Мэргэжлийн сүмо төдийгүй Японы нийгмийг цочоогоод байгаа найрааны хэрэг санамсаргүй гэж хэлж болохоор эхэлсэн билээ. Өнгөрсөн жилийн бейсболын бооцооны хэргээр шалгагдаж байсан хоёр бөхийн гар утасны устгасан мессежийг Цагдаагийн газрынхан сэргээсэн. Хамгийн шударга гэгддэг сүмогийн бөхчүүд найраа хийдэг байсныг нотолсон мессеж тэндээс олдсон байна.

Өнгөрсөн оны III-VI сарын хооронд бичсэн 50 гаруй мессежинд макүүчи, жюүрёо зиндааны дөрөв, макүшита зиндааны нэг болон зодог тайлсан таван бөхийн нэр дурдагдсан байлаа. Мөн цагтаа комүсүби, жюүрёо байсан хоёр ояката ч нэр холбогдоод авав. Цагдаагийн газраас энэ талаар Сүмогийн холбооны харьяалагддаг Боловсролын яаманд мэдэгдсэнээр хэрэг эхэлсэн. Сүмогийн холбооноос бөхчүүдийг дуудан учрыг тодруулахад эхэндээ бүгд эрс эсэргүүцэж байлаа. Гэвч найраа хийж байсныг нь нотолсон баримт байсан тул яаж ч чадалгүй гурван бөх хэргээ хүлээсэн билээ.

МЕССЕЖЭНД ЮУ БИЧИГДСЭН БАЙВ?

Бөхчүүдийн найрааны зуучлагч нь санданмэ зиндааны бөх Энацүкаса байлаа. 31 настай тэрбээр хэдий зиндаа доогуур ч нөлөө ихтэй ахмад бөхийн тоонд ордог байв.

Касүганишикигээс Энацүкасад “Би Ямамотоямад л унаж өгөх ёстой бил үү?

Харин хэнээс авлагатай вэ? Тоёозакүра, Широнами, Вакатэнро нар шиг санагдаад байна.

Кайхо сантай ямар ч өргүй биз дээ? Унаж өгөх боломжгүй бол мөнгөөр л авна даа” Касүганишики

- Киёосэүми “200000 иенээр болж байна уу?

” Киёсэүми- Касүганишики “Маргааш тачиай хүчтэй хийгээд дайраарай” Касүганишики - Киёсэүми “Удаан барилдана шүү” Киёсэүми- Касү -ганишики “Ирэх тэмцээнд унаж өгөх боломжгүй бол 200000 иен авмаар байна”

Касүганишики - Киёсэүми “Түр хүлээж бай. Башё дуусахаар 700000 иений тооцоо байгаа. Дуусахаар нь чамд мэдэгдье” Киёсэүми- Касүганишики “Хэлсэндээ хүрэх юм бол бэлнээр нь авмаар байна” Касүганишики- Энацүкаса “Бэлэн мөнгөгүй болчихлоо. Чи зохицуулаад банкны дансанд маань шилжүүлчих. Өнөөдөр би унаж өгсөн. Маргааш ч гэсэн унахаас өөр аргагүй болчихоод байна” Энацүкаса- Касүганишики “Нөгөөх чинь цүппаридаад дайрна шүү. Тэгэхэд нь тог тоогоод баруун мавашины барьц аваад ёрикири хийвэл дээр байх” Энацүкаса- Чиёхакүхо “Маргааш ямар мэх хийх гэж байна?” Касүганишики- Энацүкаса “Киёсэүмигээс авах авлагаараа Тоёозакүраг ялж болох нь үү, асуугаарай” Мөн хэнд бичсэнийг нь зарлаагүй мэйл ч байгаа аж. “Жюүрёогийн дээд хэсгийн хэн нэгэнтэй нь таарвал найрахгүй л бол балрах гээд байна”, “Өнөөдөр баярласан шүү. Сайхан амраарай”, “50000 иен байна уу?”, “Шёотэнро найраанд орохгүй байна яах вэ” гэх мэт баримтууд олджээ.

НАЙРААНЫ ХЭРЭГТ ХОЛБОГ ДОГСОД

Касүганишики- одоо Такэнава ояката Кайхо- одоо Танигава ояката Макүүчи зиндаа – Шёотэн - ро, Коорюү, Тоёозакүра, Ши - мо тори, Вакатэнро, Кёкү - нинкай. Жюүрёо- Чиёхакүхо, Киёсэүми. Макүшита- Ямамотояма, Ширононами. Санданмэ- Энацүкаса Монголын хоёр бөхийн нэр дурдагдсан ч Шёотэнрогийн хувьд “Шёотэнро найраанд орохгүй байна” гэсэн ганц мессежэнд л нэр нь гарчээ. Сүмогийн холбооноос дээрх бөхчүүдийг дуудан шалгахад Чиёхакүхо, Касүганишики, Энацүкаса нар хэргээ хүлээсэн байна. Чиёхакүхо зодог тайлах өргөдөл гаргасан ч Холбоо хүлээж авсангүй, мөрдлөг дуусахаар Сүмогийн холбооноос үүрд хөөх шийтгэл оноох гэнэ.

Одоогийн байдлаар Киёсэүми хэргээ хүлээхгүй байгаа ч мэйлээс харахад найраанд гүнзгий оролцож байсан нь мэдэгдэж байгаа тул Холбооноос түүнийг хөөхөөр болоод байгаа.

Бусад бөхийн хувьд цагдаагийн газраас тэднийг гар утас, компьютероо шалгуулахыг шаардаж байна. Гэвч зарим нь утсаа хаячихсан, шинэ утастай болсон, эхнэр эвдчихсэн зэрэг шалтаг хэлээд байгаагаас мөрдөн шалгах ажил удааширч байгаа аж. Тиймээс тавдугаар сарын тэмцээн ч болох эсэх нь тодорхойгүй байна.

Нэр нь дурдагдсан зарим бөх сэтгүүлчдээс зугтаж байгаа бол зарим нь нэрээ цэвэрлэхээр зүтгэж байна. Шёотэнро сэтгүүлчдэд “Би хэзээ ч найраа хийгээгүй. Ояката намайг хийгээгүй гэдгээ бардам хэлчихээд ир гэж явуулсан” гэж ярьсан бол Коорюү “Хий хоосон яриа. Намайг найраа хийгээд явдаг гэж хэн итгэх вэ” гэжээ. Харин Ширононами “Найраа хийж байсан уу гэж асууж байна лээ. Ёстой үгүй гэж хариулсан. Би ямар ч буруугүй. Аав ээж, найз нөхдийнхөө нүүрийг яаж харах болж байна” гэжээ. Кёкүнинкай “Надад хамаагүй” гэж хариулсан байна. Харин Холбооноос цолтой бүх бөхчүүдийг шалгаж эхлэхээ зарлажээ.

ТАКАДАГАВА: ГЭДСЭЭ ХҮҮЛЦГЭЭ, МУУСАЙН НОВШНУУД

Цагтаа Акиношима нэрээр сүмогийн ертөнцөд бужигнуулж явсан Такадагава ояката найраа хийгчдэд ихэд уурлаж байна. Гуравдугаар сарын тэмцээнийг зохион байгуулахаа больсон талаар сонссон Такадагава “Найраа хийдэг хүмүүс одоо шууд зодог тайлах хэрэгтэй. Найраа хийдгээ хүлээсэн бөхчүүл гэдсээ хүүлж, харакири хийгээд үхвэл таарна” гэж сэтгүүлчдэд яриад “Сүмо бөх сөнөлөө” хэмээн нулимс унагаасан байна.

КАСҮГАНИШИКИ БУСДЫГАА ЧИРЭХ БОЛОЛТОЙ

Найраа хийж байснаа хүлээн зөвшөөрч, Сүмогийн холбооноос хөөгдөөд байгаа Касүганишики буюу Такэнава ояката гэрийнхэндээ “Энэ маягаараа салчихгүй шүү. Найраанд оролцдог бөх дахиад хэдэн арав ч бий” хэмээн хэлснийг сэтгүүлчид олж мэджээ. Одоо түүнийг дахиад баахан бөхийн нэр хэлж олныг чирэх вий хэмээн Холбоо ч, сүмочид ч айн, сэтгэл түгшин ажиглаж байна. Сүүлийн хэдэн жилд хэрэг төвөг ихсэн, хөөгдсөн бөх олон гарсан тул “Сүмогийн холбооноос хөөгдсөн бөхчүүдийн холбоо” байгуулах хөдөлгөөн ч гараад байгаа гэнэ. Гуравдугаар сарын тэмцээн больсноор 15 сая долларын алдагдал хүлээнэ гэх Сүмогийн холбоо найраа хийсэн дөрвөн бөхөө хөөчихөөд байгаа бөгөөд дахин хэдэн бөх халагдах бол гэдэг олны сонирхлыг татаж байгаа. Гэмт хэрэгтэн мэтээр Холбооноос хөөгдсөн Касүганишики холбооныхоо эсрэг босож магадгүй байна. Тэрбээр гэрийнхэндээ “Намайг муу хүн мэтээр харуулахыг оролдож байна. Надад ч гэсэн хэлэх үг бий. Найраа хийдэг хэдэн арван бөх байгааг би мэднэ” хэмээн уурлан ярьсан гэнэ.

Энэ бол биднийг хөөгөөд л асуудлаа шийдсэн гэж үзэж байвал алдаа болно шүү хэмээн Холбоог заналхийлж байгаа хэрэг юм. 2008 онд хар тамхины хэргээр хөөгдсөн Ваканохо “Бөхчүүдийн 75 хувь нь найраа хийдэг” гэж ярьсан удаатай. Хэрэв хөөгдсөн бөх болгон найрааны талаар илчлээд яриад эхэлбэл Сүмогийн холбоо бөхгүй болох аюул ч тулгарч мэднэ. Түүнээс гадна хар тамхи, бооцооноос болж хөөгдсөн бөхчүүд нийлэн холбоо байгуулж ч магадгүй болоод байна. Жирийн хүнд ажил олдохгүй хямралтай энэ үед сүмогоос хөөгдсөн “нийгмийн дайсанд” ажил олоход бэрх. Тэгвэл орос ах дүү Рохо, Хакүрозан нарыг дуудаж Котомицүкигээр удирдуулан мэргэжлийн бөх, нохой зодоонд хүч үзэж мөнгө олох арга л тэдэнд үлдээд байна гэхэд болно.

Өнөөдөр