Хамгийн их шантааз хийж байгаад өөрийн салбарыхаа төсвийг нэмүүлж чадсан хүн бол Лу.Болд

2011-03-24

Ноцтой: 1. Саяхны нэгэн өдөр тутамын сонин дээр улсын нийслэл Улаанбаатар хотыг балгас болох нь гээд биччихсэн

байсан. Үнэндээ өмнөхөө хүчрэхгүй хэрнээ хэтэрхий хол харж ихийг санаж явсаар хот мөдгүй балгас болохнээ. Утаатай угаадастай, гэр хорооллын иргэд нь бие засах газаргүй, хотын аль ч хэсэгт хогон овоо босцон тийм л дүр зурагтай болж байна. Гэтэл нийслэл хотод тасралтгүй хийгдэж байгаа ганц ажил нь барилга угсралтын ажилууд болоод байна. Тэдгээрийн чанар стендарт, өнгө үзэмж, орчин нөхцөл ямар байх нь хамаагүй. Зөвхөн олон давхар байх ёстой, хурдан зарагдаж байх ёстой гэсэн ганцхан гол зорилго л яваад байгаа. Харин шинээр баригдаж байгаа байр орон сууцны тоо нэмэгдхийн хэрээр хуучины зарим орон сууцнууд нь жагсаалтаас гарах дээрээ тулчихаад байна. Мэргэжлийн байгууллагууд нийслэл хотод нурах нь тогтоогдсон 44 орон сууцанд 5 мянга орчим иргэн амьдарч байгааг хэлжээ. Гэхдээ энэ бол газар хөдлөлт, элдэв байгалын гамшигт үзэгдэлд нурах магадлалтай гэсэн үг биш. Зүгээр жирийн үедээ нурхаар болсон гэсэн акт тогтоогоод байгаа байрнууд юм. Үнэндээ бодит байдал дээр энэ тоо хэд дахин их гэдгийг хэн бүхэн мэдэж байгаа. Харин албаныхан 5 мянган хүн нурж унах нь тогтоогдсон байранд байнаа гэдэгийг л хэлж байна. Гэхдээ хотын удирдлагууд тэгэж нурах дээрэ тулцан байранд амьдарч байгаа иргэдийг сэрэмжүүлж байгаа гэсэн. Чухам юу гэж сэрэмжлүүлж байна вэ гэхээр байр чинь нурах нь. Бараг амиа бодоорой гэдгийг хэлж байгаа юм гэнэ. Тэгээд байрнаасаа гараад 5 мянган хүнийг хаашаа яв гэж байгаа юм бүү мэд. Иргэдийн хашааны газарыг хүртэл дээрэмдэн, эрх баригчдын барилгын компаниудын бизнесийг дэмжхээс биш, ийм хурц ирэн тогтож байгаа хүнийхээ амийг бодох сэтгэл дутаад байх шигээ. Хот хөгөжөөд байна уу хөгшрөөд байна уу гэдгийг эндээс л харж болж байна.” Нурах дөхсөн байр хуучин”

Ноцтой: 2. Монголын охид эмэгтэйчүүд олон нэр төрлийн эмийн бизнесийг хатгайртал цэцэглүүлэх боломжыг шунахайн сэтгэлтэй хүмүүст олгосоор л байна. Үүний дүнд өнөөдөр манай улсад эмийн хууль бус худалдаа наймаа газар, элдэв төрлийн эмэнд эдгэрэх биш хордох тохиолдол нь илүүтэй болжээ. Хаана үйлдвэрлэсэн нь тодорхойгүй, хадгалалт тээвэрлэлийн ямар горимтой нь мэдэгдэхгүй, гар дээрээс зарагдаж, зах дээгүүр төвлөрсөн олон арван нэр төрлийн эм бэлдмэлүүд үнэдсэн хэдхэн зориулалттай байгаа юм. Эн тэргүүнд жирэмснээс хамгаална, дараагаар хамгаалж чадаагүй бол үр зулбуулна, тэгээд дараа нь багахан зэргийн илүүдэл жинтэй бол тураана. Ийм бизнес өнөөдөр монголын хэдэн мянган эхчүүд эмэгтэйчүүд, хэдэн мянган үр хүүхдийн амь насаар тоголж байгааг мэдэх юм алга. Ганц тодорхой зүйл нь төр, хууль хүчний байгууллагын зүгээс хяналт шалгалт дэндүү хангалтгүй байна гэдэг нь л батлагдаад байна. Жирэмснээс хамгаалах эм хэрэглээд насаараа нэг мөсөн хамгаалцан тохиолдол гарлаа. Үр зулбуулах эм хэрэглээд өөрөө ч хорвоог охицон тохиолдол гарлаа. Тэгэсэн одоо хамгийн сүүлд Орхон аймгийн бүсийн оношлогоо эмчилгээний төвд тураах эм хэрэглээд ирсэн эмэгтэй эмчилгээ авахгүй байсаар амь насаа алдсан хэрэг гарсан байна. 45 настай эмэгтэй 2 сарын туршид хятадаас оруулж ирсэн тураах эмийг хэрэглээд үнэндээ 15 кг турсан юм байх. Харамсалтай нь өөрөө хоол идэх ямар ч дуршилгүй болж, хэт сульдаанд орж, дархлаагүй болсноор амь насаа алджээ. Ямар ч баталгаагүй, эм нэртэй хор өнөөдөр монголын охид бүсгүйчүүд, эхчүүд ээжүүд, ирээдүй хойч үеэр маань тоголсоор л байна. Хяналтгүй төрийн буянаар энэ бүх эмийн хууль бус бизнес хавтгайртлаа тарж одоо нийслэлээс орон нутагыг хэрсэн сүлжээ болон өргөжөөд байна. “ Эмнүүд хятад мятад”

Ноцтой: 3. Өнөгрсөн жилийн төсөв хэлэлцэх үеэр хамгийн хатуу заргач гэдгээ харуулж, хамгийн их шантааз хийж байгаад өөрийн салбарыхаа төсвийг нэмүүлж чадсан хүн бол Лу.Болд. Тэрээр батлан хамгаалхын салбарт зарцуулж байгаа төсөв хаанаа ч хүрэхгүй байна. Хамгийн гол нь бид, төсөвтөө тааруулж ажиллахаас өөр араггүй байна гэхчлэнгээр луу унжиж суусаар байгаад салбарыхаа төсвийг бусад салбаруудаас хамгийн ихээр нэмүүлчихсэн. Тэгээд юу хийсэн, ямар асуудал шийдсийн батлан хамгаалах салбарын алба хаагчдын нийгмийн асуудал аль зэрэг төвшинд шийдэгдсийн гээд аваад үзхээр хүний урманд тэр ч гэх юм алга. Хамгийн сүүлд хийсэн ажлууд нь хэр зэрэг нүдээ олсон ямар үр дүнтэй зүйлүүд байваа гэдгийг нь ч та бүгд мэдэж байгаа байх. Хэдэн зуун сая төгрөгөөр буу зэвсэг худалдаж авсан. Харин дараагаар нь 700 сая төгрөгөөр амралтын газар бариулж байгаа гэсэн. Төсвийн мөнгийг арай ч ийм замаар урсгаад байж болмооргүйл юм да. Болд сайдын тэр батлан хамгаалхын жуулчны бааз Баянөлгий аймагт баригдаж байгаа гэж байгаа. Үнэхээр тэр газарын мухарт ямар юм хийгдэж байгааг нь харж мэдэх хэн ч байхгүй. Тэгээд Хархоринд жуулчны бааз худалдаж авлаа гэж байгаа. Гэх мэтчлэнгээр батлан хамгаалхын салбар баахан жуулчны баазуудтайл болж байгаа юм байх. Харин тэр баазууд нь ямар ашиг орлого олдог, хэн очиж амардаг байх нь хамаагүй юм гэнэ. Энгийн бор цэргүүд, салбарын хэдэн алба хаагчид нь хоногыхоо хоолноос хэтэрч чадахгүй байхад сайд нь харин тансаглалын өвчин тусцан яваад байгааг юу ч гэж ойлгох юм бүү мэд. Монгол улсын батлан хамгаалах салбарын хөгөжлийг жуулчны баазуудых нь тоогоор тодорхойлдог болцын бол яая гэх вэ дэ.” Болд сайд цэргүүд”

tv9