бvтээл, хувийн амьдралынхаа тєлєвлєгєєний тухай “CNN” телевизэд дараахь сонирхолтой ярилцлагыг єгчээ.

-Та зурагтаар их єндєр, том биетэй харагддаг. Харин ингээд харвал тийм ч єндєр биш юм?
-Хvмvvс тэгж хэлдэг шvv. Зурагтаар гардгаасаа жижигхэн юм гэж. Гэхдээ ганцхан би ч биш. Манай “Destiny’s Child”-ын охид, нєхрийг маань ч хvртэл хvмvvс тэгж ярьдаг. Тийм болохоор энэ зvгээр л зурагтны нєлєє байх.

-Та дандаа єндєр єсгийт ємсєх юм. Гэхдээ жирийн биш, бvр хамгийн єндрийг нь шvv. Яаж ийм єндєр єсгийт дээр тэгж эрч хvчтэй бvжиглэж чаддаг байна аа?
-Єндєр єсгийттэй явах хэцvv биш шvv дээ. Би 13 наснаасаа хойш ємсч байгаа болохоор аль хэдийнэ дассан. Бvжгийн дасгал сургуулилт хийх vедээ ч ємсдєг.

-”Rule the World Girls”-оос эхлээд таны сvvлд гаргасан дуунууд бvхэлдээ охид бvсгvйчvvдийг хvчирхэг байхыг уриалан дуудсан єнгє аястай байна. Яагаад?
-Дуучныхаа хувьд охид бvсгvйчvvдийг уриалан дуудах нь миний vvрэг гэж би боддог. Тийм ч учраас миний бvжигчид голдуу охид байдаг.

-Та хамгийн сvvлд Их Британид 175 мянган vзэгчийн ємнє дууллаа. Ийм олон хvний ємнє, тайзан дээр гарахад ямар мэдрэмж тєрдєг вэ?
-Vнэнийг хэлэхэд би одоо ч тайзан дээр гарахын ємнє айдаг хэвээрээ. Яг л навч шиг хаашаа ч хамаагvй хийсэх гээд байгаа мэт гэгэлздэг. Хамгийн сvvлд Англид тоглохдоо 175 мянга гэдэг тоог мартахыг хичээсэн. Миний ємнєх шоунуудтай л адил шvv дээ гэж єєрийгєє тайвшруулсан. Бас “Би дива. Энд хvрэхийн тулд єчнєєн жил шаргуу хичээллэсэн атлаа одоо энэ тоглолтоос юундаа айх билээ” гэж єєрийгєє зоригжуулсан. Гэхдээ дуучин хvн vзэгч, фэнvvдийнхээ хашгирах дууг сонсоод єєрийн эрхгvй хєєрсєн сэтгэлдээ хєтлєгдєєд тайз руу гардаг даа.

-”Би дива” гэж хэлсэн тань таалагдаж байна. Энэ vгийг та vнэхээр бахархалтайгаар хэлж байна. Харин ихэнх од єєрийгєє тэгж хэлэхээс ичиж, “Vгvй ээ, би дива биш” гэдэг?
-Дива хvн ямар байх ёстой тэр бvх чанарыг би хангасан гэж боддог.

-Жинхэнэ дива гэж хэнийг хэлдэг юм бэ?
-Гоо vзэсгэлэнтэй, авьяастай, хvчирхэг, зоригтой дуучин эмэгтэйг л дива гэж хэлнэ. Бас дива хvн ямар байхыг бусдад vлгэрлэж, vзvvлж чаддаг хvн байх ёстой. Жишээлбэл, би єчигдєр ємссєн хувцсаа єнєєдєр хэзээ ч тайзан дээр ємсєхгvй. Тайзаа хvндлэх соёл дива хvнд байх ёстой.

-Та нэг жилийн хугацаанд завсарлага авсны эцэст шинэ дуунуудаа гаргалаа. Амарч байх хугацаандаа єєрєєсєє юу олж нээсэн бэ?
-Маш их зvйлийг таньж мэдлээ. Хамгийн гол нь, би vнэхээр дуулах дуртай юм гэдгээ сэтгэл зvрхээрээ мэдэрлээ. Студид дуугаа бичvvлэх, клипний зураг авахуулах, тайзан дээр тоглох гээд энэ бvхэн миний энэ хорвоод хийж бvтээх гэж ирсэн хамгийн чухал ажил юм гэдгийг ойлгосон. Бас ажил, амралтаа хослуулж, тэнцвэртэй амьдрах хэрэгтэй юм гэдгийг ойлголоо. Би нэг л мэдэхэд 72 дуутай, 16 Грэммийн шагналтай болжээ. Хэзээ ингэж амжуулснаа ч єєрєє мэдэх сєхєєгvй ажилласан байна, єнгєрсєн жилvvдэд.
-Тэгээд єнгєрсєн нэг жилийн хугацаанд хангалттай амарч чадсан уу?
-Тийм ээ. Хийхийг хvсч байсан бvх зvйлээ амжуулсан. Би тvр ч болов зvгээр л эгэл жирийнээр амьдрахыг хvсч байсан. Машин барих, зээ дvvгээ сургуулиас нь авах, хvссэн газраараа аялах, музей vзэх, театрт очиж балет vзэх, онгоцонд хvмvvстэй ярилцах гээд. Энэ бvхнийгээ хийсэн.

-Хvмvvс тэгээд таньтай онгоцонд юу ярилцах юм?
-Намайг дуучин гэдгийг мэддэггvй хvмvvс таарахаар их хєгжилтэй. Би ч тэдэнтэй чєлєєтэй ярилцаж чаддаг. Харин Бионсе гэж мэдмэгцээ “Юу болоод байна аа” гэсэн шиг айхтар гайхаж хараад л, зургаа авахуулах гээд эхэлнэ дээ.

-Таныг аяллаар явж байхдаа пирамидын орой дээр гараад “Ave Maria” дууг дуулахад тэр хавиар нэг цуурайтсан гэж байсан. Энэ vнэн vv?
-Тийм шvv. Тийм боломж надад тохионо гэж хэн мэдэх билээ. Vнэхээр гайхалтай мєч байсан. Бид тэнд гэр бvлээрээ аялж явсан юм.

-Жэй-Зи та хоёрыг хайрын тvvхээ мєнхєлж пирамид хийлгэж гэж байгаа тухай бас сонссон?
-Тийм vv. Уг нь, сайхан санаа байна шvv.
-Та “Crazy in Love” дуугаараа Жэй-Зитэй учирсан байх аа. Таны нєхєр, рэппер Жэй Зи бол нэртэй дуучны зэрэгцээ сайн бизнесмэн. Хvмvvс тvvнийг жинхэнэ эр хvн гэж vнэлдэг юм билээ. Харин таны хувьд Жэй Зи хэн бэ?
-Тийм шvv, миний нєхєр сайн залуу. Гэхдээ бид нэгнийхээ тухай, хувийн амьдралынхаа талаар сонин хэвлэлд ярих дургvй. Бид хєгжмєєрєє л хvмvvст танил болсон. Тvvгээрээ л хvмvvст танигдаж байхад болно. Хувийн амьдрал, сенсаац хэрэггvй.

-Ингэхэд та хэдэн удаа дурлаж байсан бэ?
-Олон биш ээ.

-Дуучид бvтэлгvй хайрыг єєрийн биеэр vзэж туулж байж жинхэнэ гоё мэдрэмжтэйгээр дуулж чадна гэлцдэг. Харин та тийм зvйлтэй учирч байв уу?
-Мэдээж, учирч байсан. Гэхдээ дуулж байгаа бvхнээ єєрєє мэдэрсэн байх ёстой гэвэл буруу. Жишээлбэл, би “Cadillac Records” кинонд Этта Жеймсийн дvрд тоглосон. Этта Жеймс хар тамхинд донтдогоосоо болоод маш их зовж байсан хvн шvv дээ. Гэтэл би хэзээ ч хар тамхи татаж байгаагvй. Ийм байхад тvvний дvрийг гаргахын тулд би заавал хар тамхи татах ёстой гэж vv.

-Ингэхэд кинонд тоглох танд таалагдсан уу?
-Таалагдсан. Уран бvтээлч хvний хувьд намайг шинээр нээсэн, хувь хvний хувьд ч єєрийгєє таньж мэдэхэд минь их хэрэг болсон.

-Бионсе бvр зургаан настайгаасаа л дуулдаг байсан. Тэгэхээр та бvр жаахан охин байхаасаа од болно гэж боддог байсан хэрэг vv?
-Ээж маань vсчний салонтой байлаа. Би єдєржин тэнд єнждєг. Тэнд ирсэн vйлчлvvлэгч нарт хааяа нэг дуулж єгєхєд, хvмvvс “Хvvе, охин чинь vнэхээр авьяастай юм” гэж ээжид маань магтдаг байв. Тэгээд л ээж минь намайг бvжгийн дугуйланд оруулж, ирээдvйн замыг минь нээсэн дээ. Мэдээж, би од болно гэдгээ тэр vед яаж мэдэх билээ. Гэхдээ би тайзан дээр маш итгэлтэй дуулж чаддаг байсан. Жирийн vед бол дуугvй, ичимхий охин байсан мєртлєє тайзан дээр огт єєр хvн болдог байсан юм.

-Та vнэхээр тайзан дээр чєлєєтэй, єєртєє итгэлтэй харагддаг шvv?
-Тайзан дээр байх vед энэ л миний байх ёстой газар, эзэгнэх ёстой орон зай гэж боддог. Тийм ч учраас би тайзан дээр л жирийн vеэс илvv чєлєєтэй байдаг. 15 жил дуулсан ч яг л ийм мэдрэмж тєрдєг.
-Ихэнх оддын намтар тvvхийг хараад байхад дандаа нурж унасан, хэцvv амьдрал дундаас єндийж боссон хvмvvс байдаг. Харин таных бол єєр. Аав тань амжилттай бизнесмэн, ээж тань хувийн салонтой, танай амьдрал хангалуун.

Магадгvй ийм элэг бvтэн амьдралд єссєн болохоор та бусад шиг мєнгє, нэр алдарт ташуураагvй байх?
-Тийм шvv. Ээж маань миний алдаа дутагдлыг байнга засч залруулж байдаг. Эртний нэг явдал санаанд орлоо. Би дєнгєж 15 настай, анхны дуунууд маань радиогоор явж, сингл CD маань гарсны дараа єєрийгєє нэг л том од болсон мэт боддог болоод байв. Тэр vед бага зэрэг биеэ тоож эхлээд байсан юм. Нэг удаа би ээжтэйгээ хамт хуурцагны дэлгvvрт оров оо. Тэгэхэд дэлгvvрт байсан залуус над руу харц унагаад, намайг зааж, хоорондоо шивнэлдээд л. Би ч єєртєє баясаад л амандаа дуу аялаад, толгойгоо савлаад л ээжийг ерєєсєє сонсохгvй байсан юм. Гэтэл ээж гэнэт намайг алгадаад авсан. Тэгээд машин руугаа дагуулж яваад, надад ингэж хэлсэн. “Чиний дуу радиогоор явдаг чинь надад хамаа байхгvй. Чи бол миний хvvхэд. Тийм болохоор хэзээ ч надтай ингэж хvндэтгэлгvй харилцаж болохгvй шvv” гэж хэлсэн юм даа. Тэр явдал надад маш том сургамж болсон.

-Таны ээжийг vнэхээр vлгэр дуурайл авахаар хєдєлмєрч эмэгтэй гэлцдэг?
-Тийм ээ. Ээж маань єдєр бvр 13 цаг ажилладаг, тэгсэн атлаа хэзээ ч ядарч зовж байна гэж гомдоллож байхыг би сонсоогvй. Хєл нь сєхєрч унах хvртэл ажилладаг хєдєлмєр эмэгтэй. Аав маань ч бас ийм л хvн. Эцсийг нь хvртэл ажилладаг. Боломжгvй зvйл гэж нэг ч байхгvй гэж надад дандаа хэлдэг. Тэд маань л намайг ингэж дэмжсэний хvчээр би шаргуу хєдєлмєрлєж, амжилтад хvрч чадсан юм.

-Дуучин болсноосоо хойш єєрєєрєє хамгийн их бахархах сэтгэл тєрсєн vе хэзээ вэ?
-Ерєнхийлєгч Б.Обамад зориулан “At Last” дууг дуулсан минь. Америк орон анх удаа єнгєт арьст Ерєнхийлєгчтэй болсон тэр тvvхэн цаг мєчид тэр хvнд зориулан дуулсан минь хамгийн бахархалтай мєч байсан. Аав минь сургуульд явахдаа дандаа нэг хvнийг дагуулж явдаг байсан гэдэг. Учир нь, тэр сургуулийнхаа анхны хар арьст сурагчдын нэг байсан болохоор цагаан арьстнуудын элдэв халдлага дайралтад єртєх вий гэж эмээ, євєє минь байнга харж ханддаг байсан юм билээ. Харин ээж минь бага залуудаа автобусны урд талын сандал дээр ч суух эрхгvй тийм л цаг vед амьдарч байсан. Гэтэл бид єнєєдєр хар арьст Ерєнхийлєгчтэй боллоо шvv дээ. Ээж аав маань энэ сайхан цагийг vзлээ. Энэ гайхамшигтай тvvхэн vйл явдлын нэг хэсэг нь болоод, тэнд Ерєнхийлєгчийн баяр хєєрийг хуваалцаж байсандаа би хязгааргvй баярлаж билээ.

-Бидний хувьд ч тэр vйл явдлыг vзэж суухад vнэхээр сэтгэл хєдлєм байсан. Тэр vдшийн тухай эргээд дурсаач? Шинэхэн Ерєнхийлєгч, тэргvvн хатагтай хоёр єєрсдєє анхны бvжгийнхээ дууг танаар дуулуулахаар сонгосон шvv дээ. Хэр их сандарсан бэ?
-Тэр гэхийн аргагvй хvчтэй мэдрэмж тєрж байсан. Юм, юм бодогдож, сандарч мэгдэж байсан болохоор одоо юу гэж тодорхойлж хэлэхээ ч мэдэхгvй байна. Зєвхєн “бурхан минь, бурхан минь” гэж дотроо байн байн хэлж байснаа л санаж байна. Зєвхєн би ч биш. Ээжийн минь сэтгэл ч маш их хєдєлсєн. Бид тоглолтын дараа бие биеэ тэврээд л зєндєє уйлсан. Vнэхээр сайхан vдэш байсан.

-Тэгвэл Обама одоо Ерєнхийлєгчийн ажлаа хэр сайн хийж байна гэж та vнэлэх вэ?
-Маш сайн.Америкчууд тvvнд дахиад Ерєнхийлєгчєєр ажиллах боломж олгох хэрэгтэй.

-Тэгвэл тvvний сонгуулийн кампанит ажилд та оролцох уу?
-Мэдээж, тэгэлгvй яах вэ. Обамагийн зурагтай энгэрийн тэмдгээр ч гоёно.

-Vнэндээ манай эдийн засаг тийм ч сайнгvй байна. Та дуулахын хажуугаар амжилттай бизнес эрхэлдгийн хувьд яаж эдийн засгийн хvнд vеийг давж гарах тухай хvмvvст зєвлєгєє єгєєч?
-Шаргуухан ажиллаад бай л гэж хэлнэ. Зорилгоосоо битгий ухар. Манай гэр бvл vргэлж тэмцсээр ирсэн. Тийм ч болохоор гэр бvлийн маань бизнес амжилттай явдаг. Гэхдээ угаасаа ийм байгаагvй шvv дээ. Их хєдєлмєрлєсний хvчинд л энэ бvхнийг босгосон.

-Та одоо 29-тэй. Ирэх есдvгээр сард 30 хvрнэ.
-Тийм ээ.

-Нєгєє нэг 30 нас шvv дээ. Энэ насыг яаж хvлээж авах гэж байна?
-Vнэнийг хэлэхэд 30 насыг тэсч ядан хvлээж байна. Яагаад гэвэл, 29 чинь их хачин саармаг нас юм. Амьдралын ухаан аль хэдийнэ суугаад, яг л нас биед хvрчихээд байхад нєгєє л 20-иод насандаа байгаад л байдаг. Харин 30 бол vнэхээр тєгс нас. Энэ насанд хvн єєрийгєє хэн бэ гэдгийг таньж мэдээд, яаж амьдрах арга замаа аль хэдийнэ олсон байдаг. Гэсэн атлаа залуухан хэвээр. Vнэхээр сайхан нас.

-Та 30 насандаа хvvхэдтэй болно гэж ам гарсан байх аа?
-Тийм ээ. Би vргэлж тэгж хэлдэг байсан. Хэлсэндээ ч хvрэх болно.

-Тэгвэл ирэх жил танайх бяцхан хvнээр бvл нэмэх нь.
-Гэхдээ тvvнийг бурхан л мэднэ шvv дээ.

ardchilal