Шагналуудын нэрийг дахин нэг бодоосой

2011-04-08

Сvvлийн vе шагналын тухай баахан бичдэг боллоо. Хэлэлцvvлэх, хэрэлдvvлэх гээд янз бvрийн ажил зохиож байна.

Төрөөс иргэдээ шагнах ёстой л гэнэ. Нэр усыг нь өөрчлөөд ёстой гоё болгоё л гэнэ.

Баахан хаадын нэрийг өгвөл жинхэнэ шагнал болчих юм байх. За энэ ч яахав бvр цаад талын асуудал. Хамгийн энгийн талаас нь vзвэл нэрийн тухайд vл мэдэгдэх, холион бантан. Хөдөлмөрийн гавъяаны улаан тугийн одонгоос эхэлье. Хvн яахаараа хөдөлмөр хийхээр гавъяа байгуулсан болох вэ, өөрийнхөө төлөө сайн хөдөлмөрлөвөл аж амьдрал нь сайжирна. Орлого нь нэмэгдэнэ. Хамт олон, нийгмийн дунд нэр хvнд нь өснө. Социализмын vед л улсад ажлаа сайн хийвэл ийм шагнал өгдөг байсан шиг санагдах. Өдгөө тэр vе өнгөрөөд 20 жил боллоо. Өнөөдөр сайн ажиллавал мөнгө өгдөг тийм замыг сонгоод яваад байгаа бус уу, бид. Цалинг тодорхой хувиар нэмдэг, жилийн эцэст урамшуулдаг. Бvр цаашлаад орон байр, унаа машин гээд нийгмийн тодорхой асуудлыг нь шийдээд өгдөг болсон. Энэ л жинхэнээсээ хөдөлмөрлөж гавъяа байгуулсны шагнал байлтай. Тэр Хөдөлмөрийн гавъяаны улаан туг одонг огт ойлгохгvй байгаа юм. Хойно нь байх улаан тугийн гэсэн vг бvр ч хачин санагдаад байна.

Одоо тийм туг хаана байна. Хэн толгой дээрээ мандуулаад, ханандаа хадаад, баярын жагсаалд барьж гvйгээд байна. Хэл л дээ. Улаан туг байтугай улаан даавуу ч хэрэглэхээ бараг болио биз дээ. Тvvнээс гадна “Алдарт эх” гэж нэг их сонин шагнал байна. Олон хvvхэд өсгөвөл алдарт эх болдог гэсэн. Цөөн хvvхэд өсгөвөл алдар хvндгvй эх болох нь л дээ. Амьдралдаа хоёр хvvхэд гаргаад тэр хоёрыгоо маш сайн хvмvvжvvлж, бусдад vлгэр жишээ болсон өрх байвал ээж нь алдар хvндгvй этгээдэд тооцогдох юм байна. Харин зургаан хvvхэд гаргаад хvvхдээ буруу хvмvvжvvлсэн, муу vйл нь олон байвал алдарт эх юм байна л даа. Эндээс харахад нэг болохоор тоо хараад байгаа ч юм шиг. Нөгөө талаас юу хараад байгааг бvv мэд. Нэртэйгээр нь “Олон хvvхдийн эх”, “Өнөр бvлийн ээж” гээд өөрчилчих. Тэгвэл ядахдаа утгадаа дvйнэ. Саяхан л мянгат малчин гэж шагнахаар малынхаа тооны хойноос хөөцөлдөөд байна. Одоо тооноос чанарыг харгалзаж энэ шагналыг өгье гэж ярьцгааж байсан. Малыг хvртэл чанар хардаг болсон энэ цагт хvнийг малаас доор vзэж таарахгvй л байлтай.

Бас ардын болон гавъяат жvжигчин гэсэн цол бий. Чиглэл нь тун бvрхэг. Нэрийг нь бодоод авсан хvнтэй нь харьцуулахаар толгой эргэдэг. Дуулдаг нь ч авна, жvжиглэдэг нь авна, бvжиглэдэг нь ч авна. Уг нь дуулах, жvжиглэх хоёр өөр зvйл. Н.Жанцанноров гуайг кино жvжгэнд тоглож байхыг би л лав хараагvй. Лав л гайхамшигтай жvжигчин биш байх. Харин гайхамшигтай хөгжмийн зохиолч, судлаач. Амьдралдаа ганц удаа ч жvжиглэж vзээгvй, дунд сургуульд байхдаа багт наадамд орж ч байгаагvй хvн гавъяат жvжигчин болсон байдаг. Энгийнээр бодоод vзвэл гавъяат дуучин юм даа. Хамгийн инээдтэй нь солгой хоолойтой, ердөө жvжиглэж vзээгvй, бvжиглэдэг хvн нөгөө хvмvvстэйгээ ижил цолтой.

Гавъяат дуучин, гавъяат жvжигчин, гавъяат бvжигчин гэвэл хийдэг ажилтай нь ядахдаа дөхнө. Айлын найран дээр дуулдаг “жvжигчин” ирчихээд суугаад байхад ганц дугараа бариулахгvй гомдоогоод явуулах нь. Нөгөө талаас жинхэнэ жvжиглэдэг “жvжигчин” ирэхээр нь солгой хоолойтой байсан ч дуулуулж олны дунд эвгvй байдалд оруулах нь байна шvv дээ.

Эдгээрээс гадна “Найрамдал” гэж нэг медаль байна. Гадаадын голдуу хvмvvсийг шагнаж байгаа харагддаг. Нэг улстай сайн, өөрөөр хэлбэл найрамдсан бол элчин сайд, эсвэл айлчилсан дарга нарыг нь шагнадаг юм шиг санагдсан. Заримыг нь шагнаад заримыг нь ялгаад байгаагаас харвал нэг хэсэгтэй нь найрамдаад, нөгөө хэсэгтэй нь дайсагналцсан бололтой. Хөндлөнгөөс дvгнэвэл цөөхөн хvнийг шагнаж байвал манай улс их л олон улстай найрамдаагvй, тvнжин муутай байгаа гэж ойлгогдохоор…

Хоёр улсын Ерөнхийлөгчийг зогсоож байгаад нэгийг нь бvгдээрээ сайхан найрамдлаа гэж медаль өгч тэвэрч аваад л нөгөөг нь vлдээвэл юу болох вэ. Бvх улстай эрх тэгш харьцана гэсэн ойлголт байхгvй болох нь гэсэн vг биз дээ.

За тэгээд “Ахмад дайчин” гэсэн медалиар ойлгомжгvй шагнал, одон медалийн цуваа vргэлжилнэ. Ахмад дайчид маань өдрөөс өдөрт цөөрөөд байгаа. Муугаар бодоход дайн байлдаан гарахгvй бол 1939, 1945 оны цэргvvд ертөнцийн жамаар дуусах нь тодорхой. Энх цагт эл шагналаар хэн нэгнийг шагнах боломжгvй ч хэн нэгэнд өгөх гээд энэ шагналыг байлгаад байх шиг байгаа юм.
Гэхдээ нэрийг нь солиод залуу байлдагч болгоод энхийг сахиулах ажиллагаанд сайн оролцсон хvмvvсийг шагнахаар төлөвлөсөн ч байж мэдэх юм. Ингээд бичээд байвал өдөр өнжихгvй авдаг шагналын утга нь vнэн утгагvй санагдаад байгаа юм. Шулуухан хэлчихэд шал тэнэг. Танд ч гэсэн гэгж санагдаж байгаа байх тийм vv?

Ч.Батпvрэв

Эх сурвалж: “Улаанбаатар таймс”

Шагналуудын нэрийг дахин нэг бодоосой
Tweet
Bolod.mn

Сэтгэгдэл (3)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Эрдэм мэдлэгтэй бусдаас тасарxай, гоц авьяастай, улс орний xөгжилд нэмэртэй бол цалин,мөнгөн урамшуулал нь иx байг л дээ. Дээд мэргэжилтэй ч бай,дунд мэргэжилтэй ч бай цалингийн төвшин тогтоо л доо. Тэр цалин нь идэж ууx,өмсөx зүүxдээ xүрэлцэxүйц байг л дээ. Xүнс,өргөн xэрэглээний барааний үнэ--г тогтвортой байлга л даа,цалин нэмэxээр л дагаж өөрчлөгдөөд байxгүй. Энэ бүгд чинь төрийн л xатуу чанга,бас уян xатан бодлогоос л шалтгаална шүү дээ.

2011-04-09 | 01:34:40 | 69.171.163.141 |

Зочин
Xуучин нийгэмийн бодлого шүү дээ--шагнал гэдэг чинь. Нэгийг нь нөгөөгөөс нь ялгаж... Үүнтэй зэрэгцээд атаа,xорсол, xов жив бүгд дагалдана. Xүн мэргэжил эзэмшээд ажиллаж,xөдөлмөрлөx нь --өөрийнxөө л төлөө ,өөрийнxөө амьдральн төлөө биз дээ.Xийx юмаа л xийж байна,үүнд яларxаж гавьяа шагнал xарж сууx тэнэг xэрэг бус уу? Энэ сэтгэxүйг xальяа ,бүгдээрээ xэлэлцэx xэрэгтэй. Өөрсдийгөө өчүүxэн амьтан болгож байна, наад тарxи толгой чинь ажиллаxгүй агшиж, шагналийн xэнээтэн болчиxсон байна шүү.

2011-04-09 | 01:27:18 | 69.171.163.141 |

Зочин
Одон шагнал гэж байxаар цалин мөнгө-ийг нь нэмж, байр сав шагнаж байя л даа. Тийм иx гавияатай xүн бол насний бөгсөнд тэтгэвэр нь нэмэгдэг л дээ. Ид сайн ажиллаж байгаа насан дээрээ, үнэxээр юм xийгээд байгаа бол мөнгөн шагнал цалинг нь нэм л дээ. Xий xоосон төмөрөөр xүн яаx юм бэ, идэx үү? Одоо чинь ардчилсан нийгэм биш үү? Социализмийн үөийн муйxар сэтгэxүйнээс салаx цаг болжээ. Бусад оронд мөнгөөр шийдэж байна шүү дээ. Сайн ажиллаж,сайн яваа нь мөнгөтэй,мөнгө байxад бүx асуудалаа шийдчиxэж байна шүү дээ. Эцэст нь xэлэxэд Амэрикийн нэгдсэн улсын Гавьяат дуучин Майкл Жэксөн. НБА-ийн xөдөлмөрийн баатар, гавьяат тамирчин Майкл Жордан, Ардын жүжигчин Мадонна... Сайxан сонсогдож байна уу? Одон мэдаль яг ийм сонсогдож байгаа юм шүү дээ. Манайxан Монголчуудаа уxаараач,сэрээч...Орчинтойгоо xөл нийлүүлээч !!

2011-04-09 | 01:05:15 | 69.171.163.141 |

Мэдээ
Гадаад мэдээ
Видео

Архив ангилал

Шагналуудын нэрийг дахин нэг бодоосой

Сэтгэгдэл (3)