Үндэсний аюулгүй байдлын зөвлөлийн Ажлын албаны дарга эрхмийг албаны ажлаар очиход нь дипломат эрх ямбанд нь халдан Английн тусгай албаныхан саатуулсан тухай дуулиан эхний хоёр гурван сардаа тун ч сонирхолтой байлаа. Дарга цэрэггүй л энэ тухай ярьж, Б.Хурц гэж хэн юм бэ, хэн түүнийг гадаадын тусгай албаныханд ховлосон бэ гэхчилэн ярьж бичин шуугьж байлаа. Өдгөө харин шүүх хурлынх нь талаар сэтгүүлчид л эс сонирхвоос бусдад нь тийм ч сонин байхаа больсон бололтой.

Б.Хурцыг 2003 онд Францаас нутаг нэгтнээ хулгайлан Бельги, Германаар дамжуулан Монгол руу авч явсан хэргийнх нь улмаас мэдүүлэг авах шаардлага бийг дуулгаж улмаар саатуулсан. Уг хэрэгтэй холбоотой шүүх хурал найман удаа болсон. Эхний долоод нь түүнээс тайлбар авах, хоёр талын өмгөөлөгч мэтгэлцэх төдийгөөр хурал түр завсарлаж ямар нэг шийдвэр гаралгүй дараагийн хурлыг товлож байсан. Харин хамгийн сүүлийн буюу өнгөрсөн сарын 18-нд болсон шүүх хурлаар Б.Хурцын дипломат халдашгүй эрхийг хүлээн зөвшөөрөөгүй бөгөөд түүний Англид очсон аялал нь албаны бус хувийн зорилготой байсан учраас өмгөөлөгчийнх нь удаа дараа тавьж байсан шаардлагыг үл хэрэгсэн түүнийг Германы талд шууд шилжүүлэх шийдвэр гаргасан. Ингэснээр Германы тал Б.Хурцыг өөрийнх нь нутгаас хүн хулгайлсан хэргээр ял төлөвлөх эрхтэй болж буй юм билээ.

Гэхдээ энэ хэрэг нь өөрөө маапаантай. Б.Хурц тухайн үед Монголын Тагнуулын ерөнхий газрын Сөрөх тагнуулын албаны даргын хувьд онц ноцтой хэрэгт сэжиглэгдсэн этгээдийг баривчилж ирэх үүргийг төрөөс авсан. Өөрөөр хэлбэл, тэр үүрэг гүйцэтгэсэн цэрэг хүн. Тэгээд ч төрөөс өгсөн үүргийг Европын хэд хэдэн улсын нутаг дамжуулан гүйцэтгэхдээ тухайн орны цагдаа, тагнуул, тусгай албаныханд сэжиг авахуулалгүй хийж чадсан юм билээ. Ямар сайндаа л гадныхан хамар дороос нь хэнд ч мэдэгдэлгүй бүхэл бүтэн хүн хулгайлаад явчихсаныг хожим нь мэдэж багагүй сандралдсан гэдэг.

Тэгэхдээ магадгүй монгол тагнуулчдын ур чадварыг биширсэн ч юм бил үү.
Хамгийн эмгэнэлтэй нь хүн хулгайлсан энэ гэмт хэрэг Монголыг гайхамшигтай тагнуулчидтай гэж зарлахаасаа илүү төр нь хагархай хэнгэрэг шиг задгай. Нууц ажиллагаа явуулсан ажилтнуудынхаа нэрсийг гадны тусгай албаныханд дэлгэж орхидог найдваргүй гэдгийг л батлаад өгсөн юм. Тиймээс чухам хэн ямар зорилгоор энэ нууцыг дэлгэсэн бэ гэдэг Б.Хурцад ямар ял оноох бол гэдгээс ч илүү сонирхолтой байх ёстой баймаар. Гадуур олон л яриа байна. Гэхдээ чухам хэн бэ гэдэг дээр тогтож төвлөрсөн зүйл сонсогдохгүй.

Тэр байх, энэ л байж таарна гэсэн таамгаас хэтрэхгүй л байна. Хажуугаар нь нэг хэсэг намд хуваагдсан улстөрчид энэ хэргээр далимдуулан нэг нэгнээ нулимах шалтаг шалтгааны эрэлд чамгүй идэвхтэй гарч байсан нь азаар сүүлийн үед овоо намжжээ. Улстөрчдөд сонирхолгүй болсон энэ сэдэв уг нь ингэсгээд гал дээр ус асгасан аятай замхрах учиргүй юм. Төрийн нууцыг атгаж суудаг эрхүүдээс өөр хэнээс ч үл гарах ийм мэдээллийг чухам хэн ямар эрх ашгийн үүднээс задалж цацсаныг тогтоох л ёстой. Тиймээс Б.Хурцыг хэн илчилсэн бэ гэдгийг энэ хэрэгт нэр холбогдон яригдсан цөөн хэдхэн хүнээр хязгаарлан тоймлоод нэг үзье.

Ерөнхийлөгч асан Н.Энхбаяр

Ерөнхийлөгч асан Н.Энхбаярыг энэ хэргийн гол буруутнаар тодруулах сонирхол олон хүнд байсан. Төрийн бүхий л өндөрлөгийг завсаргүй эзэгнэсэн тэрбээр С.Зоригийг хөнөөсөн хэргийн сэжигтэн гэгдсэн талийгаач Д.Энхбатыг Европоос хулгайлж ирэх үед Ерөнхий сайд байсан. Гүйцэтгэх засаглалын тэргүүн түүнд Тагнуулын ерөнхий газрыг шууд удирдах Хууль зүй, дотоод хэргийн сайд харьяалагддаг, эрхэм сайдыг дуртай цагтаа дуудаж ирээд асууж лаюлаж чадах эрх мэдэлтэй нэгэн байлаа. Тэгээд ч энэ хэргийг түүнд дуулгалгүйгээр толгой мэдэн зохион байгуулах эрх Хууль зүйн сайдад ч байсан гэдэгт итгэх хүн ховор. Тиймээс гүйцэтгэх ажилтнуудын нэрийг овогтой, албан тушаалтай нь тэр ч бүү хэл хэн ямар оролцоо үүрэгтэй явсныг хамгйин сайн мэдэж байсан нь лавтай. Гэхдээ өөрөөс нь өөр хуруу дарам цөөн хүн мэдэх энэ нууцыг гадныханд дэлгэнэ гэдэг үнэн хэрэгтээ өөрөө өөрийгөө барьж өгч буйтай агаар нэгэн баймаар.

Элчин сайд асан Д.Тэрбишдагва

Тухайн үед Германд Элчин байсан Д.Тэрбишдагва энэ хэргийг эхнээс нь дуустал хамгийн сайн мэдэж байсан хүний нэг. Францаас авчирсан Д.Энхбатыг Германаас онгоцонд суулгах ажлыг Элчин сайдын оролцоогүй бүтнэ гэж лав байхгүй. Тэгээд ч энэ хэргийг гардан хийсэн нь тагнуулынхан ч удирдлагаар хангаж, орон байр, унаа тэрэг гээд байгаа газарт нь хэрэгтэй зүйлээр туслах үүргийг тухайн үед Бельги, Франц, ХБНГУ-д Монголыг төлөөлөн сууж асан Элчин сайдууд хүлээж байсан гэдэг. Хүн хулгайлсан хэргийг хожимдож мэдсэн Европын улсууд хангалттай сайн мөрдлөг явуулж, оролцоотой байсан байх магадлалтай дипломат ажилтнуудаас мэдүүлэг ч авсан юм билээ. Улмаар Францад Консулын ажилтан байсан Д.Гэрэлмаа гэж бүсгүйг хөөж, Элчин сайд Батбуян, Германд Элчин байсан Д.Тэрбишдагва нарыг ч мөн албадан буцаах тухай шаардлагыг тавьж байсан хэмээдэг. Гэтэл уг дуулиан дэгдэнгүүт шахам Элчин сайд Д.Тэрбишдагва хугацаанаасаа өмнө нутагтаа ирж улмаар УИХ-ын сонгуульд өрсөлдөхөөр бэлтгэж эхэлсэн нь түүнийг ирэхээсээ өмнө элдэв асуудал үүсгэхгүй бултах аргаа гүйцэтгэх ажилтнуудын нэрийг тусгай албаныханд өгч байж хэл амгүй мултарсан байх магадлалтай гэж ярьдаг нь оргүй ч биш байж болох талтай гэлцэх юм.

ТЕГ-ын дарга асан М.Батсайхан

С.Зоригийн амийг онц ноцтойгоор бүрэлгэсэн хэргийн эзнийг олох үүрэг цагдаагаас гадна тагнуулынханд ч байсан. Тийм ч учраас энэ хэрэгт хамаатай байж болох нэгнийг харь улсаас барьж ирэх ажлыг зохион байгуулах онцгой үүрэг тухайн үеийн Тагнуулын ерөнхий газрын дарга хурандаа М.Батсайханд оногдсон байж таарна. Чухам ийм учраас л эрхэм хурандаа хүн хулгайлах хэргийг хэнд найдаж хэнийг илгээх вэ гэдэг сонголтыг хийх үүрэг нь түүнд байсан. Хэдийгээр тэр чухал үүрэг гүйцэтгэсэн, тагнуулчид нь нэрийг нь баастаагүйд тухайн үед баярлаж байсан биз. Харамсалтай нь үүнийх нь хариуд төр нь түүнийг хөсөр орхисон. Хааяа нэг албан тушаалд нэр ус нь дуулддаг ч тэгсхийгээд чимээгүй болдог. Тйим болохоор албан тушаал ч үгүй хөсөр орхисонд нь гоморхсон сэтгэлээ гүйцэтгэх ажилтнуудынхаа нэрсийг хэн нэгэнд шивнэж өс авах эрхэм биш биз гэх хардлагыг хүмүүсийн дунд төрүүлж бйагаа юм билээ.

ЭЦГ-ын дэд дарга асан Ч.Сангарагчаа

Б.Хурц, Ч.Сангарагчаа гэж хоёр хүний дунд нэг хэсэг том дайн өрнөсөн. Нэг нь нөгөөгөө шалгаж, энд тэнд мөнгө босгон баяжиж хөлжсөнийг нь илчлэн чамгүй хөөрхөн дуулиан шуугиан дэгдээж байлаа. Гол учир нь Ц.Элбэгдорж Ерөнхийлөгч болсныхоо дараагаас Авлигатай тэмцэх газрын даргыг халах тухай ил тодоор зарлан, шадар нөхдөө илгээн ажил төрлийг нь шалгуулан хэл амны бай болгож байлаа. Ч.Сангарагчаа ч зүгээр суугаад ажлаа өгчих нэгэн биш тул албан тушаалыг нь булаах ажиллагааг идэвхийлэн хийж буй Үндэсний аюулгүй байдлын зөвлөлийн Ажлын албаны дарга Б.Хурцад хариу барьсан байж болох юм. Яагаад гэвэл Б.Хурцыг Европоос Д.Энхбатыг хулгайлж ирэнгүүтээ тагнуулынхан Эрүүгийн цагдаад хүлээлгэж өгсөн учраас энэ асуудлыг тухайн үед тус газрын дэд дарга байсан хурандаа Ч.Сангарагчаа мэдэлгүй өнгөрнө л гэж байхгүй болохоор ингэж хардаж буй юм билээ.

Н.Саран

"Шударга мн"

Б.Хурцыг хэн илчилсэн бэ
Tweet
Bolod.mn

Сэтгэгдэл (31)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Намбарийн хуугийн уйлдэл моноос мон. Остон ни бариж огч одоо Намбарийн гологийг бас бариж шоронд хийж бух хоронгийг ни хураах хэрэгтэй

2011-04-20 | 00:48:48 | 117.79.232.147 |

Зочин
тамхиний наймаачин шуу дээ.

2011-03-18 | 15:05:59 | 124.158.109.215 |

Зочин
Сарнай Хурц нар аймаар муу 2

2011-03-18 | 12:36:02 | 98.220.231.7 |

Зочин
/ [ХУРЦ,САРНАЙ 2 МУУ МУУХАЙ 2 ДОО ]/

2011-03-18 | 12:33:27 | 98.220.231.7 |

Зочин
хуртс олон дайсантай олон хунийг харданаа эхнэрээ хуртэл хардана энэ бол эхлэл одоо зондоо юм болно

2011-03-18 | 12:09:12 | 202.179.7.143 |

Зочин
ХУРЦЫН АЛБАН ТУшаалыг ашиглаж, эхнэр Сарнай гээч .,н зайсангийн газрийг хуули бусаар авч, албан тушаалтнуудтай нэг хашаанд хоршлон аж тордгийм. да Ганболд, Оюунгэрэл хэн хэн ч билээ...

2011-03-18 | 12:05:39 | 202.55.191.22 |

Зочин
гаалийн баатар биздэээ

2011-03-18 | 11:43:54 | 182.160.25.199 |

Зочин
2004 оний сонгуулитай холбоотой шдэ. Энxсайxаний захиалгаар Энхбат аар Зоригийг алуулсан гэж хүлээлгэх гэж тэр үед бариж ирсэн гэдэг. миний бодолоор энэ хэрэг намбарийн энxбаяр холбоотой. Харин энxбаяр хуртсийг англид бариж өгнө гэсэн санаа байгаагүй байх. Санграгчаа Хурц 2 муудалцаж таардаггүй байсан гэдэгийн бнлээ

2011-03-18 | 11:43:47 | 182.160.58.88 |

Зочин
болий хурц

2011-03-18 | 11:37:35 | 98.220.231.7 |

Зочин
Татварын мөнгийн Хурцад зараад байна аа ардуудаа

2011-03-18 | 11:34:49 | 98.220.231.7 |

Зочин
Муухай Хурц зайлаачээ.

2011-03-18 | 11:31:16 | 98.220.231.7 |

Зочин
Муухай Хурц зайлаачээ.

2011-03-18 | 11:31:10 | 98.220.231.7 |

Зочин
тагнуулийн газар Энхбаярийн эх зовлох хийж хамаг хумуусийг халж байсан ч дээ

2011-03-18 | 11:30:40 | 202.170.85.9 |

Зочин
ингэж хумуусээ хардаж сэрдэж суух гэж дээ

2011-03-18 | 11:29:28 | 202.170.85.9 |

Зочин
тагнуулийн газар эрөнхийлөгчийн мэдэлд байдаг юмаа

2011-03-18 | 11:28:29 | 202.170.85.9 |

Зочин
ãàðäàí àëàí õÿäàã÷ ãýýä áàéãàà íîâøèéã ºíºº îðîé òîíèëãîíî ø¿¿

2011-03-18 | 11:18:05 | 202.179.11.98 |

Зочин
ìèíèé áîäëîîð áîë Ñàíãèðàã÷àà ë þì áàéíà.

2011-03-18 | 11:16:36 | 202.179.11.98 |

Зочин
Гардан алагч Хурцаа гэж

2011-03-18 | 11:10:43 | 98.220.231.7 |

Зочин
Гардан алагч Хурцаа гэж

2011-03-18 | 11:10:42 | 98.220.231.7 |

Зочин
Гардан алагч Хурцаа гэж

2011-03-18 | 11:10:41 | 98.220.231.7 |

Зочин
хурц бол дайсан

2011-03-18 | 11:09:24 | 98.220.231.7 |

Зочин
тагнуулын ерөнхий газар хууль хууль зүйн сайдын биш ерөнхий сайдын харъяанд байдаг юм ш дээ

2011-03-18 | 11:03:44 | 202.179.11.122 |

Зочин
хэрэв тэр даалгаварийг биелуулээгүй бол монголин шород ортох байсан байх Биелуулснээс гадаайин шоронд орсон юм болов уу гэж бодогдлоо

2011-03-18 | 10:51:15 | 182.160.51.85 |

Зочин
Ийм л байх юм бол тагнуулийн ерунхий газар гэж байгаад ч ядаг юм байгаан Хэрэв энд бичсэн зиулс унэн л бол 1 ни даалгавар авад гуйтсэтгэчихдэг дараа ни баригдад шоронд суудаг Онцгуй л юм бна

2011-03-18 | 10:49:41 | 182.160.51.85 |

Зочин
Дээрх зүйлийг үншаад надад Сангарагчаа байх магадлал үндэр байгаа юм шиг сэтгэгдэл төрлөө

2011-03-18 | 10:46:31 | 202.179.23.32 |

Зочин
уxсэн xойноодоо далд фронтын дайцид болдоо дандаа өөрсдыгөө xэмэлцгээдэг

2011-03-18 | 10:41:08 | 203.91.112.249 |

Зочин
тэр уэд маx намын нэр xунд ард олны дунд навс унаж зуйл дуусаж байсан энэ нэр xундээ олж авxын тулд xэн нэгний амийг золиосомд гаргаx xэрэгтэй болж тэр xун ни с зориг болж тэгээд алсан xунийг энxбатаар тодруулж тэгээд боддоо заxиалагцаар xэн байгаа н тодорxой байгаа биздээ улс төрийн аллага удаx тусмаа өөрийгөө илцилдэг xун идэx тусмаа унгадаг гэдэг унэн умдаа эхxбат бол энэ xэргийн xамгийн том xоxирогц мөн заxиалагц н нөx

2011-03-18 | 10:36:13 | 203.91.112.249 |

Зочин
ТЕГ-ын дарга асан М.Батсайхан энэ хүн өс хонзон авах гэж гэнэ үү? чи битгий тэгээрэй Н.Саран гуай далд пронтын дайчдыг доромжилж байна шүү.

2011-03-18 | 09:18:54 | 202.170.83.82 |

Зочин
Õýíèé÷ ìýäýýæèéí àñóóäàë ¿¿íèéã íîâøèéí Ýíõáàÿð ë õèéíý ...

2011-03-18 | 08:56:25 | 202.126.91.76 |

Зочин
Энхбаярын хийсэн зүйлийг илчлэх гэсэн хүний санаа

2011-03-18 | 08:35:43 | 202.131.225.245 |