гудамжны цементэн дээр суулгаад, гуйлга гуйлгаж, олсон мөнгөөр нь амь зогоодог эх, эцэг гэж байх уу даа. Хэлд байтугай хөлд ч ороогүй ой тавхан сартай бяцхан хүүхдээр гуйлга гуйлгадаг хүнийг цус сорогч гэхэд ч зөөлдөнө.

Ийм нэгэн гэр бүлийг нийслэлийн Чингэлтэй дүүргийн Цагдаагийн хэлтсийн хүүхдийн байцаагч нар сайхан сэтгэлт хүмүүсийн ачаар илрүүлжээ. Төрүүлсэн үрээ хог дээр хаядаг, гуйлга гуйлгадаг, хөнөөдөг эцэг эх байхад бусдын хүүхдийн төлөө санаа тавьдаг сайхан сэтгэлтэн ч бас бий. Гэрээсээ гарахаас жийрхэм, ёстой л тачигнасан жавартай нэгэн өдөр Улсын их дэлгүүрийн зүүн талын “Мөнгөн завьяа” дэлгүүрийн урд дэндүү жаахан хүүхэд суучихсан хамаг тэнхээгээрээ бархиран уйлж байхыг нэгэн залуу харжээ. Хүүхдийн нүдийг нь гарган, хамар, амыг нь ороолтоор битүү ороож, хэрэндээ л зузаан хувцас өмсүүлсэн бололтой. Урд нь хайрцаг тавьжээ.

Түүн дотор нь голдуу 10, 20, 50, 100- тын дэвсгэрт хэвтэнэ. Ямар гээч хүйтэн сэтгэлтэн нь үр хүүхдээрээ гуйлга гуйлгаж байгаа юм бол хэмээн бодоод залуу хэдэн төгрөг хайрцаг дотор нь хийгээд явжээ. Нэлээн сүүлд Чингэлтэй дүүргийн Засаг даргын Тамгын газрын урдах автобусны буудалд нөгөө хүүг өнөө л төрхөөр нь харжээ. 2011 оны хоёрдугаар сарын 14. Гэгээн хайрын баярын өдөр. Шоколад, цэцэг, чихмэл тоглоом барьсан залуус гудамжаар хөлх өлд өн ө. Нөгөө залуу “Мөнгөн завьяа” дэлгүүрийн урд өнөө бяцхан хүүг урдын байдлаараа сууж байхтай дахиад таарав. Урдах хайрцагт нь 3000 төгр өг хийчихээд холоос ажиглалаа. Хэсэг хугацааны дараа гурван залуу ирж, урдах хайрцагтай мөнгийг нь хамж авснаа хүүг тэр чигээр нь орхиод ойролцоо нь юм зарж байсан хүнээс тамхи авчихаад яваад өгөв. Тухайн үед гадаа хэдийнэ харанхуй нөмөрчихсөн, цагийн зүү 20.00 руу дөхөж байж. “Ийм нялх амьтны тамаа идэж олсон мөнгөөр тамхи авч татаад байхдаа яадаг юм” гэсэн бодол түүний толгойд зурсхийж, дургүй нь хүрэв. Хүүг тэндээс авч машиндаа оруулаад хартал маш их даарч, халуурсан, түүндээ болоод нүдээ ч нээж чадахгүй болсон байсан гэнэ. Энэ талаар Чингэлтэй дүүргийн Цагдаагийн хэлтсийн хүүхдийн ахлах байцаагч, хошууч В.Цэнд, хүүхдийн байцаагч, ахлах дэслэгч Г.Өнөржаргал нар “Тэр залуу хүүг өрөвдөж аваагүй бол тэр хүүхэд яах байсан юм, бүү мэд. Манай эргүүлийн цагдаа нар тэр хавьд байнга хяналт тавьж байгаа.

Цагдаа нар харагдвал хүүхдээ аваад зугтчихдаг байсан болоод тэр хүүхэдтэй манайхан өдий болтол таараагүй байх. Хүүхдийг тэр залуу Нялхсын клиник сувилалд аваачиж өгсөн байсан. Эх эцэг нь өөрсдөө хөдөлмөрийн бүрэн чадвартай, ид ажиллах насны хүм үүс. Ажил хийх дургүй, амар хялбар аргаар мөнгө олох гэсэн арчаагүй хүмүүс болоод л үр хүүхдээ мөнгө олох хэрэгсэл болгож байгаа нь ойлгомжтой. Энэ хэрэгт Эрүүгийн хуулийн хүүхдийг тэнүүчлэл гуйланчлалд татан оролцуулах гэсэн зүйл ангиар хэрэг үүсгэн шалгаж байна. Хүүхдийг нь тэдэнд буцааж өгөхгүй. Эцэг эх байх эрхийг нь хасуулна” гэв. Сайхан сэтгэлт залуу маань хүүг Нялхсын клиник сувилалд аваачсан байна. Энэ талаар тус сувиллын харуул “20.00 цагийн үед хоёр залуу нэг хүүхэд авчирсан. Хүүхдийн бие өвдчихсөн, маш өндөр халуунтай ирсэн. Гуталгүй, хэдэн давхар оймс, цамцтай байсан.

Манайх цагдаагийн байгууллагын шийдвэр дүгнэлтг үйгээр хүүхэд хүлээж авдаггүй. Чингэлтэй дүүргийн Цагдаагийн хэлтсийн хүүхдийн байцаагчийг иртэл тэр залуус хоёр цаг тэвчээртэй хүлээж байгаад хүүхдийг өгөөд явсан” гэв. Нялхсын клиник сувилал тэр хүүг 22.15 цагт Даваагийн Хэнмэдэх гэдэг нэрээр бүртгэж авчээ. Шээсэн өмдийг нь өдөржин солилгүй суулгадгаас хонго нь түлэгдсэн байжээ. Тэр дор нь эмч үзээд 39 градусын халуунтай, суга, цавь, хүзүүний арьс нь улайж нурсан, хоолой залгиур нь улайж өвдсөн, амьсгалын замын үрэвсэлтэй... гэсэн онош тавьсан байна. Энэ талаар тус сувиллын Эмчилгээ, чанар эрхэлсэн орлогч Ш.Нармандах “Манайх ирсэн хүүхдүүдийг ЭНЭШТийн нарийн мэргэжлийн эмчид үзүүлж, шинжилгээ хийлгэдэг. Одоогийн байдлаар ЭХО, рентгенд харуулж, дөрвөн төрлийн шинжилгээ хийгээд байна.

Тав хоногийн дотор бүх төрлийн шинжилгээ авч дуусна. Ой таван сартай хүүхдийн биеийн жин дунджаар 11 кг байх ёстой. Гэтэл есөн кг жинтэй ирсэн. II зэргийн тураалтай, өсөлт нь наснаасаа хоцорсон, хоол тэжээлийн дутагдалтай, цус багадалттай, сульдаатай, амны салст нь гэмтэж, юм туурсан, энгийнээр бол ам нь гэмтсэн байсан. Тууралт нь өнөөдөр нэмэгдсэн байна. Азаар ханиад нь хатгаа болоогүй байхдаа иржээ. Одоо нянгийн эсрэг, үрэвсэл намдаах эмчилгээ хийж байна. Өөр далд эмгэг байхгүй л бол биеийн өсөлт хөгжил нь нэг сарын дараа хэвийн хэмжээндээ очих байх. Гэхдээ хүүхдийн өөрийнх нь онцлогоос шалтгаална” гэсэн юм. Эцэг эх нь тэр балчир амьтныг өлөн зэлмүүн байлгасаар байгаад сульдааж, бодисын солилцоонд нь өөрчлөлт оруулчихаж. Үүнээс болоод хүү өдий болтол хөлд ороогүй. Уг нь түүний насны хүүхэд алхаж, гүйж байхад энэ хүү олигтой ч мөлхөж чадахгүй. Гэхдээ олон зуун нялхсыг сувилж, тэнхрүүлж сурсан Нялхсын клиник сувиллын алтан гартай ажилтнууд Хэнмэдэх хүүг тун удахгүй гүйж харайдаг, ход ход хийн инээдэг болгоно биз ээ. Хүү гурав дөрөвхөн үг хэлдэг гэнэ. Түүн дундаас “Аав” гэдэг үгийг тод хэлнэ. Тэр хүн өөрийг нь өчүүхэн ч өрөвдөлг үй хөх өө өвлийн хүйтэнд өдөржин гадаа суулгадгийг нь хүү яахин мэдэх билээ. “Аав” хэмээн дуудан, эргэн тойрондоо үгүйлэн хайж, эмч сувилагч нарыг хэрэндээ сандаргаж байгаа гэсэн. Хүүгийн аав Д 31 настай, цахилгаанчин мэргэжилтэй ч ажилгүй.

Ээж Н нь 23 настай, гуравдугаар анги төгссөн. Бичиг үсэгт бүрэн тайлагдаагүй, үсэглэж уншдаг, нэрээ бичихээс хэтрэхг үй. Увс аймгийн Баруунтуруун сумаас аав, ээж, эрэгтэй дүү, охинтойгоо Улаанбаатарт шилжиж ирээд одоогийн нөхөртэйгээ сууж, энэ хүүгээ төрүүлжээ. Аав, ээж нь удалгүй нас барсан байна. Н, Д нар өөрийн гэсэн гэр оронгүй. Охиныхоо халамжийн мөнг өөр (Д-ийн дагавар охин одоо дөрвөн настай. Хагас өнчин хүүхдийн халамжийн мөнгө авдаг) гэр түрээсэлж, айлын хашаанд амьдардаг. Оршин суух тодорхой хаяг, бичиг баримт ч байхг үй. Шинэчилсэн бүртгэлд хамрагдаагүй болохоор Эх орны хишгээ ч авч чаддаггүй гэнэ. Н-ы 26 настай эрэгтэй дүү нь эхнэр хоёр сартай хүүхэдтэйгээ, найз гэх 15 орчим насны хоёр бандитай хамт тэднийд амьдардаг аж. Ой тавхан сартай Хэнмэдэх хүүгийн өвөлжин гадаа хүйтэн цементэн дээр шээстэй өмдөндөө хайруулж, нус нулимсандаа холилдон байж олсон мөнгөөр энэ олон хүн (найм) голоо зогоодгийг мэдээд дургүй хүрэв.

Хэнмэдэхийг эцэг эх нь нагац ах, түүний насанд хүрээгүй хоёр найзад нь өгч явуулдаг аж. Тэд нь хүүг гадаа суулгаж, өмнө нь хайрцаг тавьчихаад өөрсдөө ойролцоох байшин дотроос ажиглаж зогсдог гэнэ. Тэр залуу өөрөө хоёр сартай хүүхэдтэй хэрнээ эгчийнхээ хүүхдийг ингэж тамлаж зүрхэлдэг байх юм. Өөрийнхөө хүүхдийг суудаг болмогц арай бас ингэж мөнгө олох юм биш байгаа гэхээс нуруу руу хүйт дааж байна. Төрүүлсэн үрээ, балчир хүүхдийг тамлаж олсон мөнгөөр авсан хоол хүнс хоолойг нь яаж давдаг юм бол доо. Жигшүүртэй юм.

Нялх үрээ өвөлжин хүйтэн цементэн дээр суулгаж гуйлга гуйлгажээ
Tweet
Bolod.mn

Сэтгэгдэл (2)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
ямар ******** ийм бадаг байнаа. яаж тэр хүүхдээ боддоггүй юм байх даа

2014-12-29 | 20:27:17 | 182.160.6.23 |

Зочин
ÿìàð àð÷ààã¿é õ¿íèé ¿íýðã¿é øààðíóóä âý. óíøñàí ÷èíü á¿ð ñîíèí áîë÷ëîî. õººðõèé áÿöõàí àìüòàí èéì õ¿éòýíä ãóòàëã¿é áàéñàí ãýäýã ÷èíü þó ãýñýí ¿ã âý. Á¿ð õÿìàð÷èõëàà. Áàÿí ìºíãºòýéõýí øèã àìüäàðäàã áîë ºðãººä àâ÷èõ þìñàí. äààí÷ ìàíü ìýò øèã 2 èäýõã¿é õîîñîí õîíîõã¿é àìüäàð÷ áàéãàà õ¿ì¿¿ñ õîîñîí ºðºâäºõººñ ë õýòðýõã¿é þìäàà.

2011-02-17 | 12:18:22 | 202.70.45.242 |

Мэдээ
Гадаад мэдээ
Видео