Саймон Коуэл "CNN" сувгийн Перс Моргантай ярилцжээ. Тэд урьд нь шоу нэвтрүүлэгт нэг ширээний ард шүүгч хийж байсан юм. Энэ нь тэднийг илүү нээлттэй ярилцах боломж олгожээ.

-Таны ууртай царай, ширүүн төрх энд төдийлөн харагдахгүй байгаад таатай байна?
-Та чинь үргэлж л намайг тийм байдалтай төсөөлдөг юм чинь аргагүй шүү дээ.(Инээв)

-Энэ характераа шударга шүүлт хийхийн тулд гаргадаг байх гэж би боддог?
-Шударга шүүлт үргэлж үр дүнгийн хувьд алзахгүй төгсдөг шүү дээ. Гэхдээ миний бодлоор оролцогч бүр өөртөө итгэлтэй байдаг ч чадвараа харуулах ямар ч сөхөөгүй тохиолдол байдаг. Тэд тайзан дээр хэнээс ч илүү дуулсан мэтээр өөрсдийгөө төсөөлдөг. Энэ буруу. Үнэхээр бусдыг алмайруулах хэмжээнд байж чадсан бол түүнийг дэмжих ёстой. Харин ихэнхдээ хоолойныхоо хэр чанга вэ гэдгийг Британи даяар батлахыг оролдогсод оролцогчдын дийлэнхийг бүрдүүлдэг юм л даа.

-Тэгэхээр та оролцогчдод дургүй байдаг чинь үнэн байх нь ээ?
-Морган, юу гэсэн үг вэ. Чи бид хамтдаа тэр бүх хүнд хэцүү ажлын ард гардаг байсныг санаж байгаа биз дээ. 2007 оноос Аманда Уолден та бид гурав нэг фронтод зогсч байсан шүү дээ. Америкчууд авъяаслаг гэдгийг чи мэдэрсэн. Үнэхээр телевизээр өөриигөө харах гэсэн хүсэлдээ хөтлөгдсөн хүмүүс байдаг гэдгийг ойлгуулах л гэж байлаа.

-Тийм л дээ. Гэвч Аманда бид хоёрын дэмжсэн оролцогчийн эсрэг талд үргэлж өөрөө байдаг байсан?
-Тэр бол шударга явдал. Та санаж байвал Крис Нортен гэх залуу байсан. Хэдэн настай байсныг нь мэдэхгүй ч цэвэр авъяас байсан даа. Харин Аманда та хоёр тэр авъяасыг өчиггүй түлхэж орхисон.

-Энэ өс хонзонтой холбоотой юу?
-Та бидний дунд хонзон байвал нэвтрүүлэг утгагүй болох байсныг мэдэж байгаа биз дээ. Өс хонзон гэхээс илүү бид гурвын авъяас таних чадвар харилцан адилгүй байсан.

-Яг ямар түвшинд вэ?
-Би хэлж байсан шүү дээ. Шалгаруулалт сүүлийн шатандаа явж байхад нэвтрүүлэг маань 12 сая үзэгчтэй байсан. Тэнд би чадварын түвшин яриад сууж байх хэцүү шүү дээ.

-Та намайг авъяастан олж хараагүй гэх гээд байна уу? (Инээв)
-Яг тийм. За за тоглосон юм. Гэхдээ Али, Эй-Ж нарыг тэр өндөрлөгт хүрэхэд миний оролцоо байгаагүй гэхэд болно. Харин гуравдугаар шатанд хамгийн их найдлага тавьж байсан хүнийг минь та хоёр гэрт нь хариулсан.

-Шударга шүүлтийн талаар яриагаа энд нь орхиё. Би Саймон Коуэл гэдэг хүний хувийн амьдралыг энэ боломжийг ашиглан сонирхмоор байна?
-Хэрэв Лорон Ноханы сүмд яриач гэвэл татгалзахгүй байлаа.(Инээв) Гэр бүлээ магтахыг би хүсэхгүй байна аа. Учир нь хүн бүр л гэр бүлдээ хайртай гэдгээ олон нялуун үгээр илэрхийлэх гэж бусдыг залхаадаг. Миний бодлоор хайртай хүн бүр минь тойрон хүрээллийн маань хамгийн эхэнд багтдаг л гэж хэлье.

-Гэр бүлээ дэлгэрэнгүй танилцуулаач?
-Олон хүн мэдэхгүй байх. Энэ үнэхээр хүнд асуулт. Би төрсөн эцэг, эхтэйгээ өсөөгүй. Ээж маань Синитта гэх эмэгтэй байсан юм билээ. Харин намайг одоогийн аав минь загалмайлан авч (Үрчлэн авах) өдийг хүртэл өсгөж хүмүүжүүлсэн. Багадаа бага зэрэг ганцаарддаг байсан минь энэ байдалтай маань холбоотой биз. Харин төрснөөс минь ялгаагүй ээждээ би маш их хайртай. Манай ээж чинь балетад насан туршийнхаа амьдралыг зориулсан хүн шүү дээ.

-Би асуултаа хүндрүүлж байгаад уучлаарай. Таны хувийн амьдрал ч бас тааруухан гэж би сонссон. Бид хамт ажилладаг байхад та хэзээ ч ярьж байгаагүй шүү дээ?
-Бүр 2000 оноос эхлээд Терри Сэймор гэдэг бүсгүйтэй урт удаан дотно танилцаж, нөхөрлөөд байв. Гэтэл найман жилийн дараа энэ бүхэн нурна гэж би бодож байсангүй. Ер нь хувийн амьдралаа би өөрөөс чинь өөр хүнд яриагүй байлаа. Гэхдээ авъяастнуудад бол хайртай гэдгээ хэлье.

-Таныг "Твиттер" хуудаст Элтон Жоннтой уулзахыг хүсч байна хэмээн бичсэнийг чинь би гэлтгүй британичууд гайхаж хоцорсон?
-Элтон Жонныг би хүндэлдэг. Тэр сексийн ямар чиг хандлагатай байх нь хамаагүй. Би "X Factor''-ын финалын шатанд Элтон Жонныг урьсан. Тэр бол миний бусад зочдоос хамгийн хүндлэл хүлээлгэх ёстой хүн. Харин та болон бусад хүмүүс арай өөрөөр бодоод байх шиг байна. Уран бүтээлч хүмүүсийн харилцаа бол тэр шүү дээ.

-Яагаад заавал "Твиттер" хуудсаар гэж?
-Танд нэг зүйл хэлэхэд уур хүргээд байв. (Инээв) Тэр бол миний асуудал болохоор ярихгүй байх нь зөв байх. Гэхдээ сэтгүүлчийн ур чадварт чинь эргэлзэхгүй байна аа. Гол нь надад байгаа өчүүхэн эрхийг минь үлдээгээч.

-Өнгөрсөн хугацаанд авъяас чадварыг нь олонд харуулж, од болгосон хүнийг нэрлээч?
-Эргэлзээгүй Суйзан Бойл. Хэрвээ тэр тайзан дээр ахиад гурван секунд чимээгүй зогссон бол би амьдралдаа хамгийн том алдаа гаргах байсан. Гэхдээ тэр хоолойг сонсоход надад ямар мэдрэмж төрснийг би одоо ч тайлбарлаж чаддаггүй.

-Тэгвэл хамтран шүүж байсан шүүгчдээс хэцүүг нь нэрлээч. Мэдээж намайг багтаалгүй?
-Та бол дугаар нэгт бичигдэнэ. (Инээв) Хэцүү гэхээр намайг хүн муулаач гэж хатгаад байх шиг байна. Гэхдээ муулах бодол огт алга. 2001 онд поп дуучин Клаудио Росенгразн ийм нэвтрүүлэг хийх гэж байгаа хэмээн хэлж байсан. Дараа улиралд нь би бүх төлөвлөгөөг боловсруулаад нэвтрүүлгээ "Америкийн шүтээн" гэж нэрийдсэн дээ. Харин үүнээс хойш Энни Робенсон, Макс Клифорд гэх сайн залуустай тааралдсан. Бас "Британичуудад авъяас бий", "X Factor" гэх мэт нэвтрүүлгийг хийхэд Паула Абдула, Черил Коүл, Шэрон Осборн гэхчлэн олон хүмүүс намайг дэмжиж шүүгчийн ширээний ард суусан юм. Гэхдээ Паула бид хоёрын харилцаа хөндийрч байгааг мэдэрсэн тэр үед бид хоёр тийш болсон. Одоо дахин нэг ширээнд суух гэж байгаадаа баяртай байгаа.

-Би санаж байна. Оролцогчдыг дугаараар ялгах ёстой байдаг шүү дээ. Тухайн үед та Сандра Болтенд яагаад 20 гэсэн дугаарыг бэлэглэчихсэн юм бэ. Түүнийг муулаагүй ч тэмцээнд тийм ч хол яваагүй?
-Та үнэндээ энэ мэт жижиг асуудалд хэтэрхий их орооцолддог байснаа мэдэж байгаа биз. Амандаг тийм шийдвэр гаргасныг би одоо ч ойлгодоггүй. Мариа Керри шиг тодхон авъяастай бүсгүй байсан. Яахав тэр дуулсан дуу нь миний урмыг хугалсан нь үнэн. Гэвч юм бүхэн төгс байх ёстой мэтээр эндүү ойлгодог байсандаа та над шиг харамсдаг ч болоосой. Магадгүй Амандаг татгалзсан хариу хэлэхэд би орилж, хашгичиж болох байсан ч чимээгүй суухаас аргагүйд хүрсэн.

-Энэ нэвтрүүлэг, шоу чамд яг юу өгдөг вэ?
-Шууд хэлэхэд, эрч хүч. Инээдтэй сонсогдож байна уу.

-Тийм. Эргэлзээгүй.
-Тэгвэл та зөв ойлголоо. Би зарим нэг "новшийн" нэвтрүүлгийг үзэн яддаг. "Айлгах төлөвлөгөө", "Тэвчээрийн хязгаар" гэх мэт үзэгчдийг зүгээр л гахайнаас дор үздэг хүмүүс тэдгээрийн ард байдаг байх.

-Асуудалд орохоос эмээхгүй байна гэж үү?
-Чи ойлгох хэрэгтэй. "X Factor" яагаад жил бүр сая, сая үзэгчдээр хүрээгээ тэлдэг гэдгийг мэдэх үү. Чухам тэнд л амьдрал өрнөж байдаг юм. Харин зүгээр нэг бэлдчихсэн утгагүй санааг студид хэрэгжүүлнэ гэдэг байж боломгүй хэрэг. Тэднийг би зүгээр л попкорн зараад сууж байх ёстой хүмүүс гэдгийг мэднэ.

-Тэмцээн зохион байгуулагчдын баг бүхэлдээ чиний өдөр бүр өмсч ирдэг тэр олон цамцыг үзэн яддаг байсныг нуугаад яахав?
-Бас л нэг жижигхэн асуудал. Магадгүй унтлагын чинь өрөөнд гүйж ороод шүүгээнээс тань аль нэг цамцыг авч өмсөөгүйг хүн бүр мэднэ. (Инээв)

-Шоунаас өөр юу хийж байв?
-"Шрек 2" хүүхэлдэй миний бяцхан авъяас чадварыг минь бараг л шавхчих дөхсөн. Бас дэлгэцийн бүтээлд найруулагч хийх бодолтой байсан минь биелсэн. Та нар мэдэж байвал "Скари Мүви" чинь миний бүтээл байхгүй юу. Тэнд байгаа бүх дүрийг би амьдаар нь судалсан учраас хүчтэй шүүмжилж чадсан. Харин хэтрүүлсэн гэсэн яриа дэгдээд байсныг үгүйсгээгүй ээ.

-Би таныг өвчнөөс болж шаналдагийг хангалттай мэднэ?
-Тийм ээ. Ходоодны асуудал одоо ч намайг тайван суулгахгүй нь. Тэр бол ховор өвчин байх. Их иддэгээс болж тийм байдалд орчихсон. Гэхдээ та миний эмч биш болохоор санаа тавьсан дүр эсгэхээ боль.

-Хүн бүр зорилгодоо хүрэхдээ юу хийх ёстой байдаг юм бол?
-Хөдөлмөрлөх ёстойгоо ойлгохгүй явсаар орчлонг барсан хүмүүсийн тухай сонсч байсан. Гэхдээ 1979 оноос "EMI" студийг байгуулах шалтгаан зорилгын минь эхлэл төдий л зүйл. Харин үргэлж ууртай байхаас инээх нь аз жаргалгүйг ойлгох бүрт урдах амьдралдаа хийх зүйл их байгааг хэн нэгэн хэлээд байх шиг санагддаг байлаа. Гэхдээ 20 жилийн өмнө байсан Саймон Коуэл өнөөдөр үзэн ядагддаг ч хүмүүст хэрэгтэй нэгэн болсон болов уу гэж бага ч гэсэн бахархдаг.

-Шоуны үеэр хэн нэгнийг хасах шийдвэрт цэг тавихад танд хэр хүнд санагддаг вэ?
-Миний царайнд ямар ч хувирал анзаарагддаггүй учир хүмүүс намайг тайван байдаг гэж боддог байх. Тийм биш шүү дээ. Би чинь тэднийг энэ хүртэл хөтөлж ирэхэд тодорхой зүйл хийсэн. Гэсэн ч хэн нэгний зам тэнд хүрээд дуусч буйг нь ойлгуулах энгийн л нэг харилцаа. Хэдэн мянга, сая хүний өмнө байсан ч хамаагүй. Тэр бол шийдвэр.

-Хатуу зангаа энд хүртэл хаяхгүй байхаар шийджээ. Надад хандаж нэг зүйл хэлээч. Бид яриагаа өндөрлөх цаг болсон байна?
-Танд хэлэх зүйл тийм ч их алга даа. Бид хамтрагчид байхад талархах явдал цөөнгүй л гарч байсан. Харин тухай бүрт нь ойлгуулах гэж хичээгээгүй ээ. Тэр бол нялуун зан. Үүнд би дургүй. Гэхдээ та энд тэр том хүний орыг сайн залгуулж байгаад чинь баяртай байна.

Т.Батсугар

"Нийгмийн толь"

Саймон Коуэл: Xэн нэгний зам тэнд хүрээд дуусч буйг нь ойлгуулах энгийн л нэг харилцаа
Tweet
Bolod.mn