УИХ-д тулгах ял

Tweet

УИХ-д тулгах ял

2011-07-01

Би саяхан М.Саруул-Эрдэнийн хийсэн ГИТЛЕР ГАДААД ДАХЬ МОНГОЛЧУУДИЙН СОНГУУЛИЙН ЭРХИЙН ТАЛААР

нэртэй богино хэмжээний сатир бүтээлийг үзээд элгээ хѳштѳл инээлээ. Ажил ихтэй болохоор иймэрхүү зүйл бидэнд хоромхон ч гэсэн амралт л даа. Сайнбаяр түүнийг үзээд "бүтээл" гэсэн байна билээ. Том жижиг нь хамаагүй заримыг нь баясгаад заримыг нь бас уурлуулаад авсан болохоор цэгтээ хүрч, тэгэхээр нээрэн ч бүтээл гэж болох юм гэж бодогдлоо.
Бас дахиад л ард түмний сонгуулийг ард түмний оролцоогүй хийх гээд зүтгээд байгаа улс тѳрийнхнийг бодохоос дургүй хүрч олон нийтийн мэдээлэл, бодол санааг үндэслэн ерѳѳсѳѳ энэ ИХ-ыг ял тулган ард түмний шүүхэд ѳгөх нь зүйтэй юм гэж бодогдлоо. ИХ-ыг бүхэлд нь ТА гэж нэрлэлээ. Сонгогдох гишүүдэд зориулсны учир гэвэл энэ 4 ХУ-тай нэгэн байваас эртхэн нэрээ татсан нь дээр бизээ гэж бодсон юм.

УИХ-д ТУЛГАХ ЯЛ

Нийгэм хямралтай байна. Социал anger туйлдаа хүрлээ. Буржуадарангуйлал авилгал хахуулийн механизм хүчтэй үйлчилж ард түмний дунд тодорхой хэмжээний айдас бий болж байгаа нь эрхээ хамгаалан тэмцэх чадварыг үгүй хийсээр байна. Иргэдийн амьдрал туйлдаж халуун зунаар ноосоо чирсэн хатингар тэмээ лугаа адил болжээ. Монголд амьд явах баталгаа, сайхан амьдрах нѳхцѳл улам бүр хомсдож буй шалтгаанаар гадаадад ямарч хамаагүй аргаар олноороо дүрвэн гарах нь ердийн үзэгдэл болсоор удлаа. Монгол улс хаашаа явж байгааг хэн ч хэлж мэдэхгүй, эсвэл хэлж чадахгүй байна. Голланд, тарган гахай гэхчилэн орчин цагийн эдийн засгийн аюултай ѳвчинд нэрэвэгдэхгүй гэсэн баталгаа алга болжээ. Газар шороогоо худалдсан, түрээсэлсэн, ЦХ булшлахаар болсон гэсэн худал үнэн нь тодорхой биш шуугиан олон түмний сэтгэл санааг хордууллаа. Гадаадад байгаа гэдгээр 10 хүний нэгийн, НИНЖА гэдгээр тухайлахад л ГовьАлтай аймгийн 5 хүний нэгийн үндсэн хуулинд заалттай улс тѳрийн эрх хасагдсан. Хэлээд байвал их юм бий. Нийгмийн эмгэгийг эмчлэн засч чадахгүй байгаа гол буруутан нь ТА, гол шалтгаан нь эрхэм ТА ѳѳрийгѳѳ засч чадахгүй байгаад оршино гэж үзэж ТАныг ард түмний шүүхэд дуудан доорхи ялыг тулгаж байна. Үүнд:

1.ХУДЛАА ХЭЛСЭН ЁС СУРТХУУНЫ ХЭРЭГ
Үндэслэл: Олигархиудийн лоби шахалтанд автаж хахууль авснаар ард түмний ѳмнѳ удаа дараа худлаа хэлсэн. ЦХ талаар альхэдийн явагдаад тодорхой хэлцэлд хүрсэн хэргээ түмнээс нууж тийм юм байхгүй мэтээр мэлзсэн. Ард түмэндээ худлаа хэлсэн нь баригдаж дэлхийд удаа дараа булайгаа дэлгэсэн. ТАныг дууриагаад бүх хүн худлаа хэлдэг болсон. Монгол хүн үгэндээ суухаа больж үгийн үнэ цэнэ шалны алчуураас дор болсон. Ийнхүү монголчууд худалч нэр аван монгол хүний нэр хүнд шалбаагт унасан. Чингэсийн монгол ХУДАЛЧ МОНГОЛ болсон. Энэ бүхэнд хэн буруутай вэ! ТА!

2.ХУЛГАЙ, ЛУЙВАР ХИЙСЭН ЭДИЙН ЗАСАГ,ДЭЭРМИЙН ГЭМТ ХЭРЭГ
Үндэслэл: Тотилат систэмээс ардчилалд шилжих тѳвѳгтэй үеийн бучигнааныг чадмагаар далимдуулан ѳѳрсдийн талд ашиглан гадныхнаас их хэмжээний хахууль аван ѳвѳг дээдсээс бидэнд ѳвѳлж үлдээсэн газар шорооруу улангасан дайрч ороод гүний баялагтай нь хамт хулгайлан худалдсан. Түүнийгээ ЛИЦЕНЗ хэмээн баталгаажуулсан. Хүн толгойтой болгон гаднын тѳсѳл хѳѳцѳлдѳн оруулж хѳрѳнгийг нь ард түмэнд нялзаалгүй луйвардан ѳѳр хоорондоо хувааж залгисан. Түүнийгээ ТЕНДЭР хэмээн баталгаажуулсан. Улсын тѳсѳврүү ханцуй шамлан орж хомроглон хулгайлж тѳсѳвийн алдагдлыг бараг 10% хүргэж дэлхийн чихийг дээвэр болтол дэлдийлгэсэн. Үндэсний баялагийн үйлдвэрлэлийг санаатай зогсоож ард түмнээ хулгайчид, луйварчид, 5 хүний нэгийг НИНЖА болгосон. АВСАН БОЛ ОЛСОН, ѲГСѲН БОЛ ХАЯСАН гэсэн ёс суртхууны хувьд эрүүл бус, луйврийн хѳшүүргийг нийгмийн амьдралын хэв хэмжээ болгон тогтоосон. Монгол хүнд хандсан амьд итгэлийг нугасласан. Чингисийн монголыг ХУЛГАЙЧ ЛУЙВАРЧ МОНГОЛ болгосон. Энэ бүхэнд хэн буруутай вэ! ТА!

3.ХУУРАН МЭХЭЛСЭН ЗАЛИЛАНГИЙН ХЭРЭГ
Үндэслэл: Ѳнгѳрсѳн сонгуулийн үеэр хийсэн их булхайгаа далдлахын тулд 5 хүний амийг зориудаар бүрэлгэн ард иргэдийн анхаарлыг саармагжуулан холдуулж булхайгаа нууж ард түмнийг залилж улс тѳрийн залилан хийсэн. Хүн бүрд 2,5 сая тѳг ѳгч болохгүй гэдгийг анхнаасаа мэдэж байсан боловч залилан хийж ѳгнѳ гэсэн амлалт гарган ард түмнээ хуурсан. Уг нь ард түмний гар дээр хүн бүрт тийм их мѳнгийг шууд олгох нь мѳнгѳний бодлого алдагдан тусгаар тогтнолоо хүртэл алдаж болох аюултайг шилдгийн шилдэг ухаантай ТА бүү ярь захын боловсролгүй бацаан хүртэл мэднэ. Гэхдээ л ТА энэ хэргийг үйлдэн мѳнгѳ олгоно гэж удаа дараа амлан ард олныг мангууруулсан. Ажил хийхгүй ЭХ ОРНЫ ХИШИГ гээ л аваад уугаад байх нийгмийн залхуурлын заваан тогтолцоо, ёс суртахууны доройтлыг бий болгон Чингэсийн монголыг 76 мангуугаар удирдуулсан СОГТУУ МОНГОЛ болгосон. Энэ бүхэнд хэн буруутай вэ! ТА!

4.ХУУЛИЙГ ХАХУУЛЬ БОЛГОСОН ЭРҮҮГИЙН НОЦТОЙ ГЭМТ ХЭРЭГ
Үндэслэл: ТА хууль үйлдвэрлэх ажилтай, гаргасан хуулиа ѳѳрсдѳѳ зѳрчиж нийтэд үлгэр дууриал болж байна. Хахууль ТАны гаргасан хуулиас хүчтэй үйлчилж байна. ХУУЛЬ урд талд нь ХА нэмсэн тэнэг механизм ѳнѳѳгийн монголын амьдралын хэв хэмжээ болсон. ХА газар сайгүй, нийгмийн амьдралын ѳдѳр тутмын хэв заншил болон идэвхтэйгээр хэрэгжиож байна. Хуулийн оронд үндсэндээ хахууль үйлчилж байна. Эх хүн бүл нэмэхдээ хүртэл ХА хэрэглэж байна. Энэ ноцтой асуудал. Хүмүүс хууль гууль боллоо гэж зѳѳлрүүлэн ярьж байгаа боловч гууль болоод тогтсонгүй ХАХУУЛЬ болжээ. Тѳр нь авилгал хийгээд байгаа болохоор ард олон нь ХА хийх нь нормалка. Зарим хуулийн актыг ТА ѳѳртѳѳ ашигтай, ард түмний эрх ашгийн эсрэг хийж байна. Тэр толгойнуудтай холбоотой гэрээнүүдээ эргээд үз! Байгалийн толгойн алтанд согтож мансуурсан таны толгой ч ойлгохгүй л байхаа даа! Ард түмний эрх ашгаас урвана гэдэг бол ноцтой гэмт хэрэг, эх орноосоо урвасан гэж үзээд цаазын тавцанд ТАныг зогсоосон байхад би л хувьдаа лав гайхахгүй. Чингэсийн агуу монгол ХАХУУЛЬ МОНГОЛ боллоо. Энэ гэмт хэргийг хэн үйлдээд байнаа! ТА!

Танд тулгасан энэхүү ялыг ард түмэн шүүх болно. Нэгэнт ард түмний шүүхээр орохоор ял сонссон болохоор ТА сонгуульд нэрээ дэвшүүлэх эрх байхгүй, ард түмэнч сонгохгүй. Хэрэв ТАНЫГ нэрээ дэвшүүлбэл СОНГУУЛИЙН БОЙКОТ хийхийг ард түмэнд хандан уриалах болно.
Сонгуульд булхай хийгээд, мѳнгѳ тараагаад гарчихна хэмээн сэтгэцгээж байгаа бол гэнэн алдаа. Сонгогчидыг бүү басамжлахтүн! Урьдых шигээ бүү бодогтүн!

Сонгуульд оролцохыг мѳрѳѳдѳгч
И.Цэрэнхүү