Тийм ээ, би эрхэм сайд Д.Зоригтыг ингэж нэрлэж байгаа юм. Ийм сүржин гарчиг тавиад зогсохгүй үхэн хатан зүтгэдэг намыг минь гэмт хэргийн бүлэглэл гэлээ гээд цалингаас цалингийн хооронд амь дүйдэг намайг тэрбээр сайндаа л шүүхэд өгнө биз. Угаасаа сонгууль дөхсөн энэ үед сөрөг пиар хийх зорилгоор сэтгүүлчдийг нам дарах гэж эхнээсээ эрхэм сайдууд улайраад эхэлчихсэн шүү дээ. Тухайлбал, Байгаль орчин, аялал жуулчлалын сайд Л.Гансүх сэтгүүлч А.Баатархуягийн гэр бүлтэй үзэлцэхийн зэрэгцээ Өдрийн сонины нэгэн сэтгүүлчийг шүүхийн танхимд дуудсан гэнэ лээ. Мундаг байгаа биз.

Харин Д.Зоригт “ах” намайг шүүхэд дуудвал баримт сэлт, эх сурвалж сайтай ч гэсэн би унах магадлал өндөртэй л дөө. Учир нь МСНЭ-ээс сэтгүүлчээ хамгаалж байсан түүх бараг л үгүй. Бүр төрийн бодлого, хууль дүрэм яриад ямар ч нэмэргүй. Тэд бидний эрхийг юун хамгаалах манатай юм. Харин ч биднээс нуугдаад төрийнхөө ордонг дотроос нь түгжиж суугаад наймаалцдаг нь үнэн биз дээ.
За энэ ч яах вэ гол зүйлдээ оръё...

ЭБЭХ-ний сайд Д.Зоригт УИХ-ын ажлын хэсэгт шаардлагатай мэдээллийг гаргаж өгөөгүй удсан, гишүүдийг дорд үзсэн зэрэгт удаа дараа хутгалдлаа. Түүний энэ эх орончгүй, улстөрчийн ёс суртахуунгүй байдалд ангийн нөхөд нь тэвчээр алдаад огцруулах тухай долоон үндэслэл бүхий бичиг хүргүүлсэн ч тэр тэсээд үлдсэн удаатай. Мөн сайдын гэр бүлийн амьжиргаа огцом сайжирч, “MCS” компанийн барьсан тансаг сууцанд амьдардаг болсон тухай, “MCS”-ийн хөрөнгө оруулалтай сургуульд хүүхдээ сургадаг болсон тухай олон хэвлэл бичиж, ардаа авлига авсан байж болзошгүй гэсэн таамаглалыг хавсаргаж олон хоногийг өнгөрөөлөө. Үүгээр ч зогсохгүй утаагүй түлшний ачаар "Аморе интернэшнл" ХХК гэдэг нэрээр хоёр тэрбум төгрөгийг нь аваад алга болсон тухай ч дуулддаг байв. Үүнд дээр нэмээд “зовлон” тоочоод байх юм бол олон зүйл гарна л даа. Тухайлбал, манай орны нүүрс өмнөд хилийн цаад руу хяналтгүй урсч байгааг дуулаад Төрийн тэргүүн хүртэл уулга алдсан, нийслэлчүүд одоо хүртэл дэнгийн гэрлээсээ салаагүй гэх мэт өчнөөн зүйл бичиж, үүнийгээ батлах гэж иргэний хөдөлгөөнүүд шиг гудамжаар явж гарын үсэг цуглуулахад ч ядах зүйлгүй.
Даан ч түүний энэ бүх үйлдлийг хууль, хяналтын байгууллагууд шалгаж нягталсангүй. Хамгийн гайхалтай нь өөрөө ч гэсэн энэ байдалд мэдрэлтэй хандаагүй юм.

Уг нь түүнийг уучлалт гуйх байх, ингэж ангийнхаа хэдэн нөхдөд хүртэл ад үзэгдэн байж гэмт хэргийн бүлэглэлүүдээр бүчүүлчихээд “Би огцруулах үндэслэлтэй нь танилцаагүй”, “Ер нь яасан ч яадаг юм” зэргээр пээдийж байхаар мөдхөн огцрох хүсэлтээ гаргаасай хэмээн олон хүн бодож байсан юм. Харин тэрбээр энэ бүхнийг үл ажиран ирэх сонгуульд суудлаа хэрхэн хамгаалах тулааныхаа тухай бодон “Усан” хэлбэрээр хийвэл ашигтай юу, өмнөх сонгууль шиг “Цусан” хэлбэрийг сонгох нь зөв үү хэмээн толгойгоо гашилган сууж ч магад. Тэгээд ч бид ямар хүний дотор орж үзсэн биш, юу бодож санаж явдгийг нь хэн мэдэх билээ.

Ямартай ч тэрбээр зовиурлах сэтгэлгүй, зоогдчихоод хөдөлдөггүй золигийн улстөрч юм. Уг нь ингэж шахуулж, хавчуулж байхад хорхой байсан ч уурссандаа атиралдахаар хугацаа даа. Даан ч түүний ар талд байгаа “гэмт хэргийн бүлэглэлүүд” дэндүү хүчтэй юм. Гэхдээ таны энэ байдал удаан үргэлжлэхгүй гэдгийг цаг хугацаа утсан дээрээ сануулсан өглөөний сэрүүлэг шиг тод санаж байгаа учир арга нь олдоно. Тэгээд ч салбарынхаа тархин дээр суучихаад самарч байгаа нөхдийн төлөө хувь хүн саналаа өгөхгүй байхад л бүх зүйл ойлгомжтой болно. Тэр цагт зовиурлах сэтгэлгүй хийгээд эх орончгүй улстөрчид ад үзээд байдаг иргэний хөдөлгөөнүүдээ ээлж дараагаар зааварчилж, дайн дэгдээх нь холгүй “юм” болон хэсэг гүйлдэх байлгүй. Энэ үеэс л би өөрийнхөө хүсэлтээр... хэмээн бодож эхлэж ч магадгүй л юм.

Д.Ганбаатар

asunews

Зовиурлах сэтгэлгүй, зоогдчихоод хөдөлдөггүй золигийн эр юм даа та
Tweet
Bolod.mn

Сэтгэгдэл (6)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Одоо бид энэ залуучуудийн толгойг ашиглахгуй ум бол хэзээ ашиглах ум бэ?Энэ Зориг ажилаа сайн хийж байгаа гэж бодож бна mASH OLON HUMUUS BARIJ IDEH GEED BAIGAA UM. TEGEHEER ZORIGOO URAGSHAA ZUTGEED BAI . NEGEN MUUHAI UGUULBEREER DUUSGAY MOHGOLIIN TURD ZUV TGESEN HUNIIHEE TOLGOIG AVDAG GESEN.

2011-05-13 | 01:27:36 | 92.106.70.48 |

Зочин
бүү хов хөөцөлдоод бай?

2011-05-12 | 19:45:39 | 49.0.131.107 |

Зочин
бүү хов хөөцөлдоод бай?

2011-05-12 | 19:45:38 | 49.0.131.107 |

Зочин
бүү хов хөөцөлдоод бай?

2011-05-12 | 19:45:36 | 49.0.131.107 |

Зочин
бид өөрсдөө сонгож гаргаад одоо сүүлд нь ийм тэнэг юм бичээд хэрэггүй биз дээ ,,, 2012 сонгуулиар бүгдэд нь муу дүнгийн тавьж өг ,,,,, тэгээд л болоо өөр арга байхгүй ард ттүмэн минь

2011-05-12 | 17:15:14 | 203.169.50.63 |

Мэдээ
Гадаад мэдээ
Видео