Сэтгүүлч А.Баатархуягтай ярилцлаа.

-Өчигдөр та болон танай гэр бүлийн хүнтэй холбогдох шүүх хурал болсон. Энэ талаар тодруулахгүй юу?
-Шүүх хурлын тухайд, прокурорын эсэргүүцлийн дагуу явуулж байгаа. Өөрөөр хэлбэл, өмгөөлөгч, прокурорын байгуулага хоёрын хооронд болсон гэсэн үг. Өнгөрсөн сарын 21-нд сүүлийн шүүх хурал болсон. Энэ хурлаар мөрдөн байцаалт руу буцаах шийдвэр гарсан. Прокурорын зүгээс ялын дүгнэлт уншчихсан. Харин энэ үйлдлээ тус байгууллага хамгаалах эрхийн дагуу шүүх хурал хийсэн.

-Та бичиж, нийтэлсэн. Харин Г.Уянга “Улаанбаатар паласын индэр дээрээс нэр хүндэд халдсан гэж Л.Гансүх сайд гомдол гаргасан. Үүнээс үзэхэд манай улсад хэвлэлийн эрх чөлөө жинхэнэ утгаараа хэрэгжиж чадаж байна уу?
-Хүн гэдэг амьтан амьдарч буй цаг үедэt хэзээ ч сэтгэл хангалуун байдаггүй. Заавал нэг зүйлийг шүүмжлэх гээд байдаг юм. Манай улсад хэвлэлnйн эрх чөлөө гэдэг зүйл ,арай дэндүү, бүр хүнд нөхцөлд байна. Үүнийг бид нар ганцхан хэлээд байгаа юм биш. Олон улсын судалгаагаар манай улсын хэвлэлийн эрх чөлөөний индексээр ихэвчлэн хагас эрх чөлөөтэй гэж гардаг. Ард түмэн гайхдаг байх. Монгол Улс чинь хэвлэлийн эрх чөлөөг тунхагласан байж, яагаад сүүлээсээ хоёрт ордог юм хэмээн жилд нэг удаа болдог “Дэлхийн хэвлэлийн эрх чөлөөний өдөр”-өөр боддог, гайхдаг.

Тэгээд л өнгөрдөг. Дараа жил нь бас ингэж ярьдаг. Гэтэл бодит байдал дээр хэвлэлийн эpx чөлөө нь хагас байиа. Сонгууль дөхөх үед сэтгүүлч шиг хэрэгтэй хүн нэр дэвшигч нарт байхгүй болдог. Гэтэл сонгуулиас өмнө нь яаж ч хичээж бичээд шүүхийн хаалга татахгүй байна гэсэн асуудал үгүй шүү.

-Энэ хүний тухай баримтыг нийтэд дэлгэчихвэл шүүхийн хаалга татах болно. Тиймээс бичихгүй ээ гэсэн бодолтой олон сэтгүүлч байдаг. Тэр хүмүүст хандаад юу гэж хэлэх вэ?
-Уг нь бид бичих юм аа бодож, өөрийгөө цензурдах ямар шаардлага байна. “Та нартаа улс төрийнхөн зууралдах юм бол үхлийн шарх өгөөд л явуу л” гэж боддог, хэлдэг.

Манай сэтгүүлч нарт нэг дутагдал байна. Юу гэвэл “Би ямар ноцтой юм бичсэн биш” гээд тоохгүй хаячихдаг. Энэ нь шүүхийн шатанд очоод “Далан таваар бууж өгөх” хэрэг болдог. Нөгөө хэсэг нь өөрийнхөө үзэлдээ үнэн ч байсан ч шүүхч, прокурор нь загнаад эхлэхээр залхдаг, айдаг.

-Таны хувьд шүүхийн хаалга татахаас айдаг уу?
-Хэзээ ч айна гэж байхгүй. Би шүүх хурал дээр “Мөрдөн байцаах газар, прокурор хоёр наад хэргийн чинь ард гарч чадахгүй. Тиймээс шүүхээр шийдүүлье” гэж хэлсэн.Учир нь шүүх байгууллагын анхны үйл ажиллагаа нь хараат бус байх ёстой. Мөн “Би бол хяналтын засаглалын төлөөлөгч, та бол шүүх засаглалын төлөөлөгч. Гэтэл мөрдөн байцаах газар, прокурор хоёр чинь төрийн эрхийг барьчихаад болохгүй байна” гэсэн.

-Энэ маргааныг өдүүлсэн хүн нь яах аргагүй та. Анх бичсэн гэдэг утгаар нь харвал шүү дээ. Байгаль орчин, аялал жуулчлалын сайд Л.Гансүхийн хувьд та хоёрыг шууд утгаар нь хардсан бус гүтгэсэн гэж үзэж байгаа. Та өөрийгөө Л.Гансүх сайдыг гүтгэсэн гэж үзэхгүй байгаа бололтой?
Хотын төвийн A зэрэглэлийн бүсэд таун хаусын метр.квадратыг 800 мянган төгрөгөөр авна гэдэг байж болох уу. Би “Тэр хаусаа надад өгчихөөч. Давгүй л наймаа шүү дээ” гэж хэлсэн. Хүмүүс намайг “Ядуу сэтгүүлч. Чи авч чадахгүй” гэж хэлнэ. Арга ядахдаа банкнаас зээл авч байгаад төлнө. Тэгээд эргээд метр.квадратыг нь 1500 ам.доллар болгоод зарахад болж байгаа биз. Энэ нь надад их ашиг болж орж ирнэ дээ. Нөгөө талаас прокурор ялын дүгнэлт бичихдээ “БОАЖ-ын сайд, УИХ-ын гишүүн Л.Гансүхийн нэхэмжилтэй” гэж эхэлсэн байсан.

Гэтэл сонинд гарсан нийтлэлд энэ албан тушаалтны тухай нэг ч өгүүлбэр байхгүй. Харин АН-ын гишүүн Л.Гансүх гэсэн байгаа. Надад Л.Гансүх сайдын талаар бичих нь нэг их сонин биш. Мөн сая ам.доллартай айлсав гэсэн утгатай зүйл бичсэн. Энд БСШУ-ны сайд Ё.Отгонбаярын ч нэр орсон. Гэтэл тэр хүн өнөөдөр нэг ч үг дуугараагүй л байна. Л.Гансүх нь болохоор “Намайг.Гансүх нь болохоор “Намайг ингэчихлээ” гээд зарга хийгээд байгаа. Нэг жишиг тогтоох Хэрэгтэй байна. Улстөрчид д гэсэн шиг сэтгүүлчдийг дарлаж цаашид ялан манддаг үзэгдлийг зогсооё.

Өвсөн тэжээлт, махан идэшт хоёр гүрвэл ноцолдож байгаад үхэж, хожим архелогийн олдвор болдог шиг Л .Гансүхтэй үзсээр байгаад дуусья л даа. Алдах юм юу байна. Гэхдээ Л.Гансүхтэй би шүүхийн хаалга дээр таарч байна гэж бодохоор уур хүрээд байгаа. Энэ цаг үед ийм хүнтэй “ноцолдож” хэрэг байна уу гэж боддог. Гэхдээ миний хувьд Л.Гансүх гэдэг хувь хүнд өширхөөгүй. Сүүлийн үед хэвлэлийн төлөөлөгч гэсэн “бууны нохой” байдаг болжээ.

-Та ч гэсэн намын хэвлэ-лийн төлөөлөгч хийж байсан байх аа?
-Тийм ээ. Гэхдээ би жил гаруй хугацаанд ажиллаж байгаал гарсан. Ёстой эрх чөлөөгүй ажил чинь тэр байна лээ. Наад зах нь, хүний амыг харж мэдээ бичдэг.

-Л.Гансүх сайдын талаар эргээд ярилцая. Тэрбээр буруу зүйл хийсэн болоод л тантай зарга хийгээд байна уу гэсэн хардлага нийгэмд төрөх болсон?
-”Гэмт хүн гэлбэлзэнэ” гэдэг л болоод байна. Би “Хахаж үхэтлээ зусалж байна” гэж хэлсэн. Сайхан ардын үгээр л доромжилсон. Хэвлэлийн ёс зүйгээ бодоод би доромжилсон гэдэг үгээ аваад хаячихая. Гэхдээ ард түмэн тэднийг “Хахаж үхэтлээ зусалсан” гэдгийг мэдэж л байгаа шүү дээ. Монгол үгэнд утгын асуудал байдаг болохоос муу үг гэж байдаггүй. Үг бол бидний хэрэглүүр.

-Баянгол дүүргийн шүүхэд таныг ямар үндэслэлээр өгсөн юм бэ?
-Гашуун сухайтын авто замын тендертэй холбож нэр төрд “халдлаа” гэж Л.Гансүх сайд Баянгол дүүрэгт иргэний хэргээр гомдол гаргаж, өгсөн. Тэгэхдээ таван сая төгрөг нэхэмжилсэн. Гэхдээ өнгөрсөн сарын болсон шүүх хурлын үеэр сайд нэхэмжиллээ татсан.

-Яагаад нэхэмжлэлээ татсан юм бэ?
-Шалтгаанаа тайлбарлаагүй. Гэхдээ шүүхээс удахгүй тогтоол гаргана гэж хэлсэн.

-Та Л.Гансүх сайдын хөрөнгө орлогын мэдүүлгийг олж үзсэн үү. Хэр хөрөнгөтэй болсон байна вэ?
-Жигтэйхэн өссөн байна билээ. Тэр таун хаус нь мэдүүлэг дунд зохиж явна лээ. Хаусын үнэ ханш нь миний бичсэн нийтлэлд орсноор байсан. Өөр яаж бичих юм. Болохгүй шүү дээ. Тэнэг хүн бол үнийг нь бууруулж магадгүй. Гэхдээ тэр таун хаусын үнэ асуудалтай гарч ирвэл хачин юм болно.

-Ер нь энэ хэргийг нэг мөсөн хаячихья гэж бодсон удаа бий юу?
-Тэр хүнийг бид нар оролдоогүй шүү дээ. Өөрөө л шүүх, сэргийлэхээр гүйгээд байгаа. Эхнээсээ тэрбээр “Би амбаарт амьдардаг” гэж гүйж эхэлсэн. Угтаа бид ямар ч хэрэг хийгээгүй шүү дээ. “Нэгдлээс задрал руу” гэсэн хоёр дугаар дамжсан найман бүлэгтэй нийтлэл гарсан. Түүн дотор Л.Гансүх гэдэг хүний нэр ганцхан удаа орсон. Гэтэл өмнө нь С.Баяр, Т.Бадамжунай, М.Энхболд нарын тухай бүлэг бүлгээр л нийтэлж байсан. Гэтэл сайд баярласан юм уу, яасан юм бүү мэд намайг шүүхэд өгсөн.

Сэтгүүлчид сайдтай л тэрсэлдэнэ. “Сайд, ялаа хоёрыг сониноор алдаг” гэж ярьдаг. Бид сайд, УИХ-ын гишүүнтэй тэрсэлдэнэ. Ерөнхий сайдтай бол түүнээс ч илүү тэрсэлдэж, сайн зүйлийг хийлгэнэ. Яагаад гэвэл бид тэднийг хянах үүрэгтэй. Бид ёс зүйтэй үүргээ биелүүлж байна. “Танай сэтгүүлчид хүний ул шагайж байна” гэж яридаг. Хэрэв улстөрчдийн тухай бичиж, нийтлэхгүй юм бол нийгэм дэх үүргээ биелүүлж чадахгүй. Энэ нөхдийг бичиж байна гэдэг нь ёс зүйгээ биелүүлж байна гэсэн үг.

УИХ-ын гишүүд өөрсдөө нэг их сайхан ч юм шиг “Сэтгүүлчид боловсролгүй. Хэл мэдэхгүй” гэж яридаг. Өөрсдөө ч гэсэн сэтгүүлч шиг боловсролтой байсан л байхгүй юу. Гэхдээ биднээс ялгарах нэг зүйл нь төрийн мөнгийг идсэн, ууснаараа л илүү. “Ирээд уучлалт гуйчих” гэсэн,  Би яасан гэж түүнээс уучлалт ирэх юм.

-Таныхаар, сайдын ингэж аяглаж байгаа нь юутай холбоотой вэ?
-Ямартай ч бидэнд Л.Гансүхийг оролдсон зүйл огт байхгүй. Би “Хахаж үхээгүй байна. Болоогүй” гэдгээ харуулах гээд л надтай заргалдаад байгаа юм гэсэн.

-Энэ долоо хоногийн эхээр УИХ-ын гишүүн Ш.Сайхансамбууг хэвлэлд өгсөн ярилцлагаар нь Авлигатай тэмцэх газраас шалгаж эхэлсэн. Үүнийг та юу гэж бодож байна вэ?
-Зөв. Бид нар албан тушаалтны амнаас ноцтой мэдээлэл яриулан нийгэмд хүргэж байна. Үүнийг шалгах болж байгаа нь бүр л сайн. Гэхдээ биднээс илүү болгоомжтой ажиллах, ур чадвар шаардана. Түүнчлэн юмыг хаацайлж, нуу гэсэн үг биш. Өмнө нь бид энэ хэргийг шалгаад өгөөч гэж үхэн хатан гуйдаг байсан. Харин өнөөдөр тухайн хүний хэлсэн үгээр шалгуулах болж байна. Авлигын өчүүхэн хэрэг байсан ч бид нийгэмд мэдээлэх ёстой. Энэ бол сэтгүүлч бидний үүрэг.

-Хэдэн жилийн өмнөөс л өнгөт хувьсгал хийнэ гэж ярьж байсан. Тэр хувьсгал өнөөдөр биелэлээ олж байна уу?
-Хувьсгал хийх гэж найман жил зүтгэлээ. Манай улс чинь парламентын засаглалтай учир энэ 76 нөхөд “унаж” өгөхгүй юм. Харин ерөнхийлөгчийн засаглалтай байсан бол хувьсгалыг “хямдхан” хийхээр хугацаа өнгөрлөө. Хувьсгал гэхээр нөхдүүд “Буцаад коммунизм болгох гэж байна хэмээн онол” яриад балайраад байгаа. Өнгөт хувьсгал гэдэг нь одоогийн төр барьж байгаа арчаагүй нөхдүүдийг холдуулж, төрийн тогтолцоон дахь алдааг засна гэсэн үг. Гэхдээ парламентын засаглал, ардчилал, сонгуулиас татгалзсан зүйл байхгүй.

Эдийн засаг, улс төрийн салбарт жижигхэн засвар хийчихвэл манай улсын ирээдүй дардан болно. Өнөөдөр ардчилал гажуудаж байна гэж яриад байна. Үүнийг л засах зорилготойгоор хувьсгал хийе гэж яриад байгаа юм.

-”Монголын бүх ард түмний их хуралдай” эхлээд нэлээд хэд хоног өнгөрлөө. Зарим нэг хуралдайг анхнаасаа зохион байгуулалтай, захиалгат “жүжиг” байсан гэж ярих юм. Түүнчлэн 76 гишүүнийг огцруулчрхаад өөрсдөө төрд суухаар төлөвлөсөн ч гэж ярих боллоо. Энэ талаар?
-Тийм зүйл байхгүй ээ. Гишүүдэд “Та нар тар. Дараа нь ардчилсан зарчмаар ээлжит бус сонууль хийе” л гэж хэлээд байгаа юм.

-Ээлжит бус сонгуулиар одоогийн гишүүд дахиад сонгогдвол яах вэ?
-Иргэд л сонгосон юм чинь гарч ирэхийг үгүйсгэхгүй. Гагцхүү ард түмний төлөө л ажиллах ёстой.

-Төрд өөрийн хүчээр овоо босгосон хүн цөөхөн байна. Толгой 15 олигархи гэж хэдэн хүнийг нэрлэсэн. Ингэж нэрлэсэн нь нийгэмд ямар хэрэгтэй юм бэ?
-Би баян хүний хөрөнгийг xypaaна гэж хэлээгүй шүүдээ. Харин, хууль бусаар баяжсан хулгайчийн хөрөнгийг хураана. Шударга биз дээ. УИХ-ын гишүүн Ш.Сайхансамбуу, Барилга, хот, байгуулалтын сайд Х.Баттулга нарыг яаж амьдралаа босгож, өдий зэрэгтэй явааг хүн бүхэн мэднэ. Ш.Сайхансамбуу гишүүнийг бид хэзээ ч олигархи гэж хэлээгүй. Тэр хүн баян уу, баян. Мөнгөтэй юу, мөнгөтэй. Өөрөө байшингийнхаа шавийг тавьсан.

Төрөөс нэг ч төгрөг хулгайлаагүй. Харин төрд шургалж энэ нөхдүүдээс баян болсон хүн цаана чинь өчнөөн байна. Тэд ямар замаар баяжсан гэдэг нь тодорхой биз дээ. Өөрөөр хэлбэл, ард түмний хөрөнгөөр зугаацаж, авлига авч, улс орны хөгжлийг хойш татсан. Ядахдаа төрийн хөрөнгөөр тоглосон нөхдүүд ТҮЦ ажиллуулж үзээгүй шүү дээ.

-Та толгой 15 олигархийн талаар байр сууриа илэрхийлнэ үү?
-Ард түмэн олигархи гэдгийг улс төрөөс төрсөн заваан нөхдүүд гэж ойлгож байна. УИХ-ын гишүүн Э.Бат-Үүл “Би ямар олигархи юм уу. Би ядуу”. Нөгөөтэйгүүр, “Би олигархиудын нэгдүгээрт жагсах байсан” гэж улс төрийн популизм хийгээд байгаа. Гэтэл ард түмэн Э.БатҮүл гэдэг хүнийг ингэж л харж байна ш ү ү дээ. Мөн бидний олигархи гэж нийгэмд зарласан 15 нөхөрийг иргэд л тоочсон. Түүнээс бид тэдэнтэй өширхсөндөө ингэж зарлаагүй.

-Та хоёрын эхний бай Монгол Улсын Ерөнхийлөгч асан Н.Энхбаяр байсан. Гэтэл сүүлийн үед түүнтэй хамтарч ажиллах болсон. Энэ талаар?
-Анх Н.Энхбаяртай “байлдаж” байсан уу гэвэл, үнэн. Тухайн үед биднийг дэмжиж байсан нөхдүүд “Хэлэн дээр хатиг гартал түүний улыг долоосон”. Гэтэл өнөөдөр нэг сайхан амьтан болж харагдах гэж биднийг муулаад л. Хүн яахаараа ийм муухай болчихсон юм. Н.Энхбаяр Ерөнхийлөгчийн суудлыг тавихад “Би унагасан” гэсэн баатар дүр эсгэх юм.

УИХ-ын гишүүн асан А.Мурат “Манай Хасагт дайсан зугтсан хойно баасаа завчаад баатар болов” гэсэн үг байдаг гэж ярьж байсан. Тийм байж болохгүй. Н.Энхбаярыг Ерөнхийлөгч байхаас нь ч тэр өнөөдрийн Н.Энхбаяр байх үед ч харьцаад явж байна. Юмыг нэг өнцгөөс харахаар юу ч болж болно. Төрийн ордны коридорт хэрэлдсэнийг насны өширхөл болгох ямар хэрэг байгаа юм. Тухайн үед түүнтэй зарчмын хэрүүл хийсэн. “Хөөе Н.Энхбаяр аа энэ чинь буруу, зөв, та Ерөнхийлөгчийн ажлаа өг” гэсэн зүйл ярьж байсан. Ингээд тэрбээр Ерөнхийлөгчийн сэнтийгээс буусан, иргэн Н.Энхбаяр болсон.

Ингэснээр тэр бидний нүдээр харж байдлыг дүгнэх болсон. Энэ байдлыг хамтын хүчээр засья гээд зүтгэж байна. Ерөнхий сайд асан УИХ-ын гишүүн С.Баяр орж ирсэн хүнд “Гарахдаа хаалгаа зөөлөн хаагаарай” гэж хэлсэн гэсэн. Учир нь дахиж энэ хаалгыг татаж та орж ирнэ гэсэн үг. Дандаа хувийн өс санасан хүн Н.Энхбаяр “Муу хүн” гэж хашгираад байгаа байхгүй юу. Өнөөдрийн Н.Энхбаяр хамгийн цэвэр байгаа. Харин өчигдөрийнх муу Н.Энхбаяр байсан. Түүнийг ч их шүүмжилсэн дээ. Түүний үзэглэсэн их өрөөс эхлээд Оюутолгойн гэрээ хүртэл шүүмжилсэн.

-Өнөөгийн эрх баригчидыг та юу гэж дүгнэдэг вэ?
-Энэ нөхдүүд бодит байдал дээр улстөрчлдөө. Гэхдээ өөрсдийгөө коммунист маягаар цэвэр “улстөрч гэж ангилах болсон. УИХ-ын гишүүн Д.Лүндээжанцан, Г.Батхүү нар өөрсдийгөө “Хамгийн туршлагатай гишүүн” гэж магтдаг. Гэтэл миний бодлоор хамгийн туршлагатай нөхдүүд чинь адгийн шаар шүү дээ. Учир нь улс орны хөгжлийг ийм байдалд хүргэсэн нөхдүүд чинь тэд. 20 жил дөрвөн парламентын нүүр үзсэн хүн хоосон байх уу.

-Г.Уянгыг хүч хэрэглэн баривчилсан гэх мэдээлэл гарсан. Тухайн үед яг ямар үйл явдал болсон юм бэ?
-Тэр үйл явдал болсон орой Цагдаагийн газраас сэтгүүлчдийг цуглуулж мэдээлэл хийсэн. Тэд хуулийн хэллэгээр бид Г.Уянгыг саатуулсан гэж тайлбарласан. Гэтэл тухайн үед болсон явдлыг бодитоор бичсэн бичлэгийг цагдаа нар сэтгүүлчдэд үзүүлээгүй. Тэд үгээр тоглож зүгээр албадан саатуулсан гэсэн. Гэтэл үйл явдлаас харахад машинтай хоёр цагдаа ирж түүний гарыг мушгиж, өвдөглөж байгаад машинд хүчээр суулгаад явсан. Энэ нь хүн хулгайлж байгаа юм шиг зүйл болсон. Хуулийн тайлбар нь саатуулсан гэж байгаад үйл явдал нь хүний эрх зөрчсөн.

-Г.Уянга яагаад хавтаст хэрэгтээ танилцаад гарын үсэг зурахгүй байгаа юм бэ?
-Хуулийн газраас тэр нөхөр гарын үсэг зурахгүй байна гээд яриад байдаг. Гэтэл хавтаст хэргийг бүрдүүлсэн үйл явдал нь хууль зөрчсөн байгаа. Тиймээс л Г.Уянга гарын үсэг зурахгүй байгаа юм.

-Хавтаст хэрэг бүрдүүлэхдээ ямар хууль зөрчсөн гэж?
-Шүүхээр хянан шийдвэрлээгүй, мөрдөн байцаалтын шатанд яваа хавтаст хэргээс ишлэл аваад Л.Гансүх сайд арав гаруй телевизээр цацсан. Энэ нь өөрөө хууль зөрчсөн үйлдэл. Эрүүгийн хуулийн 257 дугаар зүйлд зааснаар хэрэгцэслэн шийдэгдээгүй, үнэн мөн нь тогтоогдоогүй байхад хэргийн материалыг авч, өөрт ашигтайгаар нийтэд ойлголт өгсөн байсан. Энэ тухай түүний өмгөөлөгчид хэлэхэд “Мэдээгүй. Тэp материалыг Л.Гансүх сайдад л өгсөн” гэсэн хариу хэлсэн.

Үүнээс үзэхэд Л.Гансүх сайд эрүүгийн гэмт хэрэг үйлдсэн. Энэ асуудлаар Сүхбаатар дүүргийн Цагдаагийн хэлтэст хандана. МҮОНТ-ээр сайдын тухай нэвтрүүлэг гарсан. Яагаад энэ нэвтрүүлгийг цацсан тухай тус телевизээс асуухад “Жилийн өмнө төлөвлөсөн материал” гэж хариулсан. Гэтэл жилийн өмнөөс сайд бид хоёрын хэргийг урьдчилан харсан болж таарч байгаа биз. Инээдтэй юм. Гэтэл телевиз, сонин төлөвлөгөөг долоо хоногоор л гаргадаг. Мөн тэд “Сайдын тухай нэвтрүүлгийг үнэгүй цацсан” гэсэн.

Тийм юм байхгүй. “Телевизийн холбоо”-ноос гаргасан төлбөрт нэвтрүүлгийн нэг минут нь 50 мянган төгрөг байдаг. Хорин минутын нэвтрүүлэг сая төгрөг болно. Бэлтгэх зардал 1-2 сая төгрөг. Телевизийн хүний хувьд энэ мэтийг мэдэлгүй яах юм, арай ч дээ. Тэгээд үүнийг шалгах болсон чинь Л.Гансүх сайд “Энэ нэвтрүүлгийг гаргаад өгөөч” гэж би бүгдээс нь гуйсан гэх юм. Гэтэл гарсан давталт нь 10 удаа, бэлтгэсэн зардалтай нийлээд 10 хэдэн сая төгрөг. Энэ мөнгө иргэн Л.Гансүхийн халааснаас гарсан уу, эсвэл сайд Л.Гансүхийн данснаас гарсан уу гэдэг нь сонин.

Хэрэв халааснаас гарсан бол ямар эх үүсвэрээс гарсан юм. Шууд 10 гаруй сая төгрөг гаргах чадалтай бол ямар нууц орлогын эх үүсвэр байна вэ. Энэ мэтчилэн түүнийг шалгах хангалттай үндэслэл байна.

-Түүнийг АТГ-т шалгуулна гэж байсан. Энэ асуудал юу болсон бэ?
-Түүнийг таван зүйлээр шалгаж өгнө үү гэж АТГ-т өгсөн. Шалгадаг байгууллага нь шалгаж байгаа байх, Гэхдээ асуудлыг удаашруулаад байна. Энэ сарын 15-нд хариу өгөх ёстой.

М.Ариунтуул
Эх сурвалж: “Нийгмийн толь”