Ц.Шинэбаяр нам байгуулж, Н.Энхбаяр ахиад л ганцаардах нь

2011-07-21

MAXH хэмээх шинэ коммунист намын дэд дарга Ц.Шинэбаяр наадмын өмнөхөн намын ажлаа өгөх мэдэгдэл гаргаж,

үүнийг улс төрийн хүрээнийхэн янз бүрээр тайлбарлаж байв. Хамгийн ойрын таамаг бол Н.Энхбаяр МАХН-ын даргынхаа ажлыг Ц.Шинэбаярт шилжүүлж, М.Энхсайханыг МАХН-ын дэд дарга болгох замаар үШН-ыг татан буулгаж, МАХН-тай нэгдүүлэх нь гэх. Н.Энхбаяр тэртэй тэргүй УИХ-д нэг суудлыг хуссэн ч эс хүссэн ч аваадирнэ.Тэгэхээр Н.Энхбаяр, Ц.Шинэбаярыг намын дарга болгочихоод өөрөө зааж зурж явах гэсэн хэрэг, зсвэл Ц.Шинэбаярыг жийж байхыг үгүйсгэхгүй гэх мэтээр янз бүрийн таамаг дэвшүүлж байсан.

Гэтэл энэ бүх таамгийн аль нь ч биш байжээ. Парламентад “сайн эр”-ээр гэнэт тодорсон Ц.Шинэбаяр өөрийн үзэл бодолтой гэдгээ харуулж, Н.Энхбаярт жийгдэх биш өөрөө түүнийг жийгээд нам байгуулахаар шийджээ. Олон тэгш ойн баярын уухай дундуур МАХН-ын нарийн бичгийн дарга нар Н.Энхбаяраас татгалзаж, өөрсдийн мөрийг хөөхөө мэдэгдсэн. Харин тун удалгүй тэд нам байгуулахаар шийдсэн гэдгийг баттай эх сурвалж дуулгасан. Харин “сайн эр” Ц.Шинэбаяр эдгээр залуусын ар талд байгаа нь тун ч сонирхол татаад зогсохгүй, бас чиг өөрийн гэсэн үзэл бодолдоо үнэнч юм гэдгээ харуулчихав бололтой. Анх МАХН нэрэн дор нэгдсэн утга учир нь уул уурхайг хариуцлагатай болгох, ард түмний мэдэлд шилжүүлэхээс эхлээд олигархи засаглалыг устгахыг зорьж байсан. Хамгийн гол утга учир нь Мон гол эх орондоо монгол хүн эзэн нь байх гэсэн шаардлагыг тавьж байсныг уншигч бүхэн мартаагүй байх.

Гэтэл Н.Энхбаяр нэрээ авсны маргааш багаа хуулж, өнөөх л зангаа тавилгүй олигархиудаа урьчихсан нь хэнд ч таалагдаагүй нь ойлгомжтой. Өнөөх “баас хатавч өмхийгөө тавихгүй” гэдэг л энэ дээ. Ингэхээр юу л гэж өнөөгийн парламент, засаглалын буруу явж байгааг шүүмжилж байсан хүн гэнэт буцаад нэгдье, нийлж сүйтгэе гээд очихов дээ. Ц.Шинэбаярт өөр сонголт байгаагүй нь мэдээж. Харин ойрын эх сурвалжийн хэлж байгаагаар бол Н.Энхбаяр МАХН хэмээх нэрийн дор МүШН, БНН-ыг нэгтгэхээр тохироо хийчихсэн гэдгийг дуулгав. Хамгийн гол нь намынхаа удирдлагуудын хэнд нь ч хэлэлгүй энэ мэт улс төрийн олон тохироог хийсэн гэнэ. Энэ талаар БНН-ын дарга Б .Жаргалсайханаас лавлахад “Би сайн сайхны төлөө хэнтэй ч нэгдэж болно. Ирэх сонгуульд өрсөлдөхөөр нь хараарай” хэмээсэн. үнэн шүү, цаадах чинь сонгуульд ялалт байгуулах нүх сүв байвал юугаар ч гүйчих нөхөр. Удаа дараа сонгуульд өвдөг шороодсон тэрбээр 2004 оны сонгуульд С.Оюунтай нэгдэн амжилт үзүүлсэн. Харин БНН-ын дарга маань 2008 оны сонгуульд С.Оюундаа жийгдсэн хонзон өдгөө ч цээжинд нь шатаж явааг хэвлэл мэдээллийн хуудаснаас харж болно. Тэгэхээр БЖаргалсайханы хувьд Н. Энхбаяртай нэгдэж сонгуульд оролцоно гэдгээ шууд бусаар хэлж орхив.

Харин энэ талаар М.Энхсайханаас тодруулах гэсэн ч чадсангүй. Мэдээж улс төрөөс арчигдсан хоёр нөхөр анхнаасаа ил далд дөрөө харшуулсан юм чинь асуухын хэрэггүй биз. Түүнчлэн өнөөгийн УИХ-д сууж байгаа нэр бүхий гишүүдээс Н.Энхбаярыг дагаад очих хүмүүс бий гэж удаа дараа шуугьсан. Магадгүй МАН тойргийн хуваарилалтаа буруу хийж, экс даргадаа хайртай нөхдийн тахилыг буруу өрчихвөл цаадуул чинь эцсийн сумаа Н.Энхбаяраар цэнэглүүлэх байх шүү.

Түүнчлэн Н.Энхбаяр Д.Энхбатын буурин дээр нь орхичихоод нүүлгэж чадахгүй байгаа Ногоон намыг өөртөө татах гэсэн оролдлогыг ил далд хийж байгаа ч тусыг эс олоод байна. Нэгдэж болох ч Ногоон намын Ерөнхий нарийн бичгийн дарга О.Бум-Ялагч ихээхэн “шавар хааж” байгааг дуулгасан. О.Бум-Ялагч ч өөрөө хэзээ ч Н.Энхбаяртай нэгдэхгүй гэдгээ мэдэгдсэн юм. Харин намын дарга Д.Басандоржийн хувьд УИХ-ын дугуй танхимд л орж байвал бурхан чөтгөр алинтай ч хамаагүй нэгдэнэ гэдгийг намынхан нь нөхөд хэлсэн. Тэгэхээр О.Бум-Ялагч гайгүй экологи болон монгол үндэстнээ гэж Н.Энхбаяр хэмээх боломжоос ухарсан МАХН-ын Ерөнхий нарийн бичгийн дарга аснууд болон Ц.Шинэбаяр руу хэлтийхийг үгүйсгэх аргагүй. Болохгүй ч юмгүй. Харин ажиглагчдын хардаж байгаагаар бол МАН-ын дарга асны даалгавраар Д.Энхбат гишүүн Ногоон намыг Иргэний зориг намтай нэгдүүлэхээр улайрч байгаа ч гэх. Учир нь төрийн эрх барьж буй МАН-ынхан экс дарга Н.Энхбаярт эсрэг орон зай үлдээхгүйн тулд ийм нэгдэл бий болгох гэсэн хэрэг хэмээсэн. Тийм ч байж болно. Юутай ч Н.Энхбаяр ахиад л ганцаардахын зовлонг эдлэх нь.

Өөрийнхөө найруулсан хоронд хордохын зовлонг туулж яваа Н.Энхбаярт одоо ХЗДХ-ийн сайд асан Л.Цог, ЭМ-ийн дэд сайд асан Н.Удвал нар гэсэн зүгээр л дарга байх сонирхолтой аснууд үлдсэн. үлдсэн ч гэж дээ, даргынхаа үнэн төрхийг бүрэн ойлгож маргааш шилээ харуулахыг хэн байг гэх вэ. Өнө мөнхөд олигархи дунд хутгалдаж, тэднийг манлайлж явах хусэлтэй МАХН-ын дарга “шунал ихдвэл шулам болох”-ын үлгэрээр их доошоо унасан. Их өндрөөс унасан хүн босдоггүй гэж үнэн бололтой. Улс төрд буцаж босох гэсэн анхны овоолго ийнхүү нуран уналаа. Намын даргын сүүлчийн ганц найдвар Ц.Шинэбаяр ийнхүү өөрийнхөө замналаар явахаа шийдсэн. Намын даргынхаа хуурамч багийг хуурч унасан тэр өдрөөс ийнхүү нүүр буруулж эхлэв. МАХН хэмээх багт ажиллаж байсан удирдах ажилтнууд бүгд нийлэн ийнхүү эх орон, элгән түмнийхээ төлөө дуу хоолойгоо нэлтэхээр шийдсэн. Зөвхөн сэтэр зүүсэн энэ хэд ч биш МАХН-д харъяалагдаж байсан олон хүн түүнээс нүүр буруулах нь дамжиггүй болжээ.

С.Баяр

Эх сурвалж: “Монголын мэдээ ” сонин

Ц.Шинэбаяр нам байгуулж, Н.Энхбаяр ахиад л ганцаардах нь
Tweet
Bolod.mn

Сэтгэгдэл (3)

Уншигчдын оруулсан сэтгэгдлийн талаар манай сайт хариуцлага хvлээхгvй болохыг анхаарна уу.
Үгийн санд шүүлтүүр хийсэн болно

Зочин
Энхбаяраас саласанд нь баяр хүргэе.Энхбаярын хажууд чөтгөрч удаан тогтохгүй, улсыг удирдаж чадахгүй Цолмондоо төрийн жолоог атгуулаж Монголчуудыг гуйлагчин болгосон ийм хүн дахин гарч улс удирдах гээд байхаасаа ичдэггүй юм байхдаа . яасанч гэсэн Энхбаяр эрүүл хүн биш. Сталин сэтгэл мэдрэлийн өөрчлөлттэй байсан гэсэн. Энхбаяр яг тийм ёо ёотой хүн байна. яавч эрүүл биш. тэрний энэ ёо ёог нь бусад нь мэдээд тэгээд шууд холдсон байна шүүдээ.Ийм хүнд дахин төрийн жолоог хэзээч өгч болохгүй шүү Монголчуудаа.

2011-07-21 | 20:10:08 | 93.219.189.6 |

Зочин
Энхбаяраас саласанд нь баяр хүргэе.Энхбаярын хажууд чөтгөрч удаан тогтохгүй, улсыг удирдаж чадахгүй Цолмондоо төрийн жолоог атгуулаж Монголчуудыг гуйлагчин болгосон ийм хүн дахин гарч улс удирдах гээд байхаасаа ичдэггүй юм байхдаа . яасанч гэсэн Энхбаяр эрүүл хүн биш. Сталин сэтгэл мэдрэлийн өөрчлөлттэй байсан гэсэн. Энхбаяр яг тийм ёо ёотой хүн байна. яавч эрүүл биш. тэрний энэ ёо ёог нь бусад нь мэдээд тэгээд ьшууд холдсон байна шүүдээ.эИйм хүнд дахин төрийн жолоог хэзээч өгч болохгүй шүү Монголчуудаа.

2011-07-21 | 20:09:22 | 93.219.189.6 |

Зочин
санаа буу зов. Энхбаяр хэзээч ганзаардахгуй. Энэ С.Баярийн нэр бариж бичсэн сэтгүүлч гэнэн бна да хэ хэ.....

2011-07-21 | 10:17:57 | 99.117.49.159 |

Мэдээ
Гадаад мэдээ
Видео

Архив ангилал

Ц.Шинэбаяр нам байгуулж, Н.Энхбаяр ахиад л ганцаардах нь

Сэтгэгдэл (3)