Настнуудыг “намба алдуулсан” төрийн томчуудын золголт

2011-02-08

Монголчууд бид хатуу өвлийг өнтэй давж урин дулаан цагтай учран золгосны баяраа өргөн дэлгэр сайхан

тэмдэглэж, XVII жарны Илжгин хэмээх цагаачин туулай жилийг ёслол төгөлдөр угтан авлаа. Төрийн тэргүүн архигүй шинэлэхийг уриалж, үндэсний үйлдвэрлэгчид Эрээний эрээвэр хураавар бэлгээс татгалзаж, эх орны бүтээгдэхүүнээ дэмжихийг захисан нь өмнөх жилүүдийнхээс илүү амьдралд ойртож, ажил хэрэг болж буй нь ажиглагдаж байв.

Гэвч, энэ жилийн цагаан сараар манай төр, засгийн өндөрлөгүүд сар шинийн уламжлалт хэв маягийг ихээхэн эвдэж золгосон нь хөлсөж хөөрөлхсөн ахмадуудад битгий хэл хөндлөнгөөс харсан залуус бидэнд нэг л таатай санагдсангүй. Цагаан сарын баярын гол утга учир нь ахмад настнаа хүндэлж, ач буяныг нь өргөж, сургаал үгсийг нь сонсч, магнайн үрчлээг нь тэнийлгэн баярлуулах байдаг. Өнгөрсөн үеийн түүх, угтах ирээдүйн гүүр болсон олон сайхан буурлуудаа зорьдог заншлынхаа дагуу монголчууд эрт эдүгээ үеэсээ энэ л баяраар тэднийхээ өмнө мэхийн, бэлэг сэлтээ хүндэтгэн барьсаар ирсэн. Төр, засгийн ёсонд ч төр нь ард түмнээ дээдлэх ёстой болохоос зуу насалж зургаадай таяг тулсан буурлууд төр төлөөлсөн идэр эрсийг зорьж ирээд, сөгдөн мэхийх өнөөдрийнх шиг этгээд хачин жаяг үйлчилж байсангүй.

Өмнө нь төрийн гурван өндөрлөг жил жилийн сар шинээр 100 давж насалсан буянтай буурлуудад очиж золгодог байв. Зам хааж, хамгаалалтын дохио хангинаж, зочилсон айл нь хэвлэлийнхний хөлд дарагдан хүндлэх гэсэн биш хүндрүүлж дууслаа гэх шүүмжлэл гараад байхаар нь больсон бололтой. Гэхдээ жилдээ ганц тохиох сар шинээр 100 давж насалсан цөөхөн хэдэн буянтай буурлууддаа шоу хийж, сүр бадруулалгүйхэн шиг энгийн даруу очоод золгочиход болохгүй юм байхгүй л баймаар. Хамгаалагчдаар хүч зузаалж, хэвлэлийнхнээр сүр нэмсэнгүй гээд тэдний халдашгүй байдал алдагдаж сүйд болохгүй. Бэлгэдлийг боддог монгол ард түмэн сар шинээрээ төр, засгийн өндөрлөгүүддээ муу зүйл хийхгүй нь лавтай.

Муу хэлээд байдаг урд хөршийн дарга нар лав манайхан шиг настнаа дуудаж золгоогүй. Хятадын төрийн тэргүүн Ху Жинтао цагаан сарын баяраар улсынхаа хойд хэсгийн Хэбэй мужийн Баодин хотоор айлчилж холын тээвэрт явдаг автобусны баазад зочилсон. Мөн цэрэг, офицеруудтай банш чимхэж, Коммунист намын ахмад гишүүн, тосгоны иргэн Ян Дэшугийн гэрт очиж мэндчилгээ дэвшүүлсэн байна.

Тэрбум давсан хүнтэй гүрнийг удирдаж байгаа тэрбээр ийн зочлохдоо энгийн даавуун хүрмээр л гангарсан харагдаж байв. Үүнийг эс үргэлжлүүлж, үндсэн сэдэвтээ эргэн ороход энэ жил Төрийн ордонд золгосон ахмад дотор өндөр настай гэхээсээ өндөр албан тушаал хашиж явсан, эсвэл олны танил хүмүүс голлосон байв. Зуун насны сүүдэр зооглосон ахмадуудтай харьцуулахад тэд харьцангуй идэр харагдаж байлаа. Өөрсдөөс иь тамир тэнхээ сайтай, дүүмэд хүмүүс төрийн ордонд очиж төр, засгийн өндөрлөгүүдтэй биечлэн золгож байгааг зурагтаар харсан олонд танигдаагүй ч, урт насалж заяа буянаа тэгшитгэсэн буурлууд гомдсон нь лавтай. Тэдний гомдлыг Ерөнхийлөгчийн хүргүүлсэн гарын бэлэг тайлж чадсан болов уу.

Ерөнхийлөгчийнхөө гараас бэлэг авч, хацрыг нь үнэрлэх хувь олдсонд зуу настнууд маань бэлгэшээж, дахиад хэдэн жил амьдрах эрч хүч олдог ч байсан юм уу бүү мэд.

Насыг нь хүндэлж золгодог болохоос гар хөлийнх нь тамирыг, хашиж явсан албыг нь, олонд олсон алдрыг нь харж хундэтгэл үзүүлэх нь хаанахын ёс юм, бүү мэд. Шинэлэг юм сэдэж байна гээд төрийн ёсыг улам хүндрүүлж, настнуудыг мөлхүүлэн намба алдуулах нь өвлөж ирсэн монгол уламжлал биш л баймаар. Нөгөөтэйгүүр, төрийн их золголтыг болиулсан нь улсын төсвийн мөнгийг хэмнэж буй сайн хэрэг ч шинийн нэгэнд ганц золгоод өнгөрдөг байсан түшээд өрөөөрөөгөө хэсэн ажлын таван өдөр золгуут хийдэг зуршилтай болж орхисон. Хэт хичээхээр зарим юм өмнөхөөсөө дордох ч тохиолдол бий. Үүнийг монголчууд “нүдийг нь авах гээд нуухыг нь сохлох” хэмээдэг. Энэ жилийн бас нэг онцлог нь Ерөнхийлөгч, УИХ-ын дарга, Ерөнхий сайд нар гэргийгээ дагуулан Гандан хийдэд морилж, ард түмнийхээ өмнөөс Мэгжиджанрайсиг их бурханд мөргөн, Гүсэн тугийн мандал өргүүлдэг байсан ёсыг халсан явдал байлаа.

Үндсэн хуульд “Шашин нь төрөө дээдэлж, төр нь шашнаа хүндэлнэ” гэсэн заапт бий. Энэ талаас нь харвач төрийн өндөрлөгүүд биш тэдгээрийн Тамгын дарга нар морилон очдог болсон нь зүйтэй мэт. Гэвч шашны тэргүүнээ хийдийнх нь олбогоос хөндийрүүлж, өргөөндөө дуудан өөрсдийнхөө өмнө арц сан тавиулах нь “бурханд мөргөмүү, номд мөргөмүү, багшид мөргөмүү” хэмээн хүндэлж шинийн нэпшй өглөө ээждээ золгохын өмнө номын багшдаа эхлэн золгодог байсан уламжлалтай харгалдаж байх шиг. Шашин төр хоёр тусдаа байх ёстой. Гэхдээ үндэсний баяр ёслол, төр ёсны уламжлач, дэг жаягийг бодолцож шийдвэр гаргахгүй бол жилээс жилд үнэт зүйлээ гээж, өөрийн гэсэн болгоноо мартаж гажуудсаар байх болно.

Э. Адъяасүрэн
Эх сурвалж: “Монцамэ”

Настнуудыг “намба алдуулсан” төрийн томчуудын золголт
Tweet
Bolod.mn

Сэтгэгдэл (12)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
хаха

2011-02-09 | 16:12:56 | 180.235.182.79 |

Зочин
er ni iim shiidver gargasan ni zov shuu dee, khuuchnaaraa baisan bol bas l neg shuumj olood khelj l baigaa, saikhan l hinelsen shuu dee, ene baigaagaa ulam saikhan bolgood tsaashaa yaviya l daa, odoo jaakhan eruuleer setgie olon tumen mini, enkhbayar gedeg nokhor tsadaj khanaagui bas l yanz buriin gar khol bolson khumuusee yavuulaad baina uu?

2011-02-09 | 14:38:33 | 202.179.20.194 |

Зочин
Энхбаяр шиг айл айл хэсээд бэлэг горьдоод явж байдаг төрийн тэргүүн энэ дэлхийд байхгүй ичиж үхмээр. Элбэгээ зөв шийд гаргасан. Тэгээд ч ямар 15р зуун байгаа бишдээ. Шашнаар төрөө удирдуулаад байх ёстой юмуу? энэ тэнэг хөлсний бөгс сэтгүүлч та Энхбаярын бөгс долоогч ,сэтгүүлч нэртэй сэгэнцэр та жаахан ухаантай байж юм бичиж бай.

2011-02-09 | 01:59:05 | 79.197.202.20 |

Зочин
сүүлийн зочин та юун их мэдэмхийрэх юм. зөөлний тэмдэг гэж байхгүй болчихсон юмуу эсвэл.

2011-02-08 | 20:20:59 | 202.179.16.166 |

Зочин
элбэг дорж гэж исусчин шашин хийдийг мин доош ни чихэчээд бас замийн бугулрул гэнэ шу

2011-02-08 | 19:30:25 | 182.160.19.181 |

Зочин
Элбэгээ маш зов санаачлагууд гаргаж бн сайн бнаа эрөнхийлөгчөө гаргаж бга шийдвэрүүдийг н хурдан биэлүүлж ажилла монголчуудаа цаг хугацаа богино бн шуурхай хурдан хогжиж дээшил

2011-02-08 | 17:05:45 | 203.91.117.3 |

Зочин
Энэ жилийн төрийн золголтыг маш зөв зохион байгуулсан.Төрийн ордонд очиж золгох бол асар том хүндлэл, төрийн эрхэм нандин бүхэн тэнд бий,тэр бүхэнд шашны болоод ард түмний төлөөлөл очиж хүндлэл үзүүлэх нь зөв .Богд Жавзандамба ... гээд бүгд л настнууддаа бэлгээ явуулдаг байсан гэсэн ,тэр чинь том хүндэтгэл шүү дээ Төрийн тэргүүнүүд ордноо эзгүй орхичихоод айл хэсээд явж байх нь хэр зохимжтой байх ... гээд яриад байвал зөв л байж таарна даа

2011-02-08 | 17:04:40 | 202.179.27.184 |

Зочин
зовоо айл хундоруулж настануудтай золголт хийх дэмий боон хамгаалалт суртэй юм билээ болиулсан н зовоо

2011-02-08 | 17:00:15 | 203.91.117.3 |

Зочин
сайхан шинэлцгээв үү энэ жилийн төрийн золголт маш зөв болсон шүү төрт ёсоо хүндлэж дагах нь ард түмэн бидний үүрэг хүн бүрийн аяыг дагадаг юм гэж юу байсан юм бэ монголчууд даваруу шүү харинч одоо ёс жаягаа овоо мэдэрч байгаа шүү цаашдаа улам замбараатай төр нь төр шиг ард нь ард шиг амар амгалан амьдарцгааялдаа хүмүүсээ

2011-02-08 | 15:47:29 | 202.179.23.187 |

Зочин
Нутааг нэгтнээ магтаж, манийгаа доош хийжээ

2011-02-08 | 10:47:41 | 202.131.229.218 |

Зочин
Нэг цэцэн уг xэлж мэдэxгүй байж ,xүн шүүмжлэx дуртай,Нууxийг ни аваx гээд нүдийг ни соxлов. сайн унш.... номоо...

2011-02-08 | 10:42:06 | 75.62.181.90 |

Зочин
сайхан шинэлцгээсэн үү.миний монголын ард түмэн мин ээ. уул н зөв сэдэв хөндөж ээ энэ сэтгүүлч.өөрөө бас монголынхоо сайхан зүйр цэцэн үгийг сайн сурмаар юм уу даа.уул н НУУХИЙГ Н АВАХ ГЭЭД НҮДИЙГ Н СОХЛОХ. гэдэг байсан юмсан даа.

2011-02-08 | 10:31:55 | 71.194.177.57 |

Мэдээ
Гадаад мэдээ
Видео

Архив ангилал

Настнуудыг “намба алдуулсан” төрийн томчуудын золголт

Сэтгэгдэл (12)