сайхны кино, “Хориотой жvжиг”-т тоглосноор нь болон “С1 телевизийн “Өдөн дэр”-ийн хөтлөгч гэдгээр нь андахгvй биз ээ. Жvжигчин Б.Хулантай цөөн хором ярилцлаа.
-Таныг 14 настайдаа фото мисс болж байсныг олон хvн мэднэ. Тэр vеэс хойш олны хараанаас хэсэг хугацаанд хол байсны шалтгаан юу байв?
-Тэр vед би дунд сургуулийн сурагч байсан .Мэдээж тэр vед ямар нэгэн карьер хөөхөөс илvv сургуулиа амжилттай төгсөх, хичээл номондоо шамдах нь хамгийн чухал асуудал байсан. Харин дараа нь СУИС-д суралцаж төгсөөд, одоо мэргэжлээрээ ажиллаж байна.
-Сайхан төрөх заяаных, сайн явах санааных гэдэг энэ vгтэй санал нийлдэг vv?
-Санал нийлдэг. Мэдээж хvн сайн сайхан юм бодож, мөрөөдөж байж бvх зvйл сайхан болно. Тэгэхээр бурхнаас заяасан сайн сайхан зан чанар бvхнээ улам бvр өнгөлж, vргэлж сайхан, сайн зvйл рvv тэмvvлж байх хэрэгтэй болов уу.
-Хvсэл мөрөөдөл хийж бvтээх ажил их бий байх. Хамгийн тvрvvнд ямар ажлыг амжуулмаар байна вэ?
-Залуу хvний хувьд хийж бvтээе гэж боддог ажил их байлгvй яахав. Одоохондоо уран бvтээлдээ илvv их анхаарлаа хандуулан ажиллаж байгаа. Уран бvтээлийн мөрөөдөл гэхэд л зөндөө бий. Эхнээс нь бага багаар хийж, амжуулах гэж, алсын том зорилго мөрөөдөлдөө хvрэхийн тулд алхам алхамаар урагшилж л байна. Нас ахиж, намба суусан vедээ бахархаж суух олон сайн vйлсийг эх орныхоо төлөө хийх юмсан гэж сэтгэлдээ бодож явдаг.
-Жvжигчний мэргэжил сонгох болсон шалтгаан юу вэ. Багын чинь мөрөөдөл байсан уу?
-Яг багаасаа мөрөөдөж байсан гэвэл худлаа болно л доо. Хvн ер нь мэргэжлээ сонгохдоо олон зvйл сонирхож, олон сонголт дундаас өөртөө тохирсон тэр л мэргэжлээ олж авдаг болов уу. Би ч бас vvний адил долдугаар ангиасаа эхлэн урлагийн тэмцээн уралдаанд орох болсон. Тэр цаг vеэсээ л урлагийн сайханд татагдсан даа. Урлагийн гайхамшигтай ертөнцөөс хэзээ ч салах аргагvй мэт санагдаж, жvжигчин гэсэн энэ мэргэжлээ сонгосон юм.
-Хошин урлагийг яагаад сонгох болсон бэ. Драмын төрөл өөрт чинь тохирох байсан юм биш vv?
-Ер нь жvжигчин хvн заавал энэ тэр гэж туйлшраад байх нь утгагvй. Би жvжигчин, уран бvтээлч хvний хувьд олон төрөл жанраар тоглохыг хvсдэг. Хvний ажлын гараа нь хаанаас, юунаас ч эхэлж болно. Миний хувьд урлаг, уран бvтээлийн гарааны эхлэл нь манай хамтлаг. Сургуулиа төгсөөд л энэ хамтлагтаа орсон. Одоо хvртэл ажиллаж байна. Дөрвөн жилийг ардаа орхижээ. Би их баяртай байдаг. Сургуулиа дөнгөж төгсөөд ийм гайхамшигтай уран бvтээлчдийн багт орж, тэднээрээ жинхэнэ жvжигчин болох сургуулийг заалгаж байгаадаа vнэхээр баяртай байдаг. Миний гараа ийм сайн байгаа учир магадгvй би цаашид зөвхөн хошин урлаг гэлтгvй, драм, сонгодог гээд илvv олон төрөл жанраар өөрийгөө нээхэд илvv дөхөм байж чадах байх. “Х-ТVЦ” хамтлагт орсноор их зvйлийг сурч мэдэж авч байгаа. Би залуу, хийх зvйлс их бий. Тэгэхээр намайг зөвхөн хошин урлагийн хvн гэж ойлгох нь өрөөсгөл шvv гэж хэлмээр байна.
-Ихэнх хvн хошин урлагийнхныг vргзлжийн баяр хөөртэй, жаргалтай явдаг гэж ойлгодог. Бодит амьдрал дээр ямар байдаг вэ?
-Энэ бол бидний мэргэжил. Гэхдээ хvмvvс ихэнх тохиолдолд амар хялбар мэтээр ойлгодог байх. Бид ард тvмэндээ энэ урлагаараа дамжуулж инээд, аз жаргал ухаарал гээд нийгмийн бvхий л талын зvйлийг харуулахыг л зорьдог. Ажлын бус цагаар бол бусад хvний л адил ш дээ. Бидний ажлын онцлог учир хvмvvс ихэвчлэн тэгж ойлгодог шиг байгаа юм. Хошин урлагийн жvжигчид уйлах vедээ уйлж, уурлах vедээ адилхан уурлана. Гэхдээ яахав инээд хөөр, уран бvтээлийн сайхантай илvv ойр байдаг учир зарим нэгэн мэргэжлийн хvмvvсийг бодвол илvv жаргалтай байж чаддаг гэж ойлгож болох юм. Нэлээд хэдэн кинонд тоглосон.
-Кинонд тоглохдоо юунд илvv анхаардаг вэ?
-Хамгийн тvрvvнд зохиолоо харна. Тэгээд өөрт оногдсон дvрээ сайн гаргаж өгөх нь чухал шvv дээ. Ер нь жvжигчин хvнд санал ирнэ гэдэг хамгийн том завшаан гэж ойлгодог. Гэхдээ бас ирсэн санал болгонд гvйгээд очно гэж байхгvй л дээ. Нэгэнт тоглохоор шийдсэн бол тухайн дvр, киногоо сайн болгохын төлөө чадах бvхнээ зориулна.
-Хошин урлагт тоглох, кинонд тоглохоос юугаараа ялгаатай вэ?
-Ялгаа байлгvй яахав. Хошин урлагийн тоглолтууд тайзан дээр, vзэгчидтэйгээ шууд харилцах боломжтойгоороо онцлог. Vvнд жvжигчин хvний ур чадвар шууд харагддаг. Vзэгчдийн өмнө ямар нэгэн алдаа гаргах эрхгvй. байна л гэсэн vг. Харин кино бол өөр. Энгийнээр хэлэхэд тайзан дээрх тоглолтыг бодоход олон дахин давтан зураг авах боломжтой, алдаа гаргасан ч засах боломж бий. Зарим vед дэлгэцэнд гарсан хойно нь тэгээд тоглоод авахуулчихсан бол зvгээр байж дээ гэж харагдах зvйл гардаг. Харин алдаа кинонд тэр чигтээ хадгалагдана. Гэхдээ хоёулаа жvжигчнээс их ур чадвар, хариуцлага, хvч хөдөлмөр зарцуулахыг шаарддаг.
-”Сексийн эрх чөлөө” кинонд тоглоход мэдээж хvндрэл бэрхшээл байсан л байх даа?
-Мэдээж хvндрэл байлгvй яахав. Анх удаа эротик төрөл жанрын кинонд тоглосон. Ичих, санаа зовох зvйл их тохиолдсон. Кинонд эротик зураг авахуулна гэдэг жvжигчин хvнээс, тэр тусмаа эмэгтэй хvнээс их зориг шаарддаг юм билээ. Мөн киноны зураг авалтын vеэр гэр орон, ажил, бас телевизийн нэвтрvvлэг гээд бvгд давхцаад хvндрэл гарч байлаа. Энэ бvхнийг зохицуулах гэдэг хэцvv байсныг нуухгvй ээ.
-Та өөрийнхөө мэргэжлийн чухам юугаар нь бахархдаг вэ?
-Мэргэжил бvхэн сайхан гэдэг. Хvн бvр л өөрийн мэргэжлээрээ бахархдаг шvv дээ. Мэдээж бусдаас илvv хийж байгаа ажлынхаа сайхныг илvvтэй мэдэрдэг болохоор тэр байх. Жvжигчин хvн олон дvрд хувирч, олон ертөнцийг дvрээрээ дамжуулан бvтээдэг нь vнэхээр сайхан. Эмч, нарийн бичиг, слесарь, багш, тогооч нар бусад мэргэжлийн сайханыг мэдрэх боломжгvй. Харин жvжигчин хvнд тэр боломж байдаг нь сайхан. Мөн уран бvтээлээрээ дамжуулан хvнийг, нийгмийг сайн сайхан руу хөтөлж явдгаараа vнэхээр сайхан мэргэжил шvv.
-Телевизийн урлагт тэр тусмаа залуусын сексийн боловсролд зориулсан нэвтрvvлэг хөтлөх болсон учир юу вэ?
-Анх “Өдөн дэр” нэвтрvvлгийнхэн олны танил эмэгтэйчvvдээр vзэгчдийн саналын дагуу долоо хоногоор ээлжлэн хөтлvvлж байсан юм билээ. Тэгээд надаар хөтлvvлэх санал тавихад нь би эхлээд их эргэлзсэн л дээ. Яах вэ гэж нэлээд бодсон. Тэгээд гэрийнхэнтэйгээ ярилцаж, хөтлөөд vзье гэж шийдээд долоо хоног хөтөлсөн юм. Шууд нэвтрvvлэг, тэгээд насанд хvрэгчдийн vдшийн нэвтрvvлэг хөтлөнө гэдэг амаргvй байсан шvv. Тэгсэн чинь долоо хоногоор ээлжлэн хөтөлж байсан хөтлөгч нарын нэг хvнийг нь тус нэвтрvvлгийн хөтлөгчөөр vлдээх тухай санал асуулгыг vзэгчдийн дунд явуулсан юм байна. Гэтэл би хамгийн их санал авчээ. Ингээд л цаашид манай нэвтрvvлгийг хөтлөөч гэсэн. Надад саналаа өгсөн, дэмжигч vзэгчдийнхээ итгэлийг даахгvй бол болохгvй гээд хөтлөгчөөр vлдсэн. Залуу уран бvтээлч хvний хувьд телевизийн урлагаас суралцаж, өөрийгөө бас шинээр нээж, хөгжvvлэх боломж гэж бодож байгаа. Энэ нэвтрvvлэг залууст болон гэр бvлд, хосуудад тун хэрэгтэй гэж боддог. Амьдралын харилцаанд хамгийн чухал боловч тийм ч нээлттэй байдаггvй сэдвээр ярилцах, мэдээлэл олж авах боломж байна гэдэг чухал байх. Бусад телевизээс урьтаж, ийм зоригтой алхам хийн, одоо хvртэл нэвтрvvлгээ амжилттай явуулж байгаад нь “С1″-ийхэнд баяр хvргэмээр байна.
-”Өдөн дэр” нэвтрvvлгийн vзэгч залуус өөрт тань танилцья гэсэн санал тавьдаг уу?
-Ховор шvv. Яахав “Өдөн дэр” нэвтрvvлгийг хөтөлснөөс хойш зарим хvмvvсийн хандлага өөрчлөгдсөн л дөө. Гэхдээ л дахиад хэлэхэд жvжигчин, хөтлөгч гээд олны нvдэнд ил ажилладаг хvмvvсийн хувьд тантай л адил мэргэжлийн ажлаа хийж байгаа хvн шvv дээ. Хувь хvн нь тийм, ийм гэж, хийж байгаа нэвтрvvлэг, уран бvтээлээр нь шууд тусган авах нь өрөөсгөл ойлголт шvv. Би энэ нэвтрvvлгийг хөтлөх хугацаандаа өөрийнхөөрөө байдаг. Хулангийн гэсэн өөр өнгө төрхийг энэ нэвтрvvлэгтээ шингээе, vзэгчдэд таалагдах сайн нэвтрvvлэг хийх юмсан гэж хэрэндээ л хичээж явна даа.

Н.Отгонбаатар

Нийгмийн толь

Б.Хулан : “Өдөн дэр”-ийг хөтөлсөнөөс хойш хvмvvсийн хандлага өөрчлөгдсөн
Tweet
Bolod.mn