хийх хэрэгтэй. Үг нэг бүрийнх нь хойноос хөөцөлдөх хэрэгтэй. Энгийн иргэн Доржийн үг биш. Монгол улсын төрийн тэргүүн байсан, Онц байдал тогтоох зарлигт гарын үсэг зурсан хүний үг. 2008 оны долдугаар сарын 1-ний тэр өдөр хамгийн сайн мэдээлэлтэй байсан хүний үг. Энэ өдрийн хэрэг явдалд оролцсон хамгийн том албан тушаалтны үг. Ийм л хүний үгэнд ард түмэн итгэхгүй бол өөр хэний үгэнд итгэх ёстой гэж.

Н.Энхбаяр өнгөрсөн даваа гаригийн үдэш Тв9 телевизээр ингэж ярив. "Тэр өдөр онц байдал зарлуулахыг хамгийн их эрмэлзэж, зүтгэж, бүр надад шахалт үзүүлж байсан хүн бол С.Баяр. С.Баяр дарга ингэж зүтгэснээр би аргагүй эрхэнд Онц байдал зарласан. Зарласнаас болж таван хүн амь эрсдэж, намын байр болон бусад байшин барилга халдлагад өртсөн..." гэж. Зөвхөн энэ хэдхэн үг л хатуу хариуцлага шаардан, нэхэл хатуутай сонсогдож байгаа юм. "Миний бие ярьж болохгүй төрийн нууц гэж юу байдгийг мэдэх болохоор юу хэлэх, хэлэхгүйгээ мэднэ. Тийм учраас энэ бүхнийг ярьж байна" хэмээн хэлсэн үгэндээ эзэн болохоо давхар бас хэлжээ. Тв9 телевизээр ярьсан Н.Энхбаярын дээрх үгс түүний ярьсны талын тал нь юм гэдгийг эх сурвалжууд хэлж байгаа юм. Нэвтрүүлэг гарахын өмнөх өдөр тусгай хүмүүс сууж Ерөнхийлөгч асны тэрхүү ярилцлагыг нэлээн хасч танаж, засч найруулсан гэж байна. Тэгэхээр нөхөр нийгмийн сэтгэл зүйд дээрх үгийг хүргэсэн шиг хүргэе, хэлсэн шиг хэлье хэмээн бодож төлөвлөсөн бололтой. Редакторлаагүй яриандаа бол Н.Энхбаяр шууд л хуссан юм билээ. Тухайлбал, "Тэр өдрийн 17.00 цагийн орчим С.Баяр над руу ярьж онц байдал зарлахыг шаардсан. Би шууд татгалзсан... Ингээд ямарч аргаггүй болсныг Ч.Амарболдоос эхлэн надад ойлгуулсан учир би 23.00 цагт онц байдал зарласан. Тэгээд л иргэд рүү буудаж эхэлсэн байдаг" гэхчлэн. Цааш нь "С.Баяр өөр хүнээр над руу утасдуулахад тэр хүн нь "Ерөнхийлөгчөө, автоматаар буудаад байна шүү дээ. Та миний утсаар сонсож байна уу. Сонс доо та. Намайг тантай ярьж байхад намын байрны хажууд автоматаар буудаад байна шүү" гэж нөгөө хүн нь ярьж байлаа гэж. Ерөнхийлөгчийн утас руу хэн тэгж шууд холбогдоод ярьдаг байна. С.Баяр яриулж байгааг нь Ерөнхийлөгч мэдэж л байдаг. Мөн Монгол улсын Ерөнхийлөгч яахаараа Ерөнхий сайдын дарамтанд ордог юм. Тийм өчүүхэн, хэн нэгний дарамтанд орохоор Ерөнхийлөгч байсан юм уу. Тэр Амарболд гэж хүн яахаараа нэг болохоор намын байрыг хяналтандаа байлгаж чадна гээд, эргэж орж ирээд чадахаа байлаа гэж яриад байв. С.Баяр, Ч.Амарболд нар цаанаа юу бодож төлөвлөөд, юуг найруулцгаагаад байж уу. Энэ мэт ээдрээ байгаа биз. Гэвч тайлагдаж мэдэх л юм байна даа, Н.Энхбаярын байр байдлаас харахад.

Сонгуулийн дүн ард түмэнд таалагдаагүй, тэгээд ард түмэн боссон. Бослогыг нь С.Баяр өөрт хийгээд намдаа ашигтайгаар эргүүлсэн. Ингэж эргүүлсэнийг нь Н.Энхбаяр хэлж эхэллээ гэж ойлгож байгаа учраас цааш үргэлжлүүлье. С.Баяр аймшигтай найруулгаа нуун дарах зайлшгүй шаардлагатай байсан. Тэгэхгүй бол сонгуулиар сөрөг хүчин болсон Ардчилсан намын зүгээс долоон сарын 1-ний асуудлыг заавал босгох байв. С.Баяр тэгүүлсэнгүй. Тэгүүлээгүй ажиллаж чадсаны үр дүн нь өнөөдрийн эвслийн Засгийн газар гэнэ. Н.Энхбаяр л ингэж хэллээ. "Хамтарсан Засгийн газар бол энэ долоон сарын 1-ний асуудлыг нуун дарагдуулахын тулд зохион байгуулагдсан гэж өнөөдөр шууд хэлж болно. Яг жинхэнэ утгаараа МАНАН байгаа цагт, шилжсэн утгаараа улс төрийн манан байгаа цагт долоон сарын 1-ний үйл явдал жинхэнэ утгаараа олдохгүй, тогтоогдохгүй. Тиймээс жинхэнэ болоод шилжсэн утгаараа мананг арилгаж байж л долоон сарын 1-ний жинхэнэ ёсоороо тогтоно гэж хэлэх байна" хэмээнэ.

Бас нэг том гаргалгаа байна. Энэ нь онц байдал зарласантай холбоотой асуудал юм. Монголын хуульчдийн хэн нь ч энэ талаар дуугарахгүй байгаа юм. Юу гэхээр Олон улсад онц байдал зарласан цаг мөчөөс эхлэн хүний эрхийн тухай яриад хэрэггүй болдог байна. Онц байдал зарлагдсан тохиолдолд хүчний байгууллагатай юу ч ярих хэрэггүй аж. Тэд таван хүн байна уу, 500 хүн буудсан ч эрхийг нь өгсөн байдаг учраас. Онц байдлын хууль ингэж үйлчилдэг аюултай хууль юм байна. Хамгийн аймаар нь С.Баяр, Н.Энхбаяр нар үүнийг мэдэхийн цаагуур мэдэж байжээ. Энэ бол Н.Энхбаярын хэлсэн үгнээс ойлгогдож байгаа юм. Жишээлбэл "Тэр үеийн Ерөнхий сайд С.Баяр миний үгийг залгуулж аваад "Би Ерөнхий сайдын хувьд, Засгийн газрын тэргүүний хувьд цагдааг хариуцдаг юм" гэж хэлээд цагдаагийн даргад "Тэр намын байран дээрээс бүх цагдаагаа тат" гэсэн үүргийг миний дэргэд өгсөн юм. Би тэгэхэд нь эмзэглэсэн. Монгол Улсын Төрийн тэргүүн Ерөнхий сайдтай, хүчний байгууллагын хүмүүстэй уулзаад асуудал ярьж байхад ийм маягаар огцом шийдвэр гаргасан нь хэр зэрэг зүйтэй юм бол гэж. Хоёрдугаарт хамгийн сонирхолтой нэг үг байгаа юм. "Би цагдаагийн асуудлыг мэддэг. Ерөнхий сайдын хувьд ийм үүрэг даалгаврыг Ч.Амарболд генералд өгч байна" гэсэн. Ч.Амарболд "Мэдлээ, гүйцэтгэе" гээд цагдаагаа татсан" гэж.

Н.Энхбаярын бас нэг чухал үг. "Онц байдал зарлахгүйгээр байдлыг зохицуулж болох байсан болов уу гэж би боддог юм. Цагдаа татсаны дараа улангассан ард түмэн намын байр руу дайрч орсон. Бүр шатаасан. Шатаах шатаахдаа бүр хонзонтой шатаасан байж магадгүй. Тэр байдал даамжирч, цагдаа нар ч олон цаг ямар ч тодорхой удирдлагагүй, ямар ч зохион байгуулалтгүй байж байгаад зодуулсан, гэмтсэн байж магадгүй. Ямар ч байсан тэр байшин руу дайрсан улсууд цагдааг татахад бүр улангасч тийшээ дайрч орсон болов уу гэж боддог" гэж. Ерөнхийлөгч асны энэ үгээр бол С.Баяр өөрийн бүрэн мэдэлд байсан цагдаагийн бие бүрэлдэхүүнийг буцаан татаж ард түмнийг дэвэргэн эцэст нь Онц байдал зарлуулж хүчнийхнийг оруулан иргэдийг хороож эхэлжээ. Ийм юмыг үзсэн иргэдэд юун сонгуулийн луйвар, хүний амь хөнөөсөн нь аймаар биз дээ. Хүний амь хөнөөхийнхөө өмнө намынхаа байрыг шатаалгахгүй бол болохгүй шүү дээ. Иргэдийн цөсийг хөөргөх ёстой. Үүний тулд намын байрыг шатаалгаж, шатсан эсэхийг нь шалгасан юм шиг намынхаа байраас хамгийн сүүлд С.Баяр гарсанаа ярьсан байдаг байна. Н.Энхбаярын засваргүй ярианд нь энэ тухай тодорхой хэлсэн нь байсан хэмээн эх сурвалжууд ярьж байгаа юм.

Н.Энхбаяр Онц байдал зарласандаа харамсаж байгаагаа ил тод илэрхийлжээ. "Би тэр өдөр онц байдал зарласандаа одоог хүртэл маш их харамсаж явдаг" гэж. Энэ үгийнх нь цаана "С.Баяр ийм л юм санаж сэдчихээд надаар могой бариулсан юм байна лээ" гэсэн санаа нэвт үнэртэж байгаа юм.

Түүний тэр үеийн Цагдаагийн газрын удирдлагын тухай хэлсэн үг ч нэгийг бодогдуулж байгаа юм. Тухайлбал "Тэр үйл явдал болохоос өмнө ЦЕГ-ын дарга н.Ганболдыг тухайн үеийн Засгийн газар, Ерөнхий сайд С.Баяр ажлаас нь өөрчилсөн. Шүүхийн тодорхой шийдвэр гарсны дараа түүнд дургүйцэж, тийм шийдвэр гаргуулахаар цагдаагийн байгууллагыг ажиллуулсных нь төлөө, гэмт хэрэгтэй тэмцсэнийх нь төлөө, хариуцлага тооцох ёстой асуудал гаргаж ирж, түүнийг нь шүүх хүлээж авч шийдсэнийх нь төлөө тэр хүнийг ажлаас халсан байдаг. Оронд нь Ч.Амарболд гэж хүнийг үүрэг гүйцэтгэгчээр тавьсан. Үүрэг гүйцэтгэгч хүн хэзээ ч жинхэнэ даргын хэмжээнд ажиллахгүй. Үүнийг хүмүүс сайн анзаардагүй юм. Долдугаар сарын 1 болоход Ч.Амарболд жинхлээгүй явсан" гэж.

Ер нь энэ бүхнээс харахад Н.Энхбаяр их юм мэдэж байгаа юм байна, түүнийг ардын намынхан яаж ч чадахгүй юм байна гэсэн хоёр бодол бат нот төрлөө. Ирэх сонгуулиар ард түмэн дүн тавихад үүнээс илүү баримт нотолгоо хаана байхав. Нэг нь энэ намын дарга байгаад төрийн гурван өндөрлөгийг дамжсан. Өнөөх нь бас намын дарга, Ерөнхий сайд байсан хүн. Эдгээр нөхдөөс нэг иймэрхүү юм гарах болов уу гэж хүлээгээд байсан яг санасанаар боллоо. МАХН хоёр хуваагдсан нь энэ бүхнийг ил тод болгож эхэллээ. Энэ нам дотор л монголын нийгэмд болдог, болж буй, болох гэж байгаа муу муухай бүхэн байж байдгийг ард түмэнд ойлгуулсан үйл явдал болж байна даа.

Өдрийн сонин

Одоо Н.Энхбаярын хэлсэн үг бүхэн баримт шүү
Tweet
Bolod.mn

Сэтгэгдэл (6)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
очих газартаа эхлээд оччих тэгээд дараан бусдийгаа дууд

2012-06-09 | 00:36:17 | 84.193.108.208 |

Зочин
Xэрэв xуний угээр ажлаа xийдэг ум бол еринxийлэгч гээд байx xэрэг байна уу

2011-03-04 | 04:48:47 | 206.130.174.28 |

Зочин
энкхбаяр чи ч ур удамдаа муу ым хийлээдээ

2011-03-03 | 21:45:30 | 62.178.127.8 |

Зочин
Н.Энхбаяр нь С.Баяраас өс хонзонгоо авах зорилгоор Цагдаагийн удирдлхгыг гүтгэн, 7-1 ны хэрэгт олон цагдаа нарыг хэлмэгдүүлжулс төр хийж уваагүй аашлаж эхлэв бололтой.Онц байдал тогтоож зарлиг гаргасан нь тодорхой,үүний үр дүнд 5 иргэн алагдаж олон мянган хүн хохирсон. Ер нь Энхбаяр маш хэрцгий хүн гэдэг нь ил байна.Б.Хурц нарын 4 хүнд үүрэг өгч Францаас 1 иргэнээ авчруулж алуулчихаад одоо тэд нь олон жилийн ялаа Германд эдлэх болж байх гэх мэт нүгэлтэй хүн юмдаа. Битгий үүргээ нэр төртэй гүйцэтгэсэн Амарболд генерал тэргүүтэй Монголын Цагдааг гүтгээд байгаач Н.Энхбаяраааа!!!!!!!

2011-03-03 | 18:10:49 | 202.170.65.162 |

Мэдээ
Гадаад мэдээ
Видео