Хоосон лангууны вант улс буюу “Metromall”

2011-04-25

Саяхны нэгэн өдөр үсээ “гель”-дэж, мөнгө төгрөгөө тооцоолж байгаад л гайгүй “брэнд” хувцас олж өмсч гоёж гоодох

санаатайгаар хүмүүсийн анхаарлыг дэндүү ихээр татаад байгаа “Их хотын Их дэлгүүр” “Metromall”-ыг зорилоо. Монголд худалдаалагдаж байгаа жинхэнэ ориг брэнд бүтээгдэхүүнийг ирж аваарай, хямдрал зарлаж байна энэ тэр гээд байнга л шахуу ТВ болон сонин хэвлэлээр явж байдаг сүржин реклам нь ч санаанд оров.

Сэтгэл өндөр бөгөөд шинэ хувцас авах гэсэн биш тэнд очоод шинэ содон юм юү ч харсангүй. Хаа сайгүй байж л байдаг лангуу түрээслүүлэгчээр ороод гарав. Учир нь, “Metromall” –ын нөхөд өөрсдөө санаачилж, зохион байгуулаад гадаадаас оруулаад ирсэн боломжийн хаанахын ч гэлээ цөөн хэдэн нэр ус нь сонсогдоогүй гуталнаас өөр зүйл зардаггүй харагдана билээ. Харин тэд гурван давхар байшин бариад “Metromall” гэсэн хаяг л хадсан юм байна. Брэнд хувцас өмсөх гэж энэ дэлгүүрийг зорих хэрэг үнэндээ алга. Хаа сайгүй байж л байдаг, энд тэнд лангуу түрээсэлж, Эрээн, Хонконгоос бараа зөөдөг ганзагын хэд л тэнд очоод сууж байна билээ. Харин бусад газарт зардаг үнээсээ арай өндөр өртгөөр бараагаа зарахаар шийдсэн бололтой. Учир нь, “Metromall”-ыг зоригсод гоёж гангалж л байвал үнэ хэд ч байсан авах юм чинь гэж тэд боджээ. Бас тус дэлгүүрт лангуу түрээслэх өртөг нэлээд өндөртэй юм билээ. Нэгдүгээр давхарт бол ам метр талбай 26 ам.доллар, хоёр, гуравдугаар давхарт бол 28 ам.доллар гэсэн. Нэртэй брэндийн бүтээгдэхүүн зардаг гэх өнөө сайхан дэлгүүрийнх нь цахилгаан шат ажиллахгүй үе үеэхэн зогсохын сацуу энд тэндгүй тоос сааралтаж харагдана билээ.

Аль нэг лангуунаас нь юм худалдаж авлаа гэхэд карт уншигч байхгүй. Дэлхийн улс орнууд хөгжөөд бэлэн мөнгөөр бус төлбөрийн картаар тооцоо хийгээд хэдэн жилийг ардаа орхиж байхад Монголын сүржин бүдүүн нэртэй Metromall хэмээх “Их Хотын” их дэлгүүрт энэ нь даан ч алга бөгөөд өөрөөр хэлбэл “Хэрэглэгч хаан” хэмээгч хий хоосон урианд итгэсэн үйлчлүүлэгч та мөнгөө бэлэн бариад л гүйж очих ёстой.
Хулгайч, дээрэмчид дийлдэхээ болиод “Халаасны хулгайчаас болгоомжил” гэж алга дарам цаасан дээр алиа анхааруулга бичсэн байдаг мөртлөө “Metromall”-оор үйлчлүүлж тэр өндөр үнэтэй “хужаа” барааг нь авах гэж л мөнгөө багсайтал базаад очих юм гэнэ.
Ард түмнийхээ төлөө үйлчилдэг “Ардчилсан ерөнхийлөгчтэй” шинэ нийгмийн ардуудад гоё үйлчилгээ үзүүлэх гэж байгаа бол эхлээд орчин нөхцлийг нь бүрдүүлэх хэрэгтэйг Metromall-ын гарууд даанч сэтгэсэнгүй л дээ.
Лангуу хөлслөгчид нь бүрэлдэхүүнээрээ нүүж очиж амжаагүй бололтой энд тэндгүй л цоожтой хоосон . Үгүй бол шагайгаад харчихмаар ганц нэг хувцас өлгөсөн шилэн хана харагдах ч цаана нь худалдагч нь эзгүй. Алдуул мал сурсан эрэлчин аятай хажуугийн хүмүүсээс нь сураглахаар “өтгөн, шингэн” нь идэж уухтайгаа давхцаад гараад алга болцгоочихсон байх нь тэр.
Уг дэлгүүрийн хаалгаар нь орж явахдаа цагийн хуваарийг нь харахад Даваа-Баасан 10:00-20:00 гээд наачихсан байсан санагдана. Ямартай ч “Их хотын их дэлгүүр”-ээр би цагийн хуваарийн дагуу гэгээн цагаан өдрөөр л хэдэнтээ орсон юм даг. Гэтэл энэ дэлгүүрийн дээвэрт багтагсдад нэгдсэн цагийн хуваарь, дүрэм журам байдаггүй бололтой.

Хоёрдугаар давхарт нь мацан гарахад хамаг хөлс урсаж, халуун зун болж байхад юу вэ гэж үстэй толгой өрвийлгөж өвдөг чичрүүлэм “үслэг эдлэл”-ийн хоёрын хоёр лангуу хавирга бөөрөөрөө хоршин байх нь шог. Харсан би хачин болж халууцаж байхад нэхий, шуба авахаар хэн ийшээ ирдэг байна аа. Уг нь, рекламаа цацаж байгаад лангуу түрээслэгчдээс саналыг нь авч “Metromall”-ынхон өөрсдөө сонгосон юм гэсэн. Гоо сайхны барааны тасаг хэмээх лангуу цор ганцыг ажиллуулахаар сонгосон атлаа зунаар хоёр ч лангуу өвлийн хувцас заруулахаар шийддэг ямар “хамуурсан” толгойтой захирал, маркетингийн ажилтнууд вэ гэмээр.
АНУ, Европын брэнд хэмээх хувцас байдаггүй юмаа гэхэд азийн Солонгос, Японы арай гайгүй үйлдвэрийн хувцас эндээс “түй” ч олдохгүй нь маш гачлантай. Итгэхгүй бол зав гаргаад очиж үзээрэй.Үсрээд л, Бээжин, Хонконгоос авчирсан ганзагын бараанууд байна.
Дэлгүүр, худалдаа наймаа эрхлэгчид ашигтай ажиллахын тулд элдэв хямдрал урамшуулал зарладаг. Тэр нь ихэнхдээ худлаа хулхи л даа. Yнийг нь хэд дахин өсгөж бичээд, тэндээсээ хэдэн хувийн “хямдрал” зарлаж байгаа дүр эсгэж тархи угаана. Хямдруулаад зарлаа л гэхэд 30-аас доошгүй хувийн ашигтай ажиллана. Энэ нь ч дүүрч, худалдан авагчид нь түрийвч зузаантай маниас дээгүүр зиндааны хүмүүс байг гэж бодъё.
Сайн, муу, сайхан муухай ч гэсэн зарагдаж байгаа барааг нь үзэж гурван давхар байшинг хэрэн хэсч явсаар халууцан бачимдаж ядраад хөл амраагаад суучих газар хайхад дээд давхрын зааланд сандал гэмээр шороотой саарал төмөр байх нь олзуурхууштай. Тэднийхэн үйлчлүүлэгчийг ямар нэгэн аргаар ирүүлэх гэж л сүржин сурталчилгаа хийсэн болохоос биш тохь тухтай орчин, чанартай барааны тухай бодоо ч үгүй нь илт. ”Metromall”-ын хаалгаар алхаад орсон “хаан нэрт” маниусын хэн бүхэн дарга, захирлуудад нь хүн биш, мөнгө л болж харагдана даа.

zugeer.mn

Хоосон лангууны вант улс буюу “Metromall”
Tweet
Bolod.mn

Сэтгэгдэл (9)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
анх их дажгүй дэлгүүр байсан. брендийн гэхгүй ч, оросын үйлдвэрийн хувцас, гайгүй гут******** хувцас гээд дажгүй бараатай байдаг байсан. Мөн маш цэвэрхэн тохилог байдаг байсан. Ажил маань ойрхон болохоор байнга ордог байлаа, орохоо болиод нилээд хэдэн жил болоод өнгөрсөн жил орсон чинь зүгээр л сандэй шиг болчихсон байсан. Бохир, тохь тухгүй болчихсон, нөгөө гоё бараатай дэлгүүрүүд нь бүгд байхгүй болчихсон байсан. Дахиж очоогүй, цагийн гарз боллоо гэж бодсон.

2025-04-17 | 15:39:41 | 66.181.182.194 |

Зочин
б********иар юмнууд ядаж пэкин ороод узээсэй

2014-12-26 | 23:00:57 | 92.94.119.58 |

Зочин
эзэд н дандаа луйварчид байдаг юм хэзээ нэгэн цагт нугэл н нудээрээ гарнаа ОДСУРЭЭН

2014-04-13 | 00:16:13 | 103.26.194.18 |

Зочин
хаха ёстой үнэн бичиж дээ.

2013-06-21 | 01:58:31 | 202.21.106.169 |

Зочин
энэ хэдэн гайгүй гэсэн дэлгүүрүүдийн худалдагч нар өөрсддөө жаахан анхаарал тавьж баймаар умдаа

2012-11-29 | 12:25:18 | 202.179.10.70 |

Зочин
энэ бичлэг чинь явсангүй ээ. их л сэтгэл гаргаж бичиж дээ.

2012-11-23 | 16:08:43 | 103.11.192.178 |

Зочин
метромолл яахавдээ байдаг л дэлгүүр: харин тэр үнэртэй ус зардаг тэр хэдэн худалдагч нар нь бүр үйлчлүүлэгчдийг шулаад сурчихсан юм байналээ: хүн хүнд өөр өөр үнээр өгдөг юм байналээ: худалдагч нар нь танидаг хүндээ диорийн 100мг тай мисс диор черрийг 100 мянгаар өгдөг: энгийн үйлчлүүлэгч нарт 200р зардаг. үнэртэй усны лангууны эзэн худалдагч нартаа анхаарал хандуулбал зүгээрсэндээ

2012-10-07 | 14:34:44 | 202.55.191.35 |

Зочин
МОТОЙРО МАЛЛ ДЭЛГҮРИЙН ХАЖУУД АВТОБУУСНЫ БУУДАЛ БАЙХГҮЙ ШҮҮ

2012-09-05 | 13:56:57 | 202.9.47.129 |

Зочин
энэ одоо хэзээний бичлэг вэ уг нь ч үнэн шүү оутлэтс вэйсикхоус л арай гайгүй дээ

2011-04-25 | 14:00:51 | 49.0.159.113 |