Н.Энхбаяр, Ленинтэй “ихэрлэсэн” нь

2011-04-22

Нарру Birthday, Ленин. Пролетарийн их багш мэндэлсний 141 жилийн ой өнөөдөр тохиож байна.

Социализмын үед баатарчуудын арми бөмбөр нүдэцгээж, Лениний тухай дуугаар түүнд сюрприз “барьдаг” байв. Харин өнөөдөр энхбаярчууд их багштайгаа төрсөн өдрийн “бялуу” хуваана. Н.Энхбаяр тэргүүтэй люмпен пролетариуд Лениний мэндэлсэн өдрийг нижгэр тэмдэглэнэ. Хуучнаар ЗХУ-ын үед нэгэн ухуулах хуудсыг хаа сайгүй наадаг байв.

Тэр нь “Нөхөр Ленин газар дэлхийг хог, шорооноос цэвэрлэж байна. Дэндүү сайн цэвэрлэж, бүр өнгөргүй болтол нь зүлгэсэн байна шүү” гэсэн утгатай. Болыпевизмын үлдэгдлүүд энэ тухай хойч үеийнхэнд яс, маханд нь / шингэтэлсурталдаж, коммунистууд түүнд нь хөөрцгөөдөг байв. Тэгвэл Монголын люмпен пролетариуд улирч баларсан болыневик түүхийг нэхэн санагалзаж байна. Бүр Н.Энхбаярыг Ленин хэмээн эндүүрэхдээ тулав.

Ленин бол Зөвлөлт төрийг үндэслэгч. Харин Н.Энхбаяр төрийн бүхий л өндөр албан тушаалыг хашиж явсан нэгэн. Болыпевикууд Ленинийг “Сахал”, бас “Эзэн” гэж хочилдог байв. Н.Энхбаяр ч эзэн… Тийм ээ, эрх мэдэл бүхий тойрон хүрээлэгчидтэй, МАХН хэмээх том “багана”-ыг түшиж явах үедээ тэр эзэн байсан. Бас “Аалзны тор сүлжигч” гэгддэг байв. Ингэж өргөмжлүүлж, баалуулж явсных нь ул мөр өдгөө улс төрийн тавцнаас арилаагүй байна. Тухайн үед оросуудЛениний ааш зангийн талаар “Яг л бульдог нохой шиг. Тэр нэгэнт барьж авсан бол тавина гэж байхгүй. Гүйцээж байж л салдаг” гэж хэлэлцдэг байжээ.

Мань Н.Энхбаяр ч зууралдсан, бас зуурч авсан бол тавихаа мэддэггүй аж. Тэрбээр МАХН-тай зууралдаж, С.Баяртай барьцалдсан хэвээр байна. Болыневикуудын лидер Ленин “Дээрэм бол хувьсгалт тэмцлийн нэгэн хэрэгсэл мөн” хэмээн тунхагладаг байв. Гэтэл экс Ерөнхийлөгч саяхан “Төрийн эрхийг Үндсэн хуулийн бус аргаар авна” гэж цочир сонин мэдэгдэл хийсэн. Ленин болыпевикуудыг анархизмд уриалсны дараа Орост чухам юу болсон гээч. Аллага, дээрэм тонуул, хулгай зэлгий, булаан эзлэлт, эд цөм зохион байгуулалттай “Экс” ажиллагаа болон хувирсан юм.

Зарим эх сурвалжид дурьдсанаар, “Экс” буюу экспроприаци ажиллагаа явуулдаг цор ганц социал демократ байгууллагатай ч болж байж. Ленин эл явдлыг улам дэвэргэж, 1905 онд “Экс” ажиллагаагаа улам эрчимжүүлсэн гэдэг. Тэгмэгцээ зөвхөн Лениний фракцид үйлчилж, тэднийг санхүүжүүлэх үүрэг бүхий “Болыневик төв” хэмээх нууц бүлгийг Оросын ажилчны социал демократ намын Төв хороонд байгуулж дөнгөжээ. Ленинизмийн суртал ухуулгад автсан нөхөд энгийн иргэдийг “Ялсан пролетариуд тариачдад явах замыг нь зааж өгнө” хэмээн мунхруулж, 1905 оны нэгдүгээр сарын 9-нд Петербург хотноо үймээн дэгдээсэн нь түүхэнд “Цуст ням гараг” хэмээн нэрлэгдсэн билээ.

Большевикууд тэр өдөр жирийн ажилчдыг Эзэн хааны эсрэг турхирч, жагсагчид, цагдаагийнхны хооронд мөргөлдөөн болсны улмаас олон хүн амиа алдсан түүхтэй.
Ингэхэд энэ түүхэн хувь тохиол уу, аль эсвэл хувь заяаны шоглоом уу. МАХН-ынхан өнгөрсөн оны арваннэгдүгээр сард XXVI их хурлаа хийж, намынхаа ууган нэрийг сэргээсэн. Харин Н.Энхбаяр их хуралд өөрийн биеэр оролцож, МАХН-ыг Ардын намаар “солих”-ыг эрс эсэргүүцсэн удаатай. Гэтэл Ленин бас яаж байсан гээч.

Тэрбээр 1905-1907 онд болсон хувьсгалын үед Швейцарьт байжээ. Хаант засаг болон хамжлагат ёсыг түлхэн унагаж, засгийн эрхийг гартаа авах нь түүний туйлын хүслэн байв. Эрх мэдлийн “багана”-аас барьж авах гол хүчээ ажилчин анги, холбоотноо тариачид хэмээн тооцоолсноо тойрон хүрээлэгчдэдээ ил тод хэлэв. Цаадуул нь сайшааж байна гэж жигтэйхэн. Эзэн хааны эсрэг хөдөлж, ажил хаялт зарлах, зэвсэгт бослогод бэлтгэх гэхчлэн “Экс” ажиллагааныхаа ээлжит бэлтгэлийг тэд хийж эхэлцгээжээ. Ленин эрх мэдлийн оргилд хүрч, ленинизмийг бүх нийтээр тахин шүтэх хүртэл Орост цуст он жилүүд үргэлжилсээр байсан юм.

Гимназид суралцаж, хэд, хэдэн гадаад хэл эзэмшсэн Володя хүү ленинизмийн загалмайлсан эцгээр тодорсон бол орчуулагч Н.Энхбаярт МАХН-ыг шинэ буйран дээр элбэн тохинуулах хувь тохиов. Ленин ажилчин, тариачин ангийг “Эрх мэдэлд хүргэх ариун гэгээн сүнс” хэмээн наанаа хэлэх ч хаалганы цаана алан хядагч бүлэглэлүүдтэй хүчээ нэгтгэж байв. Эдийн засагчид тэргүүтэй сэхээтний давхаргын зарим төлөөлөл түүнийг эсэргүүцэн суудлаа орхисны дараа Төв хороонд Лениний фракци олонхи болсон гэдэг. Н.Энхбаяр ч их багшийн замналаар хөдлөв.

Ардын нам хэмээгчийг эсэргүүцэж, МАХН-ын түр штаб байгуулав. Анхдугаар онц их хурлаа зарлан хуралдуулж, намын дарга болов. Гэхдээ Лениний фракци, Н.Энхбаярынхан дунд ялгаа бий. Учир нь ленинистүүд засгийн эрхийг зэвсэг, цус урсгалтын хүчээр авсан бол МАХН-ынхан люмпен пролетариудын аргыг хэрэглэцгээж байна. Ажил хийхгүй, шаардах. Ажил хэрэгч биш, зүгээр л суртал ухуулгын шинж чанартай зүйл ярьцгаах. Энэ бол люмпен пролетариудыг таних тэмдэг. Өөр нэгэн ялгаа нь Н.Энхбаярынхан парламентад цөөнх. Н.Энхбаярыг эрх мэдэлтэй байх үед УИХ-д ямагт олонхи байсан МАХН энэ цаг үед цөөнхийн дүрд тоглож байна.

“Коммунизмын тухай хар ном”, “Лениний ув улаан диктатур”. Оросууд ленинизмийн үеийн цуст яргаллын тухай ийм нэртэй ном бичицгээжээ. Ленин Эзэн хааныг угаас үзэж чаддаггүй байсан. Орос орон. өлсгөлөнд нэрвэгдэж, хүн бүхэн тусламжийн гараа сунгацгааж байхад залуу Ленин татгалзаж байсан нь ч учиртай. “Өлсгөлөн улам даамжрах нь Эзэн хааны нэр хүндэд халгаатай. Түүнийг иймэрхүү аргаар унагаж, засгийн эрхийг гартаа оруулах минь”. Тэр ингэж боддог байж. Гэвч тэрбээр Эзэн хаан II Николайг удам судартай нь үгүй хийх төлөвлөгөөгөө хожим большевик аргаар гүйцэлдүүлжээ.

Түүхийн эх сурвалжуудад өгүүлснээр, Ленин, Свердлов нарын зөвшөөрлөөр II Николайг гэр бүл, бараа бологчдынх нь хамт хөнөөх тухай Уралын ажилчин, тариачин ба цэргүүдийн депутатуудын зөвлөлийн тогтоолыг 1918 онд Екатеринбург хотноо ёсоор болгожээ. Харин үүний дараа большевикууд тариачдыг цөлмөж, хядаж эхэлсэн юм. Тэр ч атугай “Америк, Англи тэргүүтэй хөрөнгөтнүүдэд сануулга өгөх зорилгоор Октябрийн-хувьсгалыг хийсэн юм” хэмээн уран илтгэлдээ дурьдаж байсан ч тухайн үед Ленинийг өрнөдийнхөн санхүүжүүлж байсан нь хожим ил болсон билээ. Ленинизмийг Сталин, Мао Зэдун, Пол Пот зэрэг дарангуйлагчид шүтэж, хүн төрөлхтөний түүхэнд хар толбо үлдээсэн нь ч бий.

Маркс “Энэ ертөнц дээрх цор ганц үнэн бөгөөд зөв сургааль бол Ленинийх юм” гэж хэлсэн байдаг. Иймэрхүү утгатай үгс сүүлийн үед Монголд ч давтагдах болов. Большевикууд “Лениний заасан замаар, урагшаа” хэмээдэг байсан бол. МАХН-ынхан Н.Энхбаярын заасан замаар давшицгааж байна. Арай Н.Энхбаяр Лениний үзэл санааг улс төрийн тавцнаа хөрвүүлж байгаа юм биш биз. Учир нь өнөөдөр Октябрийн хувьсгалын их эцэг мэндэлсэн өдөр. МАХН-ынхан найзуудтайгаа хамтран Ард түмний их хуралдайгаа хийж байна. Ленинизмийг соёлт хүн төрөлхтөн шүтэхээ больсон ч гагцхүү люмпен пролетариуд л түүний төрсөн өдрийг тэмдэглэдэг юм.

С.Баттулга

"Сонин мн"

Н.Энхбаяр, Ленинтэй “ихэрлэсэн” нь
Tweet
Bolod.mn

Сэтгэгдэл (2)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Энхбаяр монголын хаан болох гээд ядчих юмаа. 20н жилд Монголчуудыг дарамтлаж дарангуйлаж идэж ууж ханаагүй юмуу? Одоо хэн ч биш болсондоо боож үхэхгээд яваа юм. Шинэбаяр гэдэг хүүэхлдэйгээр Энхбаяр ёстой нэг тоглож байна даа. Нэг л өдөр уйдаад ураад шидээд хаях байхдаа. Энхбаяр байггаа цагт Монголчууд хэзээч амар тайван амьдрахгүй гэдэг нь хэндч олйлгомжтой болсон шүүдээ.

2011-04-23 | 22:36:38 | 93.219.157.143 |

Зочин
Ямар тэнэг нь 4-р сарын 22-ны өдрийг сонгож авдаг байнаа. Соц хувьсгал хийх гээд байгаа юм уу энэ Энхбаяртангууд. Сэрүүн зүүдэлж байна даа мөн ч. Бид зүгээр л ажлаа сайн хийж улс орныхоо хөгжилд хувь нэмэр оруулмаар байна. Хэдэн хөгшчүүл цуглуулаад хувьсгал хийсэн гэж ер сонсоогүй юм байна.

2011-04-23 | 12:46:38 | 202.126.92.7 |

Мэдээ
Гадаад мэдээ
Видео

Архив ангилал

Н.Энхбаяр, Ленинтэй “ихэрлэсэн” нь

Сэтгэгдэл (2)