Ерөнхийлөгч Ц.Элбэгдорж маань “Ухаж биш, ургуулж хөгжинө” гэсэн уриа лоозонтой хүн. Энэ нь алт эрдэнэсээ харьд бэлэглэе ээ, амуу будаа тарьж амь зогооё оо хэмээн ойлгогддог нь аргагүй.

Тэрбээр саяхан, Дорнодын Халх гол дахь Солонгосын тариалангийн цогцолборын нээлт дээр онц чухал ач холбогдол өгөн, давхин очиж: “Зүүн Хойд Азийн, цаашилбал Ази-Номхон далайн бүс нутгийн эдийн засгийн хөгжилд монголчууд бид Халх голын төслөөр дамжуулан хувь нэмрээ оруулж буй хэрэг юм!” хэмээн сүр дуулиантай мэдэгдэв. Золтой л “…би хувь нэмрээ оруулж буй хэрэг” гэчихсэнгүй.
Ази-Номхон далайн хөгжил яах вэ? Монголын хөгжилд хэзээ хувь нэмэр оруулах вэ, эрх баригчид маань. Дэлхийг тэжээх яах вэ, дэндүү хоосорлоо, монголчууд бид. Нам засгийн нэоколоничлолын энэ мэт төсөл бүр Монгол улс үндэстнийг хүнд шархдуулах юм.

2700 ам км газар бол бага юм биш. Хэдэн УБ багтана. Яагаад үүнийг монголчууд ашиглаж болдоггүй юм бэ? Монголын иргэдэд бүх юм хориотой, гадныханд бүх юм нээлттэй…

Далай их ашигт малтмал дээрээ суурилаад мөнгө санхүү босгоод, өөрсдөө газар тариалан хөгжүүлчихэж болсонгүй юу. Лаост талбай худалдан авч, тутарга тарих гэж байгаа байж, тариаланд зохистой ийм их нутгаа харьд 99 жилийн хугацаатайгаар найр тавихын учир юусан билээ.

НҮБ-аас энэ мэт төслийг хүнсний нэоколоничлол хэмээх аюултай алхам гэж анхааруулжээ. Мадагаскарт үүнээс болж хурц асуудал үүсчээ.Харин Солонгосын улс төрчид монгол солонгос хоёр бол нэг ард түмэн гэхчилэн суртал ухуулга хийх нь нэмэгдсэн байна. Миний бие Монгол, Солонгосын газар усны адил нэрүүд гэх судалгааны ажлыг үзэж л явлаа.

Солонгос бол Монголын эдийн засаг, нийгмийн олон салбарт эзэгнэх, ноёрхох байдлаараа Хятадын дараа орох орон юм. Үйлчилгээ, худалдаа, эмнэлэг, уул уурхай, шашин, соёл гээд олон чиглэлээр солонгосчууд давшилт хийж ирэв. Манайх шиг хамаг сайн сайхнаа май май гээд харийнханд өргөчихөөд, тэднээсээ боов боорцог гуйгаад явж байдаг улс гэж байдаггүйм байнаштээ. Өөрийнхийг өгөх байтугай, өрөөлийнхийг авах идэх гэж өлөлзөж өнгөлзөж байж л хөгждөг юм байна.

Мянганы эхээр, Монгол Солонгост эзлэгдэв гэсэн шог үгүүллэг бичээд явж байхад минь, манлай нийтлэлч маань зэрэгцээд “Солонгос ахтай болъё!” гэж, “Орос ах” хэмээн мухар сохроор мөргөж шүтэж явсныгаа солонгос хувилбараар давт гэж уриалж, тэрнийг нь цөөнгүй зарим нь хуйлран дагацгаагаад л, дайрч унагачих гээд л байдаг байлаа, хөөрхий. Солонгосын хийрхлийг өөгшүүлэх нь харийн нэоколоничлолд, синосфэрт дасгах, уусгах, манай болон мангасуудын төрийн хорт явуулга гэж миний бие нийтлэл бүтээлээрээ анхааруулж ирэв л.

Өдгөө ямар болов? Монголд Баруун Солонгос гэх багахан улс үүсчихээд байна. Сэтгүүлийн бизнэс гэж манайд хөгжиж дэвшиж өгдөггүй янзын эд буй. Тэгвэл Монгол дахь хамгийн том сэтгүүлүүдийг солонгосчууд гаргадаг. Зөвхөн баруун солонгосчуудад зориулсан, солонгос хэлээр гардаг, 100 гаруй гялтгар хуудастай, дүүрэн рэкламтай, эндхийн солонгосчуудын хоорондын ажил амьдрал, бизнэсийн харилцааг дэвжээхэд л чиглэсэн, улсын доторхи улсын сэтгүүлүүд (Korea-Mongolian News, нөгөө нь юу ч билээ).
Монголчууд өглөө босоод солонгос автобусанд сууж, өдөр солонгос хоол идэж, орой солонгос сэриал үзэж байна. Солонгос бараа хэрэглэж, солонгос машин унаж, солонгос эмнэлэгт эмчлүүлж, солонгос сүмд мөргөж, охид нь солонгос эрд богтлогдож, солонгос порно-д зургаа авахуулж, залуус нь Солонгост очиж ажиллаж, дарга нар нь Солонгост цэнгэж, казинодож, биднээс дээрэмдсэн мөнгөө тэнд тушааж, сүүлдээ бүр Солонгос колони байгууллаа. Болоо биш үү?
Монгол хүн Москвад солонгос хоолны газар нээж гэнэ. Ингэж солонгосжих гэж байдаг аа?

Зарим хүн Солонгос бол Хятадаас аюултай гэдэг. Солонгос Хятадын аюулыг дагуулна гэвэл зөв мэт. Солонгосын хийрхлийг дарга нар маань Хятадад хүргэх гүүр болгож ашигласан юм. Учир нь Солонгос бол Хятадын соёлын хүрээний (синосфэр) орон.
Эхлээд Японы (ташрамд, Японы хийрхлийн үе буюу 90-ээд оны эхээр миний бие, нэртэйгээр нь Японтой нутаг дэвсгэрээ сольчихмоор юм даа гэхчлэн шүүмжлэн бичдэг байж билээ), дараа нь Солонгосын хийрхлээр синосфэрт хүрэх замыг тавив. Олон түмэн, хятад автобусанд сууж, хятад сэриал үзэж, хятад дуу сонсч, хятад хань ижилтэй болж, хятад колони байгуулагдахад сэтгэлзүйн хувьд бэлтгэгдчихлээ ш дээ.

Дорнод гэж ямар ч үйлтэй аймаг вэ. Тэнд хужаа дүүрч, Халхын голын тулалдааны хөшөө дурсгал болгоны ард баагаад сууж байдаг, хоёр гурван монгол хүүхнээр сугадуулаад дэмнүүлээд цэнгэж явдаг, хүн ард нь хятад хүргэнтэй болохоос цэрвэхээ больж байгаа, хаа сайгүй хятад бичээс, уриа лоозон, хаяг алаглаж, манай нэфтийг бохир ус гээд үнэгүй завшин зөөвөрлөж байдаг сураг дуулддаг. Ураныг нь бүхий хөгжилтэй улс булаалддаг, тэнд бас хужаа ажилчид ирнэ. Халх гол төслийн шугамаар бас хятад тариачид ирж сууна. Манж улсын, хятадуудыг Монголд суулгаж, атар хагалбарлуулан колоничлох “Шинэ засгийн бодлого” дүрээрээ хэрэгжиж эхэллээ шүү дээ.

Олон ажлын байр бий болно, зөндөө гоё хөгжинө, өчнөөн гоогоо орлого ашиг ирнэ гээд л ард түмэнд модтой чихрийн гялгар цаасыг долоолгон “цатгах” гэж оролдож байна. Тэр ажлын байр хятадынх, хөгжил солонгосынх, орлого солонгос-хятадынх. Манайх 4-10 хувийн ашиг авах юм уу, үгүй юу л гэнэ билээ.

Халх голын төсөл бол загвар аж ахуй гэнэм. Энэ загвараар бүх аж ахуй “маань” хөгжих нь дээ.
Ерөнхийлөгчийг Солонгостой их холбоотой гэдэг. 2009 оны сонгуулийн өмнө солонгосын тал (тэр дундаа шашныхан) түүнд тал бүрээр тусалсан. Хариуд нь манай хүн тэдэнтэй аман “ТБГэрээ” маягийн юм байгуулаад ирсэн гэж бичигдээд л байсан. Ноднин Солонгосын Сонгдо эмнэлэг амийг нь аварсан. Энэ бүхний төлөөс нь Халх голын төсөл биш биз?
Манай улс ах дүү монгол туургатан ирэхээр элдэв аян шалтгаар хөөж гаргаад, эсвэл барьж тушаагаад байдаг. Тэгсэн хэрнээ, Хойд Солонгосын дүрвэгчдийг оруулж ирье гэж олон жилийн турш хөөцөлдөж байгаа. Хожим БНАСАУ-д хувьсгал гарвал, хоёр Солонгос нэгдвэл, БНСУ-д багтаж шингэх аргагүй олон дүрвэгч хойноос үерлэн орж ирэх юм билээ ш дээ. Тэр асуудлаа шийдэх гэж БНСУ манайд хойд солонгос дүрвэгч оруулна гээд л зүтгээд байдаг юм билээ.
“Баруун Солонгос Улс” одоо өөрийн гэсэн нутаг дэвсгэртэй болох нь энэ үү. Бид гадныхныг тэтгэсээр, өөрсдөө уруудаж доройтсоор байх уу?
Араб, лал болон бусад орнууд хувьсгалжиж гүйцлээ. Манайхаан, яагаад таг чиг байна вэ? Бурангуй орнуудын хувьд хувьсгал гарахгүй байх нь ичгэвтэр явдал болоод байна шүү! Хурцыг сулла гэж жагссанаас өөр дорвитой юм дуулдахгүй л байна.
Асуудлын гол нь Солонгост байгаа биш. Солонгос улсыг гурав дахь хөршийн статустай болгож, эрх тэгшээр найрамдаж нөхөрлөх хэрэгтэй.

Хамаг муу муухайн шалтгаан нь манай дарга нар юм. Олигархиудын нэоколоничлол-гэноцидийн дэглэмийг түлхэн унагаж, таягдан хаяваас, гадаад хамсаатнууд нь ч зайлан одно. Танайхан хувьсгал хийж, эрүүл нийгэм байгуулж, хөгжиж цэцэглэж, аз жаргалтай амьдарч болохгүй гэж нэг ч улс хэлэхгүй! Асуудлын гол нь Манж Чингийн “Шинэ Засгийн бодлогыг” хэрэгжүүлдэг нам засагт л байна!

Ч.Мөнхбаяр
ММХI.III.IX

Халх голын бүсэд Солонгос аймаг гэх 22 дахь аймаг үүсч эхлэв
Tweet
Bolod.mn

Сэтгэгдэл (6)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Ene yagaad Hyatad (China) daraad baigaa um bolooo???????? Esvel Mongol chuud bid Hyatad gej heleh bas horiotoi boltsiim uu????????????????????

2013-09-09 | 11:51:29 | 103.9.88.18 |

Зочин
Болно болно хэнийг ч авчираад юу ч хийлгэж болно харин хийлгэж дуусаад хоож явуулах чад********тай байх хэрэгтэй. Угаас манайхруу шүлсээ үсчүүлэн ирж байгаа гадныханд бид хүн биш, харин ч өөрсдийнхөн байх ёсттой зүйлийг булаагаа авцан мэт ********лах нь энэ төр өөрөө өмхийрсөнийх. Хэдэн ногооноос болж төрсөн хүүхдээ ч хүртэл зарж мэдэх энэ томчууд бусдыг бодно гэж үүү. Яриад л бай тэгнэ ингэнэ гээд нэг өдөр амаа барих вии дэээ хөөрхийс. Сонгууль болхоор нам болж ард түмнээ хэдэн хэсэг хувааж хороонд нь ****************цуулна. Бусад үед нь яриад л байна яриад л байна. Майнахныг авах дуртай өгөх дургүй гээд гадаадынхан үзхээ байж байгаа. гэтэл тэр аваад байгаа юм нь хаачаад байгаа юм бүү мэд. идэж ханаж цадхаа мэдхээ байсан энэ төрийн ********батууд сав хийвэл мөнгө нэхнэ. за яхав гээд мөнгийн өгнө ажилаа хурдан хийдгэх гэж шүү дээ тэгсэн нөгөө нөхөр маань дээрээ бүүр том хүнтэй тэр нь юм хэллээ тэгээд дуусаа хийх гэж байсан ажил, хийж байсан ажил бүгд гацна. Яхав аргатай нэг нь дагуулж идүүлж уулгаж нөгөө нэртүүдийг авчиран зугаацуулж байж нэг юм таван цаасаа авна ажилдаа эргэж орно. С********г********ж явсаар байт******** нөгөө хар ******** нар нь үнэ нэмчинэ за тэгээд л ахиад нөгөө мөнгөний эрэлд гарна. Манай нөгөө өөрсдийгөө ямар улс төрч энэ тэр гээд өргөмжилөөд байдаг хүмүүс цагаа тулхад ганц хүрз шороо ухаж дийлэхгүй хүмүүс ажил яаж явдагийг мэддэг юм шиг яриад л байна яриад л байна. За тэгээд газрын Лиценз нэрээр хөдөөгүүр ********ан гадныхан болцон. Хөдөөний м********чин айл гадаад хүргэнээрээ гангарна. харин хэдэн ********нүүд нь нутгийн хэдэн охидоо ганц юмнаас зарчихан. Одоо ингээд газар түрээслэх нэрээр Бас дахи********д бөөн гадныхан. Яандаа хөөрхий Удахгүй 2040 он гэхэд ер нь монголд монгол цустай хүн үлдэх болов уу????????? Бүгд би Монгол гэх ч ********ь нэг улсын холцтой ер нь бол энэ өвсөн тэжээлтнүүд шиг орсгой шүдтэй юмнудаар дүрэх нь гарцаагүй. Монголчууд бид зүгээр ч нэг өөрсдийгөө чонтой зүйрэлдэггүй л байсан сан. Учир гэвэл хэрсүү ухаан юмны наад цаадхыг олох чадвар сайтаада******** тийн нэрлүүлж нэрэлж байв. Гэтэл одоо цагийн чононууд өвс иддэг болцон чинь өнөөх барьж иддэг байсан хонь м********наасаа ялгагдахаа байжээ хөөрхийс. Одоо ялтай ч билээдээ одоо цагт дэлхийн хөгжилтэй мөр зэрэгцэн ********хах дуртай хүн олширч чадах чадахгүй гадаадаар хэрэлдэж, гадаад соёлыг шүтдэг болждээ. Нэг газар яваж байгаад хүний яриа сонссон хөдөө явах нь битгий хэл аруул идэж үзээгүйгээ гайхуулаж байхын. Сонсоод ичмээр ба өрөвдмөөр санагдаж билээ. Манайхан үнэндээ соёлжоод байна уу ? эсвэл ялзраад байна уу? Хаанхын юуч байсан МОНГОЛЧИЛЖ сурсан бид хуулхаас ц********гүй ********ын араас ороод байна уу гэлтэй. өөрснөө юм хийх гэхээр ураг******** байдгаа гаргачаад орнд нь ********ан хөг авчирна, тэрийгээ бүр өөрөө хийсэн юм шиг яриж нөгөөхөө РЕКЛАМДАН (суртчилан) одоо яхав марг********ийн өөхнөөс өнөөдрийн булчирхай гэж яваа хүмүүс яаж дэлхийн хэмжээний үгүй адаглаад монголдоо монгол шиг байж болдоггүй юм болов уу??? Том гүхний бодлого гэж цаанаа л өөр юмдаа өөрийн нутаг дэсгэрт сар буюу түүнээс дээш оршин суух иргэдийн тоог өөрийн хүн амын нийт тооны 20% байхаар төлөвлөдөг гэнэ шүү. айхтар хүмүүс цанаа л айхтар юм даа. Гэтэл монголын хаан ч ямар газар очисон гадныхан тэр дундаа ********ууд дүүрэн. байхдаа : эсвэл арваараа биш харин хэдэн зуугаараа байна. Ингээд бодох үнхээр Монгол орнд маань Би Монгол гээд хэдчих хүн удахгүй ********га болж Монгол хүн дэлийн Улаан номонд устаж үгүй болсон үндэстэн хэмээн орох вий дээ хөөрхийс.,

2013-09-09 | 11:48:11 | 103.9.88.18 |

Зочин
элбэгээ муу бөөс юу хийгээд бган бэ. Сонгуулийн хандив солонгос нараас авсан гэдэг ни үнэн байсан байна

2011-04-17 | 17:11:52 | 182.160.45.3 |

Зочин
Шивээс сонирхдог үндсэрхэг үзэлтэй хүмүүс байвл надтай нэгдээрэй бид монголоороо байж монголоороо гоёцгооё 88260482

2011-04-17 | 01:12:29 | 203.91.117.4 |

Зочин
зовоо энэ муусайн авилгал аваад ханахгуй бга хулгайчуудийг бугдийг н алах юмсан.унэхээр тийм юм болж байгаа бол ард тумэн мини босож сэрцгээ.1990онд нэгдэж чадсан юм чинэ одоо ягаад болохгуй гэж.босцгоо,сэр ард тумэн мини.би бэлэн бна

2011-04-16 | 21:24:29 | 116.84.159.71 |

Зочин
Ч.Мөнхбаярийг овоо юм гэж бодсон чинь юу вэ, газар түрээслэх гэх мэт асуудлыг ерөнхийлөгч мэдэж шийдвэр гаргадаггүй. Энэ чинь засгийн газрын гаргасан шийдвэр, засгийн газрын шийдвэр шүү дээ. Шүүмжилж болно оо гэхдээ хүнээ олж шүүмжил, Ерөнхийлөгч ганц хөдөө орон нутгаар явахдаа ганц Дорнод аймгаар яваагүй, мөн ерөнхийлөгчийг яг Дорнодод очиход газар түрээслэх шийдвэр гаргасан аа ЗГ зарласан нь цаана аа зорилготой байсан ч байж магадгүй дээ.

2011-04-16 | 20:27:04 | 121.161.243.24 |

Мэдээ
Гадаад мэдээ
Видео