Өчигдөр Хөгжлийн банкны 80 хүн дөрвөн хуулийн этгээдэд холбогдох хэрэгт шүүх хурал шийдвэрээ танилцуулсан. Хөгжлийн банкны шүүх хурлаар манай улсын шүүхийн үнэн бодит нүүр царайг сайн харуулж авсан гэхэд хилсдэхгүй хэрэг болов. Учир нь Хөгжлийн банкны найдваргүй зээлдэгчдийн тоонд багтаж байсан улс төрийн хамааралтай нэг биш нэлээд хэдэн холбогдогчдыг шүүхээс гэм буруугүй хэмээн алх цохилоо. Нэг ёсондоо Монгол улсын шүүх бүхэл бүтэн 10 жилийн турш 32 хүн, дөрвөн компани л Хөгжлийн банкыг цөлмөчихсөн хэмээн үзсэн гэсэн үг юм.

Гэвч Хөгжлийн банкны сонсголоор хэн энэ мөнгийг хайр найргүй цацсан болохыг Монголын ард түмэн нүдээрээ харж, чихээрээ сонссон. Гэтэл эцэс сүүлд нь байдлыг хэдийнэ эргүүлхээ мэдсэн хэдэн улс төрчид маань шүүхээ хүртэл худалдаад авчихсан байна хэмээн ард иргэд хардаж байна. Өөрөөр хэлбэл “Чи энэнд зээл өг” гэж дарамталсан улс төрчид нь уснаас хуурай гарж, өнөө дарамтанд орж цаасан дээр гарын үсэг зурсан эдийн засагчид авралгүй хоцорч үлдэв. Харин зээл авч, үр ашиггүй захиран зарцуулсан, мөрийтэй казино тоголсон зэрэг хэд хэдэн нөхдийг осолдохгүй нэг юм тогтоолоо. Гэвч зээл авсан компани хэдий буруутай боловч зээл олгосон нөхөд нь ямар ч буруугүй хэмээн шүүх үзсэн нь хамгийн шүүмжлэлтэй асуудал байв. Хөгжлийн банкний зээлдэгсдийн 80 гаруй хувь чанаргүй байсан хэмээн өнгөрсөн хугацаанд бүхий л хэвлэл мэдээллийн хэрэгслүүд мэдээлж байсан. Гэвч өчигдрийн шүүх хурлаар нийт чанаргүй зээлдэгчдийн талаас илүү хувь нь гэм буруугүй хэмээн ялаас мултарлаа. Ийнхүүү монголын шүүх мөнгөтэй, эрх мэдэлтэй улс улс төрчдөд тал засаж, тэдний толгойг илж ажилдаг гэдгээ батлан харууллаа.

Ингээд шүүх дүгнэлтээ танилцуулан дараах этгээдүүдийг гэм буруутай болон буруугүйд тооцлоо.

Хөгжлийн банкны гэх Б.Батбаяр нарын 80 хүн, 4 хуулийн этгээдэд холбогдох эрүүгийн хэргийн шүүх хуралдаан 2023 оны дөрөвдүгээр сарын 17-ны өдрөөс эхлэн явагдсан бөгөөд шүүх хэргийн бодит байдлыг яллах болон өмгөөлөх талуудын эрх тэгш мэтгэлцээний үндсэн дээр шүүгдэгч хүн, хуулийн этгээд тус бүрийн гэмт хэрэг үйлдсэн гэм буруутай эсэх асуудлыг хэрэгт авагдсан нотлох баримтуудын хүрээнд бүх талаас нь шинжлэн судалж, нээлттэйгээр хянан хэлэлцсэн гэж мэдэгдлээ.

Ингээд шүүх шүүгдэгч:

Ц.Билгүүн, Д.Уянга, Т.Оюунчимэг, Б.Чинзориг, Т.Мөнхтулга, Т.Пүрэвсүрэн, Ч.Цоожсүрэн, С.Батзориг, А.Хүчитбаатар, Г.Гантогтох, Д.Бат-Очир, Ж.Үхэртар, Ж.Бат-Эрдэнэ, Б.Махбал, Ж.Оюунчимэг, С.Магнайсүрэн, М.Баярмагнай, Б.Амгалан, Ч.Отгочулуу, Ч.Нэргүй, М.Баянмөнх, Б.Найдалаа, Б.Лхагвасүрэн, Р.Батбаяр, М.Золжаргал, Г.Дашзэвгэ, Г.Одонтуул, Б.Батзаяа, О.Батбаатар, Д.Батбаяр, Ё.Доржсумъяа, Б.Цэрэндаваа, Ц.Цэвэгмэд, Н.Баярчимэг, Г.Санжмятав, М.Цэлмэг, Г.Галсанням, Ц.Содхүү, Н.Батбаяр, О.Хуягцогт, О.Баяр, Б.Цолмон, Ц.Ууганбаяр, Д.Даваасамбуу, Х.Ганхуяг, Г.Амартүвшин, Н.Алтанхуяг, Б.Баттөр нарыг гэмт хэрэг үйлдсэн гэм буруугүйд,

Харин шүүгдэгч:

Л.Аззаяа, Б.Батбаяр, Ч.Энхбат, Ч.Мөнхбаяр, Д.Цогтбаатар, Б.Будхүү, Б.Даажамба, Б.Чойжилжалбуу, Л.Мягмаржав, Д.Дэлгэрсайхан, Ж.Ганхуяг, Б.Шинэбаатар, Н.Мөнхбат, Э.Эрдэнэ, Ц.Баярсайхан, Г.Цолмон, Ц.Баатарбилэг, Х.Баттулга, Ш.Бүтэд, Н.Сүхболд, Т.Болдмаа, Б.Мөнхтөр, Г.Байгалмаа, Б.Батбаатар, Ч.Өлзий, Г.Батдорж, Я.Батцэцэг, Л.Ням-Очир, Э.Эрдэнэбилэг, Х.Бат-Эрдэнэ, П.Мягмардорж, Ё.Баатарбилэг, шүүгдэгч хуулийн этгээд “НВЦ” ХХК, “Инжир” ХХК, “Ганхүдэр Орд” ХХК, “Хааны харгуй” ХХК-иудыг гэмт хэрэг үйлдсэн гэм буруутайд тус тус тооцож шийдвэрлэлээ.

Шүүхээс шүүгдэгчдийн гэм буруугийн асуудлаарх дүгнэлт болон хохирол, хор уршгийн талаар гаргасан шийдвэрийг танилцуулсны дараа зарим шүүгдэгч болон тэдгээрийн өмгөөлөгчдөөс гэмт хэргийн хохирол төлбөрийг нөхөн төлөх хугацаа олгохыг хүссэн тул шүүх бүрэлдэхүүн энэ санал, хүсэлтийг хүлээн авч шүүх хуралдааныг ажлын 5 хоногийн хугацаагаар завсарлуулж эрүүгийн хариуцлагын шүүх хуралдааныг 2023 оны долдугаар сарын 03-ны өдрийн 14:00 цагт товлон үргэлжлүүлж явуулахаар шийдвэрлэв.

BOLOD.MN