холбогдол өгөх болсон нь УИХ-ын ээлжит сонгуулийн салхи сэвэлзэж эхэлсэнтэй холбоотой биз ээ. Ямартай ч ойрын үед Батлан хамгаалах яам хөдөлгөөнд орж эхлэх тухай мэдээллийг олж авлаа.

Харамсалтай нь улс төрийн намуудын том загасанд тавьсан өгөөш ЗХЖШ-ын дарга, дэслэгч генерал Ц.Бямбажавт ашигтайгаар эргэж, нэгэн цагт өөрт нь тус дэм болж явсан нөхдийгөө өөд татах боломжийг бүрдүүлэв бололтой. Дэслэгч генерал ЗХЖШ-ын “J4” буюу Хангалт үйлчилгээний газрын /хуучнаар Ар талын газар/ Материал хангалтын хэлтсийн дарга хурандаа Батбаатарыг /гол ажлаа мэддэг хүн, одоо тендерийн болон хангалттай холбоотой асуудлаас холдуулж / чөлөөлж, оронд нь дэд хурандаа О.Баянжаргалыг томилсон байна.

Ингэхийн учир хурандаа Батбаатарыг бригадын генерал Д.Даваагийн оронд газрын дарга болох магадлалтай гэж үзсэн учраас тэр. Түүнчлэн Зэвсэгт хүчний 310 дугаар ангийн /Зэвсэгт хүчний материал хангалтын төв бааз/ захирагч хурандаа Б.Ганбаатарыг Зэвсэгт хүчний 232 дугаар ангийн /Нөөцийн малын анги/ захирагчаар томилж, оронд нь Зэвсэгт хүчний 011 дүгээр ангийн захирагч хурандаа Эрдэнэдалайг /Эрдэнэтийн Зэвсэгт хүчний 186 дугаар ангийн захирагчийн ар талын орлогч байхдаа архины асуудлаас болж тэтгэвэртээ гарсан байсан юм. Харин тэрбээр 2008 онд УИХ-ын дарга Дэмбэрэлийн сонгуульд “гавьяа байгуулсан тул шагналаар “ армид эргэж ирсэн/. ЗХЖШ-ын даргын энэ томилгоо “Офицерийн алба хаах журам” –ыг ноцтойгоор зөрчсөнийг доорхи баримт нотлох биз ээ. Хурандаа Эрдэнэдалайг Жанжин штабт ажиллуулж байгаад дэд хурандаа цолыг нь сэргээхдээ шууд хурандаа цол олгоод зогсохгүй ар талын мэргэжилтэй хүнийг засварын ангийн захирагчаар томилж. Зөвхөн энэ томилгоог хийхийн тулд ЗХЖШ-ын “J4” буюу Хангалт үйлчилгээний газрын /хуучнаар Ар талын газар/ Инженер техникийн хэлтсийн дарга хурандаа Ц.Доржготовоор сольсон байх жишээтэй. Ингэхдээ түүний оронд тус газрын ахлах мэргэжилтэн хурандаа Ж.Ганхүүг томилжээ. Өөр бас нэг сонирхолтой томилгоо бол АДХЦК-ын Улсын нисэхийн хэлтсийн дарга хурандаа Н.Очирбатыг Зэвсэгт хүчний 337 дугаар ангийн захирагчаар томилж, тус ангийн захирагч байсан дэд хурандаа Г.Бат-Оршихыг тушаал бууруулж, штабын даргаар томилсон байх юм.

Үнэндээ хурандаа Г.Бат-Оршихын хувьд тушаал буурах явдал юу ч биш байх учиртай, хуулиар бол. Учир нь тус ангийн хоёр энгийн гэрээт харуул архидан согтууран улмаар бие биеэ хөнөөсөн билээ. Тэгэхээр энэ хэрэг явдал ангийн захирагчийг тушаал бууруулснаар л өнгөрч байгаа нь хачирхалтай. Армийнхны ярьж буйгаар бол дэслэгч генерал өөрийн найз АДХЦК-ын командлагчаар хууль бусаар томилогдсон бригадын генерал Т.Дашдэлэгээ ч албан тушаал бууруулах ёстой байж. Армийнхан ийн өөнтөглөх болсон шалтгаанаа өнгөрсөн онд цэргийн алба хаагч нас барсан, анги байрлалаа орхиж оргосон шалтгаанаар Ерөнхий зориулалтын цэргийн командлагч, хурандаа Г.Энхбаатарыг штабын дарга хурандаа Д.Баярхүүгийнх нь хамт албан тушаалаас нь чөлөөлж, оронд нь ЗХ-ний 303 дугаар ангийн багш нисгэгч Б.Дашаахүүг томилсон. Гэтэл найзынх нь хариуцдаг салбараас хоёрын хоёр хүн албан үүргээ гүйцэтгэж байхдаа архи ууж улмаар нэгнийгээ хөнөөж, өөрийгөө егүүтгэсэн аймшигт хэрэг гарсан. Хурандаа Б.Дашаахүүгийн хувьд ч “но”-той л нөхөр аж. Тэрбээр 1990-ээд оны эхээр зэвсэгт хүчнээс халагдаад жилийн өмнө эргэж ирсэн гэнэ. Цолны хувьд бэлтгэл хошууч. Дэслэгч генерал Ц.Бямбажав цолыг нь сэргээхдээ шууд дэд хурандаа болгож “Офицерийн алба хаах журам”-ыг хоёр удаа зөрчжээ. Журамд зааснаар бол хошууч цолтой бэлтгэл офицерыг 35 наснаас дээш настай бол буцааж авах ёсгүй юм байна. Б.Дашаахүү нь одоо 55 настай энэ жил хуулиараа тэтгэвэртээ гарах учиртай. Түүнчлэн армид цол сэргээхийг зөвшөөрсөн байдаг ч сэргээсэн тохиолдолд өмнө эдэлж байсан цолыг өгдгөөс биш цолыг нь ахиулдаг тогтолцоо байдаггүй гэв.

Андынхаа буянаар тэтгэврийн хошууч цол ахиад зогсохгүй АДХЦК-ын Улсын нисэхийн хэлтсийн дарга болж тушаал дэвшлээ. Эцэст нь хэлэхэд, дээрх томилгоотой зэрэгцээд “Монгол цэргийн өдөр”-ийг тохиолдуулан зарим офицеруудад хурандаа цол гардуулжээ. Үүн дотор Зэвсэгт хүчний 256 дугаар ангийн захирагч Дамдиндоржийн нэр “цохиж” явах юм. Өвөрхангай дахь түүний хариуцсан анги цаг үргэлж хэрэг зөрчил гарч байдгаараа Зэвсэгт хүчинд цуутай. Хурандаа Дамдиндоржийг УИХ-ын гишүүн З.Энхболдын хүн гэдгээрээ энэ цолыг авлаа гэдэг яриа гарч, бие бүрэлдэхүүн илт дургүйцэж эхлэв. Лу.Болд 2010 оны арванхоёрдугаар сард “Зэвсэгт хүчний шинэчлэлийн шийдвэрлэх жил” илтгэлдээ Зэвсэгт хүчний хангалттай холбоотой тендерийг ЗХЖШ зохион байгуулж байх болсон гэсний дагуу зарим хэрэгтэй албан тушаалуудад өөрийн гарын хүн хэрэгтэй болоод дээрх томилгоог хийлээ гэсэн таамаглал ЗХ-ний саарал ордноор тэнэсээр.

yanaa

ЗХЖШ-ын дарга дэслэгч генерал Ц.Бямбажавын ээлжит томилгоо юу өгүүлнэ вэ
Tweet
Bolod.mn

Сэтгэгдэл (3)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
бас Барилгын цэргийн 017 ангийн захирагч гээд цэргээс халагдаад ажилгүй байсан нөхөрийг хошууч цол өгөөд эүтилсон биздээ.

2011-03-25 | 14:30:17 | 202.179.20.130 |

Зочин
Бямбажав одоо болимоор юм даа улс төр төрийн албан хаагчаар тоглож дуусаж байна ТАЗөвлөл гэж хоосон ямарч эрх мэдэлгүй газар байх армийн дэндүү хүлцэнгүй юм тэтгэвэрийн хүмүүсийг буцааж авдагаа болих хэрэгтэй нэг бол тэтгэврийг нь татгалзуулах хэрэгтэй энэ олон хүмүүс ажилгүй байхад тэтгэврийн нөхөдүүдийг албан тушаалд абвал томилосон хүмүүс д нь арга хэмжээ авдаг баймаар байна яах гэж насны тэтгэвэрт гарсан юм бэ арай ч дээ

2011-03-25 | 14:13:34 | 202.170.85.20 |

Зочин
сонин томилгоо гээч байна даа ГАЙХАЛТАЙ????????????

2011-03-25 | 13:46:24 | 202.126.91.41 |

Мэдээ
Гадаад мэдээ
Видео