нь ийнхүү үнэд нөлөөлсөн хэмээн тайлбарлаж байна. хэдий тийм ч өнөө маргаашгүй бариад л борлуулаад эхлэхгүй нь лав. Юутай ч орон сууцны борлуулалт нэг үеэ бодвол өсөөд байна. Судлаад үзэхэд тогтмол өсөлттэй харагдаж байгаа тул цаашид ч үнийн өсөлт үргэлжилнэ гэж үзэж байгаа юм.

Тиймээс чанартай, дээр нь байрлал сайтай сууцуудын үнэ яах аргагүй нүдэн дээр 400 хүртэлх ам.доллараар нэмэгдлээ. "100 мянган айлын орон сууц" хөтөлбөрийн хүрээнд нийслэлийн зургаан газрыг орон сууцжуулахаар төлөвлөжээ. Нисэх, Яармаг, Баянголын ам.долдугаар хороолол, 14 дүгээр хороолол, Радио телевизийн газруудыг орон сууцжуулах юм байна. Эдгээр газруудыг барилгажуулахын тулд эхний ээлжинд инженерийн шугам сүлжээг сайжруулах, шинэчлэх, шинээр тавих ажлыг энэ жилээс хийж эхэлнэ гэж байгаа.

Үүнд 447 тэрбум төгрөгийн хөрөнгө оруулалт хийхээр төлөвлөжээ. Инженерийн шугам сүлжээний ажлыг төр өөрийн хөрөнгөөр хийх нь барилгын өөрийн өртгийг хямдруулах, орон сууцны нэг метр квадратын үнийг бууруулах боломжийг бүрдүүлж байна гэсэн үг. Хэдий тийм ч борон сууцны үнэд шуудаар нөлөөлдөг зүйл бол барилгын материал байдаг.

-Барилгын материалын хангамжийг өнөөдрийн хувьд манай улс дотоодоосоо зуун хувиа байг гэхэд 50 хувь шийдэж чадахгүй байна. Ийм үед орон сууцны үнэ цаашид хямдарна гэдэг эргэлзээтэй. Тэгэхээр хүссэн хүсээгүй гадаадаас импортлохоос өөр аргагүй. Мэдээж дээр нь 10-30 хувийн ашиг шингэнэ. Үүнтэй тэмцэхийн тулд төр засгаас барилгын материалын парк байгуулах талаар яригдаж байгаа.

Урьдчилан төлөвлөснөөр паркад зарж буй импортын барааны үнийг ашиг нэмээгүй үнээр борлуулах бодлого барих гэнэ. Үүний дараагаар төрөөс дотоодынхоо барилгын материал үйлдвэрлэлийг сайжруулж хөтөлбөр гарган ажиллах юм байна. Сайн төлөвлөж ажиллаж чадвал 2017 он гэхэд дотоодынхоо бүтээгдэхүүнээр барилга угсралтын ажлынхаа 70 хувийг хангадаг болгоно гэсэн тооцоотой гаргажээ. "Хөтөлийн" цемент шохойн үйлдвэр өнөөдрийн байдлаар 500 мянган тонн цемент үйлдвэрлэж байгаа тооцоо байдаг. Тиймээс тус үйлдвэрийн хүчин чадлыг сайжруулж, техник технологийн шинэчлэлтийн ажлыг одооноос хийж эхэлж байгаа гэсэн.

Шинэчлэлт бүрэн хийгдсэний дараа жилд хоёр сая орчим тонн цемент үйлдвэрлэх боломжтой болох юм байна. Мөн Налайх, Эрдэнэт хотод арматурын үйлдвэр барих ажил эхлэх шатандаа байгаа. Энэ бол бидний ирээдүй буюу орон сууцны үнэ буурах үе. Чанартай сууцыг үнэтэй авсан ч харамсах юм алга. Харин үнэтэй авсан хэр нь хэсэг хагас жил бололгүй зэс нь цухуйгаад байвал яах билээ. Хэнтэйгээ заргалдаж, ямар үнээрээ засч залруулж, борлуулах билээ. Сэтгэлдээ нийцсэн сууцад насаараа банкны өр төлсөн ч яахав. Барилгын чанарын асуудал байнга л санаа зовоож байна.

Стандарт нь ийм байх ёстой гээд заагаад өгөхөөр стандарт бусаар барьсныг нь нөгөө шалгагч эрх мэдэлтэнүүд хэдэн бор юм атгаад л сайн гээд л тодорхойлчихно. Гурил шиг амтлаж үзэлтэй нь биш, нөгөө бичигт нь хууртаад л авчихна. Уул нь энэ төрийн албаныхан ажлаа сайн хийчихээд авах юмаа авдагсан бол ч. "Шаардлага хангахгүй байна" гээд гэдийгээд сууж байхад цаад хэд чинь алдаагаа ч засна, танд ч магадгүй юм атгуулна шүү дээ. Тиймээс олдсон дээр нь гэдэг зарчмаасаа татгалзахыг хүсье. Тэгэхээр төр засгаас барилгын үндэсний лаборатори гээчийг барихаар болсон. 16 төрлийн лаборатори бүхий иж бүрэн тоног төхөөрөмж суурилуулах юм.

Үүнээс гадна газар хөдлөлтийн судалгаа хийх лабораторийг ч барина гэж байгаа. Энэ лаборатори ирэх жил гэхэд баригдаж дуусах байх. Үүний үр дүнд барилгын материалын чанар сайжирч, иргэд аюулгүй орчинд ажиллаж амьдрах бас нэг нөхцөл бүрдэнэ гэдэгт итгэж байна. Орон сууцны үнэ өсөхөд Засгийн газраас төрийн албан хаагчдад олгож буй урт хугацааны орон сууцны зээлийн хүүг зургаа хүртэлх хувь болгосон нь нөлөөлсөн. Энд хүү нь буурахад тэнд эрэлтээ дагаад үнэ өснө, энд цахилгааны үнэ өсөхөд тэнд бас л өснө.

Ер нь өсөлтийн зарчим манайд үйлчилж байна. Харин уншигч танд дуулгахад "100 мянган айлын орон сууц" хөтөлбөрийг хэрэгжүүлснээр "зөвхөн төрийн албан хаагчдад" гэдэг шиг квотын хязгаарлалт тавихгүй юм билээ. Тиймээс иргэн та чөлөөтэй хамрагдаж орон сууц худалдан авч болох нь. Орон сууцны байршил хэрэглэгчдийн хамгийн чухалчилдаг асуудал билээ. Хотын төвийн A зэрэглэлийн бүсэд байр ямар үнэтэй байгааг танд сонирхуулъя. Хамгийн үнэтэй бас хамгийн тохьтой байр "А" зэрэглэлийн бүсэд л байна. Уул нь бид Богд хааны ордонтой зэрэгцэн баригдах сууцууд хамгийн үнэтэй нь гэж бодож байсан бол дэд бүтцийн асуудал нь сууцны үнийг эргээд унагаж байна. Улсын Драмын эрдмийн театртай хаяа дэрлэн босч буй барилга яах аргагүй төвийнх.

Тэр сууц нэг ам метр нь 2.5 сая төгрөг. Сууц 3-5 өрөөтэй. Үндэсний соёл амралтын хүрээлэнгийн орчмын байрууд мөн л байрлал сайтай учир өндөр үнэтэй. Энд "Элит"-үүд амьдардаг хэмээн зарим иргэд ярьж байхыг нь сонссон. Учир нь зарж буй сууцууд нь олон өрөөтэй, чанарын хувьд дээд зэрэг. Худалдан авах иргэд мөнгөө бэлэн өгдөг. Түүнээс урьдчилгаа өгөөд, банкны зээлд хамрагдана энэ тэр гэж бараг байдаггүй. Учир нь эрэлт ихтэй, худалдан авагчид хязгаартай гэсэн тайлбарыг л өгдөг. "Бэлэн мөнгө". Одоо чинь бэлэн мөнгөөр хэр их тооцоо хийдэг билээ дээ. Хаана бэлэн мөнгө их байна тэнд далд эдийн засаг нүүрлэж байдаг.

Тиймээс лавлаж, шалгах л хэрэгтэй байх. Зарж буй орон сууцныхaа үнийг өмнөх оноос хэт ихээр нэмэгдүүлсэн компанид салбарын яам, газрын зүгээс дэмжлэг үзүүлэх эсэх асуудлыг хэлэлцэн шийдвэрлэнэ гэж байсан. Тиймээс өнөөдрийн өөхнөөс маргаашийн уушиг дээр гэдэг байх аа. Үнээ өсгөхөөсөө өмнө бодох л хэрэгтэй болж дээ.

Г.Энхтуяа

Шинэ баригдсан сууцны зах зээлийн үнэ хэдэн зуун мянгаар өслөө
Tweet
Bolod.mn

Сэтгэгдэл (4)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
газарын мафи өнгөрсөн жи л хоёр сараас байрны үнийг сонгуулынхаа мөнгө хийх зорилгоор хөөрөгдсөн шүү дээ зургаан хувье-ийн хүүтэй зээл чинь энэ зорилгоор л батлагдсан тэгээд ч зургаан зуун тавин мянгаас дөрвөн зуун мянгын хооронд байсан байрны үнийг метр квадрат нь сая гэж хөөрөгдөөд дээш нь саяа давуулаад газараа зараад хахуулиа аваад сонгуулиар гарч чадаагүй иймээс барилгын компаниуд ман-ийн сонгуульд өгсөн хахуулиа нөхөхийн тулд мөд үнээ буулгаж чадахгүй өнгөрсөн оны нэг сарын барилгын үнийг хараарай тэгээд ман зургаан хувь ийн хүүтэй зээлийн болзлыг хараарай

2013-02-21 | 17:07:47 | 202.179.24.33 |

Зочин
za tegeed neg yum yarihaar nuguu ruugee chihdeg ee boliosoi

2011-11-02 | 16:02:37 | 202.180.218.27 |

Зочин
Prokuroruuud Gazriin albaniihantai niilj baigaad gazriig unetei zarj baihad yaj hyamdhan bair barih geev

2011-07-24 | 17:00:03 | 122.201.23.218 |

Зочин
Gazriin albanii unetei zarsan gazar deer unetei l bair bosno shuu dee

2011-07-24 | 16:58:59 | 122.201.23.218 |

Мэдээ
Гадаад мэдээ
Видео