жил тутмын жагсаалтаа гаргажээ. Хит-парадын хатан хаанаар Леди Гага шалгарсан байна. Тэрбээр хөрөнгөөр 90 сая доллароор арвижуулаад зогсохгүй, олон жил дараалан тэргүүн байр эзэлж байсан Опра Уинфриг байрнаас нь ганхуулж чаджээ.
Энэ жагсаалтад орсон алдартнуудын орлого 4,5 тэрбум доллар давсан байна. Тэд кинонд дүрээ мөнхөлж, гольф тоглож, тайзнаа гарсан гээд янз бүрийн зүйл хийсэн ч тэднийг нэг л зүйл нэгтгэжээ. Тэд бүгд тус тусын салбартаа хамгийн нөлөө бүхий хүн болж чадсан аж. Жагсаалтыг гаргахдаа оддын зөвхөн орлогыг харгалзалгүй, хэвлэл, мэдээллийн хэрэгсэл болон нийгмийн сүлжээнд нэр нь хэр олон удаа дурдагдсаныг харгалзан үзэв. Ийм жагсаалтыг Форбс сэтгүүл 1999 оноос хойш 12 дахь жилдээ гаргаж байна.

Манай үеийн од байна гэдэг нийгмийн сүлжээний хэрэглэгчдийн оюун бодлыг эзэмдэх чадвартай байхыг хэлж болно. Опра Уинфри энэ жил тийм байж чадсангүй. Залуу дуучин Леди Гага Facebook-т л гэхэд 32 сая шүтэн бишрэгчтэй, Twitter-т түүнийг гэсэн 10 сая хүн бүртгэгджээ. Түүний хамгийн сүүлд гаргасан Born This Way сингл таван өдрийн дотор нэг сая гаруй удаа сонсогчдын хүртээл болсон байна.

Харин Америкийн алдартай шоуны хөтлөгч Опра жагсаалтын хоёрдугаарт орлоо. Үнэндээ түүний нэг жилийн хугацаанд олсон орлогын хэмжээ Гагагийнхаас гурав дахин их буюу 290 сая доллар байв. Энэ нь өнгөрсөн жилд түүний олсон орлогоос 25 сая доллараар бага байгаа юм. Радиогийн SiriusXM корпорацийн удирдлага Опрагийн хөтлөгчийн цалинг багасгаснаас тийм зөрүү гарчээ. Гэсэн ч Опра хамгийн өндөр орлоготой хөтлөгч хэвээр байгаа аж. Шинжээчдийн таамаглаж байгаагаар, ирэх жил түүний орлого мэдэгдэхүйц өснө. Учир нь Опра өөрийн боловсруулсан төслийг хэрэгжүүлэх бодолтой байгаа юм.

Жагсаалтын гуравдугаар байрыг Канадын залуу иргэн, үе тэнгийнхээ охидын мөрөөдөл болсон Жастин Бибер эзлэв. 17 настай поп дуучин нэг жилийн хугацаанд 53 сая долларын орлого олсон байна. Үүнээс 10 жилийн өмнө Бибер днд сургуулийнхаа концерт,
жижиг клубуудад тоглодог байсан бол өнөөдөр интернэтийн ачаар жинхэнэ дуулианы эзэн болжээ. YouTube дээр Биберийн анхны Baby клипийг үзэгч, сонсогчид 500 сая гаруй удаа захиалж, түүний тоглосон 3D киноны кассын орлого 100 сая доллар давсан байна.

Ирландын рокерууд болох U2 хамтлаг Биберийн шилийг даржээ. Боногийн хамтлаг нэг жилийн хугацаанд 195 сая долларын орлого олж, орлогын хэмжээгээр Опрагийн дараа хоёрдугаарт орж байгаа юм. Гэвч телевиз, радиогийн чансаа нь Канадын дуучнаас 15 дахин доогуур байжээ.
Нэлээдгүй уналтад орсон хэдий ч Тайгер Вудс шилдэг аравт хэвээр байна. Тэрбээр 75 сая долларын орлого олсон үзүүлэлтээр жагсаалтын зургадугаарт оров. Эхнэртээ үнэнч байж чадаагүй гэдгээ хүлээн зөвшөөрсөн цагаас хойших сүүлийн хоёр жилийн хугацаанд Вудс нэг ч тэмцээнд түрүүлээгүй, хөлний гэмтлээсээ болоод тун саяхан АНУ-ын Нээлттэй тэмцээнд оролцох тамирчдын жагсаалтаас хасагдсан боловч түүний ивээн тэтгэгчид, тэдгээрийн дотор, Nike болон Electronic Arts компани түүнд хамтран ажилласныхаа төлбөрийг тасралтгүй өгч байгаа аж.

Энэ онд Холливудын жүжигчин Леонардо ДиКаприо мэдэгдэхүйц амжилт олжээ. Тэрбээр 2010 онд энэ жагсаалтын 71 дүгээрт орж байсан бол одоо 77 сая доллар халааслаад жагсаалтын 15 дугаарт орлоо. Шууд 56 шат алгасахад 2010 онд түүний тоглосон «Хараал идсэн арал», «Эхлэл» киноноос олсон орлого нь нөлөөлжээ. «Эхлэл» киноны кассын орлого 825 сая доллароос давсан нь Леонардог 2010 оны киноны орлогоороо зургадугаарт бичигдэхэд нөлөөлсөн байна.

Хит-парадын 65 дугаарт орсон Уилл Смит ирэх жил дэлгэцнээ гарах «Хар багтай хүмүүс 3» кинонд тоглосны ачаар энэ жагсаалтад эргэн оржээ. Өнгөрсөн онд Уилл хоёр хүүхдэдээ ажлаа хийхэд нь туслахаар уран бүтээл чөлөө авснаар Форбсын жагсаалтад ороогүй байна. Түүний хүү Жейден кассаар 360 сая долларын орлого олсон «Каратэ хүү» киноны гол дүрийг амжилттай бүтээсэн бол, Уиллоу хүү нь 11 сая хүн үзсэн «Whip My Hair» клипт тогложээ.

Жагсаалтад Оросын иргэдээс Мария Шарапова 24 сая долларын орлого олж, жагсаалтын 80 дугаарт орсон байна. Харин Бритни Спирс, Дэниел Рэдклифф жагсаалтын шатыг дуулиан шуугиантайгаар алгасан унажээ. Бритни өнгөрсөн онд зургадугаарт орж байсан бол энэ жил жагсаалтаас хасагдсан байна. Харин Рэдклифф 2010 онд 82 дугаарт орж байсан бол Харри Поттерын түүх дууссанаар түүнд энэ жагсаалтад эзлэх байр үгүй болжээ.
З.Амгалан

Эх сурвалж: “Монцамэ”

Хамгийн баян, хамгийн нөлөө бүхий хүмүүс
Tweet
Bolod.mn

Сэтгэгдэл (3)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Information well regarded.. casino en ligne Whoa plenty of good info. casino en ligne fiable Thanks, I appreciate it. casino en ligne France Good content. Thanks. casino en ligne Thanks a lot! Lots of information! casino en ligne Many thanks! I enjoy this. casino en ligne Amazing quite a lot of awesome data. meilleur casino en ligne You mentioned this very well. casino en ligne Good facts, Thank you! casino en ligne You reported that adequately. casino en ligne

2025-06-06 | 16:18:14 | 45.125.245.249 |

Зочин
tani nuuts delguur www.lovelytoys.mn

2012-03-14 | 13:53:12 | 203.194.115.2 |

Зочин
tani nuuts delguur www.lovelytoys.mn

2012-03-14 | 13:52:57 | 203.194.115.2 |