Зоригоогийн дүрээр бидний танил болсон залуу жүжигчин Ж.Мөнгөнсүхийг оролцууллаа. Одоогоор тэрээр "Хувьсал" продакшнд ажиллаж байгаа гэнэ. Түүний хувийн амьдралын талаар ний нуугүй ярилцсан шүү. Тун сонирхолтой. Найзуудаа бидний ярилцлагын хөлөг онгоцоор хамтдаа аялцгаая!

Овог, нэр: Жаргалсайханы Мөнгөнсүх
Төрсөн он, сар, өдөр: 1990.09.27
Төрсөн газар: Улаанбаатар хот, Эх нялхс
Жил: Морь
Орд: Жинлүүр
Ам бүл: 6
Өндөр: 175см
Жин: 74кг
Хоч: Мөнгөө
Сонсдог хамтлаг, дуучин: "Харанга" хамтлаг
Дуртай хоол: Будаатай бүх хоол
Дутагдалтай тал: Түргэн ууртай
Хүндэлдэг хүн: Төрийн соёрхолт жүжигчин Ц.Төмөрбаатар
Шүтлэг: Будда
Хобби: Хөгжим тоглох, дуулах
Бахархал: Аав, ээж
Мөрөөдөл: Ард түмнийхээ хайр хүндэтгэлийг хүлээсэн сайн жүжигчин болох

Сур: -Сайн байна уу? Юуны өмнө танд энэ өдрийн мэнд хүргэе! Та өөрийгөө манай "Сурагч" сонины уншигч хуухдуудэд дэлгэрэнгүй танилцуулахгүй юу?
М: -За баярлалаа. "Сурагч" сонинг уншиж байгаа дүүнартаа одоо энэ өдрийн мэнд хүргэе! Намайг Жаргалсайхан овогтой Мөнгөнсүх гэдэг. 1990 онд төрсөн одоо 21 настай. Хувьсал продакшны жүжигчнээр ажиллаж байна даа.

Сур: -Одоо хаана сурч байна. Хэддүгээр курс вэ?
М: -Би "Радио телевиз"-ийн дээд сургуулийн сэтгүүлчийн 3-р курст сурдаг. Жүжигчин болохыг багаасаа мөрөөддөг байлаа. Мөрөөдлөө биелүүлэх гэж, сонирхлынхоо дагуу "Хувьсал" продакшнд жүжигчнээр ажиллаж байна.

Сур: -Таныг "Сонголт" киноны Түмэн-Од, "Хайрын эрэлд" киноны Зоригоогийн дүрээр үзэгчид мэддэг болсон. Яагаад кино урлагт хөл тавих болов, юу таныг татав?
М: -"Сонголт" гээд телевизийн 30 ангит сериалд жилийн өмнө тоглож байлаа. Тухайн үед зүгээр л хичээл нэг цаг цонхлоод, тэгээд манай найз "SBN телевиз дээр киноны проб авч байна. Орж үзэх үү?" гэсэн саналынх нь дагуу шалгуулсан. Тэр үед пробонд орохоор 300 гаруй оюутан ирсэн байсан. Тэр олон хүүхдээс шалгарч Түмэн-Одын дүрийг авсан даа.

Сур: -Кинонд тоглох хүсэл эрмэлзэлд тань юу нөлөөлсөн бэ?
М: -Би төрийн соёрхолт жүжигчин Ц.Төмөрбаатар ахыг их хүндэлж явдаг. Багаасаа яг энэ хүн шиг болох юмсан гэсэн хүсэл мөрөөдөлдөө автаад энэ салбар руу хальтраад орсон доо. Магадгүй Ц.Төмөрбаатар ахынхаа тоглосон кино, жүжгийг үзсээр байгаад л урвасан байх. (инээв)

Сур: -Нэг ангит кинонд тоглоход хэцүү байдаг гэж сонссон. Өөрийн тань хувьд хоёр ч дэлгэцийн олон ангит кинонд тоглолоо. Яагаад заавал олон ангит дэлгэцийн уран бүтээлийг сонгоод байна. Нэг ангит кинонд тоглох санал ирсэн үү?
М: -Тийм л дээ. Одоохондоо нэг ангит киноны санал ирээгүй байгаа. Танилын хүрээнд иймэрхүү нэг ангит кино хийх гэж байгаа бэлэн байгаарай гэсэн. Яг түс тас дүр өгөөгүй. "Сонголт" кинонд тоглоод дууссаны дараа 2010 оны 08 сард "Хайрын эрэлд" киног хийсэн "Free Line" студийн продюссер Батцэцэг эгч санал тавьсан. Тэр үед "За" гээд очоод зохиолтойгоо танилцаад Зоригоо гэдэг дүрийг авсан. Эхний 5 ангийг уншаад маш их таалагдсан. Би өөрөө зөөлөн, тайван араншинтай хүн. Гэхдээ зарим тохиолдолд хурц байж магадгүй.

Сур: -Анх зохиолоо бариал уншихад ямар санагдсан. Энэ дүр надад тохирох болов уу, би чадах болов уу гэсэн эргэлзээ байсан уу?
М: -Байлгүй яах вэ.Аливаа юмыг хийхдээ ямар ч хүн шууд бардам "би чадна" гэж хэзээ ч хийдэггүй. Жишээ нь хүүхдүүд хичээлээ хийхгүй шалгалтандаа ороод л гарна, би мэдэж байгаа юм чинь гэдэг. Үүн шиг кино урлагт заавал бэлдэж, юмыг заавал хэвшил болгож байж тайз юм уу дэлгэцээр гарах ёстой.

Сур: -Дүр болгон дээрээ өөрийн гэсэн хувирлаа гаргахад хэцүү байдаг байх. Өөрийн чинь хувьд хүндрэлтэй зүйл юу байв?
М: -Нэг ангит кинонд тоглож үзээгүй болохоор хоорондынх нь ялгааг сайн мэдэхгүй байна. Магадгүй нэг ангит кинонд тоглоод үзэхээрээ ялгааг нь олоод харчих байх. "Хайрын эрэлд" киноны эмнэлэгийн зураг авалтанд ороход их хэцүү байсан. Тав зургаан өдрийг өглөө 09-өөс шөнийн 01, 02 цаг хүртэл эмнэлгийн орон дээр толгой боолттой хэвтдэг байлаа. Нуруу өвдөөд, халууцаад л...
Сур: "Хайрын эрэлд" кино "Сонголт" кинонд тоглохоос хэр ялгаатай байв?
М: -"Сонголт" киноны Түмэн-Од, "Хайрын эрэлд" киноны Зоригоо хоёр ерөнхийдөө ойролцоо, зөөлөн, үнэнч шударга, итгэл даасан дүр л дээ. Тоглоход хүндрэлтэй зүйл байгаагүй.

Сур: -"Хайрын эрэлд" киноны зураг авалт хэдий хэр хугацаанд үргэлжилсэн бэ?
М: -09-р сарын 28-нд гэрээгээ байгуулаад, 10-р сарын 08-наас мотор дуугараад, 02-р сарын 20 хүртэл үргэлжилсэн. Нийтдээ 4 сар гаруйн хугацаанд зураг авалт хийгдсэн.

Сур: -Уг "Хайрын эрэлд" киноны ямар анги нь танд илүү сайхан байсан бэ, тоглоход илүү ойр, урагшаа явах тэмүүллийг өгсөн бэ?
М: -Ц.Төмөрбаатар гуайтай хамт зурганд орсон тэр хэсгүүд хамгийн гоё байсан. Хүсэл мөрөөдлөө биелүүлсэн болохоор их аз жаргалтай байна.

Сур: -Тийм байх шүү?
М: -Үнэхээр бахархууштай байна .Хэлэх ч үг олддоггүй ээ. Тэр агуу хүнийг харах юмсан, гудамжинд зөрөөд өнгөрөх юмсан гэж хүсдэг байсан бол хүү нь болоод үзсэн шүү дээ.
Сур: -Киноны үйл явдлыг үзэхэд Зоригоо гэдэг хүү нилээн хичээл номондоо сайн, төлөв даруу харагдсан. Харин Мөнгөнсүх, Зоригоо хоёрыг харьцуулахад хэр ойр вэ?
М: -Би 3 жилийн өмнө ШУТИС-ийн Үйлдвэрлэл дизайны сургуулийн лицейг төгссөн. Арван жилдээ бүх хичээлдээ тэгш гайгүй сурдаг байсан. Ихэвчлэн сайн, онц авдаг, муудлаа гэхэд ганц хоёр С авдаг байлаа. Энэ үетэй харьцуулвал дэндүү адилхан. Одоо ажил хийгээд ирэхээр хичээлээ зарим үед цалгардуулдаг. Гэхдээ энэ болгоноо засаад, ажлуудаа зохицуулаад явахыг хичээдэг дээ.

Сур: -Анх өөрийгөө зурагтаар харахад ямар байсан бэ?
М: -Анх телевизээр өөрийнхөө хоолойг сонсоод, царайг хараад голдог юм билээ. Гэхдээ өөрийгөө голно гэдэг сайн зүйл гэж миний хувьд боддог. Жүжигчин хүн гэдэг нэг юман дээр зогсож болохгүй. Жишээ нь би одоо "Сонголт" кинонд тоглочихлоо гээд өөрийгөө ерөөсөө хаяж болохгүй. Өөрийгөө цаг минут бүрд шинэчилж, урагшаа тэмүүлж байх хэрэгтэй.

Сур: -Гадуур явж байхад хүмүүсийн хандлага ямар байдаг вэ?
М: -"Танилгүй баян байснаас танилтай ядуу бай" гэсэн монгол ардын үг байдаг шүү дээ. Энэ үнэн л дээ. Зүгээр л оюутан байхад анзаардаггүй байсан. Тодорхой хэмжээнд хүмүүст танигдаад ирэхээр "Тэр кинонд тоглосон жүжигчин явж байна" гэх ч юм уу хандлага нь шал өөр болдог. Нэг бодлын гоё, нөгөө бодлын маш их хэл амтай байдаг. Дөнгөж олонд танигдаж байгаа хүмүүсийг жаахан доош нь хийдэг. Энэ болгонд нь эмзэглээд байж болохгүй гэж боддог.

Сур: Өөрөө үйлдвэр дизайны сургууль төгссөн байж яагаад сэтгүүлч гэх мэргэжлийг сонгох болов оо?
М: -Би бэлтгэлээсээ 9-р анги хүртлээ 45-р сургуульд сурч байсан. 9-р ангиа төгсөөд архитектур мэргэжлээр явна гэж бодоод үйлдвэр дизайны сургуулийн лицейд орж суралцсан. Харамсалтай нь хэвлэлийн график дизайны хуваарь аваад эхний намрын семистр сурсан. Тэр үед "Боловсрол суваг" телевизийн залуусын нэвтрүүлгийн хөтлөгч хийдэг байсан. Ер нь хөтлөгч, сэтгүүлч болох сонирхол тухайн үед их хүрсэн. Тэгээд 2-р семистрээсээ "Радио телевиз"-ийн дээд сургууль руу шилжсэн.

Сур: -"Хайрын эрэлд" кинон дээр хөгжилтэй зүйл хэр тохиолдов. Өөрийн тань сэтгэлд тодхон буусан дурсамжаасаа хуваалцаач?
М: -Хэддүгээр ангийг нь санахгүй байна. Би толгойгоо угаачаад арчаад гарч ирж байсан чинь Биндеръяа гээд ээж нь шалаа угаагаад Чагдаг гээд аав нь орон дээрээ хэвтээд байж байсан чинь би орж ирээд ээжийгээ өрөвдөөд "Би угаая" гэхэд ээж нь "Яах юм бэ, миний хүү хичээлээ хий" гэдэг юм. Тэгээд дүү рүүгээ харсан чинь орон дээрээ муухай харчихсан сууж байдаг юм. Тэгэхээр нь "Солонгоо чи одоо хаашаа юм. Өдий том болчихоод ээжээрээ шал угаалгаад ичээч. Ээждээ тусалж бай" гэсэн чинь "Та одоо хаашаа юм амралтын өдрөөрөө би амармаар байна" гээд гараад явчихдаг байхгүй юу. Тэгээд сууж байтал Төмөрөө ах гэнэт уншиж байсан сонингоороо "Чи яахаараа дүүгээ ингэдэг юм, муухай хахир ааштай юм" гээд цохиход би аймар цочоод, гайхаад инээж байсан. Тухайн үед цохино гэж Манай аав гитар тоглож, дуулж хуурддаг. Одоо 50 хүрч байгаа. Ээж маань мэргэжлийн дуучин биш ч гэсэн сайхан дуулдаг.

Сур: -"Хувьсал" продакшинд хэзээ орсон бэ, уг продакшнд орсноор хэр өөрчлөлт гарав?
М: -Мэдээж өөрчлөлт гаралгүй яах вэ. Би "Хувьсал" продакшнд ороод 1 жилийн болж байна. 2010 оны 08-р сард орсон. Манай продакшны ерөнхий найруулагч, СТА Д.Оюунсүрэн багш маань жүжигчний ур чадварыг хамгийн анх надад заасан хүн. Энэ дашрамд Д.Оюунсүрэн багшдаа баярлалаа, хүндэлж явдаг шүү гэж хэлмээр байна. Ер нь байнга асаалттай танк шиг бэлэн байдаг.
мэдээгүй байсан. /инээв./

Сур: -Ер нь танай гэр бүлд урлагийн хүн байдаг уу?
М: -Би 1-р курст байхдаа найзуудтайгаа нийлээд амьд хөгжмийн "Рumpkin" гэдэг хамтлаг байгуулж байсан. 5 сар л болсон. Дуулна гэдэг бол миний авьяас биш. Хобби л доо. Дуулах дуртай болохоор цаашдаа дуулах бодол бий.

Сур: -Ярилцлагаа өөрийн тань хүүхэд насны талаар үргэлжлүүлэе. Багадаа ямар хүүхэд байсан бэ?
М: -Багадаа их даруухан хүүхэд байсан. Айлын бага хүү, дээрээ 2 эгчтэй. Гэхдээ айлын эрх хүү байгаагүй. Ямар ч байсан 2 эгчийнхээ хувцсыг угааж өссөн. Тэгээд том эгч маань хүнтэй суугаад хүүхэд гаргаж байхад дүүгийнхээ даавууг угаагаад, бантанг нь хийж өгдөг их ажилсаг хүүхэд байсан.

Сур: -Багадаа ямар хүн болохыг мөрөөддөг байсан бэ?
М: -Манай ээж намайг багаас маань цагдаа юм уу цэргийн хүн болгоно гэдэг байлаа. Миний хувьд хүсэл мөрөөдөл маань нэвтрүүлэгч, дуучин, жүжигчин энэ 3 дээр л төвлөрдөг байсан.
мэдээгүй байсан. /инээв./

Сур: -Ер нь танай гэр бүлд урлагийн хүн байдаг уу?
М: -1997 онд 45-р сургуулийн бэлтгэл ангид ороод, 2006 онд 9-р ангиа төгсөөд, 10, 11-р ангиа ШУТИС-ийн ҮДС-ийн 11-а ангийг төгссөн.

Сур: -Багадаа хэр нийгмийн идэвх сайтай хүүхэд байв?
М: -За өөрийгөө магтсан л болох байх даа. Гэхдээ хичнээн байранд ороогүй ч гэсэн ангиа урлагийн үзлэгээр аваад гардаг байсан. Урлагийн үзлэгт жил болгон дараалж ордог байлаа. Олон нийтийн ажилд бас их оролцдог байсан. Яагаад гэвэл "Сурагчдын удирдах зөвлөл"-ийн даргын нарийн бичиг байлаа, ангийн дарга байлаа. Сурагч байхдаа сүүлийн 5 жил ангийн дарга хийсэн шүү.

Сур: -Хүүхдийн хүмүүжилд эцэг эх шууд хамааралтай байдаг. Танай эцэг эх юу хийдэг, ямар хүмүүс байдаг вэ?
М: -Манай аав С.Жаргалсайхан гэж хүн байдаг. 4-р цахилгаан станцад урлагийн асуудлыг хариуцсан даргаар ажилладаг. Манай ээжийг Г.Оюунцэцэг гэдэг. Манай ээж их зөөлөн л дөө. Би тэр занг нь дууриасан юм шигээ.

Сур: -Олны танил болоод ирлээ. Мэдээж тодорхой хэмжээнд хүмүүст танигдсан болохоор стиль имиджиндээ хэр анхаарч байна вэ?
М: -Ерөнхийдөө би бариу хувцас өмсөн дуртай. Стиль хөөгөөд байдаггүй.

Сур: -Сурагч байхдаа автобусаар явдаг байсан байх. 10 жилийн хүүхдүүдээс кондукторууд "Сурагчийн үнэмлэх"-гүй болохоор 100 төгрөг өгөхөөр "Чи битгий худлаа яриад бай, дэнхийчихээд 300 төгрөгөө төлөөд яв" гэх зэргээр хэл амаар доромжилдог. Зарим үед чимхэх, цохих нь ч харагддаг. Үүнийг эсэргүүцэж манай "Сурагч" сониноос "Оюутнуудыг бус сургчдыг нийтийн тээврээр үнэгүй явуулья" гэсэн санаачилгыг гаргаад байгаа. Та энэ тал дээр ямар бодолтой байна вэ?
М: -Зөв л дөө. 10 жилд автобусаар явахад кондукорууд муухай аашлаж, илүү мөнгө нэхэх тохиолдол гардаг байсан. Багачуудыг автобусанд явахыг нь харахад их өрөвдмөөр л дөө. Манай залуус автобусны бариулд ч хүрэхгүй,уначих гээд явж байгаа хүүхэд, хөгшин хүнд суудал тавьж өгдөггүй. Хүүхдүүд бэртэж, гэмтэхдээ амархан шүү дээ. Монголынхоо ирээдүй болсон багачуудаа хайрлах хэрэгтэй. Суудал тавьж өгөхгүй юмаа гэхэд өвөр дээрээ аваад суучих хэрэгтэй шүү дээ.

Сур: -Хайрын талаар ярья. Таны бодлоор хайр гэж юу вэ?
М: -Хайр гэдэг бол цэвэр зориулалт. Би энэ үзэл бодолдоо тууштай зогсдог. Жишээ нь би хайртай хүндээ цаг зав, сэтгэл зүрхээ бүрэн зориулахгүй бол энэ хайр биш.

Сур: -Найз охинтой юу, эсвэл гэр бүлтэй юу?
М: -Эхнэртэй. Удахгүй шинэ хүнтэй болно. Хувийн амьдралаа хамгийн анх танай сонинд дэлгэж байна шүү. Аав болно гэхэд их догдлоод, нулимс урсдагюм билээ.

Сур: -Эхнэртэйгээ анх хэзээ танилцсан бэ?
М: -Бид эртний танил л даа. Таньдаг болоод 5, 6 жил болж байна. Манай эхнэрийг Ч.Одонтунгалаг гэдэг. "Хөдөө аж ахуйн их сургууль"-ийн байгалийн аялал жуулчлалын 3-р курст сурдаг. Манай бага эгчийн найз. Надаас 1 насаар эгч.

Сур: -10 жилд байхдаа охидод хэр их захиа өгдөг байсан бэ?
М: -Сэм сэм захиа бичдэг байсан. 9-р ангид валентины баяраар анх удаа хоёр захиа авч байсан.

Сур: -Таны сарын орлого хэд вэ?
М: -"Сонголт" кинонд тоглохоос өмнө ээж ааваасаа авдаг байсан. Кинонд тоглосноор SBN телевизээс тодорхой хэмжээний цалин авдаг болсон. Одоо бол "Хувьсал" продакшнаас хийснээрээ мөнгө авдаг.

Сур: -Ер нь кинонд тоглоход хэдэн төгрөг авдаг вэ?
М: -Янз янз л даа. Хамгийн гол нь хэр туршлагатай, сайн жүжигчин бэ гэдгээс л шалтгаална. Ер нь ойролцоогоор дөнгөж гарч ирж байгаа жүжигчид дээд тал нь нэг саяыг авдаг.

Сур: -Хавар болж байна. "Хонхны баяр" болоход сар ч хүрэхгүй хугацаа үлдсэн байна. Таны хувьд "Хонхны баяр"-аа яаж тэмдэглэж байсан бэ?
М: -"Хонхны баяр" гоё л доо. 11-р ангийн "Хонхны баяр" хамгийн дурсамжтай байсан. Манайх 11-а гэдэг ганцхан ангитай. Тэр үед багш, захиралтайгаа ярьж байгаад ангийнхаа хүүхдийн лагерын 2 давхар хаусанд зугаалгаа хийж байсан. Шөнөжингөө бүгдээрээ гитар барьж дуулаад, ээж аав нартаа зориулж ээж аавын тухай дуу дуулж, ээж аав нар нь ирээгүй хүүхдүүд утсаар дуугаа сонсгоод уйлаад тэгэхэд л гоё байсан даа. Бүгдээрээ багшдаа гэнэтийн бэлэг болгож дуулж, бүжиглэж өгч байсан. Тухйан үед би өөрөө гитараа тоглоод, дуулж байсан шүү.

Сур: -"Хонхны баяр"-аар хүүхдүүд би ийм хувцас өмсөж, үсээ ингэж засуулна гэдэг. Таны хувьд...?
М: -Би чинь 10 жилд байхдаа нэг их сүр болгож бэлдээгүй ээ. Ёс болгож хослол, цамцаа өмсөөд, зангиагаа зүүгээд, үсээ гоё янзлуулаад, нүүрээ хөөрхөн угаагаад, хонхоо зүүгээд л ангийнхан дээрээ очиж байсан. Одоогийн хүүхдүүд "Хонхны баяр" гэхээрээ л заавал шинэ хувцас өмсөнө гэж ээж аавыгаа зовоодог. Боломжтой айл байхад боломжгүй зөндөө л эцэг эх байдаг шүү дээ. Заавал тэгэх шаардлага байхгүй гэж боддог. 2,3 цаг ёслол дээрээ өмсөөд дараа нь өмсөхгүй тайлаад л үзэсгэлэн аятай шкафандаа өлгөчихдөг. Ээж аавд нь ч хүндрэлтэй. Ёслол дээрээ л гоё очиж байвал шинэ, хуучины ялгаа байхгүй ээ.

Сур: -За та манай уншигч хүүхдүүдэд хандаад үг хэлэхгүй юу?
М: -Хүн 10,11-р ангид байхдаа мэргэжлээ сонгоод конкурсаа өгдөг шүү дээ. Хамгийн гол нь "Би юунд сурах гээд байна вэ, ирээдүйд ямар мэргэжлээр сурч хоолоо олж идэх вэ, юу сурч байж амжилтанд хүрэх вэ?" гэдгээ сайн бодох хэрэгтэй. Ээж аав, ах дүү, найз нөхөдтэйгээ сайн зөвлөх хэрэгтэй. Ирээдүйд ямар мэргэжил илүү амжилтанд хүргэх талаар судалгаа хийгээрэй.
Ярилцсан: Н.Ундаръяа

Сурагч ком