Архив ангилал

өдрүүд”-ийг зохион байгуулсан бол энэ удаа хоёрдугаар сарыг “Гэгээн валентины өдөр”-тэй холбогдуулан залуусдаа зориулан “Хайрын жүжгийн өдрүүд”-ийг явуулахаар төлөвлөөд байна.
Мөнхийн хайрын дуулал “Гоо марал-2010” наадмын шилдэг шагналыг хүртсэн В.Хюго “Парисын дарь эхийн сүм”, В.Красногоров төслийн шилдэг жүжгүүд

“Би ч гэсэн жаргамаар байна”, “Хайрын домог”, “Хунгийн дуу”, нэгэн цаг үед залуусын зүрх сэтгэлийн байлдан дагуулж байсан хэзээ ч хуучрахгүй хайрын дуулал Ц.Балдоржийн “Хайрын виз”, М.Себастианы “Нэргүй од” зэрэг уянгийн драмын жүжгүүдээ 2011 оны 2-р сарын 11-нээс 14, 23-наас 27-ны өдрүүдэд 19.00 цагаас үзэгч олондоо өргөн барих гэж байна.

Цагаа олсон олон сюрпризүүд та бүхнийг хүлээж байна.
Хайртай хүнтэйгээ хамтдаа оюуны алжаал тайлж, манай театрт тавтай морилж, таалан саатна уу.

“Хайрын жүжгийн өдрүүд”-ээр тоглох уран бүтээлийн товч танилцуулгууд:

В.Хюго “Парисын дарь эхийн сүм”

-2 дугаар сарын 11-нд 19:00
-2 дугаар сарын 12-нд 19:00

В.Красногоров “Би ч гэсэн жаргамаар байна”

-2 дугаар сарын 13-нд 19:00
-2 дугаар сарын 14-нд 20:30

В.Красногоров “Хайрын домог”

-2 дугаар сарын 14 18:00

М.Себастианы “Нэргүй од”

-2 дугаар сарын 23 19:00

Ц.Балдоржийн “Хайрын виз”

-2 дугаар сарын 24-нд 19:00
-2 дугаар сарын 25-нд 19:00

В.Красногоров “Хунгийн дуу”

-2 дугаар сарын 26-нд 19:00
-2 дугаар сарын 27-нд 19:00

В.Хюго “Парисын дарь эхийн сүм”

Эх зохиолоос жүжгийн зохиол гаргасан Р.Батсайхан
Найруулагч Н.Наранбаатар
Зураач Т.Ганхуяг
Хөгжмийн зохиолч С.Гантөр
Туслах найруулагч Э.Батхүү

Гол дүрд :

Эсмеральда У.Уранчимэг, Г.Отгонцэцэг
Квазимодо Г.Эрхэмбаяр, С.Болд-Эрдэнэ
Фэб-Г.Амгаланбаатар, М.Түвшинхүү
Хамба лам Фролло П.Цэрэндагва, Г.Эрдэнэбилэг
Клопен Труйлфу Б.Жаргалсайхан

Францын алдарт зохиолч Виктор Хюгогийн 1831 онд бичсэн “Парисын эх дагинаны сүм” хэмээх энэхүү алдарт бүтээл өнөөдөр ч үнэ цэнээ алдалгүй амьд хэвээр оршин байж, аугаа их хайр дурлалын мөнхийн дуулал болсоор байна. Мари Дарь эхийн дурсгалд анхлан зориулан босгосон уран барилгын хосгүй үнэт цогцолбор болох Парисын “Дарь эхийн сүм” өөрийн үнэ цэнээс гадна өөр нэгэн үнэ цэнэтэй урлагийн бүтээлийг хүн төрлөхтөнд өгсөн нь Виктор Гюгогийн туурвин бүтээсэн “Парисын эх дагины сүм” хэмээх алдарт зохиол билээ. Магадгүй эх дагины сүм Парис хотод сүндэрлээгүй бол зохиогч энэхүү бүтээлээ бичихгүй байсан байх. Магадгүй тэр сүмийн харанхуй хануудын нэгэн дээр Апагкн буюу Хувь заяа гэсэн тэрхүү сийлбэр бичээс байсныг зохиог олж хараагүй байсансан бол энэхүү зохиол ч бас бичигдэхгүй байсан биз ээ. В.Хюго ун бүтээлийнхээ өмнөтгөлд “Ананкэ” гэсэн үгнээс үндэслэн энэхүү номыг зохиов” хэмээсэн байдаг. “...Квазимодог Эсмеральдын үхсэн ч гэлээ гоо үзэсгэлэнгээ алдаагүй шарилыг тэвэрсээр явж одоход хэн ч саад болоогүй юм. Тэрнийг хаашаа явсныг хэн ч мэдээгүй. Тэр ул мөргүй алга болсон. Гэвч би өнөөдөр нүгэлт шарил ухагчдын ачаар учрыг мэдэж авлаа. Эсмеральдын цогцсыг тас тэврэн хэвтэх Квазимодог олж авлаа. Тэр бол жинхэнэ агуу хайрын эзэн байж. Хүн төрөлхтний түүхэнд ийм чин хайр, тууштай үнэнч сэтгэл өөр байхгүй биз” хэмээх төгсгөлийн өчилтэй ариун хайр сэтгэлийн үнэнч дуулал болсон энэхүү зохиол нь УДЭТ-ын тайзнаа жүжиг болон тавигдсан билээ.

В.Красногоров “Би ч гэсэн жаргамаар байна”
Нөхөр С.Болд-Эрдэнэ
Түүний эрэгтэй найз-Б.Тамир
Эхнэр-У.Уранчимэг
Түүний эмэгтэй найз-Т.Хулан

Орчин үеийн гэрлэлтийн судалгааг гялалзсан, гашуун бөгөөд маш инээдтэй инээдмийн жүжгийн аргаар харуулжээ. Польш болон Чехийн шүүмжээчид ”энэ хөгжилтэй ч гэсэн урьдчилан сануулсан мэргэн ухаантай жүжгийн гүнзгий утга санааг болон хурц ёжлолыг, бас түүний “гайхалтай зохион байгуулалт болоод гялалзсан харилцан яриануудыг” тэмдэглэсэн байдаг. А.Ширвиндт “Орчин үеийн драматурги” сэтгүүлд хэвлэгдсэн энэ жүжгийн урьтал үгийг ийм үгээр төсгөсөн билээ:”Хэрвээ та толиноос айдаггүй бол түүнд харах гэж яар”.
Утга санаа: Нөхөр эхнэр хоёр өөрсдийн хоёр найзаа (эрэгтэй болон эмэгтэйг) үдэшлэгэнд урьдаг. Энэ дөрөв дөрвүүлээ хоорондоо их бэрх харьцаатай, тэгээд бүгд л хувь заяагаа шийдэхийг хүсдэг: өнөөдөр эсвэл хэзээ ч үгүй.
Сайхан инээдмийн жүжиг бичнэ гэдэг бол бичихэд хэцүүтэйгээ адил хүсэл татсан ажил билээ. “Одойчуудын жагсаал” бол энэ даалгаварыг биелүүлсэн гялалзсан шийдлийн нэг нь юм. Энэ жүжгийн сэдвийг ер бусын гэж нэрлэх аргагүй юм: зүгээр л гэр бүлийн хямрал. Гэхдээ зохиогч үүнийг нийгмийн чухал үйл явдал гэж хардаг, түүнийг онигоо болон хувиргаагүй, сэтгэл шимшрүүлмээр уянгын драм болгоогүй. Тэр эхлэл, хямрал болон төгсгөл гэх уламжлалт зохион байгуулалтыг энэ жүжигтээ ашиглаагүй, гэхдээ энэ нь бидний нүдэнд нягтаршуулсан өдөр тутмын зүйлийг харуулдаг. Энэ их инээдтэй ч гэсэн нэгэн зэрэг сургааль айлдсан жүжиг юм. Сайтар бодсон сэдэв, оч хаялсан ёжлолтой харилцан яриа нь үүнийг жүжигчид болон үзэгчдэд сэтгэл татмаар болгодог. Жүжгийг уншсан юм уу эсвэл тавьсан жүжгийг үзсэн хүн болгоныг, түүний баатруудаар өөрийгөө танина гэдэгт итгэлтэй байна. Хэрвээ та толиноос айдаггүй бол түүнд харах гэж яараарай!

“Хайрын домог”

Зохиолч В.С.Красногоров
Найруулагч Ч.Найдандорж
Зураач Т.Түмэн-Өлзий
Дүрд
Олег С.Ариунбямба
Наташа Г.Отгонцэцэг
Зөөгч Б.Жаргалсайхан

Сүйт бүсгүй Наташа хүн бараг амьдардаггүй шахуу бөглүү газар хурим хийхийг хүссэн тул сүйт залуу Олег аргагүйн эрхэнд дурамжхан даган ирдэг. Амьдралд тохиолдох аз жаргалтай тэр нэгэн үйл явдал болох цаг арай болоогүй тул ямар ч үйлчлүүлэгчгүй нэгэн кафед хос хоёр сууна.
Эзгүй гэмээр тэр кафен зөөгч болох ноорхой хувцастай нэгэн эр хос хоёрын хүсэлтийн дагуу кофе авчирч өгөх ч ганцхан хүүхэнд авчирсан байлаа. Олон түмний анхааралд байж сурсан залууд мэдээж энэ байдал таалагдсангүй. Ингэж ноорхой хувцастай зөөгч хос хоёрт хаа сайгүй байдаг бусад шиг хүн биш гэдгээ харуулахын зэрэгцээ сүйт залуугийн хувьд эсрэг хүн нь болдог.
Харин сүйт бүсгүйн тухайд анх кофе авчирч өгснөөс эхлэн ноорхой хувцастай зөөгчийн үг, үйлдэл бүр хором хугацаа өнгөрөх тусам бүсгүйд таалагдаж, түүнд татагдаж байв. Эцэст нь хүүхэн сүйт залуугаа солих хүртэлх сонирхолтой, адармаатай хэрнэ хүний сэтгэхүйн нарийн үйлдлүүдийн тухай жүжигт өгүүлнэ.

“Хунгийн дуу”

Зохиолч В.С.Красногоров
Найруулагч Б.Мөнхдорж
Зураач Т.Аянга

Гол дүрд

Роман П.Цэрэндавга
Анна Н.Сувд
Виктор Г.Мягмарнаран
Ирина Доржийн Ганцэцэг
Ичимхий Г.Урнаа
Зоригтой Б.Эрдэнэцэцэг
Ухаантай Г.Урнаа
Насанд хүрсэн Б.Эрдэнэцэцэг
Эв Дүйгүй Г.Урнаа
Ургуулан бодох чадваргүй Б.Эрдэнэцэцэг
Сүүлчийнх Г.Урнаа

“Хунгийн дуу” жүжигт 50-60 насанд хайр дурлалтай учирч байгаа театрын алдартай найруулагч, алдартай жvжигчин, математикч гурвын сэтгэлийн ариун нандин торгон мэдрэмжvvдийг өгvvлнэ.
Жүжиг санаанд оромгүй инээдмийн болон уянгын шинж чанарыг нэгтгэснээс гадна үйл явдал нь хоёр чиглэлээр өрнөдөг. Нэг чиглэлийн гол баатар нь уран бүтээлийн гацаанаас гарах гэсэн найруулагч. Нөгөө нь сүүлчийнхээ дурлалтай учирсан, нэрт жүжигчин эмэгтэй. Энэхүү жүжигт хүний хүнлэг сайхан сэтгэл, хүсэл мөрөөдөл, гэгээн хайрын тухай өгүүлнэ. Жүжиг харамсалтайгаар төгсдөг ч хунгийн дуу, сэтгэлийн дуу, тэр ч бүү хэл уран бүтээлийн зам нь мөхөөгүй жүжигчний сэтгэлд байгаа сайхан бүхэн нь мөнхийн байх ёстой гэсэн санааг өгүүлнэ. Эдгээр дүрүүдийн үйл явдалаар дамжуулан зохиолч сэтгэл зүйн ямархан нарийн торгомсог асуудлыг хөндөж буйг та жүжгийг үзээд мэдрэх болно.

М.Себастианы “Нэргүй од”

Орчуулагч Б.Батсайхан
Найруулагч Н.Наранбаатар
Хөгжмийн зохиолч Л.Балхжав
Зураач Т.Ганхуяг

Гол дүрд

У.Уранчимэг
Б.Отгонбат
М.Түвшинхүү
МУАЖ П.Цэрэндавга
МУГЖС.Сарантуяа
МУГЖ С.Дамдин

Энэхүү жүжигт хүн төрөлхтөний мөнхийн сэдэв болсон хайр дурлалын түүхийг өгүүлэхийн дээр өнөө үеийн эмзэг сэдэв болсон баян хоосны ялгаа, эмэгтэй хүний гоо сайхан, дотоод ертөнц, хүсэл мөрөөдлийн тухай өгүүлнэ. Хүний мөн чанар хэрхэн үгүй болж байгаа тухай сэдвийг хөндөж энэ цаг үед нийгмийн манлайлагч болсон сэхээтэн оюунлаг хүмүүсийг хаяж, бизнесмэн хэмээх хөрөнгө мөнгөний сонирхолтой хүмүүсийг илүүд үзэх болсныг энэхүү жүжиг нь шүүмжлэлтэйгээр харуулдаг билээ.

Ц.Балдорж “Хайрын виз”

Найруулагч Н.Наранбаатар
Хөгжмийн зохиолч Л.Балхжав

Гол дүрд

Г.Мягмарнаран
Б.Нармандах
С.Болд-Эрдэнэ
Г.Амгаланбаатар
Д.Ганцэцэг

Орчин үеийн нийгмийн тухай хөндөж бичсэн энэхүү жүжиг нь хайр сэтгэлийн ариун явдалд нийгэм, хүмүүсийн нөлөө хэрхэн гүн тусч, хүмүүс хэрхэн бие биеэсээ төөрч, жинхэнэ хайр сэтгэлээсээ холдож болохыг өгүүлсэн юм. Жүжгийн гол дүрүүд хайр сэтгэлээ хүлээн зөвшөөрөлгүй зөвхөн аж амьдралын түмэн бэрхшээлээр шалтаг хийн холдон оддогийг шүүмжилж, орчин үед ч гэсэн хүний чин сэтгэл, хайр дурлал хэзээ ч үл гарах виз төдий зүйл биш юм гэсэн санааг өгүүлнэ. Зөвхөн та, та л хайр сэтгэлийнхээ визийг өөрөө дурайтал нь даран хайртай хүндээ итгэлтэйгээр хэрхэн очиж болох тухай өгүүлнэ.

Хоёрдугаар сард УДЭТ-ын тайзнаа “Хайрын жүжгийн өдрүүд”
Tweet
Bolod.mn

Сэтгэгдэл (2)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
ENE ALTANHUYAG DURVUD NUHUR GADAGSHAAR GARAH BAILGUI DEE YAGAAD GEVEL MONGOLD IH NUGEL UILDEJ BNA SHUU DEE EZEN NI ZORGIIG ALSAN NOHOR ELBEGDORJ

2013-12-06 | 14:45:37 | 118.45.0.124 |

Зочин
uuchlaarai ene hedeenii medeelel be ug ni dajgui sait yum shig sanagdchilaa eh nutag mini......... ih mongol uls gej baisan mini............ BI MONGOL HUN bi busad ornii humuusees iluu setgdeg bas uhaan erdemiig erhmeldeg bi MONGOL HUN mgld nil avilgalchid hunshig ch baij ch bolohgui buh zuild hunii tsarai hardag arga yadah daa mungu ugdug baihdal daa bi tiim hezeech baigaagui MGLCHUUDAA AVILAGCHIDAD TSAAZ UG BITGII ARCHAAGUI ....Nomtbayar gedeg nuhurch baih shig ene mgl uls suurchee iim ulaan tsain avilgal ugch baihad uls turiin namuud dugarh chadahgui nen ylanguya archilsan nam ONOO baihgui shuu HULDUU ERGUU ALTAN-HUYAGAA

2013-12-06 | 14:42:07 | 118.45.0.124 |