтэй болж сүм хийд мөөг шиг олшрох үеэр ээж модон дээр очих хүмүүсийн цуваа ихэссэн хэрэг. Тэр үед би аймгийн соёлын хэлтэст ажиллаж байлаа. Нэг өдөр тэтгэвэртээ гараад Шаамарын тохойд хэдэн малтайгаа гарчихсан тухалж суусан Норов дарга Сүхбаатарын талбай дээр тааралдаад “За Сүхдоржоо ээж мод хогийн цэг боллоо шүү. Ингэж тахиж шүтэх гэж юу байх вэ. Хуучин уламжлалаар нь сэргээмээр байна. Соёлын хэлтэс нэг юм бодно байгаа” гэлээ. Энэ буурлын үгнээс гарах хүн хэн байх вэ. Ялангуяа, манай захиргааны хэд бол ёстой “нугасгүй” шүү дээ. Ингээд аймгийн соёлын хэлтсийн дарга И.Хуанганд хэлэхэд “Сүхээ багш та өөрөө төлөвлөөд зохион байгуулаад хийчих” гэж байна. Тэр дор нь гарч гүйгээд Мөнхбат даргатай уулзаж хоёул ээж модон дээр очлоо. Ээж мод гэж нэг их хадаг яндар бүс даавуу, нөгөөх л хөхөвч, дотоож зүүсэн, үс ноос нь зулмарч нэлмийсэн хаврын хатингар хөгшин ингэ шиг юм навсайж харагдана. Модны ёроолоор архины шил овоо шиг болж, элдэв идээ будааны үлдэгдэл хог хөглөрч, ялаа батгана дүнгэнээд, нохой шувуу гүйлдэнэ. Бас ч тэндээс хог түүдэг бололтой хэд гурван халтар хүүхэд, хүн ч явж байх шиг. Ингээд тэндээсээ буун Шаамарын тохой руу орж Норов даргатай уулзан ярилцлаа.

Тэрбээр “Юуны түрүүн сайхан цэвэрлэх хэрэгтэй байна. Тэгээд энд ирсэн хүмүүс ямар ёс жаяг барих талаар самбар дээр сайхан бичээд байрлуулчих гэлээ. Би хэлсэн ёсоор нь тэр өдөртөө жаахан төсөв гарган Хуанган даргаар батлуулж аваад аймгийн чуулгын зураач Ч.Нямсамбуугаар модон хөлтэй, ислэг хавтан самбар хийлгэн дээр нь зааврыг нь товчхон бичиж бэлдээд ээж модоо цэвэрлэх буянтай үйлсэд оролцохыг уриалж, автобус явна, сайн дураараа очих хүмүүс хүрз шуудай авч очоорой гээд зарлав. Гэтэл 20-оод хүн ирж, ингээд аймгийн соёлын хэлтсийн болон сумын захиргааны ажилчидтайгаа нэг бүтэн сайн өдөр чуулгын автобусаар очиж цэвэрлэсэн юм.

Тэр олон хүнээс ээж модон дээр уяж зүүсэн элдэв юмсыг гар хүрээд авчих хүн олддоггүй. Тэгтэл Норов дарга “Мөнхбат аа, Сүхдорж та хоёр л авч дээ” гэлээ. Үгүй гэх аргагүй. Би дотроо “Ээж модонд ингэж хамаагүй гар хүрч байж үр хүүхдэдээ гай болох вий “ гэсэн жаахан айдас сэжигтэй байсан ч зөвшөөрч “За ээж мод минь хүү намайгаа уучлаарай. Хүү нь таныгаа сайхан цэвэрлэж, цэвэр цэмцгэр, гоё сайхан ээж болгож аваад хуучин ёсоор тань торго магнагаар хувцаслаж өгөх гэж энэ юмыг тань авлаа шүү” гэж дотроо өөрийн сүжгээр, гаднаа наргиа аясаар хэлээд уясан хамаг юмыг нь авч дэргэд нь шатаалаа. Зарим нь гар хүрэх аргагүй бүр дээр өлгөж зүүсэн байх тул ээж мод өөд авирч зүтгэж гарч авлаа. Ингээд ээж модныхоо дэргэд “Ээж модоо цэвэрлэж, уламлал ёс заншлаар шүтэцгээе. Архины хоосон шил бүү орхи. Ёроолд нь чөтгөр шүгэлнэ“ гэсэн сурталчилгааны хоёр самбар босгоод буцаж билээ.

Тэр шөнөдөө би “Ээж модны мөчир бүр нь могой болчихсон, аварга том могой мод намайг ороож байна” гэж зүүдэллээ. Энэ тухайгаа эхнэртээ хэлбэл Баяраа сандран маргааш нь лам руу гүйснээ их л баяртай орж ирээд “Аа гэмгүй их сайн зүүд гэж байна. Ээж модны эзэн нь газар усны эзэн лус гэнэ. Лус савдаг чамайг ивээлдээ авсны тэмдэг гэж байна” гэлээ. Тийм ч биз, үгүй ч биз. Хэрэв лус савдаг гэдэг нь байдаг бол баярласан гэдэгт огт эргэлзэхгүй байна. Би 2020 онд хүнд хагалгаанд орохдоо Монголынхоо мөнх хөх тэнгэр, уул ус газар шороо, ээж мод, Өндөр хөхийгөөдөө залбираад орсон доо. Одоо сайхан илааршин эрүүл саруул болж, үр хүүхдүүд маань сайн сайхан яваа нь үүнтэй холбоотой болохыг үгүйсгэх аргагүй. 2007 оны сонгуулиар юм даа. Н.Чулуунхүү гавьяат нэг орой утас цохиод ээж модны дуу өнөө маргаашгүй хэрэгтэй байна гэлээ. Би тийм яаруу юм бичиж чадахгүй хүнд гай болох вий гэж бодоод жаахан цааргалан “Өө чи наанаасаа нэг хүнээр бичүүлчихээч” гэсэн чинь“Эд нар чинь ээж модыг мэдэхгүй. Чи бичээд өг” гэлээ. Хамтарч уран бүтээл хийдэг юм чинь “За“ гэхээс өөр аргагүй. Ингээд ээж модоо бодлоо. Нүдэнд аварга том могой мод мушгиралдсан олон могой мөчрөөрөө тэнгэр өөд тэмүүлэн залбирч байгаа юм шиг дүр сэтгэлд буулаа. Ингээд л шууд

Мөчрөө дэлгэн тэнгэрт тэмүүлсэн

Мөнх тэнгэрийн удган мод гэдэг мөр орж ирснээ цаашаа бадаг тэнгэрийн зарлигаар гэмээр нэг ч засваргүй хурдан бичигдсэн дээ. Шүлгээ явуулбал Чулуунхүү тэр дор нь ая хийн дүрсжүүлж, тэр үед нэр дэвшиж байсан нутгийн хүү Чулуунбат үгийг нь чулуун дээр сийлж Ээж модон дээр байрлууснаар дуу маань хөшөөнд мөнхөрсөн түүхтэй.

Нямжавын СҮХДОРЖ

Эх сурвалж: “Зууны мэдээ” сонин

Ээж модны домог буюу дуу бичсэн түүх
Tweet
Bolod.mn

Сэтгэгдэл (0)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Мэдээ
Гадаад мэдээ
Видео

Долдугаар сард ЦАГ АГААР ямар байх вэ?
13:17

Цаг уурын байгууллагаас долдугаар сард нутгийн өмнөд хэсэг болон говийн аймгуудын нутгаар бороо хур ихтэй байх төлөвтэй байгааг мэдээлжээ.

»»

BTS хамтлаг 2026 онд шинэ цомог, дэлхийн аялан тоглолтоор эргэн ирнэ
12:49

Мягмар гарагийн /2025.07.01/ орой Өмнөд Солонгосын алдарт BTS хамтлаг ирэх жил эргэн эрэлтээ хийнэ гэж Weverse

»»

Путин, Макрон нар гурван жилийн дараа дахин утсаар ярилаа
12:47

ОХУ-ын Ерөнхийлөгч Владимир Путин, Францын Ерөнхийлөгч Эммануэль Макрон нар долдугаар сарын 1-ний өдөр утсаар

»»

“Дээлтэй Монгол” наадам энэ сарын 8-нд болно
10:33

Нийслэлийн Засаг даргын тамгын газар, нийслэлийн Аялал жуулчлалын газар, Соёл, Спорт, Аялал жуулчлал,

»»

Дэлгүүрийн худалдагчийг зодсон эрэгтэйг 48 цаг саатуулжээ
09:06

Цагдаагийн байгууллагад энэ оны 06 дугаар сарын 27-ны өдрийн 22:40 цагт Дундговь аймгийн Сайнцагаан сумын 7-р багийн

»»

Нагоя башёд Монголын 20 бөх барилдана
08:45

Японы сумо бөхийн холбооноос ирэх сарын 13-нд эхлэх Нагоя башёгийн банцүкэг өчигдөр зарлаж манай улсаас 20 бөх дөрвөн зиндаанд зодоглох юм.

»»

Ой хээрийн хоёр түймрийг бүрэн унтраалаа
17:04

Өнөөдөр хоёр гал түймрийг бүрэн унтраасан талаар ОБЕГ-аас мэдээллээ.

»»

Өвөр Монголын цөлийг зассан туршлага
15:40

Энэ жил “Гурван умард” төсөл хэрэгжиж эхэлсний 47 жилийн ой тохиож байна. Хагас зуун жил үргэлжилсэн уйгагүй хөдөлмөрөөр Өвөр Монгол орон эх орныхоо хойд хилд нуршгүй ногоон хэрэм босгож, улс орны экологийн аюулгүй байдлыг үр ашигтайгаар баталгаажуулсан юм.

Харилцаа хамтын ажиллагаагаа гүнзгийрүүлж, Хятад Монголын найрамдлын түүхийг өгүүлнэ
15:39

6-р сарын 10-нд Хятад, Монголын хэвлэл мэдээллийн Хүбэй муж, ӨМӨЗО дахь хамтарсан сурвалжилгын арга хэмжээний нээлтийн үеэр Бүх Хятадын Сэтгүүлчдийн Нийгэмлэг болон Монголын СНЭ-ыэ дарга нар захидал илгээж, хамтарсан сурвалжилга амжилттай эхэлсэнд баяр хүргэжээ.

Хятад, Монголын хэвлэл мэдээллийнхний хамтарсан сурвалжилга эхэллээ
15:38

Хятад, Монголын хэвлэл мэдээллийн хэрэгслүүдийн Хүбэй, ӨМӨЗО дахь "Боломжоо хуваалцан, хамтдаа хөгжье" хамтарсан сурвалжилгын үйл ажиллагаа ӨМӨЗО-ны Тунляо хотод 6-р сарын 10-ны үдээс хойш эхэллээ. Энэхүү арга хэмжээг БХСН, БНХАУ-аас Монгол Улсад суугаа ЭСЯ, Монголын СНЭ хамтран гүйцэтгэж, ӨМӨЗО-ны Ардын засгийн газрын хэвлэл мэдээллин алба, Хүбэй мужийн Ардын засгийн газрын хэвлэл мэдээллийн алба хамтран зохион байгуулж буй юм.

Шэнь Миньжуань:Хятад, Монголын хүмүүнлэгийн солилцооны агуулгыг баяжуулж, найрамдлыг бэхжүүлнэ
15:37

БНХАУ-аас Монгол Улсад суугаа Онц бөгөөд Бүрэн эрхт Элчин сайд Шэнь Миньжуань Хятад, Монголын хэвлэл мэдээллийн хамтарсан сурвалжилгын арга хэмжээнд захидал илгээж, Бүх Хятадын сэтгүүлчдийн нийгэмлэг, БНХАУ-аас Монгол улсад суугаа Элчин Сайдын Яам, Монгол Улсын СНЭ, ӨМӨЗО-ны ардын засгийн газрын хэвлэл мэдээллийн алба, Хүбэй мужийн ардын засгийн газрын хэвлэл мэдээллийн албанаас хамтран зохион байгуулж буй Хятад, Монголын сэтгүүлчдийн Хүбэй, Өвөр Монгол дахь хамтарсан сурвалжилгын ажиллагаа эхэлсэнд баяр хүргэв.

Хятад улс сансар судлалын өдрөөрөө Хятад маягийн сансар судллын шинэ аяллаа эхлүүлэв
15:36

4-р сарын 24-ний өдөр бол Хятадын сансар судлалын арав дах өдөрлөг юм. Энэ өдөр мөн Хятад улсын анхны хиймэл дагуул "Дүнфанхүн-1"-ийг амжилттай хөөргөсний 55 жилийн ой юм. Энэ өдөр "Шэньжөү-20" нисэгчтэй сансрын хөлгийг хөөргөж, орчлон ертөнцийг судлах шинэ аяныг дахин эхлүүлсэн юм.

Өнөөдөр бид бүгдээрээ одон орон сонирхогчид болсон. 04-р сард бид сансрын нисгэгчиддээ хүндэтгэл үзүүлэх ёстой, уудам орчлонгийн нууцыг тайлж, сансрын нисгэгчдийн бичсэн хятад маягийн романтикийг мэдрэх ёстой.

Супер хиймэл оюун бүтээх лаборатори байгуулжээ
14:53

НЬЮ-ЙОРК, 2025 оны долоодугаар сарын 1 /Bloomberg/. Өгөгдсөн даалгаврыг хүний түвшинд эсвэл бүр илүү сайн

»»

Баяр наадмын нээлтийн тасалбар 07 сарын 02 буюу маргааш 07 цагаас худалдаанд гарна
14:31

Баяр наадмын нээлтийн тасалбар 07 сарын 02 буюу маргааш 07 цагаас худалдаанд гарна

»»

Ерөнхий Сайд Г.Занданшатар: Засгийн газар үнэнч, ил тод, хариуцлагатай байх зарчмыг тууштай баримтлана. Хөрөнгө оруулагчдад ээлтэй бодлого хэрэгжүүлж, тэдний эрх ашгийг хамгаалж ажилллана
13:57

Монгол Улсын Ерөнхий сайд Г.Занданшатар гадаад улсаас Монгол Улсад суугаа дипломат төлөөлөгчийн газар болон олон

»»

Ганцмод-Гашуунсухайт боомтын хил дамнасан төмөр замын шав тавилаа
12:55

Хятад, Монголын уламжлалт анагаах ухааны эмчийн ур чадварыг дээшлүүлэх сургалт болов
12:37

Эрч хүчтэй залуу насаа хайрлая
12:00

Найруулагч:	С.УРЬХАН
Эх сурвалж:	СОЛОНГО

Уламжлалт заслаар бяцхан охины ”Нойрмог”нүдийг сэргээлээ
11:50

Зохиогч:	Ц.Урантунгалаг,Б.Сурнаа
Найруулагч:	Б.СУРНАА
Эх сурвалж:	solongonews.mn

2025 онд ахмад настанд амралт, сувиллын үйлчилгээ үзүүлэх байгууллагын жагсаалт гарлаа
09:57

Ахмад настны тухай хуулийн 8 дугаар зүйлийн 8.1.2-т заасан эрхийн бичгийн хөнгөлөлттэй үнээр ахмад настанд амралт,

»»

Дональд Трампын дэвшүүлсэн хуулийн төслийг Маск дахин шүүмжлэв
09:25

Зургадугаар сарын 28-ны өдөр Америкийн бизнес эрхлэгч Элон Маск АНУ-ын Ерөнхийлөгч Д.Трампын дэвшүүлсэн "том мөртөө

»»

Аутизмын хүрээний эмгэгийн оношилгоог эрт илрүүлж, эмчлэх боломж нээгдлээ
15:34

”Монгол Улсад эмчлэгдэх боломжгүй өвчлөлийг бууруулах” бодлогын хүрээнд СЭМҮТ-ийн нарийн мэргэжлийн хүүхдийн

»»

Баруун Европ даяар хэт халж байна
15:25

БЕРЛИН, 2025 оны зургаадугаар сарын 30 /DW/. Өнгөрсөн амралтын өдрүүдэд Баруун Европын орнуудад агаарын хэм

»»

Blue Origin жуулчдыг сансарт аялуулжээ
12:44

НЬЮ-ЙОРК, 2025 оны зургаадугаар сарын 30 /TASS/. Америкийн “Blue Origin” компани сансрын дэд тойрог замд

»»

Хөх хот Улаанбаатар чиглэлд шууд нислэг үйлдэнэ
10:25

Хөх хот Улаанбаатар чиглэлд шууд нислэг үйлдэнэ

»»

Улаанбурханы товлолт дархлаажуулалтад бүрэн хамрагдаагүй хүүхдүүдийн гэрт нь очиж вакцин хийнэ
09:49

Улаанбурханы нөхцөл байдалтай холбоотойгоор дархлаажуулалтыг эрчимжүүлэхээр болоод байна.

»»

"Багийн бага сургууль"-д хувийн хэвшлийнхэн хөрөнгө оруулна
09:24

Боловсролын яам, НҮБ-ын Хүүхдийн Сангийн хамтын ажиллагааны хүрээнд хэрэгжүүлэх “Багийн бага сургууль” санаачилга албан ёсоор эхэллээ.

»»

"Түймрээр эхээсээ өнчирсөн хоёр янзагыг хариуцлагатай айлд хүлээлгэн өгнө"
09:16

Сэлэнгэ аймгийн Алтанбулаг сумын ойн түймэрт өртөж, эхээсээ өнчирсөн 2 янзагыг өөрсдийн нутагт нь амьдардаг

»»

С.Молор-Эрдэнэ Монголчуудтай “таарсан” анхны философич гэж үү?
08:58

Олон нийтийн анхаарлын төвд байдаг хүмүүсийн нэг бол философич С.Молор-Эрдэнэ . Тэрээр “Монголчууд анх удаа л

»»

“GEM Mall”-д эхнэрээ хутгалж хөнөөсөн хэрэг гарлаа
08:07

Өнөөдөр Баянгол дүүргийн 6 дугаар хорооны нутаг дэвсгэрт байрлах “GEM Mall” худалдааны төвд эмэгтэй хүнийг

»»

Дорнодын түймрийг унтрааж, Хөвсгөл, Сэлэнгэ, Булган аймагт гарсан 7 түймрийг цурамд оруулжээ
19:16

Дорнод аймгийн Баян-Уул сумын Өвөр эрээн багийн “Тарам” гэдэг газар өчигдөр буюу энэ сарын 26-нд гарсан ой,

»»

Ерөнхий Сайд Г.Занданшатар Хүнс, Хөдөө Аж Ахуй, Хөнгөн Үйлдвэрийн салбарын цаг үеийн ажлын талаар УИХ-д мэдээлэл хийлээ
19:14

Монгол Улсын Ерөнхий сайд Г.Занданшатар хүнс, хөдөө аж ахуй, хөнгөн үйлдвэрийн салбарын цаг үеийн

»»

Японд ажлаас үүдэлтэй сэтгэцийн өвчлөл дээд хэмжээнд хүрчээ
18:24

ТОКИО, 2025 оны зургаадугаар сарын 27 /NHK/. Японд ажилтай холбоотой сэтгэцийн эрүүл мэндийн асуудлаар

»»

Төр нийгмийн нэрт зүтгэлтэн Жамсрангийн Самбуугийн алдар гавьяаг мөнхжүүллээ
17:31

АРД ОЛОНДОО МОНГОЛ ТӨРИЙН МЭРГЭН ӨВӨӨ ХЭМЭЭН АЛДАРШСАН ТӨР, НИЙГМИЙН НЭРТ ЗҮТГЭЛТЭН

»»

Хятад-Төв Азийн олон улсын соёл аялал жуулчлалын анхны галт тэрэг Ши-Аниас аялж эхэллээ
16:23

Энэ онд Казахстаны "Хятадын аялал жуулчлалын жил" тохиож байна. Хятад, Казахстаны соёлын солилцоог дэмжиж, Хятад, Төв Азийн орнуудын дэд бүтцийн холболтыг гүнзгийрүүлэх зорилгоор өчигдөр Хятадын Ши-Ань хотоос Казахстаны Алматы хот чиглэлийн Хятад-Төв Азийн олон улсын соёл аялал жуулчлалын тусгай галт тэрэгний анхны галт тэрэг Ши Ань өртөөнөөс хөдөллөө. Тусгай галт тэрэг Шааньши, Ганьсу, Шиньжян зэрэг муж, өөртөө засах орныг дайран өнгөрч, Хоргос боомтоос хил гарч, 05-р сарын 31-нд Алматы хотод ирэх төлөвтэй байна.

»»

Долоодугаар сарын барилдааны хуваарь
16:03

Долоодугаар сарын 11-12-нд Ардын хувьсгалын 104 жилийн ой, Үндэсний Их баяр наадам хүчит 512 бөхийн брилдаан,

»»

НҮБ: Дэлхий даяар мансууруулах бодис хэрэглэгчдийн тоо нэмэгджээ
15:56

ВЕНА, 2025 оны зургаадугаар сарын 27 /DW/. Дэлхий дахинд тогтворгүй байдал нэмэгдэж буй энэ үед мансууруулах

»»

Хүний эрхийн дэд хороо: Гадаад улсад зорчиж буй, ажиллаж, амьдарч байгаа иргэдийн эрхийг хамгаалах чиглэлээр шийдвэр гаргав
13:48

БНСУ-д оршин суугаа иргэд болон хил, гааль дээрээс буцаагдаж байгаа, хүний эрхийн зөрчилд орж байгаа гэх мэдээллийн дагуу хэлэлцлээ.

»»

АНУ, Хятад улс худалдааны хэлэлцээр байгуулжээ
13:46

ВАШИНГТОН, 2025 оны зургаадугаар сарын 27 /TASS/. АНУ энэ сарын 25-нд БНХАУ-тай худалдааны шинэ

»»

Labubu хүүхэлдэй хэрхэн дэлхий нийтийг байлдан дагуулах болов?
11:43

Сүүлийн үед “Labubu” гэсэн нэрийг сонсоогүй хүн гэж бараг байхгүй болов уу. Гудамжинд зөрөөд өнгөрөх бараг хүн бүрийн

»»

Хуурамч зар байршуулан иргэдийг залилсан этгээдийг баривчилжээ
11:17

Мөрдөн байцаах албаны Залилах гэмт хэрэгтэй тэмцэх газар, Баянхонгор аймгийн цагдаагийн газрын алба хаагчид

»»

Х.Нямбаатар: Эвдэрсэн замыг гүйцэтгэгч байгууллагууд руу шаардлага хүргүүлэн өөрсдийн хөрөнгөөр нь засварлуулна
10:47

Дулааны шугам засах ажлын хүрээнд, нийслэлээс шинэчилсэн явган хүний болоод авто замуудыг хуулж, эргээд хучихдаа

»»

Өмнөговийн Гурвантэст үер бууж, 4 гэр, нэг машин усанд автжээ
10:25

Өмнөговь аймгийн Гурвантэс сумын Шугшаа, Мөргөцөг, Тост, Хөв, Мод үржүүлэг хорооллуудад 06.25-ны өдрийн 15:05-16-20

»»

Кенид улс даяар жагсаал болж, 16 хүн амь үрэгджээ
10:16

“Amnesty Kenya” байгууллага мэдэгдэл хийхдээ лхагва гарагт /2025.06.25/ улс даяар явагдсан засгийн газрыг эсэргүүцсэн

»»

Интерполын шугамаар эрэн сурвалжлагдаж иргэн “А”-г баривчилжээ
10:15

Мансууруулах бодис улсын хилээр хууль бусаар нэвтрүүлсэн гэх эрүүгийн хэрэгт Интерполын шугамаар олон улсын

»»

Төмөр замаар нүүрс тээвэрлэх урт хугацааны гэрээний "анхны тээвэр" хөдөллөө
10:05

“Монголын төмөр зам” ТӨХК болон “Чайна Энержи Коксжих нүүрс (Тяньжин)” ХХК хоорондын нүүрс тээвэрлэлтийн урт

»»

Д.Мөнх-Эрдэнэ, Ж.Энхжаргалан нарт оногдуулсан анхан шатны шүүхийн шийдвэрийг хэвээр үлдээлээ
08:43

Иргэн Д.Мөнх-Эрдэнэ, "Төв цэнгэлдэх хүрээлэн"-гийн гүйцэтгэх захирал Ж.Энхжаргалан нар нэг нэгэндээ салаавч гаргаж,

»»

Ерөнхий сайд Г.Занданшатар “Рио Тинто” компанийн Зэсийн группийн захирал Кейти Жаксоныг хүлээн авч уулзав
15:31

Монгол Улсын Ерөнхий сайд Г.Занданшатар “Рио Тинто” компанийн Зэсийн группийн захирал Кейти Жаксоныг хүлээн авч уулзлаа.

»»

Парист орсон хүчтэй аадар борооны улмаас RER галт тэрэгний буудал усанд автжээ
14:12

Парист орсон хүчтэй аадар борооны улмаас RER галт тэрэгний буудал усанд автжээ. Улсын хэмжээнд хэт халалтын улмаас аадар бороо үргэлжилж, сүүлийн өдрүүдэд агаарын хэм 40°C давжээ.